AA THLENG LO MI
“Jesuh Khrih cu nizan le nihin le zungzal in amah ning asi ko.” Hebru 13:8
An nu nih cun aa thawh I, “Kan cungkhar sining hi remh zong ka zuam ti lo. Kan I thitumnak cu a dih cang,” tiah ati. Nungak tlanval lio ah duhdawtnak fak taktak le ruahchannak phunphun he hmunkhat te ah khua a rak khang ti mi le, bia thatha cat loin a rak I ruah tawnmi nu le va hna cu an donghnak caan a hung phan. Dawtnak he thil phunphun an rak khan tinak vial te cu nunnak thaw an ngei ti lo. An pa nih cun a cat cuahmah mi an I pehtlaihnak le an I dawtnak cu remh than I sersiam than a duh nain, an nu nih cun kan pa hnih in kan khuaruah aa thlen cang caah kan I thitumhnak hi a donghnak si cang ko seh tiah fiang tein a leh caah sersiam khawh ding mi a si ti lo I vawlei ah aa daw bik mi nuva hna cu thennak caan an hung phan!
Ngaihchia ngai asi mi cu, minung hna kan I dawtnak le pehtlaihnak cu cawlcaang in chikkhat te ah a rawk than I caan sau a nguh tawn lo. Cu lio ah cathiang nih fiang tein a kan chimhmi cu, “Jesuh Khrih cu nizan le nihin le zungzal in amah ning a si ko,” ati. (Hebru 13:8) Mah nak ngan deuh in cathiang nih kan ca I Bawipa a thatnak aa thlen bal lo zia kha fiang chinchin in akan chim rih; “Zeicahtiah, Pathian nih kan kal tak hna lai lo I kan hlaw bal fawn hna lai lo,” ati. (Hebru 13:5) “Thawng u law, nan ral tha ko u, tih hlah u, an hmaiah therphang hlah u; zeicahtiah nanmah he a kal mi cu Bawipa nan Pathian asi; an deuh hna lai lo I an hlaw fawn hna lai lo,” (Deuteronomy 31:6) A hme 8 ah a peh rih mi cu, “Na hmai ah a kal mi cu Bawipa asi; na sinah a um lai I an deuh lai lo I an hlaw fawn lai lo; tih hlah, na lung zong dong hlah,” tiah a ti. Bawipa hi zungzal in kan hmai ah a kal tu le a kan deuh lai lo mi Pathian asi.
Kan nunnak ah Thlennak a hung um tik ah, Fahnak a chuak tawn. Kan I ziak tawn lo. Sihmanhsehlaw, Bawipa cu aa Thleng bal lo. Minung le minung kan I pehtlaihnak cu chuk ah a zuan lio zongah, Bawipa cu kan sin ah a um thiamthiam. Minung kan harnak lak I zumhtlak tein khua a sa mi Bawipa umpinak nih ruahchannak le daihnak kha, kan nunnak ah chimpit vansang in kan um lio caan ah, a kan pek tawn.Thinphannak le tihphannak chungah kutke zeng in khuasak si loin, lungretheih teinak biatak tu kha kan I tlaih khawh. Akan deuh lai lo tu Pathian kan ngei. David siangpahrang pa nih, “Bawipa cu ka sinah a um caah zeihmanh ka tih lo: minung nih cun ka cungah zeidah an tuah khawh lai? (Salm 118:6) a ti bang, kan nunnak ah hlawtmi kan si, kan dawtmi vialte nih an kan kaltak I kan duh bik mi kan nupi le nih an kan zam tak I kan chungchuak fa le hna nih an kan zam tak tiang hmanh ah dong lo in a kan umpi tu cu Pathian, a kan daw I a kan deuh lai lo tu, kan ton mi vialte hmai ah a rak kal chung cia cang mi Bawipa asi.
Na nunnak ah chungkhar buaibai in lungretheih na tuar maw? Na dawtmi hawikom hna nih an in kaltak maw? Ningzahnak thil tampi he minih hlawt mi na si maw? Ruattthan hmanh! Jesuh Khrih na dawt ruang le amah lawmhter duh ruangah na nunnak ah Thlennak a tlun I na tuar ahcun, Khrih ningzahnak naa hrawm asi caah hmaihngal pi tlak asi (Hebru 13:13) lawng si lo in na nunnak biakhiahnak le na nunnak lamtluan kha, Aa thial bal lomi, aa thleng ballo mi, na pawngah a um zungzal mi Pathian sinah na va peh asi.
Na ton cuahmah mi sining cu na thangthat in na cohlan khawh lo mi asi ko men lai. Sihmanhsehlaw, na lu kha cawi, Khrih thawng in lunglawmhnak le thangthatnak raithawinak kha cat lo tein pechan tuah. Zeicahtiah Aa thleng bal lo mi a lam hi thangthat tlak a si. (Tom Felten)
Jesuh cu nizan, nihin le zungzal aa thleng ballomi, aa khat zungzal mi Pathian asi. (Hebru 13:8) "Hlanpi ah vawlei cu na rak ser cang, Nangmah nih na kut hrimhrim in van khi na ser hna. Van le vawlei cu an lo dih lai, sihmanhsehlaw nang cu na hmun lai; annih cu puan bangin an tet lai. Puan bangin na thlen hna lai I an lo lai. Sihmanhsehlaw nang cu zungzal in nangmah bon na si ko I na nunnak a dong lo. (Salm 102:25-27
Zathawngcin
Lewisville
June 6, 2014
“Jesuh Khrih cu nizan le nihin le zungzal in amah ning asi ko.” Hebru 13:8
An nu nih cun aa thawh I, “Kan cungkhar sining hi remh zong ka zuam ti lo. Kan I thitumnak cu a dih cang,” tiah ati. Nungak tlanval lio ah duhdawtnak fak taktak le ruahchannak phunphun he hmunkhat te ah khua a rak khang ti mi le, bia thatha cat loin a rak I ruah tawnmi nu le va hna cu an donghnak caan a hung phan. Dawtnak he thil phunphun an rak khan tinak vial te cu nunnak thaw an ngei ti lo. An pa nih cun a cat cuahmah mi an I pehtlaihnak le an I dawtnak cu remh than I sersiam than a duh nain, an nu nih cun kan pa hnih in kan khuaruah aa thlen cang caah kan I thitumhnak hi a donghnak si cang ko seh tiah fiang tein a leh caah sersiam khawh ding mi a si ti lo I vawlei ah aa daw bik mi nuva hna cu thennak caan an hung phan!
Ngaihchia ngai asi mi cu, minung hna kan I dawtnak le pehtlaihnak cu cawlcaang in chikkhat te ah a rawk than I caan sau a nguh tawn lo. Cu lio ah cathiang nih fiang tein a kan chimhmi cu, “Jesuh Khrih cu nizan le nihin le zungzal in amah ning a si ko,” ati. (Hebru 13:8) Mah nak ngan deuh in cathiang nih kan ca I Bawipa a thatnak aa thlen bal lo zia kha fiang chinchin in akan chim rih; “Zeicahtiah, Pathian nih kan kal tak hna lai lo I kan hlaw bal fawn hna lai lo,” ati. (Hebru 13:5) “Thawng u law, nan ral tha ko u, tih hlah u, an hmaiah therphang hlah u; zeicahtiah nanmah he a kal mi cu Bawipa nan Pathian asi; an deuh hna lai lo I an hlaw fawn hna lai lo,” (Deuteronomy 31:6) A hme 8 ah a peh rih mi cu, “Na hmai ah a kal mi cu Bawipa asi; na sinah a um lai I an deuh lai lo I an hlaw fawn lai lo; tih hlah, na lung zong dong hlah,” tiah a ti. Bawipa hi zungzal in kan hmai ah a kal tu le a kan deuh lai lo mi Pathian asi.
Kan nunnak ah Thlennak a hung um tik ah, Fahnak a chuak tawn. Kan I ziak tawn lo. Sihmanhsehlaw, Bawipa cu aa Thleng bal lo. Minung le minung kan I pehtlaihnak cu chuk ah a zuan lio zongah, Bawipa cu kan sin ah a um thiamthiam. Minung kan harnak lak I zumhtlak tein khua a sa mi Bawipa umpinak nih ruahchannak le daihnak kha, kan nunnak ah chimpit vansang in kan um lio caan ah, a kan pek tawn.Thinphannak le tihphannak chungah kutke zeng in khuasak si loin, lungretheih teinak biatak tu kha kan I tlaih khawh. Akan deuh lai lo tu Pathian kan ngei. David siangpahrang pa nih, “Bawipa cu ka sinah a um caah zeihmanh ka tih lo: minung nih cun ka cungah zeidah an tuah khawh lai? (Salm 118:6) a ti bang, kan nunnak ah hlawtmi kan si, kan dawtmi vialte nih an kan kaltak I kan duh bik mi kan nupi le nih an kan zam tak I kan chungchuak fa le hna nih an kan zam tak tiang hmanh ah dong lo in a kan umpi tu cu Pathian, a kan daw I a kan deuh lai lo tu, kan ton mi vialte hmai ah a rak kal chung cia cang mi Bawipa asi.
Na nunnak ah chungkhar buaibai in lungretheih na tuar maw? Na dawtmi hawikom hna nih an in kaltak maw? Ningzahnak thil tampi he minih hlawt mi na si maw? Ruattthan hmanh! Jesuh Khrih na dawt ruang le amah lawmhter duh ruangah na nunnak ah Thlennak a tlun I na tuar ahcun, Khrih ningzahnak naa hrawm asi caah hmaihngal pi tlak asi (Hebru 13:13) lawng si lo in na nunnak biakhiahnak le na nunnak lamtluan kha, Aa thial bal lomi, aa thleng ballo mi, na pawngah a um zungzal mi Pathian sinah na va peh asi.
Na ton cuahmah mi sining cu na thangthat in na cohlan khawh lo mi asi ko men lai. Sihmanhsehlaw, na lu kha cawi, Khrih thawng in lunglawmhnak le thangthatnak raithawinak kha cat lo tein pechan tuah. Zeicahtiah Aa thleng bal lo mi a lam hi thangthat tlak a si. (Tom Felten)
Jesuh cu nizan, nihin le zungzal aa thleng ballomi, aa khat zungzal mi Pathian asi. (Hebru 13:8) "Hlanpi ah vawlei cu na rak ser cang, Nangmah nih na kut hrimhrim in van khi na ser hna. Van le vawlei cu an lo dih lai, sihmanhsehlaw nang cu na hmun lai; annih cu puan bangin an tet lai. Puan bangin na thlen hna lai I an lo lai. Sihmanhsehlaw nang cu zungzal in nangmah bon na si ko I na nunnak a dong lo. (Salm 102:25-27
Zathawngcin
Lewisville
June 6, 2014
