Pathian Meiceu- Nangmah Ai Rawlhtu
Asinain zawtnak a inmi cu kanmah nih kan rak in hngami kha a si i nganfahnak a tuarmi cu kanmah nih kan rak tuar hngami kha a si. Temhnak a inmi cu, Pathian nih a cungah dantatnak a tluntermi a si, tiin kan rak ruah zungzal. Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu. Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.
Isaiah 53:4-6
Jesuh hi pa ralttha (martyr) bantuk in a thi mi a si lo i bawmtu ngei loin harnak a tongmi pa zong asi lo. Achimmi cu, "Ka nunnak cu aho nih an ka chuh a si lo, keimah lungtho tein pek ka sianmi a si ko. John 10:17-18" Vailamtah hi Jesuh caah ruah lo piin a cangmi le a hnu ah vailam cung thihnak tuar ding in a ruah chommi siloin, hi vawlei ser a rak si hlan hrimhrim in Pathian thinlung chungah a rak um cangmi le kan caah a rak timh cia cangmi a rak si. Jesuh cu Vailam thladem chungah hrin a si.
Tipil petu Johan nih, "Zohhmanh u, Pathian Tuufa, vawlei sualnak a kalpitu khi," (John 1:29) tiah Jesuh a hmuh in a rak thanh cang. Pathian tuufa, Jesuh hi, Moriah tlang cung ah Lanhtak puai tuahnak i raithawinak sa an thah ni bak teah vailam ah thah asi ve. Hi lungtlang hi Pathian nih Abraham sinah, Raithawinak tuufa bantuk in kan caah thah asi te lai nak a rak chim chungnak hmun asi. Jesuh nih, " Nan pu Abraham nih khan kan i hmuh lai kha a rak i ngaih ngaingai, a hmuh taktak i a rak i lawm,” tiah a leh hna. John 8:56" Phundang in chim ahcun, Abraham nih ka nii-caan a hmuh tikah aa lawm tiah hlan tein minung sinah thah a si te lai nak kong a rak chimchungnak hmun a si.
Moriah Thlang cungah ah raithawinak a tuah tawnmi Tlangbawi hna sinah, Jesuh thihnak nih a chimmi cu, "Sualthlahnak caah nan tuah tawnmi raithawinak hi a dih cang a herh ti lo. Nan nam kha chia cang hna u. Tuufa thah len kan herh ti lo, raithawinak tuah len zong a herh ti lo. Sual thlah kho tu tuufa taktak cu kan caah a thi cang i, tlinglak in kan sualman a kan pekpiak cang," ti kha a si.
Kan sualnak luatnak caah kanmah tein zeihmanh tuah hau ti lo ding in kan caah zalak in sualman a kan pekpiak i kan caah a thimi Khrih thihnak kong kha na nun nih a tongh ve i a co ve khawh nakhnga, Dai tein, caan la law ruat: Nangmah khamhnak caah Jesuh nih a nunnak a peknak kha fak piin thlacamnak he ruat tthan ve. Matthai a ngan 26 le 27 kha relchih tthan in na sualnak caah a pekmi Nunnak man ruangah Amah, Jesuh sin le Pathian sinah lawmhnak bia chim. Na nunnak ah Jesuh nih a thih hnawhchan mi sual ngaithiamnak le khamhnak tlamtling cu na co lai i lawmhnak tlamtling na hmu lai.
Jesuh kan caah a thih cu ruah lo piin harnak a ton ruangah a thih siloin in Pathian nih kan mah ca hrimhrim ah a rak timhpiak mi lam a si i, cu vailamtah lam cu nawlngaihnak in fek tein a zulhmi a si. Nangmah le keimah khamhnak caah nunnak a petu Jesuh hi zaamtak lo in fuh hi kan caah a sunglawi bik mi asi.
Zathawngcin
March 29, 2013
Chin Christian Church
Indy
Isaiah 53:4-6
Jesuh hi pa ralttha (martyr) bantuk in a thi mi a si lo i bawmtu ngei loin harnak a tongmi pa zong asi lo. Achimmi cu, "Ka nunnak cu aho nih an ka chuh a si lo, keimah lungtho tein pek ka sianmi a si ko. John 10:17-18" Vailamtah hi Jesuh caah ruah lo piin a cangmi le a hnu ah vailam cung thihnak tuar ding in a ruah chommi siloin, hi vawlei ser a rak si hlan hrimhrim in Pathian thinlung chungah a rak um cangmi le kan caah a rak timh cia cangmi a rak si. Jesuh cu Vailam thladem chungah hrin a si.
Tipil petu Johan nih, "Zohhmanh u, Pathian Tuufa, vawlei sualnak a kalpitu khi," (John 1:29) tiah Jesuh a hmuh in a rak thanh cang. Pathian tuufa, Jesuh hi, Moriah tlang cung ah Lanhtak puai tuahnak i raithawinak sa an thah ni bak teah vailam ah thah asi ve. Hi lungtlang hi Pathian nih Abraham sinah, Raithawinak tuufa bantuk in kan caah thah asi te lai nak a rak chim chungnak hmun asi. Jesuh nih, " Nan pu Abraham nih khan kan i hmuh lai kha a rak i ngaih ngaingai, a hmuh taktak i a rak i lawm,” tiah a leh hna. John 8:56" Phundang in chim ahcun, Abraham nih ka nii-caan a hmuh tikah aa lawm tiah hlan tein minung sinah thah a si te lai nak kong a rak chimchungnak hmun a si.
Moriah Thlang cungah ah raithawinak a tuah tawnmi Tlangbawi hna sinah, Jesuh thihnak nih a chimmi cu, "Sualthlahnak caah nan tuah tawnmi raithawinak hi a dih cang a herh ti lo. Nan nam kha chia cang hna u. Tuufa thah len kan herh ti lo, raithawinak tuah len zong a herh ti lo. Sual thlah kho tu tuufa taktak cu kan caah a thi cang i, tlinglak in kan sualman a kan pekpiak cang," ti kha a si.
Kan sualnak luatnak caah kanmah tein zeihmanh tuah hau ti lo ding in kan caah zalak in sualman a kan pekpiak i kan caah a thimi Khrih thihnak kong kha na nun nih a tongh ve i a co ve khawh nakhnga, Dai tein, caan la law ruat: Nangmah khamhnak caah Jesuh nih a nunnak a peknak kha fak piin thlacamnak he ruat tthan ve. Matthai a ngan 26 le 27 kha relchih tthan in na sualnak caah a pekmi Nunnak man ruangah Amah, Jesuh sin le Pathian sinah lawmhnak bia chim. Na nunnak ah Jesuh nih a thih hnawhchan mi sual ngaithiamnak le khamhnak tlamtling cu na co lai i lawmhnak tlamtling na hmu lai.
Jesuh kan caah a thih cu ruah lo piin harnak a ton ruangah a thih siloin in Pathian nih kan mah ca hrimhrim ah a rak timhpiak mi lam a si i, cu vailamtah lam cu nawlngaihnak in fek tein a zulhmi a si. Nangmah le keimah khamhnak caah nunnak a petu Jesuh hi zaamtak lo in fuh hi kan caah a sunglawi bik mi asi.
Zathawngcin
March 29, 2013
Chin Christian Church
Indy
