PATHIAN BIA CAWNNING LAM HMUHSAKNAK KUT
Navigator nih zultu sernak hriam ah Bible cawnning phunnga kha chingchiah fawinak ding caah KUT thei in fianhnak an tuah. Pathian bia a takin kan nunnak ah sullam a ngeihnak ding caah cawnning phungnga tiah min an sak.
1.THEIHNAK (Hearing)
Pathian Bia theihnak cu thlarau lei hruaitu Pastor le cawnpiaktu hna kaa in Bible biathup chimmi bia kan ngaihmi khi asi. Kutdong lakah a der bikmi Ngate/Hngehte (the pinkie) nih PATHIAN BIA THEIHNAK hi kan nun ah zeitluk indah a thathnemnak kha a kan hngalhter. A ruang cu Theihnak in minung nih kan cawn khawhning hi a der bikmi asi. Kan theihmi vialte chungin zakhat ah panga; zatuak panga (5%) lawnglawng kan nun ah a tang. Mi chimmi Pathian bia lawng a ngaimi zumtu nun cu a theihmi chungin 5% lawng a nun ah a tan caah a derbikmi zumtu a si.
Rome 10:17
Cucaah zumhnak cu bia theihnak thawng khan a um i bia cu Khrih kong chimnak thawng khan a um.
2.RELNAK (Reading)
REL nak nih Bible sining le Pathian sining le a riantuan ning a huap in a kan theihter. Bible rel cu Nitin Pathian he dai tein pehtlaihnak kan ngeihnak ah hmanmi kan Hrampi asi. Nifatin Pathian he pehtlaihnak kan ngeih nakah Bible relnak hi kan hriam nganbik pakhat asi. Kutdong lakah a derbik chang hi Faiceu (Ring Finger) a si. Pathian Bia kan cawnning lakah REL nak nih kan nun ah rian a tuan ning hi Faiceu nih a kan theih ter. A sullam cu REL NAK in kan cawnmi cu zatuak Hleinga (15%) lawng kan nunah a tan caah asi.
Biathlam 1:3
Hi cauk a relmi le hi profet bia a ngai i hi cauk chung i aa ialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.
3.DOTHLATNAK (Studying)
Bible kha thuk deuh in dothlat, hlathlainak nih kan zumhnak a feh ter i a thawnter tawn. Bible dothlatnak ah cun caan tamdeuh pek a hau i zuamnak le thazang chuah hna a herh. Sinain Bible biathup hngalhnak ah a kan than tertu asi caah zumtu nun ah tuah lo in um khawh mi asi lo. Pathian bia kan cawnning lakah thuk deuh in dothlat, le hlathlai nak (Studying) in zatuak sawmthum le panga (35%) kan nun ah a tang. Hlathlai nak hi Theihnak le Relnak nakin kan nun ah a thawng deuh in rian a tuanmi a si caah chingchiahnak ah Laibawi hman asi. Asullam cu, caan pek in Pathian Bia thuk deuh in tuaktan, hlathlai nak hi zumtu nun ah hmual a ngeihnak kha kan philh lo nak ding caah asi.
Lamkaltu 17:11
Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.
4.CINKEN (Memorizing)
Bible Bia kan thinlung in kan i cinken nak nih Tukforhnak kan ton can ah teinak hriam; setan raldohnak ah hman awk Thlarau Ralthuam a kan ngeihter lawng siloin midang Biatak cawnpiaknak caah hman dingmi Pathian bia kha kan nunnak ah timhcia (Ready) a kan siter. Mikheuh/Kutdong (Index Finger) hi kan kutdong lakah a thawngbik asi caah Cathiang cawnning ah a thabik mi cu CINKEN nak a si kha a kan theihtertu ah hman asi. A sullam cu Cathiang hi cinkennak in kan nunah rian a tuanbik caah asi. Minung hi kan i CINKEN mi chungin zatuak dihlak (100%) kan nun ah a tang. Philh lo nak ding caah tharchuah lengmang tu kan herh. Kan kut cang lakah Kutdong (Index Finger) cu a thawngbik asi bantuk in Pathian bia kan cawning lakah CIKEN hi a kan nunnak ah a thawngbik le hmual a ngeibik asi ve.
Salm 119:9-11
9Zeitindah tlangval nih thiang tein a um lai? Na nawl ngaihnak thawngin thiang tein a um lai. 10Ka lungthin a dih umnak in na rian uan kha kaa zuam; na nawlbia kha zul loin ka umnak hnga lo ka bawm. 11Nangmah cungah sualnak ka tuah nakhnga lo na nawlbia cu ka lung chungah kaa chiah.
5.LUNGCHUNG KHUMHNAK (Meditation)
Lai biafang ah a har deuh caah Lungchung Khumhnak tiah ka fianter. Kawl nihcun Taya-Cinh tiah an auh i mirang nih Meditation tiah an ti. A sullam cu kan theihmi bia nih kan nun a ciah i a tak in kan nunnak lam hruaitu ah a can nakhnga can pek i dai tein kan theih, kan rel mi biatak kha zeidang he cawh lo tein ruah le thinlung chungah khumhnak caah canhman khi asi. Phun dangin chim ahcun a cunglei kan chimmi Bible cawnning phunli in kan theihfian mi Biatak kha kan nunah a tak in a than nakhnga hmunking ah dai tein mah te lawng can pek in ruahpeng nakin nunnak can hman khi asi. Kan kutdong lakah kan SIAPI lawnglawng nih kutdong dang vialte kha a tongh khawh hna. Kan theih, kan Rel, Kan Dothlatmi le kan i Cinkenmi Pathian bia kha Lungchung Khumhnak (Meditation) lawngnih Kan nunah a takin a nunter i thawnnak a kan pemi bia ah a canter i, kan nunnak ah Pathian biatak kha kan thawnnak hriamah a can tertu asi caah zumtu nunah a biapi bikmi cu Pathian bia theih (Hear), Rel (Read), Hlathlai (Study) i zah (Memorize) tiang lawng siloin kha biatak vialte kha kan nun chunglei ah khumhnak caah can pek i dai tein ruahpengnak can ser hi kan caah a biapi bikmi asi.
Salm 1:2-3
An i lawmhnak cu Bawipa nawlbia tu ah khan a si i cu nawlbia cu chunzan in an ruat. 3Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.
Biafunnak:
Zumtu hi Khrih ah nutling patling (Matured Christian) si in vawlei ah Khrih thawnnak thawngin Teitu nun kan ngeih i sunparnak caah santlaimi Khrih ralkap tha kan si i sermi thil vialte cungah Pathian nih tlanhnak rian a tuannak ah ralkap tha si dingkha Bawipa nih a kan duhpiak mi asi nain zumtu tampi kan nun cu a rocar, a derthawm i, kan mah zumtu nun lila tu hi midang nih Titoihpiak than lengmang a haumi ah kan cang i Khrih lamkaltu, ralkap tha ah tinhmi zumtu kan nun kha, thlarau sizung ihkhun cungah nun pehnak seh bunh in thawzoh in thih a hngakmi, thlarau mi zaw ah kan cang tawn; Kan thlarau nun cu thaw a pehter tu Doctor – zumtu dang hna kut tu ah chiah a si tawn. Pawl nih nan nih cu mi cawnpiak kho tu saya nan si awk a si cang; rawl taktak ei nan cu cang nain cawhnuk theu nan ding ko rih (Hebru 5:12) a ti bang kan nun a than khawh lo nak cu rawlcatpeh fangin Pathian bia hi kan ei tawn caah a si. Vawlei ah an khamhtu Khrih ralkap tha bantuk in sunparnak caah bochan tlakmi, Ralbawi, Teitu si na duh maw?
Phundang in chim ahcun pumsa ah kan dam kan thawnnak ding caah thawnnak Eksasaik (Exercise) tampi kan tuah bantuk in Thlarau lei kan thawnnak ding caah thlarau Eksasaik (Spiritual Exercise) tampi tuah kan herh ve.
Chingchiah: Navigator chungin lakmi le tharchuahmi asi.
Zathawngcin Siakhel
August 14, 2019
1.THEIHNAK (Hearing)
Pathian Bia theihnak cu thlarau lei hruaitu Pastor le cawnpiaktu hna kaa in Bible biathup chimmi bia kan ngaihmi khi asi. Kutdong lakah a der bikmi Ngate/Hngehte (the pinkie) nih PATHIAN BIA THEIHNAK hi kan nun ah zeitluk indah a thathnemnak kha a kan hngalhter. A ruang cu Theihnak in minung nih kan cawn khawhning hi a der bikmi asi. Kan theihmi vialte chungin zakhat ah panga; zatuak panga (5%) lawnglawng kan nun ah a tang. Mi chimmi Pathian bia lawng a ngaimi zumtu nun cu a theihmi chungin 5% lawng a nun ah a tan caah a derbikmi zumtu a si.
Rome 10:17
Cucaah zumhnak cu bia theihnak thawng khan a um i bia cu Khrih kong chimnak thawng khan a um.
2.RELNAK (Reading)
REL nak nih Bible sining le Pathian sining le a riantuan ning a huap in a kan theihter. Bible rel cu Nitin Pathian he dai tein pehtlaihnak kan ngeihnak ah hmanmi kan Hrampi asi. Nifatin Pathian he pehtlaihnak kan ngeih nakah Bible relnak hi kan hriam nganbik pakhat asi. Kutdong lakah a derbik chang hi Faiceu (Ring Finger) a si. Pathian Bia kan cawnning lakah REL nak nih kan nun ah rian a tuan ning hi Faiceu nih a kan theih ter. A sullam cu REL NAK in kan cawnmi cu zatuak Hleinga (15%) lawng kan nunah a tan caah asi.
Biathlam 1:3
Hi cauk a relmi le hi profet bia a ngai i hi cauk chung i aa ialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.
3.DOTHLATNAK (Studying)
Bible kha thuk deuh in dothlat, hlathlainak nih kan zumhnak a feh ter i a thawnter tawn. Bible dothlatnak ah cun caan tamdeuh pek a hau i zuamnak le thazang chuah hna a herh. Sinain Bible biathup hngalhnak ah a kan than tertu asi caah zumtu nun ah tuah lo in um khawh mi asi lo. Pathian bia kan cawnning lakah thuk deuh in dothlat, le hlathlai nak (Studying) in zatuak sawmthum le panga (35%) kan nun ah a tang. Hlathlai nak hi Theihnak le Relnak nakin kan nun ah a thawng deuh in rian a tuanmi a si caah chingchiahnak ah Laibawi hman asi. Asullam cu, caan pek in Pathian Bia thuk deuh in tuaktan, hlathlai nak hi zumtu nun ah hmual a ngeihnak kha kan philh lo nak ding caah asi.
Lamkaltu 17:11
Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.
4.CINKEN (Memorizing)
Bible Bia kan thinlung in kan i cinken nak nih Tukforhnak kan ton can ah teinak hriam; setan raldohnak ah hman awk Thlarau Ralthuam a kan ngeihter lawng siloin midang Biatak cawnpiaknak caah hman dingmi Pathian bia kha kan nunnak ah timhcia (Ready) a kan siter. Mikheuh/Kutdong (Index Finger) hi kan kutdong lakah a thawngbik asi caah Cathiang cawnning ah a thabik mi cu CINKEN nak a si kha a kan theihtertu ah hman asi. A sullam cu Cathiang hi cinkennak in kan nunah rian a tuanbik caah asi. Minung hi kan i CINKEN mi chungin zatuak dihlak (100%) kan nun ah a tang. Philh lo nak ding caah tharchuah lengmang tu kan herh. Kan kut cang lakah Kutdong (Index Finger) cu a thawngbik asi bantuk in Pathian bia kan cawning lakah CIKEN hi a kan nunnak ah a thawngbik le hmual a ngeibik asi ve.
Salm 119:9-11
9Zeitindah tlangval nih thiang tein a um lai? Na nawl ngaihnak thawngin thiang tein a um lai. 10Ka lungthin a dih umnak in na rian uan kha kaa zuam; na nawlbia kha zul loin ka umnak hnga lo ka bawm. 11Nangmah cungah sualnak ka tuah nakhnga lo na nawlbia cu ka lung chungah kaa chiah.
5.LUNGCHUNG KHUMHNAK (Meditation)
Lai biafang ah a har deuh caah Lungchung Khumhnak tiah ka fianter. Kawl nihcun Taya-Cinh tiah an auh i mirang nih Meditation tiah an ti. A sullam cu kan theihmi bia nih kan nun a ciah i a tak in kan nunnak lam hruaitu ah a can nakhnga can pek i dai tein kan theih, kan rel mi biatak kha zeidang he cawh lo tein ruah le thinlung chungah khumhnak caah canhman khi asi. Phun dangin chim ahcun a cunglei kan chimmi Bible cawnning phunli in kan theihfian mi Biatak kha kan nunah a tak in a than nakhnga hmunking ah dai tein mah te lawng can pek in ruahpeng nakin nunnak can hman khi asi. Kan kutdong lakah kan SIAPI lawnglawng nih kutdong dang vialte kha a tongh khawh hna. Kan theih, kan Rel, Kan Dothlatmi le kan i Cinkenmi Pathian bia kha Lungchung Khumhnak (Meditation) lawngnih Kan nunah a takin a nunter i thawnnak a kan pemi bia ah a canter i, kan nunnak ah Pathian biatak kha kan thawnnak hriamah a can tertu asi caah zumtu nunah a biapi bikmi cu Pathian bia theih (Hear), Rel (Read), Hlathlai (Study) i zah (Memorize) tiang lawng siloin kha biatak vialte kha kan nun chunglei ah khumhnak caah can pek i dai tein ruahpengnak can ser hi kan caah a biapi bikmi asi.
Salm 1:2-3
An i lawmhnak cu Bawipa nawlbia tu ah khan a si i cu nawlbia cu chunzan in an ruat. 3Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.
Biafunnak:
Zumtu hi Khrih ah nutling patling (Matured Christian) si in vawlei ah Khrih thawnnak thawngin Teitu nun kan ngeih i sunparnak caah santlaimi Khrih ralkap tha kan si i sermi thil vialte cungah Pathian nih tlanhnak rian a tuannak ah ralkap tha si dingkha Bawipa nih a kan duhpiak mi asi nain zumtu tampi kan nun cu a rocar, a derthawm i, kan mah zumtu nun lila tu hi midang nih Titoihpiak than lengmang a haumi ah kan cang i Khrih lamkaltu, ralkap tha ah tinhmi zumtu kan nun kha, thlarau sizung ihkhun cungah nun pehnak seh bunh in thawzoh in thih a hngakmi, thlarau mi zaw ah kan cang tawn; Kan thlarau nun cu thaw a pehter tu Doctor – zumtu dang hna kut tu ah chiah a si tawn. Pawl nih nan nih cu mi cawnpiak kho tu saya nan si awk a si cang; rawl taktak ei nan cu cang nain cawhnuk theu nan ding ko rih (Hebru 5:12) a ti bang kan nun a than khawh lo nak cu rawlcatpeh fangin Pathian bia hi kan ei tawn caah a si. Vawlei ah an khamhtu Khrih ralkap tha bantuk in sunparnak caah bochan tlakmi, Ralbawi, Teitu si na duh maw?
- Pathian bia ngaih le theih lawng a za lo (Hear)
- Mi chimmi ngaih lawng a za lo
- Pathian bia rel lawng a za lo (Read)
- Pathian bia dothlat lawng a za lo. (Study)
- Pathian bia i cinken lawng a za lo (Memorize)
- THEIH, REL, DOTHLAT, CINKEN i Nunchung hrimhrim ah Khumh (Meditate) tuahmi nun ngeih a herh. (Meditation)
Phundang in chim ahcun pumsa ah kan dam kan thawnnak ding caah thawnnak Eksasaik (Exercise) tampi kan tuah bantuk in Thlarau lei kan thawnnak ding caah thlarau Eksasaik (Spiritual Exercise) tampi tuah kan herh ve.
Chingchiah: Navigator chungin lakmi le tharchuahmi asi.
Zathawngcin Siakhel
August 14, 2019
Comment Form is loading comments...
