ZARHTIN BIBLE CEIHHMAINAK
Bethel Baptist Church ni mino hruainak in zarhtin, Ninga Zaan fatin (Friday Night) te suimilam 7:30 PM ah Bible Ceihmainak (Bible Study Class) tuah asi. Upa ngakchia, kan dihlak tel khawh asi. Kan caanhmannak cu phunthum in kan then. Pathian thangthat hlasaknak le thlacamnak in sumilam pakhat caan kan hman hnuah, a phuphu in kan i then i Pathian bia ceihhmainak in Suimilam pakhat kan hman hnu ah a phu tete in Thlarau thazaang kan lakmi chimchinnak kan ngeih. Adong nak ah Cawnpiak tu nih kan cawnmi chungin biafunnak Suimilam cheu chung a ngeih tthan hnu ah pakhat le pakhat thla i campiaknak in kan caan kan donghter tawn. Hihmun ah Pathian bia dum tti ding in kan in sawm. Pathian bia cu kan ke caah Meiinn a si.
Cawnak-4
NA MINUNG SINAK KHA THLARAU MEI KANGHTER
Bible Relding : Exodus 3:1-10
Bible Caang Zahding : "Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh. 5Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si. 6Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh."Exodus 3:4-5
Tinhmi : Na nunnak ah Pathian nih thil khuaruahhar tuah aduh. Thil hmete in an auh lai. Pathian aw na theih khawh nakhnga an auhnak aw din te kha ralring tein ngai law fek tein I tlaih. Bawipa nih thil khuaruahhar tuahtu ah an hman lai. Na minung sinak I bochan lo in Pathian thawnnak I bochan law vawlei ah ka phanh khawh te lai tiah hmanh na ruah khawh lo mi hmun ah Bawipa nih an chiah ko lai.
Bible ca chung kan hmuh mi thil khuaruahhar an I thoknak pawl hi zohthan lengmang tikah an I khah dihnak Muru (Point) pakhat hmuh khawh asi. Minung thil ti khawhnak pinlei a ummi Pathian thawnnak hi, Pathian Nawlngai mi sinak in Minung nunnak chungah aa thok tawn ti kha asi.
Moses le Pathian a hmasakbik an I ton lio caan kha ruat tthan hmanh. Moses cu an chungkhar Tuu cawng in ramlak ah a vakvai mi, mi menmen te a rak si. Culio ah Burbuk a alhhluanmah ko kha a hmuh I va zoh awkah a hei naih. Moses le Pathian an I tonnak zawn cu burbuk meialh asi I thil hmete a si tiah kan ti khawh men! Phundang in kan chim ahcun, Sunday School, le Bible study tuahnak I Pathian bia kan I ruahmi menmen te hi a lo ko. Zeicahtiah Moses cu a pu pa caah rian a tuanmi men kha asi. Ramlak ah a um caah, a thurhnawm lai, Tuu rim a nam lai! Chanthar holh in kan chim ahcun a laar lo tuk mi le a niam ngaimi dirhmun ah a dirmi pa a si kan ti khawh.
Bible chung I Bawipa he a tong taktakmi minung hna hi Moses bantuk in thil hmete in an i thok tawn. Pathian nih na minung sinak kha thlarau mei in a khangh I thil ngan tuah kho tu ah a thlarau thawnnak in thuam an duh lio caan ahhin a hmebik le a niam bik dirhmun I na dir lio caan theng te zong khi asi ko lai. Ruah lo pi ah na nunnak ah ram thangcho pawl I Big Bang an ti bang, thil khuaruahnak ngan pipi tuah kho tu dirhmun na dir lio theng khi asi lem lai lo. Micheu hna cu nan lianhngan saling hna ah an auh mi zong cu nan um kho ko nain, a tam deuh cu a nganmi nan si lio theng ah khan an au hna lai lo I, hmailei zongah na ngan lawngah Pathian nih an hmang hlei lai lo. Hihi Pathian nih minung kan nunnak ah thil khuaruahhar a tuah ning asi. Cucaah thil ngan ka tuah in Pathian hmanmi kan site lai ti lungput he kan lianhngan hmasa nak hngah kha kan ngol a hau. Ka fim tikah, ka rum tikah, catang sang pi ka awn tikah, minih an ka tihzah tikah, bochanmi ka si tikah Pathian rian ka tuan lai I, ka nunnak hi Pathian nih a ka hman deuh te lai timi ruahnak kha Pathian ruahnak he a rak I khat lo mi asi. Cucaah Pathian auhnak aw din te, thil hmete in an auhnak aw na theih khawhnak ding tu ah ralring tein um law tha tein Pathian aw kha ngai. Hibantuk Pathian auhnak awdin te hi nitin te na theih ko lai.
Thil khuaruahhar kan timi cu, “Minung menmen na si nak le, khuaruahhar Pathian thawnnak an van I ton I an kal ti tikah a cang tawnmi thil,” asi. Minung menmen na sinak ah khan, Pathian thawnnak a vung luh tik ahcun, vancung ah meici (Sparks) an zuang lai. Pathian nih hin Khrihfabu ah minih theihpiak lo mi, ngakchia cawnpiaktu, zapi lakah aa pum thiam lo mi dirhmun zongin an auh ko lai; mino pawl Bible an cawn khawh nakding ca le an ipumh khawh nakding ca I Motor mawngtu zong in an hman ko lai: biakinn hlasak nak ca I in hnulei tein Computer tlaihpiaktu zong in an hman ko lai; biakinn tangah I pum thiam lo in mino cawnpiak tu zong in an hman ko lai. Hi rian pawl hi mipi hmai ah a lang mi an sibal lo I, min thannak zong an si bal lo. Phundang in chim ahcun thil menmen tete khi an si ko. Sihmanhseh Pathian nih hmailei caan ah vawlei cung hmunkip ah thawngttha a chim te dingmi mino hna sinah nan nunnak va luanter nak ding caantha an pek I cu thil tlamtlinhnak ding ca zongah an bawmh lai I, na tuahmi cuahmahmi, thil hmete a lo mi nih khan nangmah nih na chim khawh lo nak le na kal khawh lo nak hmun ah kal in nangmah nak ngan deuh in thawngtha a chim te ding mi mino tampi Bawipa nih a sersiam hna nak hmun zongah a cang ko lai. Cucu Pathian thawnnak, khuaruahhar cu a si! Cucaah a tu na tuahmi, Bawipa nih an pekmi tuanvo, a hmete ah na ruahmi hi an hmete lo. Pathian he aa fonh ahcun thil khuaruahhar tuahnak lam an si.
Pathian nih hin inn ah ngakchia hngaktu le nau um tu zong in an chiah men ko lai. Ngakchia he khengtawl, rawlchuan I diapers thlengtu hrawng zong in an buai ter men ko lai. Sihmanhseh a man sungtuk mi caanttha na ngeih asi! A Diaper na thlen cuahmah mi ngakchia te kha, Joshua bantuk in a nunnak ah Pathian thawnnak co in vawlei ah thil khuaruahhar tuahnak ah Bawipa nih a hman te ding mi pa sersiam le zohkhenhnak caantha na ngeih caan asi caah, inn ah nau na umhmi caan hi a lak a si lo I thil hmete zong asi fawn lo. Bawipa nih vawlei ah thil khuaruahhar tuahnak ding caah minung menmen na sinak ah tuanvo nganpi pek in a thawnnak he umpi an duh lio caan asi.
Pathian nih nihin ah thil khuaruahhar, thil lianngan tuahding ah an auh tikah, THIL HMETE IN A THOK LAI kha philh hlah. Moses a auhnak Burbuk bantuk te asi ko lai; zeidah a si hnga tiin zei rel setsai lo I va bih ta ding men I na ruahmi thil hmete zong khi a si ko lai! Nihin na nunnak ah zoh law, Bawipa auhnak hi na hmuh liangluang ko lai. Bawipa nih thil khuaruahhar tuahtu siter an duh, I thil lianngan tuah pi an duh. Na kedan a phoih mi le, Pathian kha naih deuh in Bawipa fialmi rian raltha tein a tuanmi si na duh lai maw? Minung menmen na sinak kha Pathian thlarau mei kanghter dihnak nawl na pe lai maw? Na minung sinak kedan phoih in Bawipa na naih deuh I, na minung sinak kha thlarau thawnnak mei na kanghter ahcun caan tlawmpal ah, ka phanh khawh lai tiah a ruah I na ruah bal lo mi dirhmun ah na zumhnak nih lam an hruai lai I, ka phanh te lai tiah na ruah bal lo mi dirhmun ah Pathian nih an chiah ko lai. Cucu Pathian thil khuaruahhar tuah dan asi. Na nunnak ah Pathian nih thil khuaruahhar tuah aduh! Thil hmete in an auhnak aw kha ralring tein ngai law theih I zuam. Bawipa nih an cawisan lai.
Ceihhmai Ding:
1. Moses le Pathian an I ton ning hi zumhnak mit in na zoh tikah zeidah na hmuh khawh mi a um? Zeitindah thlarau thazang na lak?
2. Moses caah cun Pathian nih a sunparnak caah Israel hruaitu I a thim lai I a auhnak cu burbuk hmete asi. Cuhmun cu Bawipa he an I ton nak hmun asi bantuk in na zumhnak lamthluan ah Pathian nih thil hmete hmang in a ka auh ko tiah na ruah khawh mi nitin na nunnak ah chimawk na ngei maw?
3. Pathian nih Bible chung I khuaruahhar a tuahmi kan zoh hna tikah, thil hme tete, ruahawk tlak lo tete ko a lo mikhin a thok tawn kha kan hmuh. Nang nihtah Bible na rel tikah hihi a hman ko tiah na ruat maw, Pathian nih khuaruahhar thil a tuah ning phung dangdang chimchap ding na ngei maw?
4. Kan Pathian hi aa thleng lo mi Pathian a si tiah cathiang nih a kan cawnpiak mi kan hmuh. Nang nih tah Pathian riantuan ning hi aa thleng tiah na ruat maw, Bible cawnpiakning in aa thleng lo mi Pathian asi ko tiah dah na ruah? Aa thleng lo mi Pathian asi tiah na zumh ah, Moses, Joshua, Daniel le Paul te hna nun ah a rak tuah mi khuaruahhar thil ti khawhnak hi kan mah cung zongah a tuah khawh ve ko lai tiah na zum maw? Zeidah kan herh tiah na ruah?
5. Khrihfabu chung I kan cawlnak ahhin zei khi dah Pathian nih a nganbik ah a chiahmi rian a si hnga tiah na ruah? Khrihfabu cawlcanghnak ah a hmedeuh le a ngandeuh mi rian a um lai tiah na ruat maw? Nangmah pumpak nih tah Khrihfabu ah na dirhmun le na cawlcanghnak hi Pathian nih a ka auhnak zawnte asi ko lai tiah na ruahnak zawn ah na um maw? Cucu tlawmpal in kan chim (Share) ve.
6. Tuzan kan cawnmi cu, Pathian nih minung hi khuaruahhar tuahding in a auh tik hna ah thil hmete in a thok tawn I kanmah nunnak zongah Bawipa nih thil khuaruahhar tuahnak ah hman a kan timh tikah, sining sangpi in a thok lai lo I dirhmun niamte ah kan ruah mi in a kan auh ve ko lai caah a auhnak aw kan theih khawh nakhnga ralring tein a aw kan ngaih a hau ti kha asi. Nang nih tah tuzan kan cawnmi chungin chap ding le ceihhmai ding na duhmi a um maw?
Thlacampiaknak:
Caan tawite kan nun chungah, Pathian nih vawlei I a duhnak tlinternak rian a tuannak ah thil khuaruahhar tuah kho tu ding in a kan sermi kan sinak kan I theih khawh I hmanthlak kan si khawh nakhnga a kan auhnak aw din te a theih kho tu ah Bawipa nih lam a kan hruainak hnga, thla kan I cam piak lai.
April 25, 2014 (Friday Night)
NA MINUNG SINAK KHA THLARAU MEI KANGHTER
Bible Relding : Exodus 3:1-10
Bible Caang Zahding : "Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh. 5Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si. 6Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh."Exodus 3:4-5
Tinhmi : Na nunnak ah Pathian nih thil khuaruahhar tuah aduh. Thil hmete in an auh lai. Pathian aw na theih khawh nakhnga an auhnak aw din te kha ralring tein ngai law fek tein I tlaih. Bawipa nih thil khuaruahhar tuahtu ah an hman lai. Na minung sinak I bochan lo in Pathian thawnnak I bochan law vawlei ah ka phanh khawh te lai tiah hmanh na ruah khawh lo mi hmun ah Bawipa nih an chiah ko lai.
Bible ca chung kan hmuh mi thil khuaruahhar an I thoknak pawl hi zohthan lengmang tikah an I khah dihnak Muru (Point) pakhat hmuh khawh asi. Minung thil ti khawhnak pinlei a ummi Pathian thawnnak hi, Pathian Nawlngai mi sinak in Minung nunnak chungah aa thok tawn ti kha asi.
Moses le Pathian a hmasakbik an I ton lio caan kha ruat tthan hmanh. Moses cu an chungkhar Tuu cawng in ramlak ah a vakvai mi, mi menmen te a rak si. Culio ah Burbuk a alhhluanmah ko kha a hmuh I va zoh awkah a hei naih. Moses le Pathian an I tonnak zawn cu burbuk meialh asi I thil hmete a si tiah kan ti khawh men! Phundang in kan chim ahcun, Sunday School, le Bible study tuahnak I Pathian bia kan I ruahmi menmen te hi a lo ko. Zeicahtiah Moses cu a pu pa caah rian a tuanmi men kha asi. Ramlak ah a um caah, a thurhnawm lai, Tuu rim a nam lai! Chanthar holh in kan chim ahcun a laar lo tuk mi le a niam ngaimi dirhmun ah a dirmi pa a si kan ti khawh.
Bible chung I Bawipa he a tong taktakmi minung hna hi Moses bantuk in thil hmete in an i thok tawn. Pathian nih na minung sinak kha thlarau mei in a khangh I thil ngan tuah kho tu ah a thlarau thawnnak in thuam an duh lio caan ahhin a hmebik le a niam bik dirhmun I na dir lio caan theng te zong khi asi ko lai. Ruah lo pi ah na nunnak ah ram thangcho pawl I Big Bang an ti bang, thil khuaruahnak ngan pipi tuah kho tu dirhmun na dir lio theng khi asi lem lai lo. Micheu hna cu nan lianhngan saling hna ah an auh mi zong cu nan um kho ko nain, a tam deuh cu a nganmi nan si lio theng ah khan an au hna lai lo I, hmailei zongah na ngan lawngah Pathian nih an hmang hlei lai lo. Hihi Pathian nih minung kan nunnak ah thil khuaruahhar a tuah ning asi. Cucaah thil ngan ka tuah in Pathian hmanmi kan site lai ti lungput he kan lianhngan hmasa nak hngah kha kan ngol a hau. Ka fim tikah, ka rum tikah, catang sang pi ka awn tikah, minih an ka tihzah tikah, bochanmi ka si tikah Pathian rian ka tuan lai I, ka nunnak hi Pathian nih a ka hman deuh te lai timi ruahnak kha Pathian ruahnak he a rak I khat lo mi asi. Cucaah Pathian auhnak aw din te, thil hmete in an auhnak aw na theih khawhnak ding tu ah ralring tein um law tha tein Pathian aw kha ngai. Hibantuk Pathian auhnak awdin te hi nitin te na theih ko lai.
Thil khuaruahhar kan timi cu, “Minung menmen na si nak le, khuaruahhar Pathian thawnnak an van I ton I an kal ti tikah a cang tawnmi thil,” asi. Minung menmen na sinak ah khan, Pathian thawnnak a vung luh tik ahcun, vancung ah meici (Sparks) an zuang lai. Pathian nih hin Khrihfabu ah minih theihpiak lo mi, ngakchia cawnpiaktu, zapi lakah aa pum thiam lo mi dirhmun zongin an auh ko lai; mino pawl Bible an cawn khawh nakding ca le an ipumh khawh nakding ca I Motor mawngtu zong in an hman ko lai: biakinn hlasak nak ca I in hnulei tein Computer tlaihpiaktu zong in an hman ko lai; biakinn tangah I pum thiam lo in mino cawnpiak tu zong in an hman ko lai. Hi rian pawl hi mipi hmai ah a lang mi an sibal lo I, min thannak zong an si bal lo. Phundang in chim ahcun thil menmen tete khi an si ko. Sihmanhseh Pathian nih hmailei caan ah vawlei cung hmunkip ah thawngttha a chim te dingmi mino hna sinah nan nunnak va luanter nak ding caantha an pek I cu thil tlamtlinhnak ding ca zongah an bawmh lai I, na tuahmi cuahmahmi, thil hmete a lo mi nih khan nangmah nih na chim khawh lo nak le na kal khawh lo nak hmun ah kal in nangmah nak ngan deuh in thawngtha a chim te ding mi mino tampi Bawipa nih a sersiam hna nak hmun zongah a cang ko lai. Cucu Pathian thawnnak, khuaruahhar cu a si! Cucaah a tu na tuahmi, Bawipa nih an pekmi tuanvo, a hmete ah na ruahmi hi an hmete lo. Pathian he aa fonh ahcun thil khuaruahhar tuahnak lam an si.
Pathian nih hin inn ah ngakchia hngaktu le nau um tu zong in an chiah men ko lai. Ngakchia he khengtawl, rawlchuan I diapers thlengtu hrawng zong in an buai ter men ko lai. Sihmanhseh a man sungtuk mi caanttha na ngeih asi! A Diaper na thlen cuahmah mi ngakchia te kha, Joshua bantuk in a nunnak ah Pathian thawnnak co in vawlei ah thil khuaruahhar tuahnak ah Bawipa nih a hman te ding mi pa sersiam le zohkhenhnak caantha na ngeih caan asi caah, inn ah nau na umhmi caan hi a lak a si lo I thil hmete zong asi fawn lo. Bawipa nih vawlei ah thil khuaruahhar tuahnak ding caah minung menmen na sinak ah tuanvo nganpi pek in a thawnnak he umpi an duh lio caan asi.
Pathian nih nihin ah thil khuaruahhar, thil lianngan tuahding ah an auh tikah, THIL HMETE IN A THOK LAI kha philh hlah. Moses a auhnak Burbuk bantuk te asi ko lai; zeidah a si hnga tiin zei rel setsai lo I va bih ta ding men I na ruahmi thil hmete zong khi a si ko lai! Nihin na nunnak ah zoh law, Bawipa auhnak hi na hmuh liangluang ko lai. Bawipa nih thil khuaruahhar tuahtu siter an duh, I thil lianngan tuah pi an duh. Na kedan a phoih mi le, Pathian kha naih deuh in Bawipa fialmi rian raltha tein a tuanmi si na duh lai maw? Minung menmen na sinak kha Pathian thlarau mei kanghter dihnak nawl na pe lai maw? Na minung sinak kedan phoih in Bawipa na naih deuh I, na minung sinak kha thlarau thawnnak mei na kanghter ahcun caan tlawmpal ah, ka phanh khawh lai tiah a ruah I na ruah bal lo mi dirhmun ah na zumhnak nih lam an hruai lai I, ka phanh te lai tiah na ruah bal lo mi dirhmun ah Pathian nih an chiah ko lai. Cucu Pathian thil khuaruahhar tuah dan asi. Na nunnak ah Pathian nih thil khuaruahhar tuah aduh! Thil hmete in an auhnak aw kha ralring tein ngai law theih I zuam. Bawipa nih an cawisan lai.
Ceihhmai Ding:
1. Moses le Pathian an I ton ning hi zumhnak mit in na zoh tikah zeidah na hmuh khawh mi a um? Zeitindah thlarau thazang na lak?
2. Moses caah cun Pathian nih a sunparnak caah Israel hruaitu I a thim lai I a auhnak cu burbuk hmete asi. Cuhmun cu Bawipa he an I ton nak hmun asi bantuk in na zumhnak lamthluan ah Pathian nih thil hmete hmang in a ka auh ko tiah na ruah khawh mi nitin na nunnak ah chimawk na ngei maw?
3. Pathian nih Bible chung I khuaruahhar a tuahmi kan zoh hna tikah, thil hme tete, ruahawk tlak lo tete ko a lo mikhin a thok tawn kha kan hmuh. Nang nihtah Bible na rel tikah hihi a hman ko tiah na ruat maw, Pathian nih khuaruahhar thil a tuah ning phung dangdang chimchap ding na ngei maw?
4. Kan Pathian hi aa thleng lo mi Pathian a si tiah cathiang nih a kan cawnpiak mi kan hmuh. Nang nih tah Pathian riantuan ning hi aa thleng tiah na ruat maw, Bible cawnpiakning in aa thleng lo mi Pathian asi ko tiah dah na ruah? Aa thleng lo mi Pathian asi tiah na zumh ah, Moses, Joshua, Daniel le Paul te hna nun ah a rak tuah mi khuaruahhar thil ti khawhnak hi kan mah cung zongah a tuah khawh ve ko lai tiah na zum maw? Zeidah kan herh tiah na ruah?
5. Khrihfabu chung I kan cawlnak ahhin zei khi dah Pathian nih a nganbik ah a chiahmi rian a si hnga tiah na ruah? Khrihfabu cawlcanghnak ah a hmedeuh le a ngandeuh mi rian a um lai tiah na ruat maw? Nangmah pumpak nih tah Khrihfabu ah na dirhmun le na cawlcanghnak hi Pathian nih a ka auhnak zawnte asi ko lai tiah na ruahnak zawn ah na um maw? Cucu tlawmpal in kan chim (Share) ve.
6. Tuzan kan cawnmi cu, Pathian nih minung hi khuaruahhar tuahding in a auh tik hna ah thil hmete in a thok tawn I kanmah nunnak zongah Bawipa nih thil khuaruahhar tuahnak ah hman a kan timh tikah, sining sangpi in a thok lai lo I dirhmun niamte ah kan ruah mi in a kan auh ve ko lai caah a auhnak aw kan theih khawh nakhnga ralring tein a aw kan ngaih a hau ti kha asi. Nang nih tah tuzan kan cawnmi chungin chap ding le ceihhmai ding na duhmi a um maw?
Thlacampiaknak:
Caan tawite kan nun chungah, Pathian nih vawlei I a duhnak tlinternak rian a tuannak ah thil khuaruahhar tuah kho tu ding in a kan sermi kan sinak kan I theih khawh I hmanthlak kan si khawh nakhnga a kan auhnak aw din te a theih kho tu ah Bawipa nih lam a kan hruainak hnga, thla kan I cam piak lai.
April 25, 2014 (Friday Night)
Group Kip In Chimnak: ( Aaw in kan theih mi hna hi an si)
1. Group 1: Moses
2. Group 2: Vanvan
3. Group 3: Ani
4. Group 4: Anuku
5. Tlangkawmnak : Zathawngcin
1. Group 1: Moses
2. Group 2: Vanvan
3. Group 3: Ani
4. Group 4: Anuku
5. Tlangkawmnak : Zathawngcin
