BILLY GRAHAM BANTUK IN ZEITINDAH BIBLE KAN STUDY LAI
Billy Graham bantuk in Bible purh ningcang phun 7 tiah tlangtar in Daily Devotional nih ca an chuah an chuah i fian fawi dingin a tang lei bantuk in ka hun tharchuah. Bawipa nih Bible Biatak nih a thawhmi nun ah lam in hruai hram seh.
1. Nifatin Salm Fung (5) Rel
Kan can hmannak ah fel tein Salm cauk rel le purh peng hi a biapi tuk mi le Nun a rum tertu asi. Salm cu nifatin te sak ding le, Bawipa sinah kan pek dingmi thlacamnak an si. Sihmanhseh voi tampi cu kanmah thazang laknak ah kan rel sawhsawh theu. Billy Graham bantukin Bible cauk lakah a muru a simi Salm cauk chungah duhnak le tinhmi taktak he nitin can pe ding kan si.
2. Nifatin Phungthlukbia Dal Khat Rel
Fimnak le nun lamhmuhsaktu na kawl maw? Billy Graham nih Phungthlukbia chungah fimnak a um ti kha fiang tein a hngalh caah nitinte phungthlukbia cauk purh khawh le cawn khawh aa zuam. Dal 31 a um i, thlakhat chung nitinte rel in i nunpi dingah aa remtuk mi cauk asi.
Mitampi cu phungthlukbia cauk hi nikhat voikhat rawl an Ei sinah rel nun an ngei. Thaithawh le chuncaw ei can ah an rel bik. Nitin Bible na rel can kha chut lo dingin Ei caan ah a hleiin a biapittuk caah an tenh theunak asi. Thangpi in rel naknih Pathian bia rel lawng siloin, Pathian bia zong an theihter caah a tha ngaingai. Na theih na ngaihnak nih, an philh ter ti lo lawng siloin, fawi tein na thinlung ah an chuak than zungzal.
3. Thawngtha Cauk Rel Lengmang
Billy Graham cu Thawngtha cauk hi zarhtinte a rel dih. Amah bantuk in kan rel dih peng khawh lo zongah thachiat ding cu asi lo nain, thawngtha cauk hi Bible chung ah zeitluk a biapi mi dah a si kha Billy Graham nih a fian tuknak a lang. Thawngtha cauk hi zeitindah rel kan thok lai tiah an rak hal lioah, Johan in thok hi tha a pek bik. Cauk dang kan rel bantuk in, a hram in thok siloin, Jesuh kong tambik a kan chimmi Johan in thok hi a tha, Johan cu Bible muru asi tiah a ti bal. Cahlun nih Jesuh kong a chim cia i, Cathar nih Jesuh sining a kan chimh than. Cucaah Johan ahhin Jesuh kong tambik le fiangbik in theih khawh asi caah Johan in thok i a dang cauk hi hnu ah rel khawh asi.
Bible cauk na rel tikah Pathian sinah bawmhnak hal. Na relmi cauk chungah zeidah a cang ti Fiannak ding ca lawngah siloin na nunnak caah zeidah a chim duh ti zong fian khawh nakhnga thlacam. Job lungput hi zumtu kan lungput a si dih ding ah a biapi tuk. Job 23:12, “A hmur in a chuakmi nawlbia kha zeirello in ka um hna lo i Ka lung chungah a kaa chuak bia kha ka khon hna.”
4. Bible Hi Hrilhfiah Le Chanthar Lehmi Cauk Pawl He Relchih
Bible hi uk khat hnu uk khat in rel lengmang lawng siloin, rel dih hnu ah a biafang pawl hi mah tein thukdeuh purh khawh i zuam hi a biapi ngaingai. Rel tiang lawng siloin a chung bia pawl hrimhrim hi mah tein thuk deuh in duhsah tein purh khawh i zuam a tha. Cudihin, a bia pawl le thil sining fiang deuh in kan theihfian nak ding caah Hrilhfiah relchih cu a tha chinchin. A tuanbia le, thil a rak cangmi kong theih chih i, an rak tial thoknak holh hna thiam chih ahcun a tha bik. Hrilhfiah na hman chihmi nih Bible na fian khawh lo mi fiannak ah an bawmh lawng siloin Pathian bia kha thinlung la ngai in rel duhnak lungthawhnak an pek lai.
Chanthar lehmi Bible pawl hi nitin Bible purhnak caah hmuhning thar le lam tampi an kan cawnpiak. Bible dihlak kha lehmi phunkhat in na lim hnu ah lehning dang deuh in tialmi Bible cauk hna in rel than hi a tha ngaingai. CBS an timi Community Bible Study cauk hi Mirang holh a rel kho mi caah cun Lehning thar a si i duh ngaimi cauk zong asi.
5.Lamkaltu pawl Riantuannak ah Kir Than lengmang
Lamkaltu cauk hi Jesuh zultu minung tlawmte nih zeitindah Jesuh fialmi rian thawngtha karhnak rian hi vawlei mi vialte nih an theih khawhnak ding caah an rak aupi ti kha fiang tein kan hmuh khawh nak hmun asi. Mah ram chung lawng hmanh siloin Teih (Continent) paruk ah thawngtha a chimmi Billy Graham nih cun Lamkaltu cauk hi a UAR tuk mi asi.
Midang sinah thawngtha chim duhnak lungthawhnak a ngei lo mi na si sual ahcun Lamkaltu cauk na rel nak nih a thar in lungthawhnak an pek hrimhrim lai. Zeicahtiah mi dang sin ah chim dingmi thawng vialte lakah a tha bik cu Jesuh thawngtha chim asi kha na fiang lai i chimh chin dingin na hmai ah Bawipa nih a chiah mi thlarau tlau mi hna sin ah cu thawngtha cu chim loin na um kho lai lo.
6.Na Relmi Dihlak Hmahthahnak Tial (Note)
Bible reltu phunhnih kan um. Passive Reader an ti mi; Bible cauk kha aa lak i a rel cawlh i a ngol ko mi le Active Reader; Bible cauk kha aa lak i a rel lawng siloin a rel mi chungin a hmuh mi tete kha cauk chungah aa tial i aa hmahthah mi le a nunnak caah aa lak khawhmi Pathian bia kha tha tein cauk chungah aa tial mi an si. Bible an rel pah in Note an tial, Biafunnak an tial, an rel mi chungin biahalnak an tuah, a phi (Answer) an kawl. Siangin ca cawn hna zong a lo kho; sinain cunihcun na nun daithlan ter hlahseh. Zeicahtiah, Bible rel i tha tein Note tial cu rel sawhsawh men nak in hmual fakpi in a ngeih lawng siloin lung zong a fiang i nun zong nih aa sehchih, a dawp khawh deuh suamau.
Kan rel sinin Note tialnak caah can kan pek tikah kan thinlung kha kan rel mi bia chungah can zeimawzat a tap, a tuaktan ta, a relmi kha kaltak cawlh in a dang cahmai ah aa thial cawlh lo. Bible hi a can ahcun fian har a buaithlak ngaimi bia hna a lo tawn. Sinain fiang tein tialmi asi. Kan rel tik tu ah a bia hmanmi kha tuaktan bu le ralring tein kan rel le kan tonghtham a herh.
7. Bible Bia kha Na Nunnak ah Hmual Ngeih Ter.
Na Relmi Biatak Kha Chunnitla Lamhruaitu ah hmang law ruat peng (Meditate). Minthang ngaimi Pollock nih Billy Graham hi Bible aa nunpi ning hi zoh tikah a rel cuahmah mi Bible cauk kha chikhat chia in a relmi sullam ruah dingah tho in aa chawh tak caan a tampi tawn lai, tiah Billy Graham Nun ah Bible nih lam a hruai ning zoh in a rak chim bal.
Bible bia hi rel men in philh than hlah. Na rel mi bia cungah na thinlung chia. Na relmi ca cang kha lungchung cam ter dingin pumpeknak ngei. Na relmi Pathian bia nih a ngeihmi thawnnak thazang dihlak kha na nunnak tawngh ter. Pathian bia kha na sinah dengteo in phak ter.
Zumtu vialte cu Billy Graham bantukin Cawnpiak tu le Thawngtha chimtu ah kawh cu kan si lai lo nain Bible a rak purhning le Bible nih a thawt ning cu kan cawn khawh. Graham nih Pathian bia kha a hngalh dih nain a thluak hngalhnak in a ngol lo. Pathian bia duhnak, tlaihchannak nih a ngandeuhmi le a biakmi Pathian dawt chinchin nak ah lam a hruai. Pathian bia a duh, a thawtmi hna cu a liannganmi Pathian dawtnak ah an nun a thang tawn. Bible tlaihchan cu a nungmi Pathian hngalhnak le dawtnak hram asi.
Kan hngalh lomi cu kan Daw kho lo. Bible rel lo in Pathian hngalh khawh asi lo. Cucaah Zumtu nih thuk chinchin in Pathian kan theih kan hngalh i a lam hruainak tangah kan nun a kal khawh nak ding caah, Nifatin kan nunnak ah Bible rel le purh nak zulhphung (sikan/Displine) ah thannak thawngin Pathian Dawtnak nun ah a thangmi nun kan ngeih ding hi a biapi tuk.
Zathawngcin
February 28, 2018
1. Nifatin Salm Fung (5) Rel
Kan can hmannak ah fel tein Salm cauk rel le purh peng hi a biapi tuk mi le Nun a rum tertu asi. Salm cu nifatin te sak ding le, Bawipa sinah kan pek dingmi thlacamnak an si. Sihmanhseh voi tampi cu kanmah thazang laknak ah kan rel sawhsawh theu. Billy Graham bantukin Bible cauk lakah a muru a simi Salm cauk chungah duhnak le tinhmi taktak he nitin can pe ding kan si.
2. Nifatin Phungthlukbia Dal Khat Rel
Fimnak le nun lamhmuhsaktu na kawl maw? Billy Graham nih Phungthlukbia chungah fimnak a um ti kha fiang tein a hngalh caah nitinte phungthlukbia cauk purh khawh le cawn khawh aa zuam. Dal 31 a um i, thlakhat chung nitinte rel in i nunpi dingah aa remtuk mi cauk asi.
Mitampi cu phungthlukbia cauk hi nikhat voikhat rawl an Ei sinah rel nun an ngei. Thaithawh le chuncaw ei can ah an rel bik. Nitin Bible na rel can kha chut lo dingin Ei caan ah a hleiin a biapittuk caah an tenh theunak asi. Thangpi in rel naknih Pathian bia rel lawng siloin, Pathian bia zong an theihter caah a tha ngaingai. Na theih na ngaihnak nih, an philh ter ti lo lawng siloin, fawi tein na thinlung ah an chuak than zungzal.
3. Thawngtha Cauk Rel Lengmang
Billy Graham cu Thawngtha cauk hi zarhtinte a rel dih. Amah bantuk in kan rel dih peng khawh lo zongah thachiat ding cu asi lo nain, thawngtha cauk hi Bible chung ah zeitluk a biapi mi dah a si kha Billy Graham nih a fian tuknak a lang. Thawngtha cauk hi zeitindah rel kan thok lai tiah an rak hal lioah, Johan in thok hi tha a pek bik. Cauk dang kan rel bantuk in, a hram in thok siloin, Jesuh kong tambik a kan chimmi Johan in thok hi a tha, Johan cu Bible muru asi tiah a ti bal. Cahlun nih Jesuh kong a chim cia i, Cathar nih Jesuh sining a kan chimh than. Cucaah Johan ahhin Jesuh kong tambik le fiangbik in theih khawh asi caah Johan in thok i a dang cauk hi hnu ah rel khawh asi.
Bible cauk na rel tikah Pathian sinah bawmhnak hal. Na relmi cauk chungah zeidah a cang ti Fiannak ding ca lawngah siloin na nunnak caah zeidah a chim duh ti zong fian khawh nakhnga thlacam. Job lungput hi zumtu kan lungput a si dih ding ah a biapi tuk. Job 23:12, “A hmur in a chuakmi nawlbia kha zeirello in ka um hna lo i Ka lung chungah a kaa chuak bia kha ka khon hna.”
4. Bible Hi Hrilhfiah Le Chanthar Lehmi Cauk Pawl He Relchih
Bible hi uk khat hnu uk khat in rel lengmang lawng siloin, rel dih hnu ah a biafang pawl hi mah tein thukdeuh purh khawh i zuam hi a biapi ngaingai. Rel tiang lawng siloin a chung bia pawl hrimhrim hi mah tein thuk deuh in duhsah tein purh khawh i zuam a tha. Cudihin, a bia pawl le thil sining fiang deuh in kan theihfian nak ding caah Hrilhfiah relchih cu a tha chinchin. A tuanbia le, thil a rak cangmi kong theih chih i, an rak tial thoknak holh hna thiam chih ahcun a tha bik. Hrilhfiah na hman chihmi nih Bible na fian khawh lo mi fiannak ah an bawmh lawng siloin Pathian bia kha thinlung la ngai in rel duhnak lungthawhnak an pek lai.
Chanthar lehmi Bible pawl hi nitin Bible purhnak caah hmuhning thar le lam tampi an kan cawnpiak. Bible dihlak kha lehmi phunkhat in na lim hnu ah lehning dang deuh in tialmi Bible cauk hna in rel than hi a tha ngaingai. CBS an timi Community Bible Study cauk hi Mirang holh a rel kho mi caah cun Lehning thar a si i duh ngaimi cauk zong asi.
5.Lamkaltu pawl Riantuannak ah Kir Than lengmang
Lamkaltu cauk hi Jesuh zultu minung tlawmte nih zeitindah Jesuh fialmi rian thawngtha karhnak rian hi vawlei mi vialte nih an theih khawhnak ding caah an rak aupi ti kha fiang tein kan hmuh khawh nak hmun asi. Mah ram chung lawng hmanh siloin Teih (Continent) paruk ah thawngtha a chimmi Billy Graham nih cun Lamkaltu cauk hi a UAR tuk mi asi.
Midang sinah thawngtha chim duhnak lungthawhnak a ngei lo mi na si sual ahcun Lamkaltu cauk na rel nak nih a thar in lungthawhnak an pek hrimhrim lai. Zeicahtiah mi dang sin ah chim dingmi thawng vialte lakah a tha bik cu Jesuh thawngtha chim asi kha na fiang lai i chimh chin dingin na hmai ah Bawipa nih a chiah mi thlarau tlau mi hna sin ah cu thawngtha cu chim loin na um kho lai lo.
6.Na Relmi Dihlak Hmahthahnak Tial (Note)
Bible reltu phunhnih kan um. Passive Reader an ti mi; Bible cauk kha aa lak i a rel cawlh i a ngol ko mi le Active Reader; Bible cauk kha aa lak i a rel lawng siloin a rel mi chungin a hmuh mi tete kha cauk chungah aa tial i aa hmahthah mi le a nunnak caah aa lak khawhmi Pathian bia kha tha tein cauk chungah aa tial mi an si. Bible an rel pah in Note an tial, Biafunnak an tial, an rel mi chungin biahalnak an tuah, a phi (Answer) an kawl. Siangin ca cawn hna zong a lo kho; sinain cunihcun na nun daithlan ter hlahseh. Zeicahtiah, Bible rel i tha tein Note tial cu rel sawhsawh men nak in hmual fakpi in a ngeih lawng siloin lung zong a fiang i nun zong nih aa sehchih, a dawp khawh deuh suamau.
Kan rel sinin Note tialnak caah can kan pek tikah kan thinlung kha kan rel mi bia chungah can zeimawzat a tap, a tuaktan ta, a relmi kha kaltak cawlh in a dang cahmai ah aa thial cawlh lo. Bible hi a can ahcun fian har a buaithlak ngaimi bia hna a lo tawn. Sinain fiang tein tialmi asi. Kan rel tik tu ah a bia hmanmi kha tuaktan bu le ralring tein kan rel le kan tonghtham a herh.
7. Bible Bia kha Na Nunnak ah Hmual Ngeih Ter.
Na Relmi Biatak Kha Chunnitla Lamhruaitu ah hmang law ruat peng (Meditate). Minthang ngaimi Pollock nih Billy Graham hi Bible aa nunpi ning hi zoh tikah a rel cuahmah mi Bible cauk kha chikhat chia in a relmi sullam ruah dingah tho in aa chawh tak caan a tampi tawn lai, tiah Billy Graham Nun ah Bible nih lam a hruai ning zoh in a rak chim bal.
Bible bia hi rel men in philh than hlah. Na rel mi bia cungah na thinlung chia. Na relmi ca cang kha lungchung cam ter dingin pumpeknak ngei. Na relmi Pathian bia nih a ngeihmi thawnnak thazang dihlak kha na nunnak tawngh ter. Pathian bia kha na sinah dengteo in phak ter.
Zumtu vialte cu Billy Graham bantukin Cawnpiak tu le Thawngtha chimtu ah kawh cu kan si lai lo nain Bible a rak purhning le Bible nih a thawt ning cu kan cawn khawh. Graham nih Pathian bia kha a hngalh dih nain a thluak hngalhnak in a ngol lo. Pathian bia duhnak, tlaihchannak nih a ngandeuhmi le a biakmi Pathian dawt chinchin nak ah lam a hruai. Pathian bia a duh, a thawtmi hna cu a liannganmi Pathian dawtnak ah an nun a thang tawn. Bible tlaihchan cu a nungmi Pathian hngalhnak le dawtnak hram asi.
Kan hngalh lomi cu kan Daw kho lo. Bible rel lo in Pathian hngalh khawh asi lo. Cucaah Zumtu nih thuk chinchin in Pathian kan theih kan hngalh i a lam hruainak tangah kan nun a kal khawh nak ding caah, Nifatin kan nunnak ah Bible rel le purh nak zulhphung (sikan/Displine) ah thannak thawngin Pathian Dawtnak nun ah a thangmi nun kan ngeih ding hi a biapi tuk.
Zathawngcin
February 28, 2018
HTML Comment Box is loading comments...
