KHRISTMAS FIMNAK
Bible Relnak:
Matthai 2:1-12; 2 Judah siangpahrang asilai dingmi ngakchia a chuakmi cu khuazei ahdah a um? A Arfi nichuahlei in a chuah kha kan hmuh I amah biak awkah cun atu hi kan ra,”an ti. 11 Inn chung ahkhan an vung lut I ngakchia kha a nu Mary sinah cun an vung hmuh. An khuk an I bil I an biak. Cun an zal chung khan laksawng an I chuah I an pek, cu an laksawng cu Sui le Frankinsen zihmui le Mura zihmui an si. 12 Pathian nih an mang ah Herod sin I kir ti lo ding khan a chimh hna I cucaah lam dang in an ram ah khan an kir.
Bia Hmaikal
Mifim hna tuanbia hi khuaruahhar tuanbia a si ve. Kan chuahkaa in an konglam le thil sining cu kan theih tuk cang nain Baibal bia hi tha te in zoh I hlathlai tikah mifim hna kong ahhin lehkhawh lo dingmi biahal nak tampi an um. Tck. Pa zeizat dah an si? kan thei lo. Khuazei in dah an rat zong kan thei lo, Zeicandah an rauh ti zong kan thei lo. Baibal chungah Khuaruahhar ngai in an hung lang I khuaruahhar ngai in an lo tthan. Sihmanhseh thil pakhat kan fian khawh micu, chankhat hnu chankhat Minung nih Jesuh kha pehzulh in kan kawl tikah Mifim mi kan karh chin; kan tam chin thluahmah tihi asi. Mifim hna tuanbia chungin kan cawn khawhmi thil, Nunzia, dirhmun Pathum in kan zoh lai.
1. Mifim Hna Khual Lam hi ZUMHNAK ruangah asi
“Judah siangpahrang asilai dingmi ngakchia a chuakmi cu khuazei ahdah a um? A Arfi nichuahlei in a chuah kha kan hmuh”-
Nuam ngai tein anmah hmunhma, mah le Inn le lo chung teah a tthu I khua a sa ko mi, minung kha Tih a nung taktak mi Khuallam kal/zawh dingah Zeinihdah a lem hna? Dawtnak nih maw?
Asikho! Rumnak dah? Asikho pah! Adikbakmi cu ZUMHNAK nih a rak kalter mi hna si. (PTL) Judah siangpahrang asilai dingmi ngakchia a chuakmi cu khuazei ahdah a um? an ti tikahzeitluk in hngalhduhnak aa telmi biahalnak dah asi! An bia ah- Ngakchia a chuakmi cu- tiah Jesuh chuahnak kongah Lunghrinnak an ngeih lo zia kha a lang I an biahalnak cu- Khuazei ahdah a um?- ti asi. Arfi an hmuh-Jesuh chuahnak tette-Arfi- cu a tak asi! khuazei ahdah aum an ti. “An zumh bakmi cu Naute A Nung ko,” a tu hi hmun khatkhat ah aum ko ti kha asi. Culioah an nun nih a duh bikmi le an herhmi dihlak cu kal in NAU TE KAWL asi. Tinhmi tha te in an ngeih. Cucu Naute Kawl ding kha asi. Cu Naute hmuhkhawhnak ding caah zeizong thil vial te kaltak in Tihphannak in a khat mi, an kal ballo nak khuallam I va kalding kha an duh tuk, an ngamh tuk I an I thim. An caah hmun him a siko mi an INN le an LO kha Siangpahrang, Jesuh kawlnak ding caah cun kaltak an sian tuk.
An Innpa hna nih zeitindah an ti hna hnga tihi ruah awk aum ngai. Khual ma nan tlawn hnik? an ti hna lai I, AW (yes) an ti lai. Khuazei ah nan kal lai? anti hna tikah, Khuazeiset kan kal lai ti kan thei lo, ti asi lai. Zeitlukdah a hlat? kan thei tthiam lo. Zeican dah nan va rauh lai? Kan thei tthiam lo. Mifim hna caah hngalh lo mi ngakchia, Naute nih thil tamtuk a tuah lo maw?
Siseh an chim dingmi cu, Kamhmi ram ah a kal ding mi Abraham bia; Tlansang cung tiang phan ding in ruah asur ballonak hmun ah Tilawng a sa mi, Noah bia; Ngatlai tu in Mitlai tu ah auh a simi, Peter, Andrew, Johan le Jame hna an chimmi bia (Luke 5:10-11, Nan thin phang hlah u a tu thok in mi nan tlai cang hna lai tiah a ti. Lawng cu tikam ah an hnuhi zeizang vialte kha an kaltak I Jesuh kha an zulh-) hna hi an chim ve lai ti a fiang.
Aho si zong a fiang lo mi kha ton awk ah, Inn le lo, Khua le ram, Chungkhar sahlawh le Him tein umko nak hmun, chuahkehnak khua kha kaltak in phanh bal lo nak hmun, khuazei a si zong theih lo mi, zeican a rauh lai le zeilam a si lai zong thei lo in, Tih a nung ngai mi khuallam kal ding I Lung awtawm lo tein I thawh ko cu- minung mit in zoh ah cun HRUH asi ko. Mifim hna cu an hrut maw? Misual ansi maw? An lung a fim ti lo maw? An hrut lo, misual an silo, an lung zong a fim ko- an nunnak lam a hruai tu le hi thil khuaruahhar a tuahngam tertu cu ZUMHNAK tu a rak si.
Pathian kawlnak khuallam poah ah ZUMHNAK aa tel zungzal. Zumhnak lo in Pathian lungton khawh a si lo. Zeiruangah? Hebrew 11:6, “Ahohmanh nih zumhnak lo in Pathian lung ton khawh a si lo; zeicahtiah Pathin a fuhmi paohpaoh nih cun, Pathian cu a um I a mah a kawlmi cu laksawng a pek hna, ti kha an zumh awk a herh.”
Zumhnak a ngeimi minung hna cu Tuanbia chung ahhin, an theih lo mi thil tuahding ah a tu le a tu hneksak an si lengmang I an tuah lengmang tawnnak kan hmuh.
William Cary cu India ram a ummi minung Million tampi nih Jesuh dawtnak thawngttha an thei lo ti a theih lio ah hin Kedan sertu men a rak si.Mark 16:15, “Vawlei cung khua zakip ah va kal u law miphun kip kha thawngthabia va chim hna u,” timi Bible bia kha Keimah a ka chimhmi le a ka fial mi a si tiah a zumh. Cun India ram i thawngttha chim ding ah aa thawh. Siseh, ka fapa thu ko, Bawipa nih a zaa a ti ahcun nangmah tuan hau lo in India minung hna hi zumtu ah a ser te ko hna lai, tiah an tloh. Sinain a kal ko, a mah tein a tuan. Kum sarih chung minung pakhat hmanh zumtu ah a canter kho hna lo. Siseh a nunnak a dongh lei ahcun,Khrihfabu za leng le zumtu thong tampi a hmuh taak hna. Nihin ahcun William Cary cu “Chanthar Mission rian ah kan Papi” (Father of Modern Missions) tiah auh a si cang. Amah cu ZUMHNAK a ngeimi pa asi.
2. Mifim Hna Khuallam hi Pathian Biak duh ruangah asi ( Worship)
Mifim hnanih hi khualtlawnnak lam cung I an van I thawh bak ah a rak ummi hmuitinh pakhat cu PATHIAN BIAK DING asi. Sui le Frankinsen zihmui le Mura zihmui hna cu Pathian pekawk ah an I ken. Laksawng an I ken nak nih a langhter mi cu an khual tlawnnak ah an I tinhmi hi Pathian biakawk asinak kha asi. An laksawng nih hmelchunhnak an ngeih. Sui nih Rumnak, Fankinsen cu Pathian biaknak ah hman tawn mi. Asawhmi cu Jesus Pathian fapa a sinak kha asi I, Mura zihmui cu mithi ruak thut lonak ah hmanmi a si caah; a sawhmi cu Jesus cu misual kan ca I raithawi dingmi meiceu- asinak kha a langhter tiah Bible thiam nih an ti.
Siseh Pathian an biaknak ah hin hi laksawng pawl lengah thildang tampi an um rih. Pathian Biaknak ah Raithawinak/ Pekchanhnak aa tel peng. Mifim hna nih an zeidah an pek?
Mifim hnanih Pathian biakawk ah an pekchanhmi thil dang an um len rih. An mipum in Pathian biakawk ah khuallam an kal. Hilio chan ah khual kal timi cu a fawi lo I a nuamh lo ngai lio caan a si. Ral tampi an tong kho. Mifim hna nih lawm tein mah in le lo te I um khawh ko nak vialte kha Pathian biakawk caah cun an kal tak dih. An chungkhar, an khuaram, an inn lo le an hawi kom vialte kha Pathian biakawk ah an kal tak dih.
David nih raithawinak thil cawkawk I asalpa Araunah sinah a vakal tikah asalpa nih alak in I lak ko Bawipa tiah a rak ti. Davih nih a chimmi cu: II Samuel 24:24, “Sihmanhsehlaw siangpahrang nih Araunah cu a thawh I, “Asilo, a man in kan cawk ko lai, zeicahtiah Bawipa ka Pathian sinah, a man zeihmanh ka liam lomi khangh thawinak cu ka pechan kho hna lai lo,”tiah a ti. Aman ka liam lo mi thil cu Bawipa ka pe kho lo, a ti.
Rome 12:1, “Cucaah ka u le ka nau hna Pathian nih a kan zaangfahnak a ngan mi ruang ah hin, Pathian sinah a nung in pekchanhmi raithawinak bantukin I pe tuah u: arian ah aa pumpe mi le cohlan awk tlakmi si tuah u; cucu biaknak taktak Pathian nan pek awk biaknak cu a si.” ati. Anung in pekmi raithawinak bantuk; aa pumpe mi nun le cohlan awk tlak in I pek hi Biaknak taktak, Pathian kan pek awk biaknak asi nak kong kha kan hmuh.
Biaknak Taktak ahcun Raithawinak, I pekchanhnak aa tel zungzal. Pekchanhnak tello in Pathian biak khawh a si lo. A nganbik mi Raithawinak, Pathian kan pek khawh mi cu -KAN MAH- mipum, thinlung ruahnak, ngeihchiah chawva dihlak hi an si. Kei cu Pathian zeihmanh ka pe lo tiah nan ti men lai. Siseh nan pek kan in ti hna lai! Kan I pumh tikah, kan pum kha a mah kan pek asi. Kan caan kan pek. Pathian kawl awk le biak awk ah zingka tein kan tho, thil kan I thleng, I timhlamhnak kan ngei; Pathian kan pekmi asi. Kan motor kan I cit, Gas kan cawk I Biakinn ah kan kal. Thawhlawm bawm kan sin a phanh tikah Pathian ram kauhnak ca, Biakinn zohkhenhnak, Biakinn thilri cawknak, Sunday School ca thilherhmi cawknak, Mino Youth camp tuahnak le Pathian rianttuan mi thlahlawh pekawk caah; Pathian program tlamtlinnak caah thawhlawm tampi kan pek. Nihin Biakinn ah pumhding in nan rat hi nan I ruah lo zong ah- Anung in pek mi raithawinak bantuk in nan I pek- asi, Pathian aa lawm. Pathian biakawk ah na tuah mi thil vialte kha a mah pathian na pek mi raithawinak an si. Siseh Pathian nih a duhbikmi raithawinak cu zeidah a si ti kha kan fian a hau.
Pathian nih a duhbikmi raithawinak cu KEIMAH ka si ti kan fian kha a si. Pathian nih raithawinak caah kan sin in a duhmi cu, KAN THINLUNG, kan DUHNAK- hna hi an si. Bia kan I hal dingmi hna cu: Pathian pek ka duhmi hi zeidah asi? Pathian biakawk ah thlarau khuallam cung ah kal ka duh maw? (Pathain ka kawl maw!) Kan sining dihlak Pathian pek ka duh maw? Ka duhtuk mi, kaa lawmhpi bikmi thil, inn le lo, chungkhar, ngeih le chiah, le vawlei thil pawl hi Jesuh Khrih zulh nak ding caah KAL TAK ka siang maw? Jesuh a kawl mi Mifim hna lak ah hin- KAN I TEL VE MAW? Mifim hna cu Pathian Biak lawng kha an nun nih a duh I, an sining, an chawva, an inn lo le an chungkhar, an khuaram vialte kha kal tak in Pathian biak an ngamh caah Bible nih mifim a ti hna nak a si. Kan Fim Ve maw?
3. Mifim hna Khuallam ahhi a cangmi thil pakhat cu THLENNAK (Change) asi.
Caang 12 nak zohtikah, “Pathian nih an mang ah Herod sin I kir ti lo ding khan a chimh hna I cucaah lam dang in an ram ah khan an kir,” Lamdang in an kir nak kan hmuh.
Mifim hna nunnak ah Mi lungthin a la ngei mi thil pakhat cu: Jesuh an biak hnu ahcun an rat nak lamhlun, lam thing khan an KIR THAN kho ti lo. Minung kan nunnak zong ah Pathian he kan I ton ahcun kan nunning aa dang, aa thleng. Kan nun tawn ning he aa khat kho ti lo. Pathian le kan minung sining nih a duhmi kha an vaa tong I Pathian nih amah duhning in a rak thlen. Cu thlennak nih cun kan mah kha a kan thlen tthan ve tawn. Pathian he I ton tik paoh ah hi THLENNAK hi a chuak.
Genesis chungah Jocob cu Pathian he an I paihnak, pathian he an I tonnak kong kan hmuh. Gen. 28:21, “Ka pa inn ah him tein ka kir than ahcun nangmah cu ka Pathian na si lai.” Jacob zong Pathian he an I ton hnu ah a thih tiang, a nun hlun ning in a nungtthan ti lo. A NUN AA THLENG
Isaiah zong Pathian umnak hmun ah a lut I a chimmi cu,Isaiah 6:5, “Cun kei nih kaa thawh I, Élaw, mah hi ka si ko cang! ka lo ko cang. Ka ka in a chuakmi bia hi bia sual lawngte an si I ka umnak mi zong hi bia sual le biathur a hmangmi lawngte an si. Cun a tu ah ka mit hrimhrim in Siangpahrang, Ralkapbu Bawipa cu ka hmuh,’ati.Hi hnu ah Isaiah cu a sining hlun ah a kir tthan ti lo. Pathian lamkal tu ah a cang.
A NUN AA THLENG
Job nih a tuarmi harnak kong ah a tu le a tu Bawipa kha bia a hal. Pathian nih a leh tik ah Job nih a chimmi cu, Job.40:4-5, “Zeirel awktlak asilo mi kei nih hin nangmah cu zeitindah kan leh khawh lai? ka kut in ka ka kaa huh ah a tha deuh lai. voikhat ka chim cang I ka chim ti lai lo; voi hnih ka chim cang I cu bantuk in ka chim than ti lai lo,”ati. Job zong Pathian he an I ton hnu ah a nunning hlun ah a kir tthan ti lo.
A NUN AA THLENG.
Pathian umnak hmun ah kan kal I a mah he kan I ton tik paoh ah Nun THLENNAK hi kan nunnak ah a chuak. Mifim hna Nunnak zong ah Jesuh an ton tik ah an Nunah hi THLENNAK hi a chuak, an I thleng I, an ratnak lam hlun in an kir tthan ti lo. Jesuh kan biak I amah he kan I ton tikah thil sining vialte an I thleng dih tawn.
A tuhi Christmas caan, Mifim hna tuanbia kan theih lio caan asi. Zeiruangah Mifim an si? Zeicatiah, ZUMHNAK an ngei, PATHIAN an an kawl, Pathian tonawk ah an ngeihmi bialte kaltak an ngamh I an sian; An zulhmi lam AN THLEN. Hi thil vialte an NUNNAK ah a can cu, Hrinmi JESUH ruang ah a si. Nang le kei tah? Kan nunnak ah Thlennak kan kawl ve maw? Tukum Christmas ah JESUH KAWL LAW NA NUNNAK CU AA THLENG HRIMHRIM LAI. Kan nunnak ah a umtawn mi thil sining vialte an I thleng lai. Jesuh a chuak, Lung awtawm lo tein, a mah biakawh ah nan tlaihchanmi vawlei thil, suingun chawva vialte le na inchungkhar, sahlawh rualchan vialte kha kaltak in,
ATU I THAWH LAW MIFIM HNA BANTUK IN JESUH KAWL!Nan nunnak ah Christmas daihnak hnangamnak atlung lai.
Pathian nih Christmas daihnak hnangamnak in pe hram ko seh. Amen!
Lawmhnak he
Zathawngcin
Bethel Baptist Church of Texas
Lewisville
Texas, USA
Matthai 2:1-12; 2 Judah siangpahrang asilai dingmi ngakchia a chuakmi cu khuazei ahdah a um? A Arfi nichuahlei in a chuah kha kan hmuh I amah biak awkah cun atu hi kan ra,”an ti. 11 Inn chung ahkhan an vung lut I ngakchia kha a nu Mary sinah cun an vung hmuh. An khuk an I bil I an biak. Cun an zal chung khan laksawng an I chuah I an pek, cu an laksawng cu Sui le Frankinsen zihmui le Mura zihmui an si. 12 Pathian nih an mang ah Herod sin I kir ti lo ding khan a chimh hna I cucaah lam dang in an ram ah khan an kir.
Bia Hmaikal
Mifim hna tuanbia hi khuaruahhar tuanbia a si ve. Kan chuahkaa in an konglam le thil sining cu kan theih tuk cang nain Baibal bia hi tha te in zoh I hlathlai tikah mifim hna kong ahhin lehkhawh lo dingmi biahal nak tampi an um. Tck. Pa zeizat dah an si? kan thei lo. Khuazei in dah an rat zong kan thei lo, Zeicandah an rauh ti zong kan thei lo. Baibal chungah Khuaruahhar ngai in an hung lang I khuaruahhar ngai in an lo tthan. Sihmanhseh thil pakhat kan fian khawh micu, chankhat hnu chankhat Minung nih Jesuh kha pehzulh in kan kawl tikah Mifim mi kan karh chin; kan tam chin thluahmah tihi asi. Mifim hna tuanbia chungin kan cawn khawhmi thil, Nunzia, dirhmun Pathum in kan zoh lai.
1. Mifim Hna Khual Lam hi ZUMHNAK ruangah asi
“Judah siangpahrang asilai dingmi ngakchia a chuakmi cu khuazei ahdah a um? A Arfi nichuahlei in a chuah kha kan hmuh”-
Nuam ngai tein anmah hmunhma, mah le Inn le lo chung teah a tthu I khua a sa ko mi, minung kha Tih a nung taktak mi Khuallam kal/zawh dingah Zeinihdah a lem hna? Dawtnak nih maw?
Asikho! Rumnak dah? Asikho pah! Adikbakmi cu ZUMHNAK nih a rak kalter mi hna si. (PTL) Judah siangpahrang asilai dingmi ngakchia a chuakmi cu khuazei ahdah a um? an ti tikahzeitluk in hngalhduhnak aa telmi biahalnak dah asi! An bia ah- Ngakchia a chuakmi cu- tiah Jesuh chuahnak kongah Lunghrinnak an ngeih lo zia kha a lang I an biahalnak cu- Khuazei ahdah a um?- ti asi. Arfi an hmuh-Jesuh chuahnak tette-Arfi- cu a tak asi! khuazei ahdah aum an ti. “An zumh bakmi cu Naute A Nung ko,” a tu hi hmun khatkhat ah aum ko ti kha asi. Culioah an nun nih a duh bikmi le an herhmi dihlak cu kal in NAU TE KAWL asi. Tinhmi tha te in an ngeih. Cucu Naute Kawl ding kha asi. Cu Naute hmuhkhawhnak ding caah zeizong thil vial te kaltak in Tihphannak in a khat mi, an kal ballo nak khuallam I va kalding kha an duh tuk, an ngamh tuk I an I thim. An caah hmun him a siko mi an INN le an LO kha Siangpahrang, Jesuh kawlnak ding caah cun kaltak an sian tuk.
An Innpa hna nih zeitindah an ti hna hnga tihi ruah awk aum ngai. Khual ma nan tlawn hnik? an ti hna lai I, AW (yes) an ti lai. Khuazei ah nan kal lai? anti hna tikah, Khuazeiset kan kal lai ti kan thei lo, ti asi lai. Zeitlukdah a hlat? kan thei tthiam lo. Zeican dah nan va rauh lai? Kan thei tthiam lo. Mifim hna caah hngalh lo mi ngakchia, Naute nih thil tamtuk a tuah lo maw?
Siseh an chim dingmi cu, Kamhmi ram ah a kal ding mi Abraham bia; Tlansang cung tiang phan ding in ruah asur ballonak hmun ah Tilawng a sa mi, Noah bia; Ngatlai tu in Mitlai tu ah auh a simi, Peter, Andrew, Johan le Jame hna an chimmi bia (Luke 5:10-11, Nan thin phang hlah u a tu thok in mi nan tlai cang hna lai tiah a ti. Lawng cu tikam ah an hnuhi zeizang vialte kha an kaltak I Jesuh kha an zulh-) hna hi an chim ve lai ti a fiang.
Aho si zong a fiang lo mi kha ton awk ah, Inn le lo, Khua le ram, Chungkhar sahlawh le Him tein umko nak hmun, chuahkehnak khua kha kaltak in phanh bal lo nak hmun, khuazei a si zong theih lo mi, zeican a rauh lai le zeilam a si lai zong thei lo in, Tih a nung ngai mi khuallam kal ding I Lung awtawm lo tein I thawh ko cu- minung mit in zoh ah cun HRUH asi ko. Mifim hna cu an hrut maw? Misual ansi maw? An lung a fim ti lo maw? An hrut lo, misual an silo, an lung zong a fim ko- an nunnak lam a hruai tu le hi thil khuaruahhar a tuahngam tertu cu ZUMHNAK tu a rak si.
Pathian kawlnak khuallam poah ah ZUMHNAK aa tel zungzal. Zumhnak lo in Pathian lungton khawh a si lo. Zeiruangah? Hebrew 11:6, “Ahohmanh nih zumhnak lo in Pathian lung ton khawh a si lo; zeicahtiah Pathin a fuhmi paohpaoh nih cun, Pathian cu a um I a mah a kawlmi cu laksawng a pek hna, ti kha an zumh awk a herh.”
Zumhnak a ngeimi minung hna cu Tuanbia chung ahhin, an theih lo mi thil tuahding ah a tu le a tu hneksak an si lengmang I an tuah lengmang tawnnak kan hmuh.
William Cary cu India ram a ummi minung Million tampi nih Jesuh dawtnak thawngttha an thei lo ti a theih lio ah hin Kedan sertu men a rak si.Mark 16:15, “Vawlei cung khua zakip ah va kal u law miphun kip kha thawngthabia va chim hna u,” timi Bible bia kha Keimah a ka chimhmi le a ka fial mi a si tiah a zumh. Cun India ram i thawngttha chim ding ah aa thawh. Siseh, ka fapa thu ko, Bawipa nih a zaa a ti ahcun nangmah tuan hau lo in India minung hna hi zumtu ah a ser te ko hna lai, tiah an tloh. Sinain a kal ko, a mah tein a tuan. Kum sarih chung minung pakhat hmanh zumtu ah a canter kho hna lo. Siseh a nunnak a dongh lei ahcun,Khrihfabu za leng le zumtu thong tampi a hmuh taak hna. Nihin ahcun William Cary cu “Chanthar Mission rian ah kan Papi” (Father of Modern Missions) tiah auh a si cang. Amah cu ZUMHNAK a ngeimi pa asi.
2. Mifim Hna Khuallam hi Pathian Biak duh ruangah asi ( Worship)
Mifim hnanih hi khualtlawnnak lam cung I an van I thawh bak ah a rak ummi hmuitinh pakhat cu PATHIAN BIAK DING asi. Sui le Frankinsen zihmui le Mura zihmui hna cu Pathian pekawk ah an I ken. Laksawng an I ken nak nih a langhter mi cu an khual tlawnnak ah an I tinhmi hi Pathian biakawk asinak kha asi. An laksawng nih hmelchunhnak an ngeih. Sui nih Rumnak, Fankinsen cu Pathian biaknak ah hman tawn mi. Asawhmi cu Jesus Pathian fapa a sinak kha asi I, Mura zihmui cu mithi ruak thut lonak ah hmanmi a si caah; a sawhmi cu Jesus cu misual kan ca I raithawi dingmi meiceu- asinak kha a langhter tiah Bible thiam nih an ti.
Siseh Pathian an biaknak ah hin hi laksawng pawl lengah thildang tampi an um rih. Pathian Biaknak ah Raithawinak/ Pekchanhnak aa tel peng. Mifim hna nih an zeidah an pek?
Mifim hnanih Pathian biakawk ah an pekchanhmi thil dang an um len rih. An mipum in Pathian biakawk ah khuallam an kal. Hilio chan ah khual kal timi cu a fawi lo I a nuamh lo ngai lio caan a si. Ral tampi an tong kho. Mifim hna nih lawm tein mah in le lo te I um khawh ko nak vialte kha Pathian biakawk caah cun an kal tak dih. An chungkhar, an khuaram, an inn lo le an hawi kom vialte kha Pathian biakawk ah an kal tak dih.
David nih raithawinak thil cawkawk I asalpa Araunah sinah a vakal tikah asalpa nih alak in I lak ko Bawipa tiah a rak ti. Davih nih a chimmi cu: II Samuel 24:24, “Sihmanhsehlaw siangpahrang nih Araunah cu a thawh I, “Asilo, a man in kan cawk ko lai, zeicahtiah Bawipa ka Pathian sinah, a man zeihmanh ka liam lomi khangh thawinak cu ka pechan kho hna lai lo,”tiah a ti. Aman ka liam lo mi thil cu Bawipa ka pe kho lo, a ti.
Rome 12:1, “Cucaah ka u le ka nau hna Pathian nih a kan zaangfahnak a ngan mi ruang ah hin, Pathian sinah a nung in pekchanhmi raithawinak bantukin I pe tuah u: arian ah aa pumpe mi le cohlan awk tlakmi si tuah u; cucu biaknak taktak Pathian nan pek awk biaknak cu a si.” ati. Anung in pekmi raithawinak bantuk; aa pumpe mi nun le cohlan awk tlak in I pek hi Biaknak taktak, Pathian kan pek awk biaknak asi nak kong kha kan hmuh.
Biaknak Taktak ahcun Raithawinak, I pekchanhnak aa tel zungzal. Pekchanhnak tello in Pathian biak khawh a si lo. A nganbik mi Raithawinak, Pathian kan pek khawh mi cu -KAN MAH- mipum, thinlung ruahnak, ngeihchiah chawva dihlak hi an si. Kei cu Pathian zeihmanh ka pe lo tiah nan ti men lai. Siseh nan pek kan in ti hna lai! Kan I pumh tikah, kan pum kha a mah kan pek asi. Kan caan kan pek. Pathian kawl awk le biak awk ah zingka tein kan tho, thil kan I thleng, I timhlamhnak kan ngei; Pathian kan pekmi asi. Kan motor kan I cit, Gas kan cawk I Biakinn ah kan kal. Thawhlawm bawm kan sin a phanh tikah Pathian ram kauhnak ca, Biakinn zohkhenhnak, Biakinn thilri cawknak, Sunday School ca thilherhmi cawknak, Mino Youth camp tuahnak le Pathian rianttuan mi thlahlawh pekawk caah; Pathian program tlamtlinnak caah thawhlawm tampi kan pek. Nihin Biakinn ah pumhding in nan rat hi nan I ruah lo zong ah- Anung in pek mi raithawinak bantuk in nan I pek- asi, Pathian aa lawm. Pathian biakawk ah na tuah mi thil vialte kha a mah pathian na pek mi raithawinak an si. Siseh Pathian nih a duhbikmi raithawinak cu zeidah a si ti kha kan fian a hau.
Pathian nih a duhbikmi raithawinak cu KEIMAH ka si ti kan fian kha a si. Pathian nih raithawinak caah kan sin in a duhmi cu, KAN THINLUNG, kan DUHNAK- hna hi an si. Bia kan I hal dingmi hna cu: Pathian pek ka duhmi hi zeidah asi? Pathian biakawk ah thlarau khuallam cung ah kal ka duh maw? (Pathain ka kawl maw!) Kan sining dihlak Pathian pek ka duh maw? Ka duhtuk mi, kaa lawmhpi bikmi thil, inn le lo, chungkhar, ngeih le chiah, le vawlei thil pawl hi Jesuh Khrih zulh nak ding caah KAL TAK ka siang maw? Jesuh a kawl mi Mifim hna lak ah hin- KAN I TEL VE MAW? Mifim hna cu Pathian Biak lawng kha an nun nih a duh I, an sining, an chawva, an inn lo le an chungkhar, an khuaram vialte kha kal tak in Pathian biak an ngamh caah Bible nih mifim a ti hna nak a si. Kan Fim Ve maw?
3. Mifim hna Khuallam ahhi a cangmi thil pakhat cu THLENNAK (Change) asi.
Caang 12 nak zohtikah, “Pathian nih an mang ah Herod sin I kir ti lo ding khan a chimh hna I cucaah lam dang in an ram ah khan an kir,” Lamdang in an kir nak kan hmuh.
Mifim hna nunnak ah Mi lungthin a la ngei mi thil pakhat cu: Jesuh an biak hnu ahcun an rat nak lamhlun, lam thing khan an KIR THAN kho ti lo. Minung kan nunnak zong ah Pathian he kan I ton ahcun kan nunning aa dang, aa thleng. Kan nun tawn ning he aa khat kho ti lo. Pathian le kan minung sining nih a duhmi kha an vaa tong I Pathian nih amah duhning in a rak thlen. Cu thlennak nih cun kan mah kha a kan thlen tthan ve tawn. Pathian he I ton tik paoh ah hi THLENNAK hi a chuak.
Genesis chungah Jocob cu Pathian he an I paihnak, pathian he an I tonnak kong kan hmuh. Gen. 28:21, “Ka pa inn ah him tein ka kir than ahcun nangmah cu ka Pathian na si lai.” Jacob zong Pathian he an I ton hnu ah a thih tiang, a nun hlun ning in a nungtthan ti lo. A NUN AA THLENG
Isaiah zong Pathian umnak hmun ah a lut I a chimmi cu,Isaiah 6:5, “Cun kei nih kaa thawh I, Élaw, mah hi ka si ko cang! ka lo ko cang. Ka ka in a chuakmi bia hi bia sual lawngte an si I ka umnak mi zong hi bia sual le biathur a hmangmi lawngte an si. Cun a tu ah ka mit hrimhrim in Siangpahrang, Ralkapbu Bawipa cu ka hmuh,’ati.Hi hnu ah Isaiah cu a sining hlun ah a kir tthan ti lo. Pathian lamkal tu ah a cang.
A NUN AA THLENG
Job nih a tuarmi harnak kong ah a tu le a tu Bawipa kha bia a hal. Pathian nih a leh tik ah Job nih a chimmi cu, Job.40:4-5, “Zeirel awktlak asilo mi kei nih hin nangmah cu zeitindah kan leh khawh lai? ka kut in ka ka kaa huh ah a tha deuh lai. voikhat ka chim cang I ka chim ti lai lo; voi hnih ka chim cang I cu bantuk in ka chim than ti lai lo,”ati. Job zong Pathian he an I ton hnu ah a nunning hlun ah a kir tthan ti lo.
A NUN AA THLENG.
Pathian umnak hmun ah kan kal I a mah he kan I ton tik paoh ah Nun THLENNAK hi kan nunnak ah a chuak. Mifim hna Nunnak zong ah Jesuh an ton tik ah an Nunah hi THLENNAK hi a chuak, an I thleng I, an ratnak lam hlun in an kir tthan ti lo. Jesuh kan biak I amah he kan I ton tikah thil sining vialte an I thleng dih tawn.
A tuhi Christmas caan, Mifim hna tuanbia kan theih lio caan asi. Zeiruangah Mifim an si? Zeicatiah, ZUMHNAK an ngei, PATHIAN an an kawl, Pathian tonawk ah an ngeihmi bialte kaltak an ngamh I an sian; An zulhmi lam AN THLEN. Hi thil vialte an NUNNAK ah a can cu, Hrinmi JESUH ruang ah a si. Nang le kei tah? Kan nunnak ah Thlennak kan kawl ve maw? Tukum Christmas ah JESUH KAWL LAW NA NUNNAK CU AA THLENG HRIMHRIM LAI. Kan nunnak ah a umtawn mi thil sining vialte an I thleng lai. Jesuh a chuak, Lung awtawm lo tein, a mah biakawh ah nan tlaihchanmi vawlei thil, suingun chawva vialte le na inchungkhar, sahlawh rualchan vialte kha kaltak in,
ATU I THAWH LAW MIFIM HNA BANTUK IN JESUH KAWL!Nan nunnak ah Christmas daihnak hnangamnak atlung lai.
Pathian nih Christmas daihnak hnangamnak in pe hram ko seh. Amen!
Lawmhnak he
Zathawngcin
Bethel Baptist Church of Texas
Lewisville
Texas, USA
