MI NAUTA NIH MI LIANNGAN THLUACHUAH A PEK
“Cun Josef nih a pa Jacob kha a ratpi I Faro hmaiah khan a chuahpi. Jakob nih Faro kha Thluachuahnak a pek. Faro nih khan, “Kum zeizatdah na si?” tiah a hal. Jakob nih cun, “Ka Vahvaih chung hi kum za le sawm thum a si cang. Hi kum hna hi a harmi kum an si. Ka Pupa hna an vahvaih kum he tuak chun ahcun tlawmte a siko,” tiah a leh. Jakob nih cun Faro cu Thluachuah a pek tak I a kal. Genesis 47:7-10
Josef nih a chungkhar pawl cu Egyp ram ah a lak hna I, a Pa cu a bawi pa Faro he theihternak a tuah hna. Faro cu Egypt ram ah Bawibik asi, President asi, ralkap vialte uktu, le an ram ah nawl a ngeibik mi Pa asi. Culioah Jakob cu Mi vakvai, tukhal pawl I an pa, an ram ah a tlungmi Mangttam ruangah an chungkhar ning in thi ding an si caah an ram chuahtak in miram ah a peemmi, Tarpa asi. Faro he an dirhmun tahchunh tikah an niamsan ning hi aa dang ngaingai. Sihmanhsehlaw, khuaruahhar asi mi cu, “Jokob nih Faro thluachuah a pek,” tikha Baibal ah VOIHNIH bakte kan hmuh. Zeitindah cuthil cu a si khaw? Zeitindah zeihmanh a ngei lo mi tarpa nih a tlam a tling taktak mi Faro kha thluachuah a pek khaw? Zeitindah Santlai lo nih mi lianngan kha thluachuah a pek khawh? Zeitindah sifak pa Jakob nih Mirum pa Faro nak in tam deuh a ngeih khawh? Hithil hi zohtikah Lianngannak le rumnak kan timi hi zeidah asi? A Phi cu – PATHIAN- asi ko.
Pathian nih Mirum hna khuaruahharnak ding ca le Teinak ding caah vawlei ahhin hruh a lo mi thil kha a hman theu. Pathian nih a duhnak le a thluachuah kha ngakchia bantuk asimi hna sin in a langhter theu. Pathian nih a dong lo mi a biakam hi tangka, rumnak, thawnnak le nawlngeihnak hna hau lo in a tlin khawh nakhnga minung hi thawnnak a pek lengmang hna. Vawleicung ah hin, a rum, a thawng I nawlngeihnak in a khatmi minung hna nakin Zumtu (Mithiang) hna I Thlacamnak le Pathian thangtthatnak hi a sangdeuh I a ngandeuhmi laksawng asi.
Hi zawn ah kan khuaruahnak a buaidih kho. Pathian khuaruah ning le thiltuak ning hi fiang tein kan hngalh ahcun vawlei ahhin Thilhar kan ton mi le san kan tlaih lo mi ruangah lung dong in va um le, kan rum kanngeih I mi nak in kan sandeuh, nawl kan ngeihdeuh ruangah Ruamkai le ninghngal I va um a herh lo zia kha fiang tein kan hngalh khawh hnga. Pathian nih Santlai lo kha niamdeuh ah a chiah lo bantuk in mi rum le mi lianngan zong kha Ngan/Sang deuh ah a chia hlei lo. Amit ahcun vawlei rumnak le lianhngannak cu pakpalawng lawng te an si dih ko. Pathian cung ah kan MIT kan chiah I amah mit in Jokob nun hi kan zoh ahcun a harnak kum le caan vialte nihin Zungzal nunnak Man an rak ngeih i vawlei ah a tlam a tling taktak mi Faro nak in Pathian hmaiah a sunglawi deuhmi (Jakob cu) a rak si. Vawlei tuak ning ah Jakob Sifah nak le Harnak cu Faro rumnak nak in Pathian mit ahcun a rak sunglawi deuh. Asullam cu Pathian nih vawlei rumnak hi biapi ah chia lo in, Amah bochannak le amah thangtthatnak Nun kha a liannganbik ah a chiah caah asi. Pathian tthatnak asi.
Midang thluachuah na pe bal hna maw? Nang cu Jakob bantuk in Pathian fa na si. Jokob cu Vanfa, Pathian fa a si caah Faro thluachuah a peknak asi. Thluachuah timi sullam kha fiang tein a hngalh caah amah nak in a thawngdeuh I a rum deuhmi Faro kha Thluachuah a peknak asi. Jakob nih Faro thluachuah a pek lawng siloin nihin kan Mah tiangzong Thluachuah a kan pek rih. Jakob nih Faro chungkhar ca nakin nihin kanmah caah thilttha relcawk lo in, tamdeuh pi an chuahter. Zeicahtiah Jokob te chungkhar nih thluachuah vialte lakah a ngan bik le a sungbik mi Jesuh an kan phawrh. Jesuh kha fiang tein kan hngalh tikah, Thluachuah hi zeidah a si tikha kan fiang I, zaang te le zalong tein midang kha thluachuah kan pek khawh ve hna. Midang kha thluachuah pe ding in ka hmang ve tiah Pathian sinah thlacam.
Ruahchihawk:
1. Jokob nih Faro cu zei thluachuah dah apek?
2. Sifak nih Mirum thluachuah pek hi a sullam zeidah asi tiah na ruah?
3. Nangtah midang thluachuah petu ka si ve tiah naa ruat bal maw?
4. Midang na pek khawh mi thluachuah cu zeidah asi?
Pathian nih sunparnak co ko seh.
Zathawngcin
Nov.1, 2012
Josef nih a chungkhar pawl cu Egyp ram ah a lak hna I, a Pa cu a bawi pa Faro he theihternak a tuah hna. Faro cu Egypt ram ah Bawibik asi, President asi, ralkap vialte uktu, le an ram ah nawl a ngeibik mi Pa asi. Culioah Jakob cu Mi vakvai, tukhal pawl I an pa, an ram ah a tlungmi Mangttam ruangah an chungkhar ning in thi ding an si caah an ram chuahtak in miram ah a peemmi, Tarpa asi. Faro he an dirhmun tahchunh tikah an niamsan ning hi aa dang ngaingai. Sihmanhsehlaw, khuaruahhar asi mi cu, “Jokob nih Faro thluachuah a pek,” tikha Baibal ah VOIHNIH bakte kan hmuh. Zeitindah cuthil cu a si khaw? Zeitindah zeihmanh a ngei lo mi tarpa nih a tlam a tling taktak mi Faro kha thluachuah a pek khaw? Zeitindah Santlai lo nih mi lianngan kha thluachuah a pek khawh? Zeitindah sifak pa Jakob nih Mirum pa Faro nak in tam deuh a ngeih khawh? Hithil hi zohtikah Lianngannak le rumnak kan timi hi zeidah asi? A Phi cu – PATHIAN- asi ko.
Pathian nih Mirum hna khuaruahharnak ding ca le Teinak ding caah vawlei ahhin hruh a lo mi thil kha a hman theu. Pathian nih a duhnak le a thluachuah kha ngakchia bantuk asimi hna sin in a langhter theu. Pathian nih a dong lo mi a biakam hi tangka, rumnak, thawnnak le nawlngeihnak hna hau lo in a tlin khawh nakhnga minung hi thawnnak a pek lengmang hna. Vawleicung ah hin, a rum, a thawng I nawlngeihnak in a khatmi minung hna nakin Zumtu (Mithiang) hna I Thlacamnak le Pathian thangtthatnak hi a sangdeuh I a ngandeuhmi laksawng asi.
Hi zawn ah kan khuaruahnak a buaidih kho. Pathian khuaruah ning le thiltuak ning hi fiang tein kan hngalh ahcun vawlei ahhin Thilhar kan ton mi le san kan tlaih lo mi ruangah lung dong in va um le, kan rum kanngeih I mi nak in kan sandeuh, nawl kan ngeihdeuh ruangah Ruamkai le ninghngal I va um a herh lo zia kha fiang tein kan hngalh khawh hnga. Pathian nih Santlai lo kha niamdeuh ah a chiah lo bantuk in mi rum le mi lianngan zong kha Ngan/Sang deuh ah a chia hlei lo. Amit ahcun vawlei rumnak le lianhngannak cu pakpalawng lawng te an si dih ko. Pathian cung ah kan MIT kan chiah I amah mit in Jokob nun hi kan zoh ahcun a harnak kum le caan vialte nihin Zungzal nunnak Man an rak ngeih i vawlei ah a tlam a tling taktak mi Faro nak in Pathian hmaiah a sunglawi deuhmi (Jakob cu) a rak si. Vawlei tuak ning ah Jakob Sifah nak le Harnak cu Faro rumnak nak in Pathian mit ahcun a rak sunglawi deuh. Asullam cu Pathian nih vawlei rumnak hi biapi ah chia lo in, Amah bochannak le amah thangtthatnak Nun kha a liannganbik ah a chiah caah asi. Pathian tthatnak asi.
Midang thluachuah na pe bal hna maw? Nang cu Jakob bantuk in Pathian fa na si. Jokob cu Vanfa, Pathian fa a si caah Faro thluachuah a peknak asi. Thluachuah timi sullam kha fiang tein a hngalh caah amah nak in a thawngdeuh I a rum deuhmi Faro kha Thluachuah a peknak asi. Jakob nih Faro thluachuah a pek lawng siloin nihin kan Mah tiangzong Thluachuah a kan pek rih. Jakob nih Faro chungkhar ca nakin nihin kanmah caah thilttha relcawk lo in, tamdeuh pi an chuahter. Zeicahtiah Jokob te chungkhar nih thluachuah vialte lakah a ngan bik le a sungbik mi Jesuh an kan phawrh. Jesuh kha fiang tein kan hngalh tikah, Thluachuah hi zeidah a si tikha kan fiang I, zaang te le zalong tein midang kha thluachuah kan pek khawh ve hna. Midang kha thluachuah pe ding in ka hmang ve tiah Pathian sinah thlacam.
Ruahchihawk:
1. Jokob nih Faro cu zei thluachuah dah apek?
2. Sifak nih Mirum thluachuah pek hi a sullam zeidah asi tiah na ruah?
3. Nangtah midang thluachuah petu ka si ve tiah naa ruat bal maw?
4. Midang na pek khawh mi thluachuah cu zeidah asi?
Pathian nih sunparnak co ko seh.
Zathawngcin
Nov.1, 2012
Atanglei cakuang chungah na zumhnak kan hrawm ve. Pathian thawngttha na phuan asi.
HTML Comment Box is loading comments...
