NA NUNNAK HMAIAH A KAL KHAWH LO TIKAH!
“Cun harnak kan inmi zong hi kan I lawm ko, zeicahtiah harnak nih cun in khawhnak kha a kan ngeihter I in khawhnak nih cun ziaza a kan ngeihter I ziaza nih cun ruahchannak kha a kan ngeihter; ruahchannak nih cun a kan deuh lo.” Rome 5:3-4
Lairam khual kan tlawn tikah philh awk tha lo mi cu, kan Motor nawncek chungah a thlak I a mawngtu nih liva (Accelerator) a lamh len zongah a ke lawng rang tak I aa mer I hmai ah kal lo in a um tawn kha asi. Aseh thawng a thang, liva lamh chih asi, a kiar zong hmailei ah kal ding in chiah asi ko, a herhmi vialte tuah dih asi ko nain hmaiah a kal kho lo I a umnak kel ah a um I, a Taap tawn.
Minung kan nunnak zong hi caan tampi ah, “Zeital thlennak le thannak a um maw? Hmuitinh ngei in ka nung maw? Vawlei caah thiltha chuahpimi ka ngei maw? Sullam a ngeimi thil zeital vawlei ahhin ka chuahpi maw? ti hna hi ruat in kan Nun hi a Taap ve theu tawn.
Atlangpi in cun Mi nih an kan hlawt (Rejected) tikah, kan lung a der tawn (Dejected). Kan tlak tikah kan pawngkam kan zoh tawn. Kan pawngkam mi an than kan hmuh tikah nahchuahnak a chuak tawn. Hibantuk caan hi a Taap mi motor a ke aa mer lengmang ko nain a umnak kel ah a ummi bantuk in kan nunnak aa Tenh lio caan asi tawn. Zeitluk fak in nunnak liva kan lamh zongah kan nunnak khuazei leidah a zoh I a kal hmanh kan fiang kho tawn lo. Ka nunnak monghnak (Steering) a hmaannak lei I kan mer zong kha thathnemhnak a um lo I kan ruahmi cu, Khuazei lei hmanh ka panh lo I kaa thial lo tiah kan I ruat tawn.
Kan nunchung hi caan tampi, caan tam deuh cu, Nawncek chungah kan cawlcang tawn. Nun diriamnak a um lomi rian kan tuan peng. Hmaipanh tein rian kan phan nain mithmai nuam lo ngai in tin kan I thawh. Kan rian nih lawmhnak a kan pe lo. Nunnak sullam ngeilo mi kan lo peng; lungtho lo in kan um peng; kanmah le kanmah hi lungtlin lonak (Disappointed) kan ngei tawn.
Khi caan ah nun nih a fian tawnning cu:
Sihmanhsehlaw Pathian nih hitihin nung hna seh ti a kan duhmi sining cu a si lo. Pathian nih cun an lungsau seh, fek hnaseh law a dikmi sining ngeih hna seh tihi a kan duh.
Ni tampi cu hi ruahnak Nawncek chung ahhin kan Nunnak hi a tap tawn. Tampi than kan duh, nunnak tampi thlen kan duh, thlarau lei ah tha deuhmi si kan duh: Nu tha deuh pa tha deuh si kan duh. Pathian he thuk deuh in pehtlaihnak ngeih kan duh I Pathian he aa naih deuhmi lawmhnak co kan duh. Khi hna khi kan tlinh lo tikah kan nunnak khuaruah a Taap (Stuck) tawn. Sihmanhsehlaw Pathian nih a thabikmi thawngthabia (Sermon) hi biakinn chung lawng ah a chim tawn lo I, kan nunnak aa Tenh caan ahhin a Thabikmi Thawngtha a kan chimh tawn.
Kan I tenhnak hmun hi lungdai tein hngak hnaseh tiah a kan hneknak hmun, le Amah cung lawngah kan mit kan chiahnak hmun asi. Kan nunnak ah Hngah a hauh nak hmun hi Pathian nih kan nunnak ah riantuan hram a thoknak hmun asi. Nawnceek in khatmi vawlei hi a riantuannak thatbiknak hmun asi. Hi hmun hi a kan taat I kan nun a thlennak asi caah Lungsau, Fek te le zuamnak ah a kan than ternak hmun tu asi.
Rome 5:3-4, ah “Cun harnak kan inmi zong hi kan I lawm ko, zeicahtiah harnak nih cun in khawhnak kha a kan ngeihter I inkhawhnak nih cun ziaza a kan ngeihter I ziaza nih cun ruahchannak kha a kan ngeihter; ruahchannak nih cun a kan deuh lo,” tiah ka hmuh.
Kan nunnak a Tannak (Stuck) nak hmun hi kan than I kan tuhnak hmun asi. Lungsaunak ah kan than tikah Zumhnak kan Tuh tiah Kelly Balarie nih ati. Ttihnak (Fear) kan liamter tikah a dikmi kan hmuitinh a lang tawn I cu hmun cu Pathian a kan auhnak kan hmuhnak hmun ah a cang tawn. Adikmi auhnak hram cu, Pathian riantuan piak I Amah lawmhter kha asi. Ttihnak kan liamter tikah, Thlennak kan tuah tawn. Pathian kan nunnak ah rian a tuan ti kha kan fiang; kan caah riantuan seh ti siloin, kanmah hmang in kan Chungah rian a tuan ti kha kan fiang tawn. Cathiang nih, “Keimah ahhin I peh u law kei zong nanmah he kaa peh ve lai. Mitsur nge nih amah tein thei a tlai khawh lo I a ruangah aa peh lawngah a tlai khawh bantukin nannih zong keimah chung I nan um lo ahcun nan tlai kho ve lai lo,” (Johan 15:4) tiah a ti.
Pathian nih thil lianngan caah a kan taat (Training); Amah cu zeizong vialte uktu asi. Kanmah nih kan theih khawh lo zongah Ahmuitinh cungah a thok in a dongh tiang rian a tuan. Rian a tuan peng. Kan hmuh kan fian khawh lo khi a tuah kho lo tinak asi lo. Kanmah cawisannak caah a thabik caan kha a thim tawn. Akan cawisan caan hi Vancung Kutka hram te ah (Kan thih lai te!) a si zongah lungsau tein kan hngah I, a hmuitinh (Plan) cungah kan zumh I kan hngak ko.
Cucaah kan Nunnak aa Tenh caan hi Bawipa nih caantha ah a hman ti kha theih I hi caan tha hi kan liam ter sual lo dingah a biapi tuk. Zeicahtiah, a biapi bikmi Pathian a kan auhnak hi, kanmah nih kan ngeih mi chunmang khi siloin, amah nih kan hmaika ah a chiah cangmi, caan hi a si. Kan nunnak aa Tenh caan ah, Bawipa kan Auh ahcun, a kan bawmh lai I, a bia nih lam a kan hruai lai. Kanmah cung le kan tonmi thil cungah kan nunnak mit chia lo in Bawpa le a sunparnak cungah kan chiah tikah – Thil vialte hi Ceunak thar in kan hmuh caan asi tawn. Cathiang chungah, “Bawipa nih na zulh awk hnga lam kha kan hmuhsak lai, kan cawnpiak lai I lungthin kan cheuh lai,” (Salm 32:8)
Kan nunnak Aa Tenhnak kha Pathian nih caantha a kan serpiakmi a si timi biatak kan hmuhkhawh tikah, Kan ke a nal mi kha hmailei ah a kal, kan datsi (Gas) namtu a hung nung I kan Nunnak hmailei kal hram a thok; zeicahtiah kanmah tein kan I ruah khawh lo mi donghnak leiah Bawipa nih kan nunnak kalpinak rian a tuan cang caah asi.
Na nunnak aa Tenh Tikah I din ta law, Bawipa hngak! Lungretheihnak siloin Bawipa riantuannak na hmuh lai I nangmah tein na phak khawh lo dingmi dirhmun ah Bawipa nih an cawi lai kha fiang tein na hmuh lai I lawmhnak in na khat lai.
Bawipa nih lawmhnak, le Teinak in pe ko seh.
Zathawngcin
Bethel Baptist Church
Lewisville, Texas
March 3, 2015
“Cun harnak kan inmi zong hi kan I lawm ko, zeicahtiah harnak nih cun in khawhnak kha a kan ngeihter I in khawhnak nih cun ziaza a kan ngeihter I ziaza nih cun ruahchannak kha a kan ngeihter; ruahchannak nih cun a kan deuh lo.” Rome 5:3-4
Lairam khual kan tlawn tikah philh awk tha lo mi cu, kan Motor nawncek chungah a thlak I a mawngtu nih liva (Accelerator) a lamh len zongah a ke lawng rang tak I aa mer I hmai ah kal lo in a um tawn kha asi. Aseh thawng a thang, liva lamh chih asi, a kiar zong hmailei ah kal ding in chiah asi ko, a herhmi vialte tuah dih asi ko nain hmaiah a kal kho lo I a umnak kel ah a um I, a Taap tawn.
Minung kan nunnak zong hi caan tampi ah, “Zeital thlennak le thannak a um maw? Hmuitinh ngei in ka nung maw? Vawlei caah thiltha chuahpimi ka ngei maw? Sullam a ngeimi thil zeital vawlei ahhin ka chuahpi maw? ti hna hi ruat in kan Nun hi a Taap ve theu tawn.
Atlangpi in cun Mi nih an kan hlawt (Rejected) tikah, kan lung a der tawn (Dejected). Kan tlak tikah kan pawngkam kan zoh tawn. Kan pawngkam mi an than kan hmuh tikah nahchuahnak a chuak tawn. Hibantuk caan hi a Taap mi motor a ke aa mer lengmang ko nain a umnak kel ah a ummi bantuk in kan nunnak aa Tenh lio caan asi tawn. Zeitluk fak in nunnak liva kan lamh zongah kan nunnak khuazei leidah a zoh I a kal hmanh kan fiang kho tawn lo. Ka nunnak monghnak (Steering) a hmaannak lei I kan mer zong kha thathnemhnak a um lo I kan ruahmi cu, Khuazei lei hmanh ka panh lo I kaa thial lo tiah kan I ruat tawn.
Kan nunchung hi caan tampi, caan tam deuh cu, Nawncek chungah kan cawlcang tawn. Nun diriamnak a um lomi rian kan tuan peng. Hmaipanh tein rian kan phan nain mithmai nuam lo ngai in tin kan I thawh. Kan rian nih lawmhnak a kan pe lo. Nunnak sullam ngeilo mi kan lo peng; lungtho lo in kan um peng; kanmah le kanmah hi lungtlin lonak (Disappointed) kan ngei tawn.
Khi caan ah nun nih a fian tawnning cu:
- Ruang ngei lo pi nun hi, mi lih bantuk in I phuhrun asi.
- Thlennak tuah khawh lonak cu, mah I thlen lo ruangah asi.
- Ka tlamtling ko tiah I hlen cu, a nuammi lentecelhnak I vaa um ter sawhsawh asi.
- A phi kan hmuh lo mi hi pumpak ruangah asi – ti hna hi an si tawn.
Sihmanhsehlaw Pathian nih hitihin nung hna seh ti a kan duhmi sining cu a si lo. Pathian nih cun an lungsau seh, fek hnaseh law a dikmi sining ngeih hna seh tihi a kan duh.
Ni tampi cu hi ruahnak Nawncek chung ahhin kan Nunnak hi a tap tawn. Tampi than kan duh, nunnak tampi thlen kan duh, thlarau lei ah tha deuhmi si kan duh: Nu tha deuh pa tha deuh si kan duh. Pathian he thuk deuh in pehtlaihnak ngeih kan duh I Pathian he aa naih deuhmi lawmhnak co kan duh. Khi hna khi kan tlinh lo tikah kan nunnak khuaruah a Taap (Stuck) tawn. Sihmanhsehlaw Pathian nih a thabikmi thawngthabia (Sermon) hi biakinn chung lawng ah a chim tawn lo I, kan nunnak aa Tenh caan ahhin a Thabikmi Thawngtha a kan chimh tawn.
Kan I tenhnak hmun hi lungdai tein hngak hnaseh tiah a kan hneknak hmun, le Amah cung lawngah kan mit kan chiahnak hmun asi. Kan nunnak ah Hngah a hauh nak hmun hi Pathian nih kan nunnak ah riantuan hram a thoknak hmun asi. Nawnceek in khatmi vawlei hi a riantuannak thatbiknak hmun asi. Hi hmun hi a kan taat I kan nun a thlennak asi caah Lungsau, Fek te le zuamnak ah a kan than ternak hmun tu asi.
Rome 5:3-4, ah “Cun harnak kan inmi zong hi kan I lawm ko, zeicahtiah harnak nih cun in khawhnak kha a kan ngeihter I inkhawhnak nih cun ziaza a kan ngeihter I ziaza nih cun ruahchannak kha a kan ngeihter; ruahchannak nih cun a kan deuh lo,” tiah ka hmuh.
Kan nunnak a Tannak (Stuck) nak hmun hi kan than I kan tuhnak hmun asi. Lungsaunak ah kan than tikah Zumhnak kan Tuh tiah Kelly Balarie nih ati. Ttihnak (Fear) kan liamter tikah a dikmi kan hmuitinh a lang tawn I cu hmun cu Pathian a kan auhnak kan hmuhnak hmun ah a cang tawn. Adikmi auhnak hram cu, Pathian riantuan piak I Amah lawmhter kha asi. Ttihnak kan liamter tikah, Thlennak kan tuah tawn. Pathian kan nunnak ah rian a tuan ti kha kan fiang; kan caah riantuan seh ti siloin, kanmah hmang in kan Chungah rian a tuan ti kha kan fiang tawn. Cathiang nih, “Keimah ahhin I peh u law kei zong nanmah he kaa peh ve lai. Mitsur nge nih amah tein thei a tlai khawh lo I a ruangah aa peh lawngah a tlai khawh bantukin nannih zong keimah chung I nan um lo ahcun nan tlai kho ve lai lo,” (Johan 15:4) tiah a ti.
Pathian nih thil lianngan caah a kan taat (Training); Amah cu zeizong vialte uktu asi. Kanmah nih kan theih khawh lo zongah Ahmuitinh cungah a thok in a dongh tiang rian a tuan. Rian a tuan peng. Kan hmuh kan fian khawh lo khi a tuah kho lo tinak asi lo. Kanmah cawisannak caah a thabik caan kha a thim tawn. Akan cawisan caan hi Vancung Kutka hram te ah (Kan thih lai te!) a si zongah lungsau tein kan hngah I, a hmuitinh (Plan) cungah kan zumh I kan hngak ko.
Cucaah kan Nunnak aa Tenh caan hi Bawipa nih caantha ah a hman ti kha theih I hi caan tha hi kan liam ter sual lo dingah a biapi tuk. Zeicahtiah, a biapi bikmi Pathian a kan auhnak hi, kanmah nih kan ngeih mi chunmang khi siloin, amah nih kan hmaika ah a chiah cangmi, caan hi a si. Kan nunnak aa Tenh caan ah, Bawipa kan Auh ahcun, a kan bawmh lai I, a bia nih lam a kan hruai lai. Kanmah cung le kan tonmi thil cungah kan nunnak mit chia lo in Bawpa le a sunparnak cungah kan chiah tikah – Thil vialte hi Ceunak thar in kan hmuh caan asi tawn. Cathiang chungah, “Bawipa nih na zulh awk hnga lam kha kan hmuhsak lai, kan cawnpiak lai I lungthin kan cheuh lai,” (Salm 32:8)
Kan nunnak Aa Tenhnak kha Pathian nih caantha a kan serpiakmi a si timi biatak kan hmuhkhawh tikah, Kan ke a nal mi kha hmailei ah a kal, kan datsi (Gas) namtu a hung nung I kan Nunnak hmailei kal hram a thok; zeicahtiah kanmah tein kan I ruah khawh lo mi donghnak leiah Bawipa nih kan nunnak kalpinak rian a tuan cang caah asi.
Na nunnak aa Tenh Tikah I din ta law, Bawipa hngak! Lungretheihnak siloin Bawipa riantuannak na hmuh lai I nangmah tein na phak khawh lo dingmi dirhmun ah Bawipa nih an cawi lai kha fiang tein na hmuh lai I lawmhnak in na khat lai.
Bawipa nih lawmhnak, le Teinak in pe ko seh.
Zathawngcin
Bethel Baptist Church
Lewisville, Texas
March 3, 2015
