BAWIPA NIH AN UMPI ZUNGZAL KO
“Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.” Isaiah 43:2
Hmailei ah zei bantuk na ton zongah a poi lo. Zeicatiah nangmah lawng siloin na tonmi thil cung poah ah Bawipa nih an um pi ko lai. Isaiah 43:2, ah “Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo,” tiah kan hmuh.
Hi Bawipa bia hi raltthatnak a kan petu thazaang taktak asi. Bawipa ka pawng ah a um ti kan theih tikah ttih ding zeihmanh an um ti lo. Nangmah tein na dir ahcun na tonmi thil har nih an tei khawh I na tlu kho. Siseh Pathian nih Hebrew 13:5 chungah, “Tangka hi duh tuk hlah u, nan ngeihmi ah khan nan lung awi ko u. zeicahtiah Pathian nih, kan kaltak bal hna lai lo I kan hlaw bal fawn hna lai lo, a ti. Keimah lawng ka si rua tiah nunnak lileng in a ummi na si men ko lai. Lilennak na tuar men ko lai. Sihmanhseh nangmah lawng in na nung lo, umpitu Pathian na ngei. Pathian nih zeidah na ton cuahmah I zeibantuk dirhmun ahdah na dir kha fiang tein a hmuh dih I an zoh zungzal ko. Bawipa nih na pah cuahmah mi nun harnak kong hi an ruahpiak zungzal ko I zeibantuk harnak le lilennak chung na um ko zongah Pathian cu na sin ah a um zungzal. Cucaah na zumh ahcun na tuarmi nun harnak le lilennak chung in amah nih an chuah lai. Philh lo ding cu pakhat le Pathian kan fonh ahcun tamdeuh ah kan cang.
Satan nih ttihphannak le lunghrinhnak, le thlalaunak ngei ding in kan thinlung chung ah nitin ci a tuh ve. Ka rian phuak ka si sual ahcun zeitin? Zaw sual ning law tah? Rianttuan kho lo in um sual ning law zeidah ka can lai? Chawleh nak (Sipuaizi/Business) tla seh law zeilam dah ka tlaih lai? tbk thinphannak chuahter tu tthihnak biahalnak pawl hi nitin kan nunnak lawmh ter kho lo in, thinphannak hram ah an cang zungzal. Na tuah awk a herhmi cu Pathian nih kan kal tak lai lo I na sin ah ka um zungzal lai tiah a kan kamh mi a bia philh lo kha a si. I tlaih peng kha a si. Na hmailei nih zeidah a ngeih, zeidah a chuahpi lai ti kha phan ding na si lo zeicahtiah NA HMAI LEI KONG NAWL A NGEI TU PATHIAN NA NGEI CANG. Bawipa sinah na nunnak pe law lawmhnak in na khat lai.
Ruahchihding:
1. Pathian nangmah cu kaan zumh ko tiah zeibantuk lam in dah na hmuhsak lai? Pathian na zumhnak hi zeibantuk in dah na piah lai?
2. Pathian bochannak ngeih bu tein na sining dihlak a mah na pek ahcun zeibantuk thlennak dah na nunnak ah a chuak lai?
3. Pakhat le pakhat thla I cam piak u law nan hmailei nunnak lamthluan caah Pathian kha lunghrinhnak ngei lo tein nan bochan I nan zumh khawh nak ding caah a Mah sinah thlacam in bawmh hal zungzal. Aa lawmmi na si lai.
Hmailei ah zei bantuk na ton zongah a poi lo. Zeicatiah nangmah lawng siloin na tonmi thil cung poah ah Bawipa nih an um pi ko lai. Isaiah 43:2, ah “Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo,” tiah kan hmuh.
Hi Bawipa bia hi raltthatnak a kan petu thazaang taktak asi. Bawipa ka pawng ah a um ti kan theih tikah ttih ding zeihmanh an um ti lo. Nangmah tein na dir ahcun na tonmi thil har nih an tei khawh I na tlu kho. Siseh Pathian nih Hebrew 13:5 chungah, “Tangka hi duh tuk hlah u, nan ngeihmi ah khan nan lung awi ko u. zeicahtiah Pathian nih, kan kaltak bal hna lai lo I kan hlaw bal fawn hna lai lo, a ti. Keimah lawng ka si rua tiah nunnak lileng in a ummi na si men ko lai. Lilennak na tuar men ko lai. Sihmanhseh nangmah lawng in na nung lo, umpitu Pathian na ngei. Pathian nih zeidah na ton cuahmah I zeibantuk dirhmun ahdah na dir kha fiang tein a hmuh dih I an zoh zungzal ko. Bawipa nih na pah cuahmah mi nun harnak kong hi an ruahpiak zungzal ko I zeibantuk harnak le lilennak chung na um ko zongah Pathian cu na sin ah a um zungzal. Cucaah na zumh ahcun na tuarmi nun harnak le lilennak chung in amah nih an chuah lai. Philh lo ding cu pakhat le Pathian kan fonh ahcun tamdeuh ah kan cang.
Satan nih ttihphannak le lunghrinhnak, le thlalaunak ngei ding in kan thinlung chung ah nitin ci a tuh ve. Ka rian phuak ka si sual ahcun zeitin? Zaw sual ning law tah? Rianttuan kho lo in um sual ning law zeidah ka can lai? Chawleh nak (Sipuaizi/Business) tla seh law zeilam dah ka tlaih lai? tbk thinphannak chuahter tu tthihnak biahalnak pawl hi nitin kan nunnak lawmh ter kho lo in, thinphannak hram ah an cang zungzal. Na tuah awk a herhmi cu Pathian nih kan kal tak lai lo I na sin ah ka um zungzal lai tiah a kan kamh mi a bia philh lo kha a si. I tlaih peng kha a si. Na hmailei nih zeidah a ngeih, zeidah a chuahpi lai ti kha phan ding na si lo zeicahtiah NA HMAI LEI KONG NAWL A NGEI TU PATHIAN NA NGEI CANG. Bawipa sinah na nunnak pe law lawmhnak in na khat lai.
Ruahchihding:
1. Pathian nangmah cu kaan zumh ko tiah zeibantuk lam in dah na hmuhsak lai? Pathian na zumhnak hi zeibantuk in dah na piah lai?
2. Pathian bochannak ngeih bu tein na sining dihlak a mah na pek ahcun zeibantuk thlennak dah na nunnak ah a chuak lai?
3. Pakhat le pakhat thla I cam piak u law nan hmailei nunnak lamthluan caah Pathian kha lunghrinhnak ngei lo tein nan bochan I nan zumh khawh nak ding caah a Mah sinah thlacam in bawmh hal zungzal. Aa lawmmi na si lai.
