PATHIAN HE A KAN HLAT TERTU THIL PHUNNGA
“Jesuh nih cun, ‘Hi ti a dingmi paoh cu an ti a hal than lai; sihmanhsehlaw keimah nih ka pekmi ti a dingmi paoh cu zeitikhmanh ah an ti a hal than ti lai lo. Ka pekmi ti cu a chungah zungzal nunnak petu cerhtiput ah a cang lai,’ tiah ati. Johan 4:13-14
Veritas Khrihfabu ah pastor a tuan mi Chris Russell nih nitin thlarau rawl chungah, “Pathian he a kan hlat tertu thil Phunnga” timi tlangtaar in ca a tial. Cu chungah biahmaithi a tialmi cu a rum taktak mi a hawi pa te chungkhar kong asi. Ahawi pa cu a rum taktak mi asi I voikhat cu a nupi le a fa le he khan Rili cungah chungkhar caan ser in zarhkhat chung caan hman ti dingah an kal. Nikhat cu, nitlang tohnak dingah an I kenmi lawng hmete chungah an Nu cu a tum I nitlang a to. Caan saunawn a rauh tikah khua a hun zoh i, duhsah tein ti nih a rak thial lengmang ruangah rili chung lei mengkhat hlat nak a rak phanh cang kha a theih. A lau tuk, a tih tuk hringhran caah ka bawm u tiah a au. Rili kam I a ummi mi tampi lakah a aunak aw a theih piaktu cu minung pakhat lawng asi I, cucu a Vapa, an pa a rak si.
An pa nih cun an nu bawmh dingah tichung ahcun rang tein a zuang I rili pi cu a hei lio nain a hlat tuk caah a phanh khawh hlanah a mahzong bawmhhau ah a cang ve. Vanthat ah, Rili zohkhenhtu pa nih a hmuh hna I an Nu-Va cun a va khamh hna. Chris Russell, ca tialtu pa, nih cun hi kong ka ruah fatin te, Khrihfa aa timi, zumtu hna duhsah tein Thlarau Nun ah kan tlau I, Pathian he kan I hlat tawnnak kong a ka ruah ter ngaingai tiah a ti. Rili kam hmanh hmu kho tilo tiangin Thlarau Nun ah kan tlau khawh nak ding caah hin caan tampi a rak hau lem lo. Chikhatte ahhin Bawipa hmu kho tilo in thlarau Nun ah rili chungah kan tlau tawn. Cu ti a kan tlauter tawntu thil tampi lakah panga kong a hun tialmi cu a tanglei bantuk hin an si.
1. A Tamtuk mi Tuahding Thil Ruangah (An Out-of-Control Schedule)
“Atu kan nikhua hi caan chia asi caah, caan tha nan hmuhmi paohpaoh kha tha tein hma I zuam u.”
Efesa 5:16
Tuchan zumtu dohnak ah Setan nih a hmanmi hriamtha bik cu, mitha, zumhawk tlak le bochan tlak vialte, manh lo taktak in rian tuanter hi asi. Vawlei mit ah zoh aa dawhmi le minung nih thiltha tiah kan ruahmi pawl tuahnak ah kan can dihlak hmang in Kan nunnak caah a herhbik mi thil tuah kan tlolh theu. Pathian he Naih tein kal ti na duh ahcun, na caanhman ning (Schedule/Calendar) tha te le ralring tein na zohthan a hau. Atu lio hi thil tamtuk, manh lo taktak in a tuahmi na si kho men. Manh lo tuk in tuan dingmi rian na ngeihmi nih, Pathian he nan I pehtlaihnak a chah cuahmah lio caan asi kho men fawn. Cucaah vawlei na nunnak caah teettuk in na tuahmi na caan hmanning kha a sikhawh chung in remh law, nangmah an ser, an khamh I zungzalnak vanram ah rocotu ah an sertu, na Pathian he pehtlaihnak caan tu kha tam deuh ser le ngeih I zuam. Manh lo tuk I riantuan hi Bawipa kan Thlarau a zaam tertu Setan hriam pakhat a si.
2. A Hmanlo mi Thil Tlaihchan Tuk (Misplaced Affections)
“Vawlei hi siseh, a chung thilri hi si hna seh tlaihchan hna hla u. Vawlei hi nan tlaihchan ahcun, Pathian dawtnak kha nan chungah a um lo.” I Johan 2:15
Zungzal na nunnak caah a biapi lo mi thil kha faktu in nan thinlung nih a duh nakhnga lo I ralring. Zungzal nunnak caah a thahnem lo dingmi thil le cawlcanghnak pawl an tlaihchan tuk ruangah, mi fim tampi, bochan tlak minung hna Khrihfabu he an I hlat I an zumhnak zong a thlau thaimi, zumtu relcawk lo an si cang. Tahchunnak ah, Na fa lemsawinak le cawnpiaknak caah Lentecelh pi, computer chung keem (Games) hna celhter, TV zohter I a mah duhnak zulh hi thiltha an si men lai nain, kha thil hna nih khan na FA thlarau lei thannak le chungkhar thlarau lei thannak a donh i hna a hnawh cang ti nan theih a si ahcun rianrang bikin nan caanhman ning chung in nan hrawh I nan ngol ah a tha. Zungzal nunnak caah a biapi mi thil a si lo caah, Thlarau hrawktu men an si I, Setan hriam tha pakhat a si.
3. Lung Silonak (Discouragement)
Khrihfabu chung kan cawlcanghnak hi zohtikah, Nunnak lungsi lonak nihhin rel cawk lo zumtu tha tampi Thlarau lei cawlcanghnak he a kan Hlaat ter tihi hmuh khawh asi. A faktukmi Hneksaknak pakhatkhat zumtu nunnak ah fakpi in atlun tikah Nun Lung silonak nih a zulh cawlh tawn. Cu Nun Lung silonak, lawmh lo nak nih cun Jesuh kha hmu kho loin a mit a chinh ter I, a tonmi le a phurhmi thilrit tu kha fak deuh in zoh hram a thok. Bible chungah kan hmuhmi Peter ti cung I a kal lio kha hi nihhin a thar in a hun phuan. A mit kha Jesuh sin in a thial I a ketang a ummi tilet tihnung le a cung I a ummi minmei hna a zoh hlan chung paoh cu ti cungah tha tein a kal kho. Phun dangin chim ahcun a pawngkam a ummi thil tihnung vialte kha zoh lo in Jesuh cung lawngah a Mit a chiah chung paoh cu tha tein tilet cungah a kal kho. Zumtu kan nunnak ah hngalh awk I a herh taktak mi cu Nunnak minmei hna an hung Nah I Muihhram an hun thok; Ton mi hneksaknak hna an ngan tuk lio caan khi, Jesuh sinin zaam siloin AMAH LEIAH AMAH PANH IN RANG TEIN TLIK caan asi.
4. Hleihluatnak (Abundance)
“Tangka duhnak hi thatlonak phunkip chuahnak hram asi. Mi a cheu cu tangkaa ngeih an duh tuk caah zumhnak kha an kaltak I ngaihchiatnak a phunphun an tong.” I Timote 6:10
Catial tu pa nih, “Kannih Amerikan pawl cu ngeihchiah chawva ah kan chah tuk tikah, a hmanmi Vancung Siangpahrang nakin kanmah Rumnak hi pathian ah kan ser cang,” tiah ati. Hi kong hi Bible nih cat loin a kan cawnpiakmi le ralrinnak a kan pek mi tlangtaar a si. Minung cu har le sa in an cawlcang I rian an tuan, Pathian nih thluachuah a pek hna, an hung rum; cutikah Pathian an kal tak. Thil lettalam a si hnga lo maw?
Ka rum tiahhmanh naa ruah lo zong ah mi thluachuak na si. Zeicahtiah American ram I a ummi hna cu Thluachuah tamtuk kan hmuh caah, vawlei cung I a ummi minung tamdeuh nakin a hlei in rumnak a ngeimi kan si. US ramah khua na sak ahcun, vawlei minung-mirum then zakhat lakah then khatnak ah naa tel cia cawlh caah minung zakhat lakah 99% nak in a rum deuh cia mi na si.
Nunnak ah kan hmuhmi Thluachuah tamtuk nihhin Pathian biaknak nakin, mah nun nuamh duhnak ah a kan hruai deuh tawn. Leng ah chuakin Golf na tuk khawh; Rili cungah ah tilawng cit in naa nuam kho; ramlak ah motor i mongh in na riak kho; Movies na zoh kho; lentecelh nak thatha na zoh khawh I nangmah zong lente nan celh khawh lio caan ah zeiruangah Biakinn kal le pumh I Pathian biak cu a herh?
Setan nih hin Rum hna seh tihi a kan duh tuk. Zeicahtiah kan Rumnak nihhin a kan ser I thluachuah a kan petu Pathian sinin duhsah tein a hlatnak ah a kan dawh tawn I, Pathian he a kan thentu ah a cang tawn.
"Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo." Mathai 16:26
5. Kan Nun ah aa Benhmi Sualnak (Parasitic Sins)
“Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna usihlaw kan hmai I chiahmi tlikzuamnak ah khan I zuam usih.” Hebru 12:1
Mitam cu pumpak kan nunnak I kan tuahmi Sualnak ruangah, Biakinn pumhnak I kan hung chuak tikah sual phuhrunnak kan ngei I kan ning a zak. Cu ningzahnak nih cun Pathian sinin duhsah tein kan zamter i kan Sual Ningzahnak cu Bawipa he a kan thentu ah a cang tawn. Brusell nih khuaruahhar ngai in Video a zohmi kong a chim mi cu, “Mit Doctor pa nih minung mit chungah a ummi Rungrul a chuahnak kong," asi.
Cu a hmuhmi video chung in a hun chapmi cu, “Minung tampi cu, kan tuahmi Sualnak kha, kan pum kha duhsah tein a hrawk cuahmah mi Rungrul bantuk ah an cang tawn I cu sualnak nih cun Thlarau khuahmuhnak ah fakpiin a kan donh tawn caah, Thlarau mit au kho lo in kan um tawn,” tiah ati.
Sualpalhnak nganpi, Biakinn phan ngam loin ningzahnak he a kan thup tertu, kan ngeih tikah kan tuah dingmi cu, Pathian sinin zam siloin na nunnak kha a tharchuah I a sersiam than khotu, na sining dihlak a remh than khotu, an daw I an kawltu Pathian sin tu ah Sual phuannak le ngaihchihnak he kal ding kha Bible cawnpiaknak asi. "Sihmanhsehlaw Pathian sinah kan sualnak cu kan phuan hna ahcun a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai I kan palhnak vialte kha a kan thianhpiak dih lai.” I Johan 1:9
Pathian caah ngaihthiam khawh lo mi sualnak pakhat lawnglawng a um. Amah sinah kan chuahpi lo mi Sualnak kha asi. Pathian cu kan sualnak chung in a kan chuah kho tu, "Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek." Titas 2:14, asi lawng siloin kan sualnak kha thiannak ah a thleng khotu Bawi, "Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai, Isaiah 1:18," zong a si fawn.
A luancia thla khat-hnih na nunnak le a luancia kum khat-hnih nan nunnak khuallam hi Pathian he nan kalti maw? Pathian sinin na zaam deuh dah? Atu hi Kir than caan asi. Thlarau lam tlau in rili chungah hlat tuk na phak hlanah, PATHIAN KHA AU law an khamh ko lai.
Na nunnak le na pawngkam ah zeithil hmanh tlung in cang ai kun atu hi Bawipa Sin Kir Thannak ding caah Caan Thabik asi.
Theihtarnak: November 14, 2014 ah "Cross Walk" ah Chris Russell nih a tialmi, "5 Things That Causes Us to Drift Spiritually," timi capar tharchuah mi asi.
Bawipa nih sunparnak co ko seh.
Zathawngcin
Bethel Baptist Church
Lewisville, Texas
December 10, 2014
“Jesuh nih cun, ‘Hi ti a dingmi paoh cu an ti a hal than lai; sihmanhsehlaw keimah nih ka pekmi ti a dingmi paoh cu zeitikhmanh ah an ti a hal than ti lai lo. Ka pekmi ti cu a chungah zungzal nunnak petu cerhtiput ah a cang lai,’ tiah ati. Johan 4:13-14
Veritas Khrihfabu ah pastor a tuan mi Chris Russell nih nitin thlarau rawl chungah, “Pathian he a kan hlat tertu thil Phunnga” timi tlangtaar in ca a tial. Cu chungah biahmaithi a tialmi cu a rum taktak mi a hawi pa te chungkhar kong asi. Ahawi pa cu a rum taktak mi asi I voikhat cu a nupi le a fa le he khan Rili cungah chungkhar caan ser in zarhkhat chung caan hman ti dingah an kal. Nikhat cu, nitlang tohnak dingah an I kenmi lawng hmete chungah an Nu cu a tum I nitlang a to. Caan saunawn a rauh tikah khua a hun zoh i, duhsah tein ti nih a rak thial lengmang ruangah rili chung lei mengkhat hlat nak a rak phanh cang kha a theih. A lau tuk, a tih tuk hringhran caah ka bawm u tiah a au. Rili kam I a ummi mi tampi lakah a aunak aw a theih piaktu cu minung pakhat lawng asi I, cucu a Vapa, an pa a rak si.
An pa nih cun an nu bawmh dingah tichung ahcun rang tein a zuang I rili pi cu a hei lio nain a hlat tuk caah a phanh khawh hlanah a mahzong bawmhhau ah a cang ve. Vanthat ah, Rili zohkhenhtu pa nih a hmuh hna I an Nu-Va cun a va khamh hna. Chris Russell, ca tialtu pa, nih cun hi kong ka ruah fatin te, Khrihfa aa timi, zumtu hna duhsah tein Thlarau Nun ah kan tlau I, Pathian he kan I hlat tawnnak kong a ka ruah ter ngaingai tiah a ti. Rili kam hmanh hmu kho tilo tiangin Thlarau Nun ah kan tlau khawh nak ding caah hin caan tampi a rak hau lem lo. Chikhatte ahhin Bawipa hmu kho tilo in thlarau Nun ah rili chungah kan tlau tawn. Cu ti a kan tlauter tawntu thil tampi lakah panga kong a hun tialmi cu a tanglei bantuk hin an si.
1. A Tamtuk mi Tuahding Thil Ruangah (An Out-of-Control Schedule)
“Atu kan nikhua hi caan chia asi caah, caan tha nan hmuhmi paohpaoh kha tha tein hma I zuam u.”
Efesa 5:16
Tuchan zumtu dohnak ah Setan nih a hmanmi hriamtha bik cu, mitha, zumhawk tlak le bochan tlak vialte, manh lo taktak in rian tuanter hi asi. Vawlei mit ah zoh aa dawhmi le minung nih thiltha tiah kan ruahmi pawl tuahnak ah kan can dihlak hmang in Kan nunnak caah a herhbik mi thil tuah kan tlolh theu. Pathian he Naih tein kal ti na duh ahcun, na caanhman ning (Schedule/Calendar) tha te le ralring tein na zohthan a hau. Atu lio hi thil tamtuk, manh lo taktak in a tuahmi na si kho men. Manh lo tuk in tuan dingmi rian na ngeihmi nih, Pathian he nan I pehtlaihnak a chah cuahmah lio caan asi kho men fawn. Cucaah vawlei na nunnak caah teettuk in na tuahmi na caan hmanning kha a sikhawh chung in remh law, nangmah an ser, an khamh I zungzalnak vanram ah rocotu ah an sertu, na Pathian he pehtlaihnak caan tu kha tam deuh ser le ngeih I zuam. Manh lo tuk I riantuan hi Bawipa kan Thlarau a zaam tertu Setan hriam pakhat a si.
2. A Hmanlo mi Thil Tlaihchan Tuk (Misplaced Affections)
“Vawlei hi siseh, a chung thilri hi si hna seh tlaihchan hna hla u. Vawlei hi nan tlaihchan ahcun, Pathian dawtnak kha nan chungah a um lo.” I Johan 2:15
Zungzal na nunnak caah a biapi lo mi thil kha faktu in nan thinlung nih a duh nakhnga lo I ralring. Zungzal nunnak caah a thahnem lo dingmi thil le cawlcanghnak pawl an tlaihchan tuk ruangah, mi fim tampi, bochan tlak minung hna Khrihfabu he an I hlat I an zumhnak zong a thlau thaimi, zumtu relcawk lo an si cang. Tahchunnak ah, Na fa lemsawinak le cawnpiaknak caah Lentecelh pi, computer chung keem (Games) hna celhter, TV zohter I a mah duhnak zulh hi thiltha an si men lai nain, kha thil hna nih khan na FA thlarau lei thannak le chungkhar thlarau lei thannak a donh i hna a hnawh cang ti nan theih a si ahcun rianrang bikin nan caanhman ning chung in nan hrawh I nan ngol ah a tha. Zungzal nunnak caah a biapi mi thil a si lo caah, Thlarau hrawktu men an si I, Setan hriam tha pakhat a si.
3. Lung Silonak (Discouragement)
Khrihfabu chung kan cawlcanghnak hi zohtikah, Nunnak lungsi lonak nihhin rel cawk lo zumtu tha tampi Thlarau lei cawlcanghnak he a kan Hlaat ter tihi hmuh khawh asi. A faktukmi Hneksaknak pakhatkhat zumtu nunnak ah fakpi in atlun tikah Nun Lung silonak nih a zulh cawlh tawn. Cu Nun Lung silonak, lawmh lo nak nih cun Jesuh kha hmu kho loin a mit a chinh ter I, a tonmi le a phurhmi thilrit tu kha fak deuh in zoh hram a thok. Bible chungah kan hmuhmi Peter ti cung I a kal lio kha hi nihhin a thar in a hun phuan. A mit kha Jesuh sin in a thial I a ketang a ummi tilet tihnung le a cung I a ummi minmei hna a zoh hlan chung paoh cu ti cungah tha tein a kal kho. Phun dangin chim ahcun a pawngkam a ummi thil tihnung vialte kha zoh lo in Jesuh cung lawngah a Mit a chiah chung paoh cu tha tein tilet cungah a kal kho. Zumtu kan nunnak ah hngalh awk I a herh taktak mi cu Nunnak minmei hna an hung Nah I Muihhram an hun thok; Ton mi hneksaknak hna an ngan tuk lio caan khi, Jesuh sinin zaam siloin AMAH LEIAH AMAH PANH IN RANG TEIN TLIK caan asi.
4. Hleihluatnak (Abundance)
“Tangka duhnak hi thatlonak phunkip chuahnak hram asi. Mi a cheu cu tangkaa ngeih an duh tuk caah zumhnak kha an kaltak I ngaihchiatnak a phunphun an tong.” I Timote 6:10
Catial tu pa nih, “Kannih Amerikan pawl cu ngeihchiah chawva ah kan chah tuk tikah, a hmanmi Vancung Siangpahrang nakin kanmah Rumnak hi pathian ah kan ser cang,” tiah ati. Hi kong hi Bible nih cat loin a kan cawnpiakmi le ralrinnak a kan pek mi tlangtaar a si. Minung cu har le sa in an cawlcang I rian an tuan, Pathian nih thluachuah a pek hna, an hung rum; cutikah Pathian an kal tak. Thil lettalam a si hnga lo maw?
Ka rum tiahhmanh naa ruah lo zong ah mi thluachuak na si. Zeicahtiah American ram I a ummi hna cu Thluachuah tamtuk kan hmuh caah, vawlei cung I a ummi minung tamdeuh nakin a hlei in rumnak a ngeimi kan si. US ramah khua na sak ahcun, vawlei minung-mirum then zakhat lakah then khatnak ah naa tel cia cawlh caah minung zakhat lakah 99% nak in a rum deuh cia mi na si.
Nunnak ah kan hmuhmi Thluachuah tamtuk nihhin Pathian biaknak nakin, mah nun nuamh duhnak ah a kan hruai deuh tawn. Leng ah chuakin Golf na tuk khawh; Rili cungah ah tilawng cit in naa nuam kho; ramlak ah motor i mongh in na riak kho; Movies na zoh kho; lentecelh nak thatha na zoh khawh I nangmah zong lente nan celh khawh lio caan ah zeiruangah Biakinn kal le pumh I Pathian biak cu a herh?
Setan nih hin Rum hna seh tihi a kan duh tuk. Zeicahtiah kan Rumnak nihhin a kan ser I thluachuah a kan petu Pathian sinin duhsah tein a hlatnak ah a kan dawh tawn I, Pathian he a kan thentu ah a cang tawn.
"Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo." Mathai 16:26
5. Kan Nun ah aa Benhmi Sualnak (Parasitic Sins)
“Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna usihlaw kan hmai I chiahmi tlikzuamnak ah khan I zuam usih.” Hebru 12:1
Mitam cu pumpak kan nunnak I kan tuahmi Sualnak ruangah, Biakinn pumhnak I kan hung chuak tikah sual phuhrunnak kan ngei I kan ning a zak. Cu ningzahnak nih cun Pathian sinin duhsah tein kan zamter i kan Sual Ningzahnak cu Bawipa he a kan thentu ah a cang tawn. Brusell nih khuaruahhar ngai in Video a zohmi kong a chim mi cu, “Mit Doctor pa nih minung mit chungah a ummi Rungrul a chuahnak kong," asi.
Cu a hmuhmi video chung in a hun chapmi cu, “Minung tampi cu, kan tuahmi Sualnak kha, kan pum kha duhsah tein a hrawk cuahmah mi Rungrul bantuk ah an cang tawn I cu sualnak nih cun Thlarau khuahmuhnak ah fakpiin a kan donh tawn caah, Thlarau mit au kho lo in kan um tawn,” tiah ati.
Sualpalhnak nganpi, Biakinn phan ngam loin ningzahnak he a kan thup tertu, kan ngeih tikah kan tuah dingmi cu, Pathian sinin zam siloin na nunnak kha a tharchuah I a sersiam than khotu, na sining dihlak a remh than khotu, an daw I an kawltu Pathian sin tu ah Sual phuannak le ngaihchihnak he kal ding kha Bible cawnpiaknak asi. "Sihmanhsehlaw Pathian sinah kan sualnak cu kan phuan hna ahcun a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai I kan palhnak vialte kha a kan thianhpiak dih lai.” I Johan 1:9
Pathian caah ngaihthiam khawh lo mi sualnak pakhat lawnglawng a um. Amah sinah kan chuahpi lo mi Sualnak kha asi. Pathian cu kan sualnak chung in a kan chuah kho tu, "Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek." Titas 2:14, asi lawng siloin kan sualnak kha thiannak ah a thleng khotu Bawi, "Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai, Isaiah 1:18," zong a si fawn.
A luancia thla khat-hnih na nunnak le a luancia kum khat-hnih nan nunnak khuallam hi Pathian he nan kalti maw? Pathian sinin na zaam deuh dah? Atu hi Kir than caan asi. Thlarau lam tlau in rili chungah hlat tuk na phak hlanah, PATHIAN KHA AU law an khamh ko lai.
Na nunnak le na pawngkam ah zeithil hmanh tlung in cang ai kun atu hi Bawipa Sin Kir Thannak ding caah Caan Thabik asi.
Theihtarnak: November 14, 2014 ah "Cross Walk" ah Chris Russell nih a tialmi, "5 Things That Causes Us to Drift Spiritually," timi capar tharchuah mi asi.
Bawipa nih sunparnak co ko seh.
Zathawngcin
Bethel Baptist Church
Lewisville, Texas
December 10, 2014
