PATHIAN LUNG A TONGMI PA LE NUNZIA
Salm 101:1-5,7,8
Salm 101 hi Pathian nih a duhmi le Pathian lung a tongmi Pa/Va le hna nunzia hmuhsak tu Baibal catlang ttha taktak asi. David nih hi bia hi dinlonak dohnak caah atialmi asi. Hi Baibal chungahhin Pathian lung a tongmi Pa/Va le hna kha kan tenh khawh hna I zeidah kan si ding le zeibantukdah si kan I zuam ding kha a kan hmuhter.
1. Ka hla cu dinnak le zumhawktlak sinak kong a si, cu hla cu kan sakpiak lai, maw Bawipa. (Cg.1)
Pathian lung a tongmi va/Pa le nih cun Pathian hmaiah dinnak, dawtnak le zumhtlak sinak hla kha an sak. Pa le nih hin Pathian an dawtnak hi langter ding ah an ningzah ding le an ttih ding asi lo. Pathian an dawtnak hi an phuan hrimrhim ding; nunzia in siseh hmurkaa in siseh, an phuan in, hla in siseh an sak ding asi. Pathian kan dawt taktak a si ahcun, cu kan dawtnak cu, zeibantuk hmanh va si ai kun kan nunnak ah a langhtthan a herh.
2. Ka cungah zei khom hmanh tlung sehlaw, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka s alai. (Cg..2)
Pathian a ttanhmi Pa/Va le nih cun soiawk umlo mi nunzia ngeih ding kha Pathian hmai ah an biakamnak asi. Inchungkhar ah lungthiang tein um khawh kha an thlacamnak le an duhbikmi asi. Cucaah Pathian a ttanhmi Pa/va le nih cun kan hmai ah chiah a si cang mi lambi kha fek te le ding tein nitin kan nunnak ah kan zulh a hau. Hi lam dik cung in kan pial sual nakhngalo ding caah ralrin zungzal a hau. Pathian a ttanhmi pa le cu dinnak le lungthiannak kha an nunnak ah an I tlaih zungzal I Pathian sin ah an biakamnak zong asi.
3. A Thurmi tinhmi zeihmanh ka ngei lai lo; Zumhtlaklo si kha a Huat in ka huat lai. (Cg.3)
Pathian Duhmi PA le nih cun an mit hmaikaa ah a Thurmi thil zeihmanh an ngei lo I an chia duh lo. Zumhtlaklo mi va si kha an huat bikmi asi. Cucaah Pathian a dawmi PA le nihcun thil Thurhnawm an tuah lo I, zumhtlak sinak nun kha an ngei. PA le nih Thilthur an tuah I zumhtlak lo in an nun ahcun, fa le le a innchungkhar rawhralnak caah innkaa a on asi.
4. Hrokhrolnak lungthin kha ka hlawt dih lai I tthat lonak kha a ruah hmanh ruat loin ka um lai. (Cg.4)
Pathian a ttanhmi PA le cu an nunnak ah Hrokhrolnak kha an thlau I, thiltthalo kha a ruah hmanh an ruat lo . An khuaruahnak mit kha Pathian sin lawng a phan zungzal. Cucaah an nunnak ah Pathian dah ti lo ah thildang nih hmunhma an ngei kho lo. Pathian lawnglawng kha an nunnak uktu Bawi ah a cang.
5. Mi congoih a hmangmi kha daihter kaa zuam hna lai I miporhlaw hna le mi ruamkai hna he cabuai I tthuttti cu ka hrial lai. (Cg.5)
Pathian a ttanhmi PA le cu an nunnak ah mi congoih nun an ngeih lo pinah thil ttha lo kha an huat i an tuah lo. An nih cu a hohedah kan um I kan pawng kam ah zeidah a um ti kha ralring tein an zoh I an tluk sual nakhnga lo ding caah ralring tein khua an sa zungzal.
6. Ka inn chungah mi thangchiat hmangmi kha ahohmanh an um kho lai lo, ka hmuh khawhnak hmunah mi lihchim hmang cu an dir kho lai lo. (Cg.7)
Pathian a ttanhmi PA le nih cun an inn chungah khan mi thangchiat hmangmi cu an luh ter hna lo in an chungkhar ah mi thangchiatnak aw a leng lo. Lih paohpaoh kha an doh caah an pawngkam ah lih a um kho lo. Pathian thil asilo mi paoh kha an innchung ah a luh ter lo I tthat lo nak nih an inn le an chungkhar kha a hrawk kho hna lo. Tthatnak kha a nunnak ah aa tlaih caah an chungkhar cu fek tein a dir zungzal.
7. Ni khat hnu ni khat in mithalo cu ka daihter hna lai I Tthat lonak a tuahtu vialte cu Bawipa khuapi chungin ka dawi dih hna lai. (Cg.8)
Pathian a ttanhmi PA le cu zing fatin te tthatlonak kha an doh I daihter an I zuam peng. Thatlonak kha thlau in Pathian hmai hmuh kha an I zuam I Pathian kha an kawl. An chungkhar kha thlacamnak in an thianh I Pathian hmaiah an tuah sual mi thil tthalo vialte chungkhan ngaihchih nun an ngeih khawh nak hnga Pathian an hal.
Phungthlukbia 27:17, “Thir nih thir a harter, mi zong nih midang fimnak kha a harter ve.”
Midang kongceih sualphawtnak nun in pakhat le pakhat thinphannak kan I pek ding a silo. Midang sualnak zong kha kan I ceih ding a si lo. Kan mah cu pakhat le pakhat bia aa ceih ding kan si lo, siseh hmailei kan kal nak tu ah pakhat le pakhat aa dirkamh tu ding kan si. Pa nih a ngeihdingmi Nunzia hi thlacamnak he fuhpanh hi Pathian lam asi.
Zohchuntlak PA dirhmun kan dir khawhnak ding caah Pathian nih thluachuah kan pe hram ko seh.
Zathawngcin Siakhel
June 12, 2012
Salm 101 hi Pathian nih a duhmi le Pathian lung a tongmi Pa/Va le hna nunzia hmuhsak tu Baibal catlang ttha taktak asi. David nih hi bia hi dinlonak dohnak caah atialmi asi. Hi Baibal chungahhin Pathian lung a tongmi Pa/Va le hna kha kan tenh khawh hna I zeidah kan si ding le zeibantukdah si kan I zuam ding kha a kan hmuhter.
1. Ka hla cu dinnak le zumhawktlak sinak kong a si, cu hla cu kan sakpiak lai, maw Bawipa. (Cg.1)
Pathian lung a tongmi va/Pa le nih cun Pathian hmaiah dinnak, dawtnak le zumhtlak sinak hla kha an sak. Pa le nih hin Pathian an dawtnak hi langter ding ah an ningzah ding le an ttih ding asi lo. Pathian an dawtnak hi an phuan hrimrhim ding; nunzia in siseh hmurkaa in siseh, an phuan in, hla in siseh an sak ding asi. Pathian kan dawt taktak a si ahcun, cu kan dawtnak cu, zeibantuk hmanh va si ai kun kan nunnak ah a langhtthan a herh.
2. Ka cungah zei khom hmanh tlung sehlaw, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka s alai. (Cg..2)
Pathian a ttanhmi Pa/Va le nih cun soiawk umlo mi nunzia ngeih ding kha Pathian hmai ah an biakamnak asi. Inchungkhar ah lungthiang tein um khawh kha an thlacamnak le an duhbikmi asi. Cucaah Pathian a ttanhmi Pa/va le nih cun kan hmai ah chiah a si cang mi lambi kha fek te le ding tein nitin kan nunnak ah kan zulh a hau. Hi lam dik cung in kan pial sual nakhngalo ding caah ralrin zungzal a hau. Pathian a ttanhmi pa le cu dinnak le lungthiannak kha an nunnak ah an I tlaih zungzal I Pathian sin ah an biakamnak zong asi.
3. A Thurmi tinhmi zeihmanh ka ngei lai lo; Zumhtlaklo si kha a Huat in ka huat lai. (Cg.3)
Pathian Duhmi PA le nih cun an mit hmaikaa ah a Thurmi thil zeihmanh an ngei lo I an chia duh lo. Zumhtlaklo mi va si kha an huat bikmi asi. Cucaah Pathian a dawmi PA le nihcun thil Thurhnawm an tuah lo I, zumhtlak sinak nun kha an ngei. PA le nih Thilthur an tuah I zumhtlak lo in an nun ahcun, fa le le a innchungkhar rawhralnak caah innkaa a on asi.
4. Hrokhrolnak lungthin kha ka hlawt dih lai I tthat lonak kha a ruah hmanh ruat loin ka um lai. (Cg.4)
Pathian a ttanhmi PA le cu an nunnak ah Hrokhrolnak kha an thlau I, thiltthalo kha a ruah hmanh an ruat lo . An khuaruahnak mit kha Pathian sin lawng a phan zungzal. Cucaah an nunnak ah Pathian dah ti lo ah thildang nih hmunhma an ngei kho lo. Pathian lawnglawng kha an nunnak uktu Bawi ah a cang.
5. Mi congoih a hmangmi kha daihter kaa zuam hna lai I miporhlaw hna le mi ruamkai hna he cabuai I tthuttti cu ka hrial lai. (Cg.5)
Pathian a ttanhmi PA le cu an nunnak ah mi congoih nun an ngeih lo pinah thil ttha lo kha an huat i an tuah lo. An nih cu a hohedah kan um I kan pawng kam ah zeidah a um ti kha ralring tein an zoh I an tluk sual nakhnga lo ding caah ralring tein khua an sa zungzal.
6. Ka inn chungah mi thangchiat hmangmi kha ahohmanh an um kho lai lo, ka hmuh khawhnak hmunah mi lihchim hmang cu an dir kho lai lo. (Cg.7)
Pathian a ttanhmi PA le nih cun an inn chungah khan mi thangchiat hmangmi cu an luh ter hna lo in an chungkhar ah mi thangchiatnak aw a leng lo. Lih paohpaoh kha an doh caah an pawngkam ah lih a um kho lo. Pathian thil asilo mi paoh kha an innchung ah a luh ter lo I tthat lo nak nih an inn le an chungkhar kha a hrawk kho hna lo. Tthatnak kha a nunnak ah aa tlaih caah an chungkhar cu fek tein a dir zungzal.
7. Ni khat hnu ni khat in mithalo cu ka daihter hna lai I Tthat lonak a tuahtu vialte cu Bawipa khuapi chungin ka dawi dih hna lai. (Cg.8)
Pathian a ttanhmi PA le cu zing fatin te tthatlonak kha an doh I daihter an I zuam peng. Thatlonak kha thlau in Pathian hmai hmuh kha an I zuam I Pathian kha an kawl. An chungkhar kha thlacamnak in an thianh I Pathian hmaiah an tuah sual mi thil tthalo vialte chungkhan ngaihchih nun an ngeih khawh nak hnga Pathian an hal.
Phungthlukbia 27:17, “Thir nih thir a harter, mi zong nih midang fimnak kha a harter ve.”
Midang kongceih sualphawtnak nun in pakhat le pakhat thinphannak kan I pek ding a silo. Midang sualnak zong kha kan I ceih ding a si lo. Kan mah cu pakhat le pakhat bia aa ceih ding kan si lo, siseh hmailei kan kal nak tu ah pakhat le pakhat aa dirkamh tu ding kan si. Pa nih a ngeihdingmi Nunzia hi thlacamnak he fuhpanh hi Pathian lam asi.
Zohchuntlak PA dirhmun kan dir khawhnak ding caah Pathian nih thluachuah kan pe hram ko seh.
Zathawngcin Siakhel
June 12, 2012
