VELNGEIMI PATHIAN
“Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.” 2 Peter 3:9
Genesis 5 nih minung tuanbia ah a nun a sau bikmi Methuselah, kum 969 tiang a nungmi pa kong a chim. Amah cu nung buin van a kai mi Enoch nih kum 65 a si lio ah a hrinmi pa asi. Methuselah nih cun fapa Lamech a hrin i, Lamech cu buanchukcho ah lawng a sa mi Noah pa asi. (Gen.5:26-29) Methuselah cu buanchukcho a thawh lai zarhkhat a duh ah a thi (Ge.7:1,10) Methuselah cu Bawipa atihzahmi Enoch nih a zohkhenhmi a si caah a mah zong Bawipa a tihzahmi asi i a tupa, Noah tiang Pathian a tihzahmi chungkhar an si.
Zeiruangah Methuselah hi kum 969 tiang a nun hnga? Methuselah saupi a nunnak a ruang hi a ci a that tuk ca le a thawn tuk caah siloin, Pathian nih minung cungah ZANGFAHNAK nganpi a ngeih ruangah a NUNTER mitu asi. Zeiruangah?
Methuselah timi sullam cu, “A THIH TIKAH, A RA LAI,” ti asi. A ra laimi cu, Pathian dantatnak “Buanchukcho” kha asi. Pathian bia ningin tein, Methuselah a thih bakin buanchukcho cu a ra taktak. Tilet chungah Bawipa nih hohmanh thihter a duh hna lo caah, caan tha a pek hna i Methuselah cu a nunter lengmang nak asi. Bawipa nih a sualmi minung kha Ngaihchihnak caan tha pakhat hnu pakhat in a pek lengmang hna. Zeicahtiah pakhat te hmanh rawhnak phakter kha a duh hna lo. An sualnak an i ngaihchih dih i an za tein khamh an co dih ding kha a duh caah, Methuselah cu nunsaunak a chap lengmangnak asi.
Na nunnak ah Pathian nih biaceih i dantat awkah aa tlakmi sualnak kan tuah can a um maw? Na sualnak a nganpi nain Bawipa nih aa theihter lo i, khua-ong an pemh ter peng ko can khi a ruahawk ah na theihmi a um ko lo maw? Na nunnakah, “Aw! Mah lio caan kha Pathian a tha tuk dah! ti awk in na sual ning in dantat loin an luat ter i, a hnu na zoh than tikah, “Ka cungah Pathian hi a va tha dah, zangfahnak in ka caah akhat,” tiah na ti can a um tawn lai. Na hmuhthiam cun a tam taktak lai!
Nihin NUN an zuah rihmi a VEL ruangah Pathian cu lawm law thangthat ko. Na Nunnak ah velngaihnak puan in an thuam rih i ngaihchih khawhnak ding caah Nunnak can an zuah rihmi ruangah Bawipa sinah lunglawmhnak bia chim. Kan nun rih hi kan ci a that tuk ruang le, kan thawn tuk ruang le kan thisen a that tuk ruangah si loin, kan sualnak kan i ngaihchih i, zungzal nunnak kan co khawh nak ding caah asi; Kan sualman dantat cawlh lo in khua-ong a kan pemh ter rih nak hi, “Kan sualnak biaceih dingah, a khul a nuarhbia siloin, Dawtnak a kan ngeih i sual ngaichih in khamh co hna seh ti a kan duh,” ca tu ah a si.
Nihin Nan chung tein nan sualman dantat loin, Nun an zuah hna le, tlamtling tein khua kan sak rih hi, kan thawn ruang, thil kan ti khawh ruang le, Pathian sual dantat a nuarh caah asilin, “Khamh hmuhter duhah sualngaihchihnak can a kan pek,” asi hi philh lo in Bawipa fuh can asi.
Bawipa vel ruangah sual ngaihchih in amah sin ah kir can asi.
Zathawngcin
February 6, 2018
Genesis 5 nih minung tuanbia ah a nun a sau bikmi Methuselah, kum 969 tiang a nungmi pa kong a chim. Amah cu nung buin van a kai mi Enoch nih kum 65 a si lio ah a hrinmi pa asi. Methuselah nih cun fapa Lamech a hrin i, Lamech cu buanchukcho ah lawng a sa mi Noah pa asi. (Gen.5:26-29) Methuselah cu buanchukcho a thawh lai zarhkhat a duh ah a thi (Ge.7:1,10) Methuselah cu Bawipa atihzahmi Enoch nih a zohkhenhmi a si caah a mah zong Bawipa a tihzahmi asi i a tupa, Noah tiang Pathian a tihzahmi chungkhar an si.
Zeiruangah Methuselah hi kum 969 tiang a nun hnga? Methuselah saupi a nunnak a ruang hi a ci a that tuk ca le a thawn tuk caah siloin, Pathian nih minung cungah ZANGFAHNAK nganpi a ngeih ruangah a NUNTER mitu asi. Zeiruangah?
Methuselah timi sullam cu, “A THIH TIKAH, A RA LAI,” ti asi. A ra laimi cu, Pathian dantatnak “Buanchukcho” kha asi. Pathian bia ningin tein, Methuselah a thih bakin buanchukcho cu a ra taktak. Tilet chungah Bawipa nih hohmanh thihter a duh hna lo caah, caan tha a pek hna i Methuselah cu a nunter lengmang nak asi. Bawipa nih a sualmi minung kha Ngaihchihnak caan tha pakhat hnu pakhat in a pek lengmang hna. Zeicahtiah pakhat te hmanh rawhnak phakter kha a duh hna lo. An sualnak an i ngaihchih dih i an za tein khamh an co dih ding kha a duh caah, Methuselah cu nunsaunak a chap lengmangnak asi.
Na nunnak ah Pathian nih biaceih i dantat awkah aa tlakmi sualnak kan tuah can a um maw? Na sualnak a nganpi nain Bawipa nih aa theihter lo i, khua-ong an pemh ter peng ko can khi a ruahawk ah na theihmi a um ko lo maw? Na nunnakah, “Aw! Mah lio caan kha Pathian a tha tuk dah! ti awk in na sual ning in dantat loin an luat ter i, a hnu na zoh than tikah, “Ka cungah Pathian hi a va tha dah, zangfahnak in ka caah akhat,” tiah na ti can a um tawn lai. Na hmuhthiam cun a tam taktak lai!
Nihin NUN an zuah rihmi a VEL ruangah Pathian cu lawm law thangthat ko. Na Nunnak ah velngaihnak puan in an thuam rih i ngaihchih khawhnak ding caah Nunnak can an zuah rihmi ruangah Bawipa sinah lunglawmhnak bia chim. Kan nun rih hi kan ci a that tuk ruang le, kan thawn tuk ruang le kan thisen a that tuk ruangah si loin, kan sualnak kan i ngaihchih i, zungzal nunnak kan co khawh nak ding caah asi; Kan sualman dantat cawlh lo in khua-ong a kan pemh ter rih nak hi, “Kan sualnak biaceih dingah, a khul a nuarhbia siloin, Dawtnak a kan ngeih i sual ngaichih in khamh co hna seh ti a kan duh,” ca tu ah a si.
Nihin Nan chung tein nan sualman dantat loin, Nun an zuah hna le, tlamtling tein khua kan sak rih hi, kan thawn ruang, thil kan ti khawh ruang le, Pathian sual dantat a nuarh caah asilin, “Khamh hmuhter duhah sualngaihchihnak can a kan pek,” asi hi philh lo in Bawipa fuh can asi.
Bawipa vel ruangah sual ngaihchih in amah sin ah kir can asi.
Zathawngcin
February 6, 2018
HTML Comment Box is loading comments...
