ZULTU
Kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna. Matthai 28:20
Zultu si cu zarhkhat ah voikhat voihnih biakin phak he cu aa dang ngaingai. Thawngtha bia thatha le Hla thatha na theihmi nih na thinlung an lawmhter, na tha an thawhter mi khi a tha ngai mi asi nain, khikhi na THLARAU a thang tinak asi lo (Spiritual Growth). Hawikom he nuam taktak in khuasak ti khi Khrihfa nunnak ah hliahcang pakhat cu a si ve nain, hawikomhnak le i nuamh tinak men cu Zultu sining taktak asi bal lo.
Khrihfabu ah nan cawnlcanghnak vialte i a hmuitinh le a inn kil lung taktak cu Bawipa sunparnak pe in, zultu nun an phakter tu asi ding kha a si. Pathian hmuitinh hi Khamhnak men asi lo. Tony Evan nih Khamhnak cu Pathian hmuitinh biahmaithi (Introduction) lawnglawng a si ati. Bawipa hmuitinh taktak cu Khamhmi vialte Zultu dirhmun phak hi asi.
Vancung ka kai cang lai, van lei ka panh cuahmah ti i hnangam i va um men khi khrihfa nun ah a za hrimhrim lo. Paul bia bantukin, a biapi taktak mi cu vancung ah an kaipi tu Jesuh lo chin lengmang in Pathian sunparnak pek nun ah na thang maw tihi asi. Cucu Zultu sining (Discipleship) taktak cu asi i cu Nun cu Jesuh nih zumtu vialte sinin hmuh a duh mi nunning le sining asi.
Zultu sining (Discipleship) cu khrihfa asimi zumtu pakhat kha thlarau ngakchia sining in thlarau nutling patling dirhmun leiah duhsah tein a phak ter cuahmah mi thannak khi asi. Cuti thannak a ngeimi zultu nih cun midang kha zultu ah a ser chin khawh ve. Zultu pakhat nunnak chungin Bawipa hmuitinh taktak cu Mi vialte kha Bawi Jesuh khrih pennak tangah phak pi i, midang vialte zong Jesuh pennak tangah a tlongleng mi Nunnak an ngeih khawh nakhnga bawmh le lamhruai kha asi.
Zumtu cu Zultu nun ngei ding in Pathian nih a tinhchih kan si. Zultu cu Khrih chungah thlarau lei nutling patling sinak lei ah an thang i, midang zongkha cu nun lei ahcun an hruai hna. Cuticun Matthai 28 chungah Jesuh nih fialmi rian kha na tlin ter ding ning asi. Na chungkhar ah siseh, na riantuannak ah siseh, na khrihfabu ah siseh, midang nun naa hrawm nak ah siseh, zatlang rian na tuannak ah si seh, lam phunkip in – na nunnak hmuitinh le na nunchan taktak cu midang kha Jesuh lo chin lengmang mi nunah lamhruai le sersiam kha asi. Cucu Pathian nih an auhnak lakah a sangbik mi asi.
Biahalnak
Zathawngcin
February 17, 2018
Zultu si cu zarhkhat ah voikhat voihnih biakin phak he cu aa dang ngaingai. Thawngtha bia thatha le Hla thatha na theihmi nih na thinlung an lawmhter, na tha an thawhter mi khi a tha ngai mi asi nain, khikhi na THLARAU a thang tinak asi lo (Spiritual Growth). Hawikom he nuam taktak in khuasak ti khi Khrihfa nunnak ah hliahcang pakhat cu a si ve nain, hawikomhnak le i nuamh tinak men cu Zultu sining taktak asi bal lo.
Khrihfabu ah nan cawnlcanghnak vialte i a hmuitinh le a inn kil lung taktak cu Bawipa sunparnak pe in, zultu nun an phakter tu asi ding kha a si. Pathian hmuitinh hi Khamhnak men asi lo. Tony Evan nih Khamhnak cu Pathian hmuitinh biahmaithi (Introduction) lawnglawng a si ati. Bawipa hmuitinh taktak cu Khamhmi vialte Zultu dirhmun phak hi asi.
Vancung ka kai cang lai, van lei ka panh cuahmah ti i hnangam i va um men khi khrihfa nun ah a za hrimhrim lo. Paul bia bantukin, a biapi taktak mi cu vancung ah an kaipi tu Jesuh lo chin lengmang in Pathian sunparnak pek nun ah na thang maw tihi asi. Cucu Zultu sining (Discipleship) taktak cu asi i cu Nun cu Jesuh nih zumtu vialte sinin hmuh a duh mi nunning le sining asi.
Zultu sining (Discipleship) cu khrihfa asimi zumtu pakhat kha thlarau ngakchia sining in thlarau nutling patling dirhmun leiah duhsah tein a phak ter cuahmah mi thannak khi asi. Cuti thannak a ngeimi zultu nih cun midang kha zultu ah a ser chin khawh ve. Zultu pakhat nunnak chungin Bawipa hmuitinh taktak cu Mi vialte kha Bawi Jesuh khrih pennak tangah phak pi i, midang vialte zong Jesuh pennak tangah a tlongleng mi Nunnak an ngeih khawh nakhnga bawmh le lamhruai kha asi.
Zumtu cu Zultu nun ngei ding in Pathian nih a tinhchih kan si. Zultu cu Khrih chungah thlarau lei nutling patling sinak lei ah an thang i, midang zongkha cu nun lei ahcun an hruai hna. Cuticun Matthai 28 chungah Jesuh nih fialmi rian kha na tlin ter ding ning asi. Na chungkhar ah siseh, na riantuannak ah siseh, na khrihfabu ah siseh, midang nun naa hrawm nak ah siseh, zatlang rian na tuannak ah si seh, lam phunkip in – na nunnak hmuitinh le na nunchan taktak cu midang kha Jesuh lo chin lengmang mi nunah lamhruai le sersiam kha asi. Cucu Pathian nih an auhnak lakah a sangbik mi asi.
Biahalnak
- Midang nih na kong an chim tikah, Khrihfa a si tiah maw an in ti, ZULTU asi an in ti dah?
- Zultu sernak riantuannak ah zeidah na tuah cuahmah?
Zathawngcin
February 17, 2018
Comment Box is loading comments...
