PASTOR LE KHRIHFABU HRUAITU NIH
A CAWNCHAP A HERHMI THIL PHUN 10
Khrihfa fimchimtu cauk chuahtu lakah Lifeway hi Southern Baptist nih an ngeihmi asi i san a tlai taktak tiah zong tuanbia zoh tikah chim khawh asi. Chan sining aa thlen caah Cauk hi Hard Copy in rel le hman a tlawm cang caah Lifeway, Pathian lei Cauk zuarnak, dawr vialte cu USA ramchung dihlak an khar. Zapi kan caah cun ngaihchia ngai asi. Khrihfabu tampi a kan thathnem nain Online ah kan i thial caah a si tiah thawng an thanh i an riantuannak an ngol lo kan hngalh caah kan i lawm cio. Lifeway ah President in a hnu ah CEO a tuan i Zuarthabik Cauk (Best Selling Books) tampi a tialmi cu Thom S. Rainer (July 16, 1955 ah a chuakmi), asi. Chanthar ah Khrihfabu damnak le hrimhthannak, a dammi Khrihfabu chuahnak lam hi fakpi in a ruat a khang i a tawlrel mi hruaitu pakhat asi. Amah nih cun Zabu 21 ah Pastor a tuanmi nih a cawnchap a herhmi thiamnak phun 10 kong March 8, 2008 ah a rak tial i a tanglei bantuk hin asi.
Khrihfabu ah rian a tuanmi Pastor le riantuantu dangdang cu, Biatak ah timhlamhnak tha le fek ngeih a herh. Biatak a fiangmi le a dirpimi siding cu lohtheihlo asi. Pathian kong cawnnak (Theology) le thiamnak a ngei hrimhrim lai. Khrihfa nih ngeihmi le zulh tawnmi sining (Discipline) Missions, Evangelism le khrihfabu dirhnak (Church Planting) hna cu tuah lo a ngah lo mi, tuah hrimhrim dingmi an si.
Sinain Chanthar nunphung chungah hin thil sining hi rang taktak in aa thlen cang caah Kan umnak USA ram pi zonghi “International Mission Field,” ramdang ah kan va kal hnawhmi Mission riantuannak hmun bantuk ah a cang cang. Cucaah Pathian riantuanning cawnpiaknak (Ministry Training), kan tuahnak nih hi kan ton taktak mi chan sining (Reality) kha kaltak le zeirel lo a ngah lo. Ramdang ah kal in rian a tuan dingmi nih cun a kal hlan hrimhrim in a kal lainak ram Holh le Nunphung kha fak pi in a cawn hmasa a herh bantuk tein chanthar America ram ah Khrihfabu a hruai dingmi zong nih cawn ding le thiam a herh hrimhrim mi thil tampi a um cang. Zeidah abiapi in cawnherh mi an si? Chantiluan sinah a kal cuahmah mi Khrihfabu hruaitu nih chan sinah kan thiam a herhmi tampi lak ah thil fawi tete a si nain a biapi mi ah aa tel mi hna cu a tanglei bantuk hi an si.
1.HOLH THAR (A New Language)
Khriahfabu ah rian a tuanmi le Pastor poah nih chanthar holh, “Social Media” a chimve le a thiam ve lo ahcun kan ram pi le vawlei ah a rangbik in a thangmi tiluan pakhat kha zeiah a rel lo asi. Zeicatiah hi Social Media riantuan ning hi chikkhat te a hung langta i a lo than dingmi asi ti lo i chanthar ah hmanmi pehtlaihnak hram taktak a si cangcaah cu pehtlaihnak hriam pi cu tuchan hruaitu nih zei rel lo le thiam lo in kal tak a ngah lo mi asi.
2.ZUM LO TU NUNPHUNG (A Non-Christian Culture)
America ram hi Khrihfa a silomi an than/karh a ran biknak ram ah a cang cang. Jesuh a zum i a zultu an zor cuahmah an tlawm chin tiah ngaihchia in kan um cuahmah lio ah kan pawngkam ah a ummi minung vialte nihhin Khrihfa nih biapi ah kan chiahmi hi biapi ah an chiah ve i kanmah bantuk an si ve ko tiah ruah awk a tha ti lo. A ruang cu pawngkam ah zumlotu tamtuk an um cang i khua kan sak ti caah an nunphung theih ve lo in um ti sawhsawh kha Khrihfabu hmailei caah tih a nung mi asi caah kan pawngkam ah mizeidah an um i zumlo tu hna lungput le biapi ah an chiahmi zeidah asi ti kha fiang tein tuchan Khrihfabu hruaitu nih kan theihfian ve hrimhrim a hau.
3.KHRIHFABU AH PHUNGNING KHRIHFA ZORCHUK NAK (The Decline of cultural Christians in Churches)
Khrihfa kong hlathlainak Pew Research Project nih fiang tein an fehter i an cohlan mi cu America ram ah Biaknak ngeilo, zeibiaknak hmanh a zum lo mi milu a karh tihi asi. Nihin Khrihfabu kan caah Biaknak ngeilo milu an karhnak in hlanchan bantuk in phungmen Khrihfa sining, pawnkam nih hnek ruang le, Khrihfa nunphun nih uk ruang ah Biakinn a rak panh tawnmi Khrihfa bantuk kha an um ti lo i a zum lo mi cu Khrihfa nunphung nih Biakinn phan lak in a tuah kho ti hna lo, Biakinn phak lo kha an zei a poi ti lo ti kha fiang tein hngalh khawh asi. Khrihfa biaknak a linhsat lio ahcun phungmen Khrihfa pawl hi pawngkam le Biaknak nunphung nih a nanh hna caah an zuam nalo le an duh nalo zongin Biakinn panh a rak si nain tuchan ah cun a zum set lo mi hna cu kan Biaknak nunphung men nih cun a nanh kho ti hna lo. Nunphung nanh in biakin a rak phanmi Khrihfa hi an zor cang ti zong hruaitu nih fian a herh.
4.RIANTUAN NINGCANG LE NUNCANNING THAR NIH A CHUAHPI MI SINING (A New Work/Life Balance)
Pastor le Khrihfabu ah rian a tuan tu hna cu 24/7 in timhcia tein um asi lawng siloin tuchan ahcun 24/7 computers, Phone, le Technology dangdang he canhman le riantuan chan a si cang. Athatnak le a chiatnak a um bantukin, a hun chuahpi mi cu riantuannak vawlei le pumpak nunnak vawlei a fiangfai kho ti lo i riantuan tu caah pumpak nun hi zeidah a si tiah maw chelchul in a um i kan nunnak hi zei setdah asi tiah a fiang lo mi Nunnak sining kha khuaruahhar in a karh cang. Cucaah Khrihfabu riantuantu nih hi sining hi pumpak nunnak caah siseh, khrihfabu damnak caah siseh cuaithlai thiam (Balance) a herh.
5.A HRINTHAN LOMI KHRIHFABU CHUNGTEL (Unregenerate Church Members)
Phungning Khrihfa (Cultural Christians) hna cu Jesuh zumtu taktak ka si lo ti kha fiang tein aa hngal ko nain, Nu le pa ruangah maw, chungkhar ruangah maw, nunphung ruangah maw, Khrihfabu he aa pehtlai mi hna khi an si. Cun Phukhat cu Jesuh ka zumh tiah tha tein a chim ko nain aa thleng taktak lo mi (Conversion) bu an si ve. Hihi thilthar cu a si lo nain Zultu derthawm le apiangthar taktak lo mi Khrihfa deu pawl Khrihfabu chungah an karh naknih a chuahpi mi rawhnak tampi kan ton cuahmah ti cu alawk tha lo asi. Jesuh a zum taktak lo mi, Nunphung in Khrihfa aa timi, kan bu ah chungtel in a ummi hna hi zeitindah kan tawlrel hna lai? Hikong hi tah zeitindah kan sersiam lai? (How will we respond to the issue of numbers of members who are not truly believers?)
6.KAN PAWNGKAM HI PATHIAN RIANTUAN A HERHNAK HMUN (The Community as a Mission Field)
Felfai deuh le tha deuh in i timhlamhnak ding caah kan lungput kan thleng kho lai maw? Khrihfa tlawmdeuh kan um ruangah kan pawngkam hi aa thleng mi asi lo. Biaknak dang a biami miphun le mibu kha a phuphun in kan pawngkam ah an hung luh ca zongah a si. Khrihfa milu zor ruang lawng ah siloin zumlotu a hung lutmi milu a karh tuk ruang zongah kan community hi zum lotu tamnak hmun, Pathian riantuan a herhnak hmun (Mission Field) ah a cannak asi. Cucaah chanthar khrihfabu hruaitu nih cun kan pawngkam hi Pathian rian tuan a herhnak (Mission field) hmun bantuk in hmuhthiam a herh.
7.KHRIHFABU HRUAITU UPATNAK A ZOR (Less Automatic cultural respect of church leaders)
A luancia can zeimawzat ahkhan cun “Pastor” silole Khrihfabu ah hruaitu min a pu mi poah cu a tlangpi in a dirhmun ruangah pawngkam (Community) ahhin UPAT pek a rak si. Tuchan ahcun a si ti lo. Upatmi sinak cu, upattlak sinak in hlawh (Earn) a hau ve cang. Nikhat hnu nikhat upat tlak sinak nun kha a cawm ve lo ahcun Khrihfabu hruaitu zong upat ti lo chan kan phan. Tuu hruai khawh nak ding caah Turun nih upatmi sinak kha hruaitu nih dirpi le nunpi a hau ve cang.
8.SOISEL A TAMCHIN MI VAWLEI (A More Critical World)
Nihin kan umnak vawlei cu kongceih soisel (Critical World) le a hliahcang fiang tein samhlanghnak (transparent) hmun ah a cang nain Khrihfabu hruaitu tampi nih hi sining hi tha tein an pehtlai lo. Hruaitu tampi cu hi kong ah cawlcang lo in an um i a cheu cu doh lo mi si duhnak ah an taang i a donghnak ah an rian an chuahtak. Pastor le khrihfabu hruaitu nih kherhhlai ka si lai i ka riantuannak ah felfai tein cuanh le virhkhawih ka tong lai ti kha i ruah cia hrimhrim ding asi. Mah lo ahcun riantuannak ah tongh lo phun ah i ruat in um sual i a donghnak ah lungdong in rian tiang chuahtak khawh chan a si.
9.THITHRUAI THIAMNAK A HERH CHINCHIN (A Greater Need for Leadership Skills)
Nihin kan umnak vawlei pihi aa cawhhrup i a buaithlak ngaimi hmun a si (Complex). Fawi tein tluang tein nun chan zong kha kan ngai cang men lai nain kan dirhmun taktak kha a thlen khawh lai lo caah tuchan khrihfabu hruaitu cu a thawng taktak mi hneksak (Challenging time) chan kan phak caah thithruai sawh men siloin a thiam deuhmi si aa zuam hrimhrim le thithruai ningcang ah aa taat deuh le a cawn deuh le a thiam deuh hrimhrim a herh.
10.KHRIHFABU TAMDEUH CU HRIMHTHAN A HERH MI AN SI (More Churches In Need of Revitalization)
Thiam le theih herhmi lak ah a donghnak ah chiah asi nain Hrimhthan herhnak hi khrihfabu kip ca ah a nganbik mi herhnak pakhat asi. Khrihfabu pahra lakah pakua (9/10) cu hrimhthan a herhmi bu an si. Hrimhthan a herh mi Khrihfabu hi America ram ah thong tamtuk an um i, Hruaitu tha chuahter le sersiam a herhnak hi a nganbik mi lohma asi. Laimi khrihfabu zong hrimhthan le Hruaitu tha tampi chuahter nak rian hi a ngan taktak mi lohma baan, rianngan kan ngeihmi asi ve ko rua tiah pumpak in chap zong ka duh.
A cunglei sersiamnak le hngalh tha vialte hi kan rak kal tawnning zong asi lo kho men i a duh zong kan duh lo kho men nain a herh ning cu khrihfabu caah a fak taktak ko. Kan ton taktak mi zong a si caah i theihter lo khawh mi thil an si fawn lo. Cucaah nihin Khrihfabu kan i thithruainak ah kan kal tawn ning kha a that ah a chiat ah tlaihtop duhnak lungput kha kan thlah ngam i, Pathian rian taktak tuan a duhmi lungput (Missional Mindset) kan ngeih ding hi hmailei kan Khrihfabu damnak le hmual ngeihnak caah a biapi ngaingai mi asi.
Khrihfabu ah Pathian nih tuanvo a khinhmi hruaitu vialte nih kan mah le sining kel le kan thiamzat le kan hngalh zat te lawngin aa thlen a rang taktak mi chan ah khua a sa mi Khrihfabu kha kan hruai ko lai ti ruah cu tih a nun tuk caah Bawipa nih pennak caah kawhauh mi le rian hrawmh mi vialte nih Bawipa sin in a ra mi Fimthiamnak cawnduhnak lungthin zong kan ken chih ve i kan thiam rih lo mi thiam kan herh ttung mi vialte cawnchap duhnak thlarau le lungput kan ngeih hrimhrim dinghi a biapi tuk. Nizan kan theih mi nihin ah hman awk a tha ti lo mi thil tampi a um khawh caah kan Khrihfabu a dam i thlarau tlau chanhchuah tu dirhmun a phak khawh nakhnga hngalhchap awk tampi a ngeimi hruaitu lawngte in a kal mi bu a si caah hruaitu nih CAWN DUH NUN NGEIH I ZUAM LE CAWNCHAP NAK AH TAN CIO KAN HERH. Cawnchap duhnak a ngei lo mi lungthin he cun Hruaitu Tuan hrimhrim lo ding hi kan channih a chuahpi mi sining asi.
Note. An capar kha zapi theih fian awk in ka van tharchuah mi asi.
Zathawngcin Siakhel
Bethel Baptist Church
Lewisville, Texas
USA
November 8, 2019
Khrihfabu ah rian a tuanmi Pastor le riantuantu dangdang cu, Biatak ah timhlamhnak tha le fek ngeih a herh. Biatak a fiangmi le a dirpimi siding cu lohtheihlo asi. Pathian kong cawnnak (Theology) le thiamnak a ngei hrimhrim lai. Khrihfa nih ngeihmi le zulh tawnmi sining (Discipline) Missions, Evangelism le khrihfabu dirhnak (Church Planting) hna cu tuah lo a ngah lo mi, tuah hrimhrim dingmi an si.
Sinain Chanthar nunphung chungah hin thil sining hi rang taktak in aa thlen cang caah Kan umnak USA ram pi zonghi “International Mission Field,” ramdang ah kan va kal hnawhmi Mission riantuannak hmun bantuk ah a cang cang. Cucaah Pathian riantuanning cawnpiaknak (Ministry Training), kan tuahnak nih hi kan ton taktak mi chan sining (Reality) kha kaltak le zeirel lo a ngah lo. Ramdang ah kal in rian a tuan dingmi nih cun a kal hlan hrimhrim in a kal lainak ram Holh le Nunphung kha fak pi in a cawn hmasa a herh bantuk tein chanthar America ram ah Khrihfabu a hruai dingmi zong nih cawn ding le thiam a herh hrimhrim mi thil tampi a um cang. Zeidah abiapi in cawnherh mi an si? Chantiluan sinah a kal cuahmah mi Khrihfabu hruaitu nih chan sinah kan thiam a herhmi tampi lak ah thil fawi tete a si nain a biapi mi ah aa tel mi hna cu a tanglei bantuk hi an si.
1.HOLH THAR (A New Language)
Khriahfabu ah rian a tuanmi le Pastor poah nih chanthar holh, “Social Media” a chimve le a thiam ve lo ahcun kan ram pi le vawlei ah a rangbik in a thangmi tiluan pakhat kha zeiah a rel lo asi. Zeicatiah hi Social Media riantuan ning hi chikkhat te a hung langta i a lo than dingmi asi ti lo i chanthar ah hmanmi pehtlaihnak hram taktak a si cangcaah cu pehtlaihnak hriam pi cu tuchan hruaitu nih zei rel lo le thiam lo in kal tak a ngah lo mi asi.
2.ZUM LO TU NUNPHUNG (A Non-Christian Culture)
America ram hi Khrihfa a silomi an than/karh a ran biknak ram ah a cang cang. Jesuh a zum i a zultu an zor cuahmah an tlawm chin tiah ngaihchia in kan um cuahmah lio ah kan pawngkam ah a ummi minung vialte nihhin Khrihfa nih biapi ah kan chiahmi hi biapi ah an chiah ve i kanmah bantuk an si ve ko tiah ruah awk a tha ti lo. A ruang cu pawngkam ah zumlotu tamtuk an um cang i khua kan sak ti caah an nunphung theih ve lo in um ti sawhsawh kha Khrihfabu hmailei caah tih a nung mi asi caah kan pawngkam ah mizeidah an um i zumlo tu hna lungput le biapi ah an chiahmi zeidah asi ti kha fiang tein tuchan Khrihfabu hruaitu nih kan theihfian ve hrimhrim a hau.
3.KHRIHFABU AH PHUNGNING KHRIHFA ZORCHUK NAK (The Decline of cultural Christians in Churches)
Khrihfa kong hlathlainak Pew Research Project nih fiang tein an fehter i an cohlan mi cu America ram ah Biaknak ngeilo, zeibiaknak hmanh a zum lo mi milu a karh tihi asi. Nihin Khrihfabu kan caah Biaknak ngeilo milu an karhnak in hlanchan bantuk in phungmen Khrihfa sining, pawnkam nih hnek ruang le, Khrihfa nunphun nih uk ruang ah Biakinn a rak panh tawnmi Khrihfa bantuk kha an um ti lo i a zum lo mi cu Khrihfa nunphung nih Biakinn phan lak in a tuah kho ti hna lo, Biakinn phak lo kha an zei a poi ti lo ti kha fiang tein hngalh khawh asi. Khrihfa biaknak a linhsat lio ahcun phungmen Khrihfa pawl hi pawngkam le Biaknak nunphung nih a nanh hna caah an zuam nalo le an duh nalo zongin Biakinn panh a rak si nain tuchan ah cun a zum set lo mi hna cu kan Biaknak nunphung men nih cun a nanh kho ti hna lo. Nunphung nanh in biakin a rak phanmi Khrihfa hi an zor cang ti zong hruaitu nih fian a herh.
4.RIANTUAN NINGCANG LE NUNCANNING THAR NIH A CHUAHPI MI SINING (A New Work/Life Balance)
Pastor le Khrihfabu ah rian a tuan tu hna cu 24/7 in timhcia tein um asi lawng siloin tuchan ahcun 24/7 computers, Phone, le Technology dangdang he canhman le riantuan chan a si cang. Athatnak le a chiatnak a um bantukin, a hun chuahpi mi cu riantuannak vawlei le pumpak nunnak vawlei a fiangfai kho ti lo i riantuan tu caah pumpak nun hi zeidah a si tiah maw chelchul in a um i kan nunnak hi zei setdah asi tiah a fiang lo mi Nunnak sining kha khuaruahhar in a karh cang. Cucaah Khrihfabu riantuantu nih hi sining hi pumpak nunnak caah siseh, khrihfabu damnak caah siseh cuaithlai thiam (Balance) a herh.
5.A HRINTHAN LOMI KHRIHFABU CHUNGTEL (Unregenerate Church Members)
Phungning Khrihfa (Cultural Christians) hna cu Jesuh zumtu taktak ka si lo ti kha fiang tein aa hngal ko nain, Nu le pa ruangah maw, chungkhar ruangah maw, nunphung ruangah maw, Khrihfabu he aa pehtlai mi hna khi an si. Cun Phukhat cu Jesuh ka zumh tiah tha tein a chim ko nain aa thleng taktak lo mi (Conversion) bu an si ve. Hihi thilthar cu a si lo nain Zultu derthawm le apiangthar taktak lo mi Khrihfa deu pawl Khrihfabu chungah an karh naknih a chuahpi mi rawhnak tampi kan ton cuahmah ti cu alawk tha lo asi. Jesuh a zum taktak lo mi, Nunphung in Khrihfa aa timi, kan bu ah chungtel in a ummi hna hi zeitindah kan tawlrel hna lai? Hikong hi tah zeitindah kan sersiam lai? (How will we respond to the issue of numbers of members who are not truly believers?)
6.KAN PAWNGKAM HI PATHIAN RIANTUAN A HERHNAK HMUN (The Community as a Mission Field)
Felfai deuh le tha deuh in i timhlamhnak ding caah kan lungput kan thleng kho lai maw? Khrihfa tlawmdeuh kan um ruangah kan pawngkam hi aa thleng mi asi lo. Biaknak dang a biami miphun le mibu kha a phuphun in kan pawngkam ah an hung luh ca zongah a si. Khrihfa milu zor ruang lawng ah siloin zumlotu a hung lutmi milu a karh tuk ruang zongah kan community hi zum lotu tamnak hmun, Pathian riantuan a herhnak hmun (Mission Field) ah a cannak asi. Cucaah chanthar khrihfabu hruaitu nih cun kan pawngkam hi Pathian rian tuan a herhnak (Mission field) hmun bantuk in hmuhthiam a herh.
7.KHRIHFABU HRUAITU UPATNAK A ZOR (Less Automatic cultural respect of church leaders)
A luancia can zeimawzat ahkhan cun “Pastor” silole Khrihfabu ah hruaitu min a pu mi poah cu a tlangpi in a dirhmun ruangah pawngkam (Community) ahhin UPAT pek a rak si. Tuchan ahcun a si ti lo. Upatmi sinak cu, upattlak sinak in hlawh (Earn) a hau ve cang. Nikhat hnu nikhat upat tlak sinak nun kha a cawm ve lo ahcun Khrihfabu hruaitu zong upat ti lo chan kan phan. Tuu hruai khawh nak ding caah Turun nih upatmi sinak kha hruaitu nih dirpi le nunpi a hau ve cang.
8.SOISEL A TAMCHIN MI VAWLEI (A More Critical World)
Nihin kan umnak vawlei cu kongceih soisel (Critical World) le a hliahcang fiang tein samhlanghnak (transparent) hmun ah a cang nain Khrihfabu hruaitu tampi nih hi sining hi tha tein an pehtlai lo. Hruaitu tampi cu hi kong ah cawlcang lo in an um i a cheu cu doh lo mi si duhnak ah an taang i a donghnak ah an rian an chuahtak. Pastor le khrihfabu hruaitu nih kherhhlai ka si lai i ka riantuannak ah felfai tein cuanh le virhkhawih ka tong lai ti kha i ruah cia hrimhrim ding asi. Mah lo ahcun riantuannak ah tongh lo phun ah i ruat in um sual i a donghnak ah lungdong in rian tiang chuahtak khawh chan a si.
9.THITHRUAI THIAMNAK A HERH CHINCHIN (A Greater Need for Leadership Skills)
Nihin kan umnak vawlei pihi aa cawhhrup i a buaithlak ngaimi hmun a si (Complex). Fawi tein tluang tein nun chan zong kha kan ngai cang men lai nain kan dirhmun taktak kha a thlen khawh lai lo caah tuchan khrihfabu hruaitu cu a thawng taktak mi hneksak (Challenging time) chan kan phak caah thithruai sawh men siloin a thiam deuhmi si aa zuam hrimhrim le thithruai ningcang ah aa taat deuh le a cawn deuh le a thiam deuh hrimhrim a herh.
10.KHRIHFABU TAMDEUH CU HRIMHTHAN A HERH MI AN SI (More Churches In Need of Revitalization)
Thiam le theih herhmi lak ah a donghnak ah chiah asi nain Hrimhthan herhnak hi khrihfabu kip ca ah a nganbik mi herhnak pakhat asi. Khrihfabu pahra lakah pakua (9/10) cu hrimhthan a herhmi bu an si. Hrimhthan a herh mi Khrihfabu hi America ram ah thong tamtuk an um i, Hruaitu tha chuahter le sersiam a herhnak hi a nganbik mi lohma asi. Laimi khrihfabu zong hrimhthan le Hruaitu tha tampi chuahter nak rian hi a ngan taktak mi lohma baan, rianngan kan ngeihmi asi ve ko rua tiah pumpak in chap zong ka duh.
A cunglei sersiamnak le hngalh tha vialte hi kan rak kal tawnning zong asi lo kho men i a duh zong kan duh lo kho men nain a herh ning cu khrihfabu caah a fak taktak ko. Kan ton taktak mi zong a si caah i theihter lo khawh mi thil an si fawn lo. Cucaah nihin Khrihfabu kan i thithruainak ah kan kal tawn ning kha a that ah a chiat ah tlaihtop duhnak lungput kha kan thlah ngam i, Pathian rian taktak tuan a duhmi lungput (Missional Mindset) kan ngeih ding hi hmailei kan Khrihfabu damnak le hmual ngeihnak caah a biapi ngaingai mi asi.
Khrihfabu ah Pathian nih tuanvo a khinhmi hruaitu vialte nih kan mah le sining kel le kan thiamzat le kan hngalh zat te lawngin aa thlen a rang taktak mi chan ah khua a sa mi Khrihfabu kha kan hruai ko lai ti ruah cu tih a nun tuk caah Bawipa nih pennak caah kawhauh mi le rian hrawmh mi vialte nih Bawipa sin in a ra mi Fimthiamnak cawnduhnak lungthin zong kan ken chih ve i kan thiam rih lo mi thiam kan herh ttung mi vialte cawnchap duhnak thlarau le lungput kan ngeih hrimhrim dinghi a biapi tuk. Nizan kan theih mi nihin ah hman awk a tha ti lo mi thil tampi a um khawh caah kan Khrihfabu a dam i thlarau tlau chanhchuah tu dirhmun a phak khawh nakhnga hngalhchap awk tampi a ngeimi hruaitu lawngte in a kal mi bu a si caah hruaitu nih CAWN DUH NUN NGEIH I ZUAM LE CAWNCHAP NAK AH TAN CIO KAN HERH. Cawnchap duhnak a ngei lo mi lungthin he cun Hruaitu Tuan hrimhrim lo ding hi kan channih a chuahpi mi sining asi.
Note. An capar kha zapi theih fian awk in ka van tharchuah mi asi.
Zathawngcin Siakhel
Bethel Baptist Church
Lewisville, Texas
USA
November 8, 2019
HTML Comment Box is loading comments...
