HARNAK LE THILRIT HI KAN NUNNAK AH A HERHMI AN SI MAW?
“Ka u le ka nau hna, nan cungah hneksaknak a phunphun a tlun tikah vantha ah I rel u, zeicahtiah cu bantuk hneksaknak cu nan zumhnak in nan tei tikah in khawhnak nan ngei.” Jame 1:3
Love worth finding meivan ah nitin thlarau thazaang tawi te an hun tial I nitin nunnak ah kan tonmi harnak hi kan nunnak nih a herhmi asi ko lo maw ti kha a van fianter duh mi asi. Ruah fawi te a si nain sullam a ngei ngai in ka ruah caah ka hun taar chin.
A hlan ah ngakchia pa nih, hlan lio suimilam thirbo nih a nunter mi phun pikha a ngeih. (Grandfather Clock). Nikhat cu a suimilam cu a zoh I a chung ah thilrit pi a um kha a hmuh tikah a zaang a fak I a lung a tha lo. Zeicahtiah suimilam (Nazi) chungah a ummi thirbo pi cu a rit tuk I a ngan tuk caah asi. Aa thawh I, “Maw ka suimilam te, hi thilrit pi hi maw mah hlan chung vialte cu na rak phurh peng! ka rak thei lo cuta, a tu kan phoih piak lai I zaangdam tein thilrit lo tein na um lai I naa din cang lai,” tiah ati. Suimilam pinih cun a leh mi cu, “Ka chung I a ummi thilrit hi phoih hlah, thial hlah, zeicahtiah hi thilrit nih hin pei nitin a ka kal ter cu, a kan nunter tu a ka cawl tertu asi,” tiah aleh.
Minung kan nunnak zongah hin, thilrit, khuaruahhar vansannak le retheihnak kan ton tawn mi hna hi kanmah nunnak ca le hmailei kan kal khawhnak ding ca an rak si tawn. Na tonmi harnak vialte hi hmailei ah an kal tertu ding le, thla an cam ter deuhtu le, Pathian sinah bochan nun an ngeih tertu, thlarau leiah nun cawlnak le nun pehnak an ngeih tertu thil an rak si tawn.
Harnak a tongmi hna, nan harnak ruangah nan I lawmh ding asi, Bawipa nih thlarau nun ah thawnter an duh hna caah asi tiah midang thazaang na pe bal hna maw? Nangmah nih tah cutincun na ruat bal maw?
Zathawngcin
Bethel Baptist Church
Lewisviile, Texas
December 13, 2014
“Ka u le ka nau hna, nan cungah hneksaknak a phunphun a tlun tikah vantha ah I rel u, zeicahtiah cu bantuk hneksaknak cu nan zumhnak in nan tei tikah in khawhnak nan ngei.” Jame 1:3
Love worth finding meivan ah nitin thlarau thazaang tawi te an hun tial I nitin nunnak ah kan tonmi harnak hi kan nunnak nih a herhmi asi ko lo maw ti kha a van fianter duh mi asi. Ruah fawi te a si nain sullam a ngei ngai in ka ruah caah ka hun taar chin.
A hlan ah ngakchia pa nih, hlan lio suimilam thirbo nih a nunter mi phun pikha a ngeih. (Grandfather Clock). Nikhat cu a suimilam cu a zoh I a chung ah thilrit pi a um kha a hmuh tikah a zaang a fak I a lung a tha lo. Zeicahtiah suimilam (Nazi) chungah a ummi thirbo pi cu a rit tuk I a ngan tuk caah asi. Aa thawh I, “Maw ka suimilam te, hi thilrit pi hi maw mah hlan chung vialte cu na rak phurh peng! ka rak thei lo cuta, a tu kan phoih piak lai I zaangdam tein thilrit lo tein na um lai I naa din cang lai,” tiah ati. Suimilam pinih cun a leh mi cu, “Ka chung I a ummi thilrit hi phoih hlah, thial hlah, zeicahtiah hi thilrit nih hin pei nitin a ka kal ter cu, a kan nunter tu a ka cawl tertu asi,” tiah aleh.
Minung kan nunnak zongah hin, thilrit, khuaruahhar vansannak le retheihnak kan ton tawn mi hna hi kanmah nunnak ca le hmailei kan kal khawhnak ding ca an rak si tawn. Na tonmi harnak vialte hi hmailei ah an kal tertu ding le, thla an cam ter deuhtu le, Pathian sinah bochan nun an ngeih tertu, thlarau leiah nun cawlnak le nun pehnak an ngeih tertu thil an rak si tawn.
Harnak a tongmi hna, nan harnak ruangah nan I lawmh ding asi, Bawipa nih thlarau nun ah thawnter an duh hna caah asi tiah midang thazaang na pe bal hna maw? Nangmah nih tah cutincun na ruat bal maw?
Zathawngcin
Bethel Baptist Church
Lewisviile, Texas
December 13, 2014
