A LUANCIA NA SUALNAK KHA KHRIH BIATAK PHUANNAK CAAH I DONH TER HLAH
"Asinain kan sual lo kan ti ahcun Pathian cu lihchim ah kan ser i a bia cu kan chungah a um lo." - 1 John 1:9
Adrian nih Khrih thawngttha chim ding in aa timmi mino tlangval pa te kong a chim. Nikhat cu pulpit cungah cu tlangval pa cu thawngttha chim ding i a hung kai ah khin, a luan cia i a rak sualnak vialte an tialnak catlap te kha an rak pek. A sualnak vialte an tial hnu ah an peh chap mi cu, "Na ning a zak lo maw? Mi vialte nih Pathian he tonnak an hmuh khawh nakhnga thawngttha chim ding ah pulpit thiang cungah na kai kha na ning a zak lo maw? ti khi a si.
Cu tlangval pa nih cun zeidah a tuah hnga tiah na ruah? An pek mi ca tlap, a hlan a sualnak vialte an tialnak te cu a rel, khupbil in thla a cam hnuah a dir i a timi cu, "Maw u le nau hna, catlap hmete ka hmuh kan rel piak hna lai," a ti i, a sualnak vialte an tialnak catlap cu a rel. A reldih tikah, aa pum mi vialte mipi cu, "Asi, keimah le keimah cu kaa zahpi ngaingai i, ka ning zong a zak ngaingai ko. Sihmanhsehlaw a ka khamhtu , Jesuh cu ka zahpi lo," tiah a ti hna.
Midang sin i Pathian thawnnak hmual phuan ding ah an dawnkhan tu, a luancia na sualnak zeidah an si? Pathian sinah cu na sualnak vialte cu ngaihchihnak he phuang law, a thuk bikmi Jesuh mi ngaihthiamnak le mi sualnak a philhnak rili chungah a luancia na sualnak vialte cu hlawnh. Bawipa nih an ngaihthiam lai i a sunparnak caah an hman ko lai. Minung mit hmuh le kan mah mit hmuh ah mi tling lo kan si ruang ah Khrih thawngttha kaltak si lo in, kan sualnak amah sinah phuang in ngaihthiamnak kan hal i a mah sunparnak caah a thawngttha biatak kan phuan ding hi, zumtu hna kan si ding nunzia a si.
A luancia na sualnak ruangah Khrih thawngttha aupinak rian kha ngol hlah. Na tlin ruangah Bawipa nih an hman siloin, kan sualnak a kan ngaihthiam ruang tu ah a sunparnak caah a kan hman tawn.
Ruachih awk:
1. A luancia na sualnak hi Pathian nih a ka ngaihthiam tiah na zuummaw?
2. Khamhnak thawngttha aupi nak caah hin na tlin ruangah Bawipa nih a kan hman lai tiah na ruat maw?
3. Pathian nih amah sunparnak caah, a dingfel mi le, a thianghlim mi theng hman lo in, Zumlo tu Cyrus, hlawhhlang nu Rahab le Ngunkhuai khawl Zeikia te hna zong a hman tawn ko hnanak hi cathiang chung ah kan hmuh tikah a rian ttuannak ding caah hin a thianghlim mi le sualnak ngeilo mi bak kan si a herh ko tiah na ruat maw?
Zathawngcin
July 9, 2013
Lewisville
Adrian nih Khrih thawngttha chim ding in aa timmi mino tlangval pa te kong a chim. Nikhat cu pulpit cungah cu tlangval pa cu thawngttha chim ding i a hung kai ah khin, a luan cia i a rak sualnak vialte an tialnak catlap te kha an rak pek. A sualnak vialte an tial hnu ah an peh chap mi cu, "Na ning a zak lo maw? Mi vialte nih Pathian he tonnak an hmuh khawh nakhnga thawngttha chim ding ah pulpit thiang cungah na kai kha na ning a zak lo maw? ti khi a si.
Cu tlangval pa nih cun zeidah a tuah hnga tiah na ruah? An pek mi ca tlap, a hlan a sualnak vialte an tialnak te cu a rel, khupbil in thla a cam hnuah a dir i a timi cu, "Maw u le nau hna, catlap hmete ka hmuh kan rel piak hna lai," a ti i, a sualnak vialte an tialnak catlap cu a rel. A reldih tikah, aa pum mi vialte mipi cu, "Asi, keimah le keimah cu kaa zahpi ngaingai i, ka ning zong a zak ngaingai ko. Sihmanhsehlaw a ka khamhtu , Jesuh cu ka zahpi lo," tiah a ti hna.
Midang sin i Pathian thawnnak hmual phuan ding ah an dawnkhan tu, a luancia na sualnak zeidah an si? Pathian sinah cu na sualnak vialte cu ngaihchihnak he phuang law, a thuk bikmi Jesuh mi ngaihthiamnak le mi sualnak a philhnak rili chungah a luancia na sualnak vialte cu hlawnh. Bawipa nih an ngaihthiam lai i a sunparnak caah an hman ko lai. Minung mit hmuh le kan mah mit hmuh ah mi tling lo kan si ruang ah Khrih thawngttha kaltak si lo in, kan sualnak amah sinah phuang in ngaihthiamnak kan hal i a mah sunparnak caah a thawngttha biatak kan phuan ding hi, zumtu hna kan si ding nunzia a si.
A luancia na sualnak ruangah Khrih thawngttha aupinak rian kha ngol hlah. Na tlin ruangah Bawipa nih an hman siloin, kan sualnak a kan ngaihthiam ruang tu ah a sunparnak caah a kan hman tawn.
Ruachih awk:
1. A luancia na sualnak hi Pathian nih a ka ngaihthiam tiah na zuummaw?
2. Khamhnak thawngttha aupi nak caah hin na tlin ruangah Bawipa nih a kan hman lai tiah na ruat maw?
3. Pathian nih amah sunparnak caah, a dingfel mi le, a thianghlim mi theng hman lo in, Zumlo tu Cyrus, hlawhhlang nu Rahab le Ngunkhuai khawl Zeikia te hna zong a hman tawn ko hnanak hi cathiang chung ah kan hmuh tikah a rian ttuannak ding caah hin a thianghlim mi le sualnak ngeilo mi bak kan si a herh ko tiah na ruat maw?
Zathawngcin
July 9, 2013
Lewisville
