KRISMAS AN LEET
Cancelling Christmas
December 14, 2016
Utah ah a ummi Nu-Va hna cu fapa pathum an ngei. Nihin US zumtu ngakchia hna nun ah Krismas can I a biapi taktak mi cu, hmuh an duhmi laksawng kha tial dih in Santa Claus kuat asi. Cutikah hmuh an duhmi laksawng cu Nu le Pa nih an cawkpiak theu hna I, cucu Krismas an I nuamhnak sang bik ah a cang tawn.
Utah ah khua asami Nu-Va, John le Lisa Henderson cu zumtu tha takta an si. Naite ah tukum cu an chungkhar ah Krismas an LEET (Cancel) nak thawng an thanh. ABCNews nih an chungkhar I Krismas an Leet nak kong cu thawng a zamh. Good Morning America thawngzamh phu I rian a tuanmi Abbie Boudreau zongnih an Fa le pathum nih tukum Krismas laksawng an ngah lai lo nak kong cu a hal hna. An Fapa le cu chimh an har ngai caah, Krisamas laksawng cawkpiak ti lo in Krisamas sullam taktak tu cawnpiak dingin an Nu-Va an ceih I an lung a tling.
Lisa nih a chimmi cu, Krisamas kan tuah tawn ning kel in, laksawng peknak cu kan tuah ti lo nain, Intamh le, Khamhtu chuahnak lawmhnak le a dangdang cu kan tuah ko lai. Kan fa le nih a si taktak lo mi, Santa Claus sinah duhmi hal I, cawkpiak cu kan ngol cang lai. Kan fa le nih hin Krismas sullam taktak tu hi an theih a herh tiah a ti.
Krismas sullam taktak hi a sullam muru ruangah philh lo in kan thinlung ah a cammi siseh ti le kan thinlung hi Khamhtu cung tu ah kan chiah I Krismas hi laksawng hmuh can siloin Nun siangin Laksawng pek can asi ti hi kan chungkhar Nun ah hmun seh ti kan duh tiah a nolh chap.
Cucaah, Santa sinah Duhmi cazin tial in kuat siloin, an fa le nih, tukum cu, Santa sinah, laksawng pek awk minung kawlpiak ding tuin ca an tial. Kanmah nakin laksawng a herh deuhmi minung kan kawl piak hna law, laksawng kan pek hna lai tiah; hlanlio krismas ahcun anmah duhmi laksawng an rak hal tawnmi kha, tukum cu, anmah tunih laksawng hei pek dingmi kawl piak dingin Santa cu ca an kuat.
John le Lisa cu an fa le laksawng cawk piaknak ding ah an chiahmi tangka vialte cu sifak mihar le midang laksawng cawkpiak nakah hman an timh. Chungkhar pahnih kan thim hna lai I, nifa tin te ni 12 chung laksawng kan kuat hna lai I, krismas ni a phak tik ah cun Jesuh Zuk te kan kuat hna lai tiah an ti. Cun chungkhar a ngei ti lo mi, krismas nithla ah nupi le pasal ngei tiloin, lungleng in a ummi Tar pawl kan pawngkam ah kan khomh hna lai I, Krismas rawldanghnak kan tuah piak hna lai tiah an ti. Nu le Pa vialte zong Lisa nih a kan cahmi cu, kan fa le laksawng kan cawkpiak hna nak kong hi chikkhat te ruah than a herh. Kan fa le laksawng cawkpiak cu a sunglawi I kan duh tuk ve ko. A tha tuk mi asi. sinain hleihluat in kan tuah cang dara, Krismas sullam muru kong nakin kan fa le nih laksawng kong tu biapi deuh ah an chiah maw ti hi ruah can asi, ati.
Cuhna Nu-Va an thil tuahmi cu midang nih an hmuhning an tial cio. Mi lolak nan si. Nupa tha lo nan si a timi zong an um len. Culakah Tangli sianginn ah ca a chimmi pakhat nih cun, nan tuahmi kong hi ka siangngakchia ka chimh hna I an thinlung in Krismas sullam taktak hi zeidah asi ti kha an theih I an I lawm tuk. Nan tuahmi hi mi vialte caah thluachuah asi. Krismas caan ah ngakchia tam deuh cu, pek lei nakin hmuh lei kha biapi ah an ruah, tiah a ti ve.
Lisa cu na fa le na cawnpiak hna ning hi a fak deuh lo maw tiah in hal hna seh law zeitindah na leh lai an ti. Ka fa le nih thil dik an cawn tiah ka ruah ko a ti. An fapa pakhat Caleb nih cun, a nu le a pa an tuahmi cungin bia an hal tikah, “Krismas an leet kan theih ka cu kan Unau rual kan tap nain a tu cu Krismas sullam taktak hi zeidah asi kha kan fiang ngaingai. Mah hmuh duhmi hmuh can si loin, midang caah Nun siangin pek can asi kha, fiang tein kan hngalh,” tiah a ti.
Nan nih chungkhar tah Jesuh chuahcaan ah zeidah cawn nan timh ve. Krismas Daihnak nan chungkhar le pumpak cio nan nunnak ah tlung ko seh.
Chirhchan:
Zathawngcin
Bethel Baptist Church of Texas
Lewisville
Utah ah khua asami Nu-Va, John le Lisa Henderson cu zumtu tha takta an si. Naite ah tukum cu an chungkhar ah Krismas an LEET (Cancel) nak thawng an thanh. ABCNews nih an chungkhar I Krismas an Leet nak kong cu thawng a zamh. Good Morning America thawngzamh phu I rian a tuanmi Abbie Boudreau zongnih an Fa le pathum nih tukum Krismas laksawng an ngah lai lo nak kong cu a hal hna. An Fapa le cu chimh an har ngai caah, Krisamas laksawng cawkpiak ti lo in Krisamas sullam taktak tu cawnpiak dingin an Nu-Va an ceih I an lung a tling.
Lisa nih a chimmi cu, Krisamas kan tuah tawn ning kel in, laksawng peknak cu kan tuah ti lo nain, Intamh le, Khamhtu chuahnak lawmhnak le a dangdang cu kan tuah ko lai. Kan fa le nih a si taktak lo mi, Santa Claus sinah duhmi hal I, cawkpiak cu kan ngol cang lai. Kan fa le nih hin Krismas sullam taktak tu hi an theih a herh tiah a ti.
Krismas sullam taktak hi a sullam muru ruangah philh lo in kan thinlung ah a cammi siseh ti le kan thinlung hi Khamhtu cung tu ah kan chiah I Krismas hi laksawng hmuh can siloin Nun siangin Laksawng pek can asi ti hi kan chungkhar Nun ah hmun seh ti kan duh tiah a nolh chap.
Cucaah, Santa sinah Duhmi cazin tial in kuat siloin, an fa le nih, tukum cu, Santa sinah, laksawng pek awk minung kawlpiak ding tuin ca an tial. Kanmah nakin laksawng a herh deuhmi minung kan kawl piak hna law, laksawng kan pek hna lai tiah; hlanlio krismas ahcun anmah duhmi laksawng an rak hal tawnmi kha, tukum cu, anmah tunih laksawng hei pek dingmi kawl piak dingin Santa cu ca an kuat.
John le Lisa cu an fa le laksawng cawk piaknak ding ah an chiahmi tangka vialte cu sifak mihar le midang laksawng cawkpiak nakah hman an timh. Chungkhar pahnih kan thim hna lai I, nifa tin te ni 12 chung laksawng kan kuat hna lai I, krismas ni a phak tik ah cun Jesuh Zuk te kan kuat hna lai tiah an ti. Cun chungkhar a ngei ti lo mi, krismas nithla ah nupi le pasal ngei tiloin, lungleng in a ummi Tar pawl kan pawngkam ah kan khomh hna lai I, Krismas rawldanghnak kan tuah piak hna lai tiah an ti. Nu le Pa vialte zong Lisa nih a kan cahmi cu, kan fa le laksawng kan cawkpiak hna nak kong hi chikkhat te ruah than a herh. Kan fa le laksawng cawkpiak cu a sunglawi I kan duh tuk ve ko. A tha tuk mi asi. sinain hleihluat in kan tuah cang dara, Krismas sullam muru kong nakin kan fa le nih laksawng kong tu biapi deuh ah an chiah maw ti hi ruah can asi, ati.
Cuhna Nu-Va an thil tuahmi cu midang nih an hmuhning an tial cio. Mi lolak nan si. Nupa tha lo nan si a timi zong an um len. Culakah Tangli sianginn ah ca a chimmi pakhat nih cun, nan tuahmi kong hi ka siangngakchia ka chimh hna I an thinlung in Krismas sullam taktak hi zeidah asi ti kha an theih I an I lawm tuk. Nan tuahmi hi mi vialte caah thluachuah asi. Krismas caan ah ngakchia tam deuh cu, pek lei nakin hmuh lei kha biapi ah an ruah, tiah a ti ve.
Lisa cu na fa le na cawnpiak hna ning hi a fak deuh lo maw tiah in hal hna seh law zeitindah na leh lai an ti. Ka fa le nih thil dik an cawn tiah ka ruah ko a ti. An fapa pakhat Caleb nih cun, a nu le a pa an tuahmi cungin bia an hal tikah, “Krismas an leet kan theih ka cu kan Unau rual kan tap nain a tu cu Krismas sullam taktak hi zeidah asi kha kan fiang ngaingai. Mah hmuh duhmi hmuh can si loin, midang caah Nun siangin pek can asi kha, fiang tein kan hngalh,” tiah a ti.
Nan nih chungkhar tah Jesuh chuahcaan ah zeidah cawn nan timh ve. Krismas Daihnak nan chungkhar le pumpak cio nan nunnak ah tlung ko seh.
Chirhchan:
- abcNews
- Focus on the Family
Zathawngcin
Bethel Baptist Church of Texas
Lewisville
Comment Form is loading comments...
