AA BAWM DING IN SER KAN SI!
“Cucaah daihnak a chuahtertu thil le pakhat le pakhat thazaang I peknak a bawmtu thil kha kan I tinh awk an si.” Rome 14:19
Pathian Nih Aa Bawmmi Siter A Kan Duh:
Thazaang peknak kan timi cu, minung pakhat chung I a ummi thawnnak, thil ti khawhnak va thanter khi asi. Cunihcun pakhat le pakhat kan karlak ah thawnnak i peknak ah lam a kan hruai I, Jesuh ca I kan nunnak ah kan tonmi thilhar vialte ton khawhnak le teikhawhnak nun a kan pek. Jesuh sunparnak caah hmunkhat teah ral a do ti mi kan si. (“Nan kong ka ruah fate, nan dihlak ruangah ka Pathian cu ka lawmh zungzal.” Filipi 1:3) Kan lak ah minung pakhatkhat kha zaangder in kan lohtlau ter thai ding le a thawng dingmi minung pakhat kha dirkamh lo in va thlukrilh ter thai ding kan si lo. Hlawhthlinnak le thawnnak na ngeih khawh nakhnga caah Jesuh sin in ara mi bawmhnak na herh bantuk in, na pawngkam minung hna zong nih thawnnak an hmuh thannak ding caah na bawmhnak an herh ve.
Pathian Nih Aa Dirkamhmi Siter A Kan Duh:
Cathiang chungah kan hmuhmi cu, “Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna I kan hnemh hnanak ah cun Pathian sinin hnemhnak kan hmuhmi kha kan hman.” II Korin 1:4 Pathian cu a kan hnemtu a si bantuk in, hnemh a hau mi hna a hnemtu si ding ah a sermi kan si ve.
Pathian Nih Mi Lungsau Siter A Kan Duh.
Pakhat le pakhat thazaang I pe in kan I bawmh tikah ruahchannak a um lo mi dawtnak kan langhter asi. Pakhat le pakhat kan chambaunak le kan tlamtlin lo nak kan I theih tik zongah I kal tak le aa then ding siloin, lungsau thilfual nak le toidor nun he fek tein aa dirkamh mi le aa bawm dingah ser kan si. “Toidornak lungthin ngei u, lungnem le lungsau in um zungzal u. Pakhat le pakhat I bawm u law cuticun nan I dawtnak kha langhter u.” Efesa 4:2
Ruahchih awk:
Na pawngkam ah na bawmhnak a herhmi le thazang na pek khawh dingmi an um maw? Caan a luan hlanah a tu va bawm hna.
Zathawngcin
April 10, 2014
LA
“Cucaah daihnak a chuahtertu thil le pakhat le pakhat thazaang I peknak a bawmtu thil kha kan I tinh awk an si.” Rome 14:19
Pathian Nih Aa Bawmmi Siter A Kan Duh:
Thazaang peknak kan timi cu, minung pakhat chung I a ummi thawnnak, thil ti khawhnak va thanter khi asi. Cunihcun pakhat le pakhat kan karlak ah thawnnak i peknak ah lam a kan hruai I, Jesuh ca I kan nunnak ah kan tonmi thilhar vialte ton khawhnak le teikhawhnak nun a kan pek. Jesuh sunparnak caah hmunkhat teah ral a do ti mi kan si. (“Nan kong ka ruah fate, nan dihlak ruangah ka Pathian cu ka lawmh zungzal.” Filipi 1:3) Kan lak ah minung pakhatkhat kha zaangder in kan lohtlau ter thai ding le a thawng dingmi minung pakhat kha dirkamh lo in va thlukrilh ter thai ding kan si lo. Hlawhthlinnak le thawnnak na ngeih khawh nakhnga caah Jesuh sin in ara mi bawmhnak na herh bantuk in, na pawngkam minung hna zong nih thawnnak an hmuh thannak ding caah na bawmhnak an herh ve.
Pathian Nih Aa Dirkamhmi Siter A Kan Duh:
Cathiang chungah kan hmuhmi cu, “Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna I kan hnemh hnanak ah cun Pathian sinin hnemhnak kan hmuhmi kha kan hman.” II Korin 1:4 Pathian cu a kan hnemtu a si bantuk in, hnemh a hau mi hna a hnemtu si ding ah a sermi kan si ve.
Pathian Nih Mi Lungsau Siter A Kan Duh.
Pakhat le pakhat thazaang I pe in kan I bawmh tikah ruahchannak a um lo mi dawtnak kan langhter asi. Pakhat le pakhat kan chambaunak le kan tlamtlin lo nak kan I theih tik zongah I kal tak le aa then ding siloin, lungsau thilfual nak le toidor nun he fek tein aa dirkamh mi le aa bawm dingah ser kan si. “Toidornak lungthin ngei u, lungnem le lungsau in um zungzal u. Pakhat le pakhat I bawm u law cuticun nan I dawtnak kha langhter u.” Efesa 4:2
Ruahchih awk:
Na pawngkam ah na bawmhnak a herhmi le thazang na pek khawh dingmi an um maw? Caan a luan hlanah a tu va bawm hna.
Zathawngcin
April 10, 2014
LA
