NA SINING TEIN NUNG; MIDANG SI I TIM HLAH!
Hebrews 11:24-25"Cun Moses kha a hung upat tikah Faro fanu fapa si a duhter lotu kha zumhnak a si. Sualnak chung i caan tawite chung i nuamh nakin Pathian mi hna sin sifah in kha aa thim deuh."
Na sining te khan um ko. Midang si kha vaa tim hlah. Pathian nih tinhmi ngeichih in an sermi na si; an ser sawhsawhmi na si lo. Nangmah dah ti lo ah nangmah a si kho dingmi a hohmanh an um lo. Ai an rawlh khotu dingmi an um lo.
Moses hi a chuah kaa in hi thil sining hi a rak tong vemi pa asi. Egypt ram ah Judah pa ngakchiat poahpoah thah an rak si caah a nu nih Moses cu bawm hme tein in Nal (Nile) tiva ah a thlak/hlawnh. Egypt siangpahrang pa fanu aa kholh lio a si I Moses cu a hmuh I aa lak; a mah chungchuak fa bantuk in siangpahrang chungkhar chungah a tthan ter, an cawm. (Nain siangpahrang fapa cu a si lo)
Moses nih Sining kongah buaibainak a ton. (Identity Crisis) Judah chungchuak asi nain Egypt chungkhar ah a tthang. A nunnak lam thluan ah Judah ma ka si Egypt miphun dah tihi aa hal tawn theu lai. Hodah ka si? tihi aa hal tawn theu lai. Hihi Moses nunnak ah a biapi ngaimi biahalnak a si. Zeicahtiah hi thimnak nih hin a tangmi a nunnak vialte kha sullam a ngeihter dingmi a si. Egypt siangpahrang ttuan te ding in a hngakmi dirhmun ah a dir. Amah chuahnak le sining, Judah mi a sinak kha kal tak in a si lo mi pi kha, Egypt mihphun ka si tiah ti sehlaw, harnak um lo tein, nuam ngai in a nung dingmi le minthang ding ah lam a ngei mi dirhmun ah a dir I a min a thang tuk mi rian a tlai dingmi a si.
Sinain amah a sining taktak a simi sinak, Judah mi ka si a ti ahcun hrem aa huah lai, siangpahrang chungkhar in hlawnh asi lai I a nunnak a taangmi vialte cu sal a taaangmi a hawi le Judah miphun pawl sin ah sal dirhmun in a thi ding a si.
Hi caan ah Moses nih a miphun hawi le pawl kha sal dirhmun in fak tuk in hrem an si kha a hmuh tik ah dai tein a um kho ti lo. Moses cu mi phundang te, a ral a ttha ngaingaimi pa a si. Pa ralttha a sinak kha a thlau kho lo. Cucaah a nun chung, kum 80 chung temhtuarnak phakpi tu ding thimnak, Judah mi sinak, Amah sining te kha ralttha tein aa thim.
Hebrew 11:24, “Cun Moses kha a hung upat tikah Faro fanu fapa si a duhter lotu kha zumhnak a si..” Duhter lo tu timi nih a chim duhmi cu, al, duh lo, nawl zulh duh lo, doh tbk.. kha an si. Moses nih Egypt mipa pakhat dirhmun in a ttuan dingmi rianttha kha a kal tak, I a tin co dingmi thathnemnak hri kha a chah. LIH dirhmun in dir ding kha a al, a duh lo, a kal tak. Cu dirhmun va dir nak in cun Pathian nih a ser hnawhchanmi rian ttha te in tuan ding le a serning tein fek tein dir ding kha a duh deuh suomau. Amah sining tein nung ding kha Fahnak le Harnak tuar in aa thim. Midang sining kha aa lak lo. Miphun zuar in mah ca tthatnak rian a ttuan lo.
Nangmah sining tein nun khawh ding ah luatnak, kaltakmi thil pakhatkhat a herh. Kan nun ah Hmahnai bantuk in rawhnak le fahnak a kan pe dingmi cu kan sining in nung lo in midang sining va hrawm sawhsawhnak le kan sining lo ning pi I mi nun va cawnnak kha asi. Sullam a ngeimi nunnak ngeih na duh ahcun, na zaang van tthum ta law, Hodah na si kha ttha tein ruat law, na sining tekhan ralttha tein nun I zuam. Midang sining kha va cawng len hlah. Kanmah kan sining te khan Bawipa nih a ka serhnawnh chanmi a um ti tu kha ruat in, Bawipa zoh buin kan sining kha ralttha tein dirpi ngam tu kha, nunnak thluachuah hmuhnak lam asi.
Ruahawk
Midang sining kha cawng lo in nangmah sining tein nun naa zuam tik ah thinlung, taksa thlarau le midang na pehtlaihnak ah zeibantuk thlennak dah na nun ah a cang tiah ruah awk na thei maw?
Zeithil nihdah nangmah sining kaltak in midang bantuk nun va duhnak thinlung an ngeih ter? Zeithildah phundang tein na tuah khawh?
Na sining te khan um ko. Midang si kha vaa tim hlah. Pathian nih tinhmi ngeichih in an sermi na si; an ser sawhsawhmi na si lo. Nangmah dah ti lo ah nangmah a si kho dingmi a hohmanh an um lo. Ai an rawlh khotu dingmi an um lo.
Moses hi a chuah kaa in hi thil sining hi a rak tong vemi pa asi. Egypt ram ah Judah pa ngakchiat poahpoah thah an rak si caah a nu nih Moses cu bawm hme tein in Nal (Nile) tiva ah a thlak/hlawnh. Egypt siangpahrang pa fanu aa kholh lio a si I Moses cu a hmuh I aa lak; a mah chungchuak fa bantuk in siangpahrang chungkhar chungah a tthan ter, an cawm. (Nain siangpahrang fapa cu a si lo)
Moses nih Sining kongah buaibainak a ton. (Identity Crisis) Judah chungchuak asi nain Egypt chungkhar ah a tthang. A nunnak lam thluan ah Judah ma ka si Egypt miphun dah tihi aa hal tawn theu lai. Hodah ka si? tihi aa hal tawn theu lai. Hihi Moses nunnak ah a biapi ngaimi biahalnak a si. Zeicahtiah hi thimnak nih hin a tangmi a nunnak vialte kha sullam a ngeihter dingmi a si. Egypt siangpahrang ttuan te ding in a hngakmi dirhmun ah a dir. Amah chuahnak le sining, Judah mi a sinak kha kal tak in a si lo mi pi kha, Egypt mihphun ka si tiah ti sehlaw, harnak um lo tein, nuam ngai in a nung dingmi le minthang ding ah lam a ngei mi dirhmun ah a dir I a min a thang tuk mi rian a tlai dingmi a si.
Sinain amah a sining taktak a simi sinak, Judah mi ka si a ti ahcun hrem aa huah lai, siangpahrang chungkhar in hlawnh asi lai I a nunnak a taangmi vialte cu sal a taaangmi a hawi le Judah miphun pawl sin ah sal dirhmun in a thi ding a si.
Hi caan ah Moses nih a miphun hawi le pawl kha sal dirhmun in fak tuk in hrem an si kha a hmuh tik ah dai tein a um kho ti lo. Moses cu mi phundang te, a ral a ttha ngaingaimi pa a si. Pa ralttha a sinak kha a thlau kho lo. Cucaah a nun chung, kum 80 chung temhtuarnak phakpi tu ding thimnak, Judah mi sinak, Amah sining te kha ralttha tein aa thim.
Hebrew 11:24, “Cun Moses kha a hung upat tikah Faro fanu fapa si a duhter lotu kha zumhnak a si..” Duhter lo tu timi nih a chim duhmi cu, al, duh lo, nawl zulh duh lo, doh tbk.. kha an si. Moses nih Egypt mipa pakhat dirhmun in a ttuan dingmi rianttha kha a kal tak, I a tin co dingmi thathnemnak hri kha a chah. LIH dirhmun in dir ding kha a al, a duh lo, a kal tak. Cu dirhmun va dir nak in cun Pathian nih a ser hnawhchanmi rian ttha te in tuan ding le a serning tein fek tein dir ding kha a duh deuh suomau. Amah sining tein nung ding kha Fahnak le Harnak tuar in aa thim. Midang sining kha aa lak lo. Miphun zuar in mah ca tthatnak rian a ttuan lo.
Nangmah sining tein nun khawh ding ah luatnak, kaltakmi thil pakhatkhat a herh. Kan nun ah Hmahnai bantuk in rawhnak le fahnak a kan pe dingmi cu kan sining in nung lo in midang sining va hrawm sawhsawhnak le kan sining lo ning pi I mi nun va cawnnak kha asi. Sullam a ngeimi nunnak ngeih na duh ahcun, na zaang van tthum ta law, Hodah na si kha ttha tein ruat law, na sining tekhan ralttha tein nun I zuam. Midang sining kha va cawng len hlah. Kanmah kan sining te khan Bawipa nih a ka serhnawnh chanmi a um ti tu kha ruat in, Bawipa zoh buin kan sining kha ralttha tein dirpi ngam tu kha, nunnak thluachuah hmuhnak lam asi.
Ruahawk
Midang sining kha cawng lo in nangmah sining tein nun naa zuam tik ah thinlung, taksa thlarau le midang na pehtlaihnak ah zeibantuk thlennak dah na nun ah a cang tiah ruah awk na thei maw?
Zeithil nihdah nangmah sining kaltak in midang bantuk nun va duhnak thinlung an ngeih ter? Zeithildah phundang tein na tuah khawh?
