NA FA LE SIN AH JESUH KONG CHIM
Deuteronomy 6:7
Cun nihin ah kan pekmi bia hi na lung chungah na riahter lai i * 7na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.
Adrian nih tahchunnak bia hitihin a chim. Uico nih a feuh cuahmah mi Saruh na chut bal maw? Cuti va tuah cu Uico nih sehnak ding caah lam tha bik asi. Sinain Saruh a feuh cuahmah mi Uico hmai ah Satit a tha taktak mi na thlak hnawh ahcun, a ei cuahmahmi saruh cu I ruat lo in a kal tak lai I, na pek mi satit cu a fuh ko lai, a ti.
Nihin Nu le pa tampi nih fa le cawnpiaknak ah kan palhnak bikmi cu hihi asi. Kan can vialte kha “HIHI TUAH HLAH! KHIKHI TUAHHLAH,” tiah tuah lo ding cawnpiaknak ah kan hman dih. A palh taktak mi cawnpiak nak asi. Cuti fa le cawnpiak ning cu hmangin Nu le Pa hna nih kan fa le vialte an chan ning in lamhman kal ter kho lo in kan tlolh cikcek hna. An ei I a thawt cuahmah mi hna vawlei sining chungin tuah lo ding kan chimh hna cu, Uico saruh chuh bantuk a si. Kan fa le nih huat lawng kan I huah men.
Caan tampi cu Jesuh a rumnak kong hi kan fa le kan hmuhsak kan theihter bal hna lo. Nikhat suimilam 24 chungah hin kan fa le hi Jesuh kong theihter I, an Nunnak hi Jesuh cawnpiak ning le Jesuh a rumnak ning lam in sersiamnak can tha tampi kan ngei ko. Nu le Pa nih Jesuh lam in fa le sersiam tu hi kan timh tawn lo caah asi.
Fa le hi Jesuh chungah an ngeihmi rumnak hi, vawlei nih a pek khawhmi hna rumnak nakin zeitluk tam le tahchun awktlak hmanh a si lo zia kha theihter ding asi. An nunnak caah a thaw deuh, a tha deuh, a tam deuh, a sunglawi deuhmi Jesuh chung lawngah kan co khawh mi rumnak taktak, kha na fa le na theihter hna ahcun, an ei cuahmah mi Vawlei nuamhnak saruh cu an kal tak lai I, Nunnak duhdim a pe kho mi Jesuh cu an fuh ko lai.
Cu cawnpiak nak le lamhruainak cu, na FA LE NIH NA NUNNAK CHUNGIN AN HMU MAW? An Co maw? An co bal rih lo le, an hmuh bal rih lo ahcun nangmah palh asi. Vawlei saruh an feuh peng ko lai. Jesuh pekmi Duhdim Nunnak Tava ah na fa le kalpi hna.
Zathawngcin
September 24th, 2017
Cun nihin ah kan pekmi bia hi na lung chungah na riahter lai i * 7na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.
Adrian nih tahchunnak bia hitihin a chim. Uico nih a feuh cuahmah mi Saruh na chut bal maw? Cuti va tuah cu Uico nih sehnak ding caah lam tha bik asi. Sinain Saruh a feuh cuahmah mi Uico hmai ah Satit a tha taktak mi na thlak hnawh ahcun, a ei cuahmahmi saruh cu I ruat lo in a kal tak lai I, na pek mi satit cu a fuh ko lai, a ti.
Nihin Nu le pa tampi nih fa le cawnpiaknak ah kan palhnak bikmi cu hihi asi. Kan can vialte kha “HIHI TUAH HLAH! KHIKHI TUAHHLAH,” tiah tuah lo ding cawnpiaknak ah kan hman dih. A palh taktak mi cawnpiak nak asi. Cuti fa le cawnpiak ning cu hmangin Nu le Pa hna nih kan fa le vialte an chan ning in lamhman kal ter kho lo in kan tlolh cikcek hna. An ei I a thawt cuahmah mi hna vawlei sining chungin tuah lo ding kan chimh hna cu, Uico saruh chuh bantuk a si. Kan fa le nih huat lawng kan I huah men.
Caan tampi cu Jesuh a rumnak kong hi kan fa le kan hmuhsak kan theihter bal hna lo. Nikhat suimilam 24 chungah hin kan fa le hi Jesuh kong theihter I, an Nunnak hi Jesuh cawnpiak ning le Jesuh a rumnak ning lam in sersiamnak can tha tampi kan ngei ko. Nu le Pa nih Jesuh lam in fa le sersiam tu hi kan timh tawn lo caah asi.
Fa le hi Jesuh chungah an ngeihmi rumnak hi, vawlei nih a pek khawhmi hna rumnak nakin zeitluk tam le tahchun awktlak hmanh a si lo zia kha theihter ding asi. An nunnak caah a thaw deuh, a tha deuh, a tam deuh, a sunglawi deuhmi Jesuh chung lawngah kan co khawh mi rumnak taktak, kha na fa le na theihter hna ahcun, an ei cuahmah mi Vawlei nuamhnak saruh cu an kal tak lai I, Nunnak duhdim a pe kho mi Jesuh cu an fuh ko lai.
Cu cawnpiak nak le lamhruainak cu, na FA LE NIH NA NUNNAK CHUNGIN AN HMU MAW? An Co maw? An co bal rih lo le, an hmuh bal rih lo ahcun nangmah palh asi. Vawlei saruh an feuh peng ko lai. Jesuh pekmi Duhdim Nunnak Tava ah na fa le kalpi hna.
Zathawngcin
September 24th, 2017
Comment Box is loading comments...
