BIBLE CAHLUN AH CAUK KIP NIH JESUH KONG AN TIAL MAW?
Jesuh nih Mathai 5:17-17 chungah, “Moses Nawlbia hna le Profet hna cawnpiaknak kha hrawh awkah ka ra, tiah ka ruat hlah u. Annih kha hrawh awkah si loin, an cawnpiaknak kha tlinter awk tu ah ka ra. Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo. Zeizong vialte hi a donghnak an phak hlanah cun an rawk lai lo,” tiah ati.
Atu kan chan hi fimchan asi I zeipaoh te thiam khawh le cawnkhawhnak chan asi caah fimnak phunphun kan thiam khawh cang hna. Kan rel kho, kan theih khawh, a fim tiah ruahmi hna zumhnak le ruahning phunphun kan relkhawh; kan cawn, kan thiam khawh dih cang hna.
Fimnak hi khuaruahhar taktak in a sunglawi mi asi cang.
Pathian lawnglawng nih kan herhmi vialte hi a tlinh khawh I, kan fian lo mi thil vialte hi a kan leh khawh. Jesuh hi zeizong vialte tlin ter dingah ara. Jesuh nih Profet hna bia tlingter awkah ka ra tiah ati. Jesuh kong chimnak tuanbia pawl hi, Bible fiannak ding caah biathup, lam a si. Bible cathiang hi zeizawn hmanh zoh law, Mikhamhtu kong an chim dih kha na hmuh lai.
Luke 24:27, Jesuh Khrih a thawhthan hnu ah, Jesuh cu khualtlawng hna sinah aa langh I Bible biathup kong a chimh hna. “Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chim hna.” Bible cahlun chung cauk dihlak nih Khamhtu (Mesiah) kong lawngte hmuitinh in an chim. Cathiang chung tuanbia le a cangmi thil vialte nih Khamhtu kong lawngte direct in an chim.
Johan 5:39, “Cathiang chungkha tha tein nan kawl, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah asi; asinain Cathiang nih an dihlak in an chimmi cu, keimah kong asi ko,” tiah Jesuh nih a ti. Bible cathar hi tial arak si rih lo lio ah, Jesuh a zultu pawl kha, Bible cahlun dihlak hi amah kong a chimtu an sinak kong kha a chimh hna.
Pathian bia hi rel lengmang tikah, zeitindah Khamhtu Jesuh kong an hei panh I an rak chimchung cio ti kha hmuh khawh asi.
Na hmu kho ve maw? Bible cahlun dihlak hi Jesuh kong a chimchung mi; Jesuh Khamhtu asi nak kong a chim chungmi lawngte an si. Bible cahlun hi Jesuh khamhtu asi lai nak kong a chimmi an si ti kha na theih lo I na tlolh sual ahcun, Bible dihlak na tlolh cang tiah Bible thiam pawl nih an ti lengmangnak asi. Jesuh cu khamhtu le Profet hna nih chan tampi chung an rak chimchungmi a tlinnak asi.
Jesuh hlei I Bawidang, le kan Sualnak chung in a kan khamh kho I, zungzal nunnak a kan pek kho ding pathian dang an um ti lo. Na thilrit chan law an bawmh lai, zumh law khamh na si lai.
Zathawngcin
Bethel Baptist Church
Lewisville
February 25, 2105
Jesuh nih Mathai 5:17-17 chungah, “Moses Nawlbia hna le Profet hna cawnpiaknak kha hrawh awkah ka ra, tiah ka ruat hlah u. Annih kha hrawh awkah si loin, an cawnpiaknak kha tlinter awk tu ah ka ra. Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo. Zeizong vialte hi a donghnak an phak hlanah cun an rawk lai lo,” tiah ati.
Atu kan chan hi fimchan asi I zeipaoh te thiam khawh le cawnkhawhnak chan asi caah fimnak phunphun kan thiam khawh cang hna. Kan rel kho, kan theih khawh, a fim tiah ruahmi hna zumhnak le ruahning phunphun kan relkhawh; kan cawn, kan thiam khawh dih cang hna.
Fimnak hi khuaruahhar taktak in a sunglawi mi asi cang.
- Thilnung kong cawnnak (Biology) zong na cawn I na thiam khawh ko. Sihmanhseh law Nunnak PETU (Pathian) na theih lo ahcun, cathiam lo thiamthiam, a hrut mi thiamthiam na si ko.
- Vawlei sining kong hngalhnak (Geology) zong na cawng I na hngalh dih khawh ko. Sihmanhsehlaw, na hmuhmi lung hi chan zeizatdah an rauh cang ti kha na hngalh lo asi ahcun, a biapi Taktak mi kong zeihmanh na hngal rih lo.
- Thingram kong cawnnak (Botany) na thiam ngainngai kho, sihmanhseh Lily pangpar dawh nelrawn na hmuh rih lo le na ser khawh rih lo ahcun na hngalh nak cu hman santlai lo ansi.
- Tuanbia kong vialte na theih dih khawh ko. Sihmanhsehlaw, tuanbia Muru hrampi na co lo ahcun, na can pam men an si.
- Pathian a thei lo mi Mifim cu mihrut, fimnak a ngei lo mi asi.
- Pathian a thei lomi Patthawng cu mider asi.
- Pathian a thei lo mi Mirum cu miSifak asi.
Pathian lawnglawng nih kan herhmi vialte hi a tlinh khawh I, kan fian lo mi thil vialte hi a kan leh khawh. Jesuh hi zeizong vialte tlin ter dingah ara. Jesuh nih Profet hna bia tlingter awkah ka ra tiah ati. Jesuh kong chimnak tuanbia pawl hi, Bible fiannak ding caah biathup, lam a si. Bible cathiang hi zeizawn hmanh zoh law, Mikhamhtu kong an chim dih kha na hmuh lai.
Luke 24:27, Jesuh Khrih a thawhthan hnu ah, Jesuh cu khualtlawng hna sinah aa langh I Bible biathup kong a chimh hna. “Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chim hna.” Bible cahlun chung cauk dihlak nih Khamhtu (Mesiah) kong lawngte hmuitinh in an chim. Cathiang chung tuanbia le a cangmi thil vialte nih Khamhtu kong lawngte direct in an chim.
Johan 5:39, “Cathiang chungkha tha tein nan kawl, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah asi; asinain Cathiang nih an dihlak in an chimmi cu, keimah kong asi ko,” tiah Jesuh nih a ti. Bible cathar hi tial arak si rih lo lio ah, Jesuh a zultu pawl kha, Bible cahlun dihlak hi amah kong a chimtu an sinak kong kha a chimh hna.
Pathian bia hi rel lengmang tikah, zeitindah Khamhtu Jesuh kong an hei panh I an rak chimchung cio ti kha hmuh khawh asi.
- Jesuh cu Nu ci asi I, Genesis 3:15 ah, Setan lu a rial te lai nak kong a kan chimh.
- Exodus chungah cun, Lanhtakpuai Tufa kong kan hmuh. Jesuh cu kan caah raithawinak ah hmanmi Tufa a si.
- Leviticus chungah mi vialte caah Tlangbawi Ngan nih raithawinak a tuah tawn nak kong kan rel. Jesuh cu kan Tlangbawi ngan ah acang I, kan sualnak vialte thianh piak awk caah a tlingmi raithawinak a kan tuah piak tu asi.
- Deuteronomy chungah Moses nih amah nak in a ngan deuh lai mi pa a rat lai nak kong a chim chung cang. Jesuh cu a Profet ngan bik asi.
- Joshua cauk chungah, Joshua nih Pathian ralkap Bawipa a ton. Hi ralbawi hi Jesuh asi.
- Biaceihtu chungah, Pathian mibu a chuahpitu hruaitu hna hi biaceihtu an rak si; hi biaceihtu kip hi Jesuh aiawh tu lawngte an si.
- Ruth chungah Ruth roco tu Boaz hi Jesuh hmanthlak a si.
- Cithi thuhmi David hi Jesuh hmanthlak asi I, Jesuh hi David fapa in chimmi le langhter mi asi.
- II Samuel ah siangpahrang pa bawithutdan a co lio kong a chimmi dihlak khi Jesuh kong langhternak lawngte asi.
- Siangpahrang cauk nihhin, biakinn thiang a khatmi, Pathian sunparnak kong a chim. Chanrelnak nihhin, a ra lai mi siangpahrang sunparnak kong a chim I, an pahnih tein siangpahrang vialte I siangpahrang Jesuh kong an chimmi asi.
- Ezra nih Jesuh cu kan pa le hna in an Bawi in a chim.
- Esther nih Jesuh nih ami hna caah a tuah laimi kong hmanthlak a langhter.
- Salm chungah Jesuh hi atu le a tu a lang, I David nih Tukhal dirhmun in a kong a chim lengmang.
- Isaiah nih sunparnak he hrin a si lai nak kong hi fiang tein a chim.
- Jeremiah nih a temhtuar lainak kong kha fiang tein a phuan.
- Joel nih Jesuh cu a minung hna caah ruahchannak a si lai nak kong a chim.
- Amos nih Jesuh cu miphun vialte caah biaceihtu asi lai nak kong a chim.
- Obidiah nih a ra lai mi zungzal pennak ralrinnak bia a chim.
- Jonah nih nithum chung Jesuh thihnak hmanthlak a kan chimh I, Ngaihchihnak thawngtha chim dingah a nun thannak kong a kan hmuh sak.
- Zephaniah nih Jesuh cu Israel siangpahrang asi lai tiah a chim.
- Zachariah cu Jesuh nih hrem rihlo mi La fate aa cit lai nakkong a chim tu profet asi.
- Malachi cu Jesuh kha dinnak siangpahrang tiah a au mi pa asi.
Na hmu kho ve maw? Bible cahlun dihlak hi Jesuh kong a chimchung mi; Jesuh Khamhtu asi nak kong a chim chungmi lawngte an si. Bible cahlun hi Jesuh khamhtu asi lai nak kong a chimmi an si ti kha na theih lo I na tlolh sual ahcun, Bible dihlak na tlolh cang tiah Bible thiam pawl nih an ti lengmangnak asi. Jesuh cu khamhtu le Profet hna nih chan tampi chung an rak chimchungmi a tlinnak asi.
Jesuh hlei I Bawidang, le kan Sualnak chung in a kan khamh kho I, zungzal nunnak a kan pek kho ding pathian dang an um ti lo. Na thilrit chan law an bawmh lai, zumh law khamh na si lai.
Zathawngcin
Bethel Baptist Church
Lewisville
February 25, 2105
