KHAMHNAK
“Zeihmanh a tuah kho lomi kan si ko lioah khan, cu caan thengte ah cun mi tha lomi kan caah Khrih kha a thi.” Rome 5:6
Khamhnak hi thawnak a ngei lomi, mi der hna kan ca; Bawmtu a ngei lo mi hna kan ca le bawmh a herh I khamh a herhmi hna kan caah asi. Jesuh nih minung hi Khamhtlak tthatnak, khamhtlak thawnnak le Khamhtlak duhnak kan ngeih khawh tiang rak kan hngak seh law Vawlei ah a ra hnga lo I rat zong a herh fawn hnga lo.
Hihi zumtu hna nih kan nunnak ah kan cawn than lengmang dingmi Pathian dawtnak a si. Kan nih cu, Zei kan si ruang le zeidah kan tuah ruangah khan khamh kan co siloin; Kan sining le kan tuahmi thil vialte, kan sualpalhnak vialte he tu khan khamh kan si.
Pathian mithmai tha peknak hi cawkkhawh le I hlawh khawh asi lo. Everest tlang khi cawi I liang in I put hmanh khi a fawi deuh hnga tiah Bradley, Jr nih cun a ti phah. Kan nih cu thawnnak a ngei lo mi le Pathian duhnak a tuah lo mi nun a ngeimi kan si.
Sihmanhseh, kan caah Thawngttha cu Jesush cu Pathian duhmi nun a ngei kho lo mi hna kan caah a thi! Jesuh cu thatnak zaalak a tuah I, biakinn ah zaa lak aa pummi hna le, khrihfabu ah zaalak thawhlawm a pemi hna caah thi lo in, Pathian duhnak a tuah kho lomi hna, khamh dingah aa hlawh lomi hna le, Khamhnak market ah thlarau lei bawmhnak a herhmi hna ca tu ah a thi.
Jesuh cu a caan a zaat bak in a ra. Jesuh hi ruah lo piin a chuak mi a si lo. A nunnak hi a cang sawhsawh menmi zong asi lo I a thihnak zong hi tinhmi ngei lo piin a thi sawhsawh mi asi fawn lo. Pathian nih minung kan sual hlan, Eden dum hrimhrim in minung nih khamh kan herh te lai hi a hngalh cia ko. Cucaah kan cham khawh ti lo ding mi kan leiba caah a fapa ngeihchun te cu Vailam ah thi in kan leiba cham piak dingah a run thlahnak hi a si.
Nang le kei tah? Kanmah le kan mah hi, Pathian duhnak a tuah lo mi, a dermi le khamh hau mi in kan I hmu maw? Kan mah thatnak, thawnnak le dinfelnak in dah khamhnak co ding ah kan I ruah? Na thinlung le na nunzia kha Fih a nung mi le a thiangmi Pathian hmai ah misual ka si ko tiah na ruah I lunglawm lo in na um ahcun kan caah thawngttha a um: Cucu Jesush hi Pathian duhnak a tuah kho lomi hna kan caah a THIH nak thawngtha a si.
Pathian nih Jesuh thawng in a dawtmi a fa le hna caah a tuah mi Khamhnak chungah lawm tein nung ding ah lung awttawm in um ti hlah. Na sining dihlak in Bawipa nih an ngaihthiam I an khamh kha lawm tein, Jesuh thawng in co I zuam law, vawlei teinak nun Bawipa nih an pek lai I sualnak nih a chuahpimi nun lawmh lo nak chungin Khrih chung lawmhnak tlamtling kha na co lai I minung le vawlei nih pek khawh lo mi lawmhnak tlamtling cotu na si lai.
Ruahchih awk:
1. Khamhnak hi mizei nih dah an co lai tiah na ruah?
2. Nangtah khamhnak cotlak ka si tiah naa ruat maw?
3. Zeiruangah dah khamh kan si lai?
4. Khrihkhamhnak hi na caah zeitindah sullam a ngeih?
5. Khamhnak hi misual caah a lak in pek asi tiah kan zumh ko ahcun kan palhnak ruangah lung rawk in kan nunnak rethei in kan hman ding hi a dik ko tiah na ruat maw?
Zathawngcin
Nov.6, 2013 (SMU)
Khamhnak hi thawnak a ngei lomi, mi der hna kan ca; Bawmtu a ngei lo mi hna kan ca le bawmh a herh I khamh a herhmi hna kan caah asi. Jesuh nih minung hi Khamhtlak tthatnak, khamhtlak thawnnak le Khamhtlak duhnak kan ngeih khawh tiang rak kan hngak seh law Vawlei ah a ra hnga lo I rat zong a herh fawn hnga lo.
Hihi zumtu hna nih kan nunnak ah kan cawn than lengmang dingmi Pathian dawtnak a si. Kan nih cu, Zei kan si ruang le zeidah kan tuah ruangah khan khamh kan co siloin; Kan sining le kan tuahmi thil vialte, kan sualpalhnak vialte he tu khan khamh kan si.
Pathian mithmai tha peknak hi cawkkhawh le I hlawh khawh asi lo. Everest tlang khi cawi I liang in I put hmanh khi a fawi deuh hnga tiah Bradley, Jr nih cun a ti phah. Kan nih cu thawnnak a ngei lo mi le Pathian duhnak a tuah lo mi nun a ngeimi kan si.
Sihmanhseh, kan caah Thawngttha cu Jesush cu Pathian duhmi nun a ngei kho lo mi hna kan caah a thi! Jesuh cu thatnak zaalak a tuah I, biakinn ah zaa lak aa pummi hna le, khrihfabu ah zaalak thawhlawm a pemi hna caah thi lo in, Pathian duhnak a tuah kho lomi hna, khamh dingah aa hlawh lomi hna le, Khamhnak market ah thlarau lei bawmhnak a herhmi hna ca tu ah a thi.
Jesuh cu a caan a zaat bak in a ra. Jesuh hi ruah lo piin a chuak mi a si lo. A nunnak hi a cang sawhsawh menmi zong asi lo I a thihnak zong hi tinhmi ngei lo piin a thi sawhsawh mi asi fawn lo. Pathian nih minung kan sual hlan, Eden dum hrimhrim in minung nih khamh kan herh te lai hi a hngalh cia ko. Cucaah kan cham khawh ti lo ding mi kan leiba caah a fapa ngeihchun te cu Vailam ah thi in kan leiba cham piak dingah a run thlahnak hi a si.
Nang le kei tah? Kanmah le kan mah hi, Pathian duhnak a tuah lo mi, a dermi le khamh hau mi in kan I hmu maw? Kan mah thatnak, thawnnak le dinfelnak in dah khamhnak co ding ah kan I ruah? Na thinlung le na nunzia kha Fih a nung mi le a thiangmi Pathian hmai ah misual ka si ko tiah na ruah I lunglawm lo in na um ahcun kan caah thawngttha a um: Cucu Jesush hi Pathian duhnak a tuah kho lomi hna kan caah a THIH nak thawngtha a si.
Pathian nih Jesuh thawng in a dawtmi a fa le hna caah a tuah mi Khamhnak chungah lawm tein nung ding ah lung awttawm in um ti hlah. Na sining dihlak in Bawipa nih an ngaihthiam I an khamh kha lawm tein, Jesuh thawng in co I zuam law, vawlei teinak nun Bawipa nih an pek lai I sualnak nih a chuahpimi nun lawmh lo nak chungin Khrih chung lawmhnak tlamtling kha na co lai I minung le vawlei nih pek khawh lo mi lawmhnak tlamtling cotu na si lai.
Ruahchih awk:
1. Khamhnak hi mizei nih dah an co lai tiah na ruah?
2. Nangtah khamhnak cotlak ka si tiah naa ruat maw?
3. Zeiruangah dah khamh kan si lai?
4. Khrihkhamhnak hi na caah zeitindah sullam a ngeih?
5. Khamhnak hi misual caah a lak in pek asi tiah kan zumh ko ahcun kan palhnak ruangah lung rawk in kan nunnak rethei in kan hman ding hi a dik ko tiah na ruat maw?
Zathawngcin
Nov.6, 2013 (SMU)
Comment Box is loading comments...
