Zumhtlak Sal
Joshuah 24:15, "Nihin ahhin nan biakding pathian i thim u; Kei le ka chungkhar tu nihcun Bawipa kha kan biak ko lai."
(Bawipa kha a rian kan ttuan ko lai.)
Joshua cu a hruaimi mipi sinah a ttha mi ralrinnak a pek khawh lawng siloin amah pumpak hrimhrim nih a zumhnak kha tuahnak in lam hmuhsaktu Hruaittu ttha asi. Israel miphun hna sinah a timi hna cu, "Zungzal a nungmi, Pathian kha bia tiloin, a rian an tuan duh ti lo ahcun, zeibantuk pathian an biak kha a poi ti lo. Zeicahtiah, Pathian dah tiloah cun a tthami pathian dang an um ti lo i an chia dih ko." Sinain Mipi theih in a thanhmi cu, "Kei cu bia ka khiah cang; kan ruahnak ka fun cang, KEI LE KA CHUNGKHAR NIH CUN BAWIPA KAN BIAK KO LAI." Caan tampi ah inn chungkhar ah pa bik nih hi bantuk a fekmi Zumhnak thanhnak hi inn chungkhar an hruainak ah a um tawn lo tikah chungkhar ah hruaitu ttha nih an chuahpi mi thluachuah thilttha vialte kha chungkhar nih tingco loin, buaibainak chungah an um tawn.
Joshuah nunnak in kan hmuh khawhmi cu, Pathian kan biak ko lai tiah a thanh hlan ah siseh, a thanh hnu ah siseh, a thanhmi a zumhnak hi a KAA in a chim lawng asi lo kha a fiang. A nunnak hrimhrim in pumpeknak a ngeihmi zumhnak le aa nunpi mi sining a rak si. Hibantuk in a zumhnak kongah thil pakhat cung le tlaihmi pakhat cungah fek thup in a dirmi pa, Joshua nun hin thil tampi kan cawn khawh.
Kamhmi ram, Kanan ram hlathlai awkah minung 12 thlah an si lioah, an va hmuhmi hmun le hma; kamhmi ram kongah Kaleb le amah, Joshua lawnglawng hi Thawngttha lei in an va hmuhmi kong a phurmi an si. (Positive Report) Cu lawng siloin, "Bawipa bawmhnak he cun hi hmun hi kan co khawh ko lai ti hrimhrim kha fek tein an zumhnak a langh termi an si." An hawi le mitam deuh nih an chimmi; mi tamdeuh uarmi nih khan a zumhnak a tei khawh lo mi asi lawng siloin a zumhnak cungah fek tein a dir mi pa asi. Pawngkam chimmi le zumhmi le hmuhning nih a zumhnak le a dirhmun kha a hnial khawh lo mi pa asi. Hruaitu pakhat dirhmun in zumhtlak le a dirhmun a fekmi pa asi. Pathian biakam cungah a dir, aa hngat i, pehzulh tein mipi kha lungtthawnnak a pek peng hna.
Amah chan ca lawng siloin, a ra laimi hruaitu kong zong fakpi in a ruatmi asi. Jordan tiva an tan khawh tikah, Pathian lamhruainak hngalh pengnak ding caah lung pa hleihnih a char ter hna. Hi sullam hi ngakchia nih an nu le an pa an hal hna tikah, Pathian thawnnak nih zeitindah Jordan tiva a rak lehdih nak kong kha chimtthan khawh nak ding caah a tuahter mi hna asi. Cuticun Joshua cu Bawipa rian kha a nunnak a dongh tiang fek tein a ttuan. Ano lio i a tuahmi thiltha dang vialte cungah khan a za cang tiah, lungtling in um siloin, a nunnak a dongh tiang, kum 110 asi tiang fek tein Pathian rian a ttuan i Pathian hmaiah zumhtlak nun a ngei.
Tlukrilhnak le pialnak um lo tein, zumhtlak te le fek tein, Pumpeknak he Pathian kaltak lo tein a thih tiang a dirngamnak zumhnak hi Joshua nunnak in kan cawn khawhmi nunzia ttha asi. A Nunnak ah, zeithil kong paohah Pathian kha hmaibik ah a chiah zungzal i, Pathian biakamnak in thazaang a lak zungzal. Joshua le a chungkhar cu fek tein Pathian an biak i, an zumtu hawi vialte nih Bawipa an zaamtak tiang zongah an nih cu Pathian caah an nung i, zumhtlak nun an ngei. Nang na nunnak caah tah, Pathian caah zumhtlak nun ngei in nunnak pek dih dinghi na nun hnawhchan hmuitinh asi ve lai maw?
Zathawngcin
Feb.28, 2013
Theihternak: Lasserre Bradley, Jr nih a tialmi capar "Men of faith" tharchuahmi asi.
(Bawipa kha a rian kan ttuan ko lai.)
Joshua cu a hruaimi mipi sinah a ttha mi ralrinnak a pek khawh lawng siloin amah pumpak hrimhrim nih a zumhnak kha tuahnak in lam hmuhsaktu Hruaittu ttha asi. Israel miphun hna sinah a timi hna cu, "Zungzal a nungmi, Pathian kha bia tiloin, a rian an tuan duh ti lo ahcun, zeibantuk pathian an biak kha a poi ti lo. Zeicahtiah, Pathian dah tiloah cun a tthami pathian dang an um ti lo i an chia dih ko." Sinain Mipi theih in a thanhmi cu, "Kei cu bia ka khiah cang; kan ruahnak ka fun cang, KEI LE KA CHUNGKHAR NIH CUN BAWIPA KAN BIAK KO LAI." Caan tampi ah inn chungkhar ah pa bik nih hi bantuk a fekmi Zumhnak thanhnak hi inn chungkhar an hruainak ah a um tawn lo tikah chungkhar ah hruaitu ttha nih an chuahpi mi thluachuah thilttha vialte kha chungkhar nih tingco loin, buaibainak chungah an um tawn.
Joshuah nunnak in kan hmuh khawhmi cu, Pathian kan biak ko lai tiah a thanh hlan ah siseh, a thanh hnu ah siseh, a thanhmi a zumhnak hi a KAA in a chim lawng asi lo kha a fiang. A nunnak hrimhrim in pumpeknak a ngeihmi zumhnak le aa nunpi mi sining a rak si. Hibantuk in a zumhnak kongah thil pakhat cung le tlaihmi pakhat cungah fek thup in a dirmi pa, Joshua nun hin thil tampi kan cawn khawh.
Kamhmi ram, Kanan ram hlathlai awkah minung 12 thlah an si lioah, an va hmuhmi hmun le hma; kamhmi ram kongah Kaleb le amah, Joshua lawnglawng hi Thawngttha lei in an va hmuhmi kong a phurmi an si. (Positive Report) Cu lawng siloin, "Bawipa bawmhnak he cun hi hmun hi kan co khawh ko lai ti hrimhrim kha fek tein an zumhnak a langh termi an si." An hawi le mitam deuh nih an chimmi; mi tamdeuh uarmi nih khan a zumhnak a tei khawh lo mi asi lawng siloin a zumhnak cungah fek tein a dir mi pa asi. Pawngkam chimmi le zumhmi le hmuhning nih a zumhnak le a dirhmun kha a hnial khawh lo mi pa asi. Hruaitu pakhat dirhmun in zumhtlak le a dirhmun a fekmi pa asi. Pathian biakam cungah a dir, aa hngat i, pehzulh tein mipi kha lungtthawnnak a pek peng hna.
Amah chan ca lawng siloin, a ra laimi hruaitu kong zong fakpi in a ruatmi asi. Jordan tiva an tan khawh tikah, Pathian lamhruainak hngalh pengnak ding caah lung pa hleihnih a char ter hna. Hi sullam hi ngakchia nih an nu le an pa an hal hna tikah, Pathian thawnnak nih zeitindah Jordan tiva a rak lehdih nak kong kha chimtthan khawh nak ding caah a tuahter mi hna asi. Cuticun Joshua cu Bawipa rian kha a nunnak a dongh tiang fek tein a ttuan. Ano lio i a tuahmi thiltha dang vialte cungah khan a za cang tiah, lungtling in um siloin, a nunnak a dongh tiang, kum 110 asi tiang fek tein Pathian rian a ttuan i Pathian hmaiah zumhtlak nun a ngei.
Tlukrilhnak le pialnak um lo tein, zumhtlak te le fek tein, Pumpeknak he Pathian kaltak lo tein a thih tiang a dirngamnak zumhnak hi Joshua nunnak in kan cawn khawhmi nunzia ttha asi. A Nunnak ah, zeithil kong paohah Pathian kha hmaibik ah a chiah zungzal i, Pathian biakamnak in thazaang a lak zungzal. Joshua le a chungkhar cu fek tein Pathian an biak i, an zumtu hawi vialte nih Bawipa an zaamtak tiang zongah an nih cu Pathian caah an nung i, zumhtlak nun an ngei. Nang na nunnak caah tah, Pathian caah zumhtlak nun ngei in nunnak pek dih dinghi na nun hnawhchan hmuitinh asi ve lai maw?
Zathawngcin
Feb.28, 2013
Theihternak: Lasserre Bradley, Jr nih a tialmi capar "Men of faith" tharchuahmi asi.
