BAWIPA PEKMI RUAHCHANNAK
Jeremiah 29:11, "Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai."
Kan nunnak hi zeibantuk dirhmun a phak zongah Pathian nih fiang tein a hngalh dih. Pathian nih kan nunnak hi A Zoh, A Zawnruah, A Ralrin peng. A ttha bik in kan nunnak hi a pehtlaih i a zohkhenh zungzal.
Pathian nih a kan zohkhenhnak le a kan dawtnak he ralkah in khuaruat hna seh tihi kan Thlarau raal, Setan nih aduh i Pathian dawtnak zeirel lo ding in tuah aa zuam zungzal. Pathian nih zeiah an rel lo. Hibantuk harnak chungah hin caan saupi an kal tak. Zeitluk in dah bochan awk a tlak lo! Pathian nih an kal tak, an um pi lo timi cawnpiak nak nih kan rianttuannak ah, kan innpaa hna nun ah, khuachia bantuk in a kan dawi i rian kan ngeih lo lio caan zongah, rian hmanh na ngei lo hih a kan ti. Na nunnak herhhai man (Bills) pek awk hmanh zaalak in na ngeih tung lo; na zawtfah nih tam. Ziah na Pathian nih cun an zoh sawhsawh ko. Zeibantuk Pathian dah a si? tiah kan pawngkam thil sining nih hin Pathian nih an umpi lo an kaltak tiah nitin a kan cawnpiak.
Nutung-patung hna caah cun fa le tete he har ngai in, tuanvo tam taktak he buaibai ngai in kan um. Rian ttuan a hau, fa le zohkhenh an hau. Ih caan ngei lo in rian kan ttuan zong ah fa le caah, nunnak caah a za ti ni a um bal lo. Cutikah kan thinlung cu lungdong in a au i a tap, "Kan dirhmun hi ka phurh khawh leng a si ttung!" tiah thinlung ah lungdonghnak khuaruah kan nun ah hram a thla.
Vawlei kan nunnak ah kan tonmi, zawtnak, sifahnak le harnak phunphun ruang ah lungdong in kan um lio caan ah, Pathian nih, "Ka fa, zei ka tuah ka hngalh. Na tuar cuahmahmi fahnak zong hi ka hngalh ko. Lungretheihnak nih an khuh dih, na thil a rit tuk i na nunnak harnak thilrit nih an nam i an teituk cang ti hi fiang tein ka hngalh. Siseh, KA ZUM, na tonmi thil vialte hi keimah he pehtlaihnak kan ngei ko. Keimah nih ka tawlrel mi an si. NA CAAH TINHMI KA NGEIH! Thilhar ah na ruahmi vialte hi na nunnak caah sullam a ngeimi thil an si nakhnga le hi harnak chung in na luat tthan nakhnga rian ka tuan cuahmah lio asi. Kan um pi ko. KA BOCHAN LAW KA ZUM KO! tiah a kan ti.
Kan zeizong vialte a ngeitu Pathian asi. Kan mah nih kan theih khawh lo mi Tinhmi kan caah a ngeih. Cucu kan caah vanchiatnak siloin Thluachuahnak asi lai. Athuk bikmi muihnak chung kan um lio zongah a kan kal tak ballo tu asi. Bawipa i bochan! Na caah Tinhmi a ngeih! Ruahchannak he a kan umpi ko!
Theihternak: Charles R. Swindoll nih a tialmi "God's Plan for Hope" capar tharchuahmi a si.
Zathawngcin Siakhel
Bethel Baptist Church
Kan nunnak hi zeibantuk dirhmun a phak zongah Pathian nih fiang tein a hngalh dih. Pathian nih kan nunnak hi A Zoh, A Zawnruah, A Ralrin peng. A ttha bik in kan nunnak hi a pehtlaih i a zohkhenh zungzal.
Pathian nih a kan zohkhenhnak le a kan dawtnak he ralkah in khuaruat hna seh tihi kan Thlarau raal, Setan nih aduh i Pathian dawtnak zeirel lo ding in tuah aa zuam zungzal. Pathian nih zeiah an rel lo. Hibantuk harnak chungah hin caan saupi an kal tak. Zeitluk in dah bochan awk a tlak lo! Pathian nih an kal tak, an um pi lo timi cawnpiak nak nih kan rianttuannak ah, kan innpaa hna nun ah, khuachia bantuk in a kan dawi i rian kan ngeih lo lio caan zongah, rian hmanh na ngei lo hih a kan ti. Na nunnak herhhai man (Bills) pek awk hmanh zaalak in na ngeih tung lo; na zawtfah nih tam. Ziah na Pathian nih cun an zoh sawhsawh ko. Zeibantuk Pathian dah a si? tiah kan pawngkam thil sining nih hin Pathian nih an umpi lo an kaltak tiah nitin a kan cawnpiak.
Nutung-patung hna caah cun fa le tete he har ngai in, tuanvo tam taktak he buaibai ngai in kan um. Rian ttuan a hau, fa le zohkhenh an hau. Ih caan ngei lo in rian kan ttuan zong ah fa le caah, nunnak caah a za ti ni a um bal lo. Cutikah kan thinlung cu lungdong in a au i a tap, "Kan dirhmun hi ka phurh khawh leng a si ttung!" tiah thinlung ah lungdonghnak khuaruah kan nun ah hram a thla.
Vawlei kan nunnak ah kan tonmi, zawtnak, sifahnak le harnak phunphun ruang ah lungdong in kan um lio caan ah, Pathian nih, "Ka fa, zei ka tuah ka hngalh. Na tuar cuahmahmi fahnak zong hi ka hngalh ko. Lungretheihnak nih an khuh dih, na thil a rit tuk i na nunnak harnak thilrit nih an nam i an teituk cang ti hi fiang tein ka hngalh. Siseh, KA ZUM, na tonmi thil vialte hi keimah he pehtlaihnak kan ngei ko. Keimah nih ka tawlrel mi an si. NA CAAH TINHMI KA NGEIH! Thilhar ah na ruahmi vialte hi na nunnak caah sullam a ngeimi thil an si nakhnga le hi harnak chung in na luat tthan nakhnga rian ka tuan cuahmah lio asi. Kan um pi ko. KA BOCHAN LAW KA ZUM KO! tiah a kan ti.
Kan zeizong vialte a ngeitu Pathian asi. Kan mah nih kan theih khawh lo mi Tinhmi kan caah a ngeih. Cucu kan caah vanchiatnak siloin Thluachuahnak asi lai. Athuk bikmi muihnak chung kan um lio zongah a kan kal tak ballo tu asi. Bawipa i bochan! Na caah Tinhmi a ngeih! Ruahchannak he a kan umpi ko!
Theihternak: Charles R. Swindoll nih a tialmi "God's Plan for Hope" capar tharchuahmi a si.
Zathawngcin Siakhel
Bethel Baptist Church
