KHRIH LAWNG NUN DIRIAMHNAK
“Bawipa cu tukhal bantuk in a ka vengtu asi. Ka herhmi vialte a ka pek dih.” Salm 23:1
Phundang in leh I tial ahcun “Bawipa cu a ka khaltu asi; Herhmi ka ngei ti lo,” ti a si hnga.
Adrian nih mirum pahnih hna bia an I ruahnak kong a tial. Scottish hrin, Sierra Club a dirhtu pa John Muir le Tlangtlawng lam sernak sehzung a ngeimi mirum pa, E.H. Harriman bia an I ruah. John nih cun tlanglawng lei mirum pa cu aa thawh I, “Nangmah nak in ka rum deuh,” tiah ati. Harriman nih cun “Zeitindah asi khawh?” tiah a leh ve. John nih a lehthan mi cu, “Zeicahtiah ka duhmi poah ka ngeih dih, nang na ngei dih lo. Cucaah nangmah nak in keimah ka rum deuh,” tiah a ti.
Capo bantuk in holh in lente an I celh mi asi kho men. Aho an va rum deuh zong ah, An Nunnak hi lawmhnak tlamtling, Nun diriamhnak taktak (Satisfaction) an ngeih le ngeih lo hohmanh nih kan hngal lo. Thil pakhat a fiang bak mi tu cu, “Kan nun diriamhnak kan kawl nak ahhin, minmei zam cung le chuncha dong tiang kan va kawl zongah kan hmu kho lai lo I SUI UM chungah kan va kawl zongah nunnak lawmhnak tlamtling taktak cu kan hmu kho lai lo. Zeicahtiah Nunnak diriamhnak tlamtling taktak le lawmhnak tlamtling taktak cu Jesuh Khrih chung lawngah hmuh khawh asi. A zutmi tikuang ser loin a zut lo mi tikuang chung lawnglawng ah Nun tihal riamhnak taktak cu a um. Vawlei ti kan din chung paoh cu kan ti a hal zungzal ko lai.
Nun cawn ding:
Zeinihdah na nunnak di a riamh ter? Na ngeihmi suingun chawva, inn le lo le thilri hna nih maw? Na chungkhar maw na rian dah? Zeidah na nunnak a lawmh ter I na nun di a riamh tertu an si? Pathian sinah, zungzal a hmunmi lawmhnak hram, Amah thlarau in an khahter nakhnga thla cam! Na caah zungzal tinung Jesuh a chuak than cang.
Sunparnak cu Bawipa ta sikoseh.
Zathawngcin
BBC, Lewisville
“Bawipa cu tukhal bantuk in a ka vengtu asi. Ka herhmi vialte a ka pek dih.” Salm 23:1
Phundang in leh I tial ahcun “Bawipa cu a ka khaltu asi; Herhmi ka ngei ti lo,” ti a si hnga.
Adrian nih mirum pahnih hna bia an I ruahnak kong a tial. Scottish hrin, Sierra Club a dirhtu pa John Muir le Tlangtlawng lam sernak sehzung a ngeimi mirum pa, E.H. Harriman bia an I ruah. John nih cun tlanglawng lei mirum pa cu aa thawh I, “Nangmah nak in ka rum deuh,” tiah ati. Harriman nih cun “Zeitindah asi khawh?” tiah a leh ve. John nih a lehthan mi cu, “Zeicahtiah ka duhmi poah ka ngeih dih, nang na ngei dih lo. Cucaah nangmah nak in keimah ka rum deuh,” tiah a ti.
Capo bantuk in holh in lente an I celh mi asi kho men. Aho an va rum deuh zong ah, An Nunnak hi lawmhnak tlamtling, Nun diriamhnak taktak (Satisfaction) an ngeih le ngeih lo hohmanh nih kan hngal lo. Thil pakhat a fiang bak mi tu cu, “Kan nun diriamhnak kan kawl nak ahhin, minmei zam cung le chuncha dong tiang kan va kawl zongah kan hmu kho lai lo I SUI UM chungah kan va kawl zongah nunnak lawmhnak tlamtling taktak cu kan hmu kho lai lo. Zeicahtiah Nunnak diriamhnak tlamtling taktak le lawmhnak tlamtling taktak cu Jesuh Khrih chung lawngah hmuh khawh asi. A zutmi tikuang ser loin a zut lo mi tikuang chung lawnglawng ah Nun tihal riamhnak taktak cu a um. Vawlei ti kan din chung paoh cu kan ti a hal zungzal ko lai.
Nun cawn ding:
Zeinihdah na nunnak di a riamh ter? Na ngeihmi suingun chawva, inn le lo le thilri hna nih maw? Na chungkhar maw na rian dah? Zeidah na nunnak a lawmh ter I na nun di a riamh tertu an si? Pathian sinah, zungzal a hmunmi lawmhnak hram, Amah thlarau in an khahter nakhnga thla cam! Na caah zungzal tinung Jesuh a chuak than cang.
Sunparnak cu Bawipa ta sikoseh.
Zathawngcin
BBC, Lewisville
