ZEIDAH KA TUAH LAI!
"Zei thil nan tuah poh ah minung caah si loin Bawipa caah ka tuan ti lungput ngei in, nan lungthin dihlak in tuan u." Kolose 3:23
Tom Felten nih Zeidah ka tuah lai, timi capar tawite a tial I pumpak in ka duh ngaingai. Nunnak ah zeidah ka tuah lai ti awk hngal lo in khuaruah har in a ummi hna lakah nangzong pakhat na si men lai. Sianginn maw ka peh lai, Rian ka ngah lai maw, a dang rian dah kaa thial hnga tbk… Silole Nunnak ah duh tlin lo nak ruangah zeidah ka tuah lai, zeidah kaa thim lai ti awk hngal lo in nun a hmangmi zong na si kho men. Chris Tomlin nih, “The Way I Was Made” timi cauk chungah, “Atu lio te ahhin, an ser tu Pathian nih na Thinlung, Naa tinhmi le na duhmi, na thazaang le na thawnnak hna le santlai lo na sinak vialte a hngalh dih. Cun, hi an hngal dihtu Pathian nihhin a thin lung chungah na hmailei ca I a tha ding mi lawnglawng a ngeih,” tiah a tial. Christ nihhin Jeremiah 29:11, Pathian nih kan caah thiltha a chiah timi kha a langhter than mi asi.
Atu na dirhmun in na hmailei karkhat (Next Step) hi zeidah a si lai ti awk thei lo le ruahchung awk hngal lo in na um kho men ko. Sihmanhseh Jerusalem a sa than mi, Nehemiah sining in nunnak thazaang lak than I zuam ve. Nehemiah cu Persia siangpahrang, Artaxerxes sin in Jerusalem ah kir in Ezra nih kum tampi chung a rak thok cangmi Vanpang lungrual va zoh ding ah nawl a hmu. (Ezra 1:2-4; Nehemiah 2:1-6) Cun amah hlan ah sal taannak in a rak kir mi Pathian minung tampi, khua vanpang remh tuding tampi an rak um ve. ( Vv. 17-19)
Hmuh khawh asi ngaimi cu, caan saupi chung ral nih an rak hrawh I a rawk cangmi khua pi ser le remh hram thok than lai ding cu, an khuaruah a mui lai I zeiindah kan thok lai ti kha an caah a har ngaingai lai. Zeidah kan tuah ah a that lai ti ruat kho lo in an lu khun in khua an ruah caan a tam ko lai. Sihmanhseh zeidah a cang: mizei-mizei ti um loin, hmun khat teah an dir I an tuan. Upatmi, Tlangbawi ngan zong an um I a dang tlangbawi zong an um ( Neh.3:1,22,28), Khuapi hruaitu le an fanu le zong an I tel (V.12), Sui ser thiammi (Vv.8, 31-32), Chawleh thiam pawl (v.32), le So ser tu tiang in an chuak dih (V.8); lung vialte an phawh, an khoih dih I Jerusalem khua cu an remh than. An thinlung dihlak in an tuan bantukin, thil khuaruahhar a cang: Faak tuk in a rawk cangmi Jerusalem vanpang pi cu Ni (52) chung ah an liim. (Neh.6:15)
Na nunnak zeihmun hmanh ah va um ai kun, Pathian pennak Ruun-inn saknak rianah Jesuh tuanhawi na si. Na caah rian tuannak caantha (Opportunity) nih na inn chung ah siseh, na inn pawng teah, na chungkhar ah an chuahhnawh ko. Silole Khrihfabu ah rian ttuan ding tampi a um ko lai. Na nunnak ah khuaruahhar vansang in a ummi na si ah, lawmhnak in a khatmi na si ah: zeihmun hmanah va um ai kun, na umnak hmun, na dirhmun in na sining tein Pathian pennak rian tuan hram thok I zuam ve. (Kolose 3:32)
Relding Bible: Nehemiah 3:1-31
- Vanpang an remh lio ah anmah le an inn zawn cio an rak remh.
- Thleidannak umlo in hmunkhat ah zumtu hna cu rian tuan ti in khua an sa ti tawn. (Kolose 3:11)
- Na nunnak ah ton awkah a har taktak mi thil tlung in um ko hmanhseh, cu na dir hmun chung cun Jesuh caah tuni zeidah na tuah khawh lai?
- Kan thinlung dihlak in Jesuh rian kan tuan khawhnak ding caah kan nunnak ah a tlungmi harnak; zeidah ka tuah lai ti hngal lo in a kan um tertu thil nih hin zeitindah a kan donh?
Zathawngcin
Dec.19, 2013
Tom Felten nih Zeidah ka tuah lai, timi capar tawite a tial I pumpak in ka duh ngaingai. Nunnak ah zeidah ka tuah lai ti awk hngal lo in khuaruah har in a ummi hna lakah nangzong pakhat na si men lai. Sianginn maw ka peh lai, Rian ka ngah lai maw, a dang rian dah kaa thial hnga tbk… Silole Nunnak ah duh tlin lo nak ruangah zeidah ka tuah lai, zeidah kaa thim lai ti awk hngal lo in nun a hmangmi zong na si kho men. Chris Tomlin nih, “The Way I Was Made” timi cauk chungah, “Atu lio te ahhin, an ser tu Pathian nih na Thinlung, Naa tinhmi le na duhmi, na thazaang le na thawnnak hna le santlai lo na sinak vialte a hngalh dih. Cun, hi an hngal dihtu Pathian nihhin a thin lung chungah na hmailei ca I a tha ding mi lawnglawng a ngeih,” tiah a tial. Christ nihhin Jeremiah 29:11, Pathian nih kan caah thiltha a chiah timi kha a langhter than mi asi.
Atu na dirhmun in na hmailei karkhat (Next Step) hi zeidah a si lai ti awk thei lo le ruahchung awk hngal lo in na um kho men ko. Sihmanhseh Jerusalem a sa than mi, Nehemiah sining in nunnak thazaang lak than I zuam ve. Nehemiah cu Persia siangpahrang, Artaxerxes sin in Jerusalem ah kir in Ezra nih kum tampi chung a rak thok cangmi Vanpang lungrual va zoh ding ah nawl a hmu. (Ezra 1:2-4; Nehemiah 2:1-6) Cun amah hlan ah sal taannak in a rak kir mi Pathian minung tampi, khua vanpang remh tuding tampi an rak um ve. ( Vv. 17-19)
Hmuh khawh asi ngaimi cu, caan saupi chung ral nih an rak hrawh I a rawk cangmi khua pi ser le remh hram thok than lai ding cu, an khuaruah a mui lai I zeiindah kan thok lai ti kha an caah a har ngaingai lai. Zeidah kan tuah ah a that lai ti ruat kho lo in an lu khun in khua an ruah caan a tam ko lai. Sihmanhseh zeidah a cang: mizei-mizei ti um loin, hmun khat teah an dir I an tuan. Upatmi, Tlangbawi ngan zong an um I a dang tlangbawi zong an um ( Neh.3:1,22,28), Khuapi hruaitu le an fanu le zong an I tel (V.12), Sui ser thiammi (Vv.8, 31-32), Chawleh thiam pawl (v.32), le So ser tu tiang in an chuak dih (V.8); lung vialte an phawh, an khoih dih I Jerusalem khua cu an remh than. An thinlung dihlak in an tuan bantukin, thil khuaruahhar a cang: Faak tuk in a rawk cangmi Jerusalem vanpang pi cu Ni (52) chung ah an liim. (Neh.6:15)
Na nunnak zeihmun hmanh ah va um ai kun, Pathian pennak Ruun-inn saknak rianah Jesuh tuanhawi na si. Na caah rian tuannak caantha (Opportunity) nih na inn chung ah siseh, na inn pawng teah, na chungkhar ah an chuahhnawh ko. Silole Khrihfabu ah rian ttuan ding tampi a um ko lai. Na nunnak ah khuaruahhar vansang in a ummi na si ah, lawmhnak in a khatmi na si ah: zeihmun hmanah va um ai kun, na umnak hmun, na dirhmun in na sining tein Pathian pennak rian tuan hram thok I zuam ve. (Kolose 3:32)
Relding Bible: Nehemiah 3:1-31
- Vanpang an remh lio ah anmah le an inn zawn cio an rak remh.
- Thleidannak umlo in hmunkhat ah zumtu hna cu rian tuan ti in khua an sa ti tawn. (Kolose 3:11)
- Na nunnak ah ton awkah a har taktak mi thil tlung in um ko hmanhseh, cu na dir hmun chung cun Jesuh caah tuni zeidah na tuah khawh lai?
- Kan thinlung dihlak in Jesuh rian kan tuan khawhnak ding caah kan nunnak ah a tlungmi harnak; zeidah ka tuah lai ti hngal lo in a kan um tertu thil nih hin zeitindah a kan donh?
Zathawngcin
Dec.19, 2013
Comment Form is loading comments...
