AA THLENG BALLO MI PATHIAN DAWTNAK
“A fekmi Pathian dawtnak cu zungzal in kaa bochan zungzal” Salm 52:8
Kan khamhnak ca I Pathian nun raithawinak hi a luancia caan saupi ahkhan thok a rak si cang. Pathian nih hin a dawtnak thawngin kan ca I nunnak pek in raithawinak sa ah I ser ding hi a timh lo caan le a ruah lo caan a um bal lo. Daihnak, dawhnak le sunparnak in a khatmi van kal tak in minung pum ah hung I can ding hi a rak timh cia mi asi. A min in va auh ding hmanh ah aa tlak lo mi nang le kei a kan dawttuk caah, kan nih cu a zungzal in a thinlung chungah a kan chiah.
Hlen a si lai te tiang, Jesuh cu zultu hna he lanhtak puai rawl lawm tein aa hrawm ve rih. Hmanungbik zaanriah zultu hna sin i aa hrawm channak a ruang cu, “A liannganmi a dawtnak,” kha zultu hna theihter a duh hna caah asi. (Johan 13:1, “Atu cu lanhtak puai lai ni kha a si cang. jesuh nih hi vawlei hi kaltak I a Pa sin kal caan kha a phan cang tiah a hngalh. Hi vawlei cung ia ummi a mi kha a dawt zungzal hna i annih cu a dongh tiang hrimhrim in a dawt hna.”) Ahmasabik ah Jesuh cu zultu hna he hawikomhnak rawl a dum hnu ah, zultu pawl an ke kha a tawlpiak hna.
Jesuh nih Peter ke kha a tawl tikah, Peter nih, “Bawipa na ca I thih ding ah timhcia ka si,” tiah ati. Jesuh nih, “Biatak kan chimh, zing ar a khuan hlan ah, ka hngal bal lo tiah voithum tiang na ka hlawt lai,” tiah a leh.
(Johan 13:38)
Jesuh nih a chim ning bantuk tein, Jesuh a thuk bik mi muihnak chung a phak lio caan ah Peter nih Bawipa cu a hnulei a chit I a hlawt taktak. Ralkap pawl nih Jesuh cu an tlaih I mipi lak I an dawh/hruai lio ah Jesuh nih Peter mitau kha a hmuh. Jesuh mitau nih a chimmi cu, “Peter, na tuahmi thil ruang ah na lung a tha lo tuk hringhran ka theih. Na ka kaltak tiang zongah kan dawt zungzal kha, zangfah tein, philh hlah,” tiah a chimmi mitau in Jesuh nih a zoh tiah, CRU nih cu a ti.
Jesuh hi pumpak khamhtu le kan Bawi I kan co tikah, Pathian nih a hmun zungzal mi a dawtnak in a kan thuam ti kha Johan nih fiang tein a kan chimh. I Johan 3:1, “Pathian nih zeitluk indah a kan dawt ti hi ruat hmanh u! A kan dawtnak a ngan tuk caah Pathian fa tiah ti kan si- Pathian fa ti lawng hman siloin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.”
Ka cungah a ngeihmi Pathian dawtnak, vawlei nih a hngalh hmanh a hngalh khawh lo mi a dawtnak hi AA THLENG BAL LO MI LE AA THLENG TI LAI LO MI DAWTNAK asi.
Zathawngcin
Chicago Chin Baptist church
June 9, 2014
“A fekmi Pathian dawtnak cu zungzal in kaa bochan zungzal” Salm 52:8
Kan khamhnak ca I Pathian nun raithawinak hi a luancia caan saupi ahkhan thok a rak si cang. Pathian nih hin a dawtnak thawngin kan ca I nunnak pek in raithawinak sa ah I ser ding hi a timh lo caan le a ruah lo caan a um bal lo. Daihnak, dawhnak le sunparnak in a khatmi van kal tak in minung pum ah hung I can ding hi a rak timh cia mi asi. A min in va auh ding hmanh ah aa tlak lo mi nang le kei a kan dawttuk caah, kan nih cu a zungzal in a thinlung chungah a kan chiah.
Hlen a si lai te tiang, Jesuh cu zultu hna he lanhtak puai rawl lawm tein aa hrawm ve rih. Hmanungbik zaanriah zultu hna sin i aa hrawm channak a ruang cu, “A liannganmi a dawtnak,” kha zultu hna theihter a duh hna caah asi. (Johan 13:1, “Atu cu lanhtak puai lai ni kha a si cang. jesuh nih hi vawlei hi kaltak I a Pa sin kal caan kha a phan cang tiah a hngalh. Hi vawlei cung ia ummi a mi kha a dawt zungzal hna i annih cu a dongh tiang hrimhrim in a dawt hna.”) Ahmasabik ah Jesuh cu zultu hna he hawikomhnak rawl a dum hnu ah, zultu pawl an ke kha a tawlpiak hna.
Jesuh nih Peter ke kha a tawl tikah, Peter nih, “Bawipa na ca I thih ding ah timhcia ka si,” tiah ati. Jesuh nih, “Biatak kan chimh, zing ar a khuan hlan ah, ka hngal bal lo tiah voithum tiang na ka hlawt lai,” tiah a leh.
(Johan 13:38)
Jesuh nih a chim ning bantuk tein, Jesuh a thuk bik mi muihnak chung a phak lio caan ah Peter nih Bawipa cu a hnulei a chit I a hlawt taktak. Ralkap pawl nih Jesuh cu an tlaih I mipi lak I an dawh/hruai lio ah Jesuh nih Peter mitau kha a hmuh. Jesuh mitau nih a chimmi cu, “Peter, na tuahmi thil ruang ah na lung a tha lo tuk hringhran ka theih. Na ka kaltak tiang zongah kan dawt zungzal kha, zangfah tein, philh hlah,” tiah a chimmi mitau in Jesuh nih a zoh tiah, CRU nih cu a ti.
Jesuh hi pumpak khamhtu le kan Bawi I kan co tikah, Pathian nih a hmun zungzal mi a dawtnak in a kan thuam ti kha Johan nih fiang tein a kan chimh. I Johan 3:1, “Pathian nih zeitluk indah a kan dawt ti hi ruat hmanh u! A kan dawtnak a ngan tuk caah Pathian fa tiah ti kan si- Pathian fa ti lawng hman siloin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.”
Ka cungah a ngeihmi Pathian dawtnak, vawlei nih a hngalh hmanh a hngalh khawh lo mi a dawtnak hi AA THLENG BAL LO MI LE AA THLENG TI LAI LO MI DAWTNAK asi.
Zathawngcin
Chicago Chin Baptist church
June 9, 2014