KA PHAN BIKMI THIL AN CANG TAKTAK BAL LO!
“Nan lungre a theih le nan awlok a chon thawngin nan nunnak thlawmte tal a sauter kho deuh mi a ho tal nan um maw?” Mathai 6:27
Adrian Rogers nih tihphannak kongah Pathian bia in thapeknak tawite a tial. Achimmi lakah thazaang la in nun sersiam khotu ding bia an um I kan nunnak ah lungretheih a herh lo zia le sullam a ngeih lo zia kha fiang tein a chim.
Achimmi cu, ‘Thinphannak kong chimhnak ah na hman khawh dingmi biatlang tha bik cu, ‘Thinphannak nih zei thiltha hmanh a chuahpi lo,’ tihi asi,” tiah ati. Thinphan a that lo tuk nak cu, kan nunnak ah thil tha nakin ralchiatnak a chuahpi deuh. Thinphannak kongah pakhat nu nih, ‘Thinphannak nih zei thil ttha hmanh a chuah pi lo tiah ka chim ti hlah u! Ka phan bikmi thil hna hi pakhat hmanh an cang taktak bal lo,’ a ti, tiah ati.
Cucaah nunnak lamtluan ah Thinphannak ngeih hi hman santllai lo; zei buainak hmanh a remh kho lo mi, kan thilrit zong a kan chaang lo tu, kan mitthli zong a rak hnawt bal lo mi le a tu zongah a hnawt lo I, hmailei zongah a hnawt ti lai lo tu asi. Thinphannak nih, a kan santer in a kan niamter kho lo pinah a kan thauter in a kan der ter kho fawn lo. Cucaah Thinphanak ngeih hi sullam a ngeilo taktak mi thil a si caah thinphan cu hman santlai lo asi tiah kan tinak a si. Hinak hmanh in a va zual deuh nak cu, zumhnak a ngei lo mi asi. Thinphannak cu zumhnak he aa ralchanh zungzal. Kan nunnak ah ka thin a phan tikah, Bawipa nih kan umpi hna lai I kan zohkhenh zungzal hna lai a kan timi a biakam kha kan zumh lo a si caah, Thinphannak nun in Pathian kha MI LIH ah kan ser.
Kan nunnak caah tihnung ral tampi um ko hmanhseh, phan ding mi thil an si lo. Thinphannak nih kan nunnak kan thlarau caah thathnemnak a pek khawh mi a um lo piinah thilrit I khinh sawhmen asi caah, na nunnak ah na tonmi le na ngeihmi tihphannak chung in na luat khawh nakhnga, Kan zohkhenh zungzal hna lai tiah bia a kan kamh tu Bawipa tu hi thlacamnak he fuh chin I zuam kha nunnak sunglawi tein hman asi. Kan tihphan mi thil hi kan nunnak ah an cang taktak bal lo!
Zathawngcin
Lewisville
March 31, 2014
Adrian Rogers nih tihphannak kongah Pathian bia in thapeknak tawite a tial. Achimmi lakah thazaang la in nun sersiam khotu ding bia an um I kan nunnak ah lungretheih a herh lo zia le sullam a ngeih lo zia kha fiang tein a chim.
Achimmi cu, ‘Thinphannak kong chimhnak ah na hman khawh dingmi biatlang tha bik cu, ‘Thinphannak nih zei thiltha hmanh a chuahpi lo,’ tihi asi,” tiah ati. Thinphan a that lo tuk nak cu, kan nunnak ah thil tha nakin ralchiatnak a chuahpi deuh. Thinphannak kongah pakhat nu nih, ‘Thinphannak nih zei thil ttha hmanh a chuah pi lo tiah ka chim ti hlah u! Ka phan bikmi thil hna hi pakhat hmanh an cang taktak bal lo,’ a ti, tiah ati.
Cucaah nunnak lamtluan ah Thinphannak ngeih hi hman santllai lo; zei buainak hmanh a remh kho lo mi, kan thilrit zong a kan chaang lo tu, kan mitthli zong a rak hnawt bal lo mi le a tu zongah a hnawt lo I, hmailei zongah a hnawt ti lai lo tu asi. Thinphannak nih, a kan santer in a kan niamter kho lo pinah a kan thauter in a kan der ter kho fawn lo. Cucaah Thinphanak ngeih hi sullam a ngeilo taktak mi thil a si caah thinphan cu hman santlai lo asi tiah kan tinak a si. Hinak hmanh in a va zual deuh nak cu, zumhnak a ngei lo mi asi. Thinphannak cu zumhnak he aa ralchanh zungzal. Kan nunnak ah ka thin a phan tikah, Bawipa nih kan umpi hna lai I kan zohkhenh zungzal hna lai a kan timi a biakam kha kan zumh lo a si caah, Thinphannak nun in Pathian kha MI LIH ah kan ser.
Kan nunnak caah tihnung ral tampi um ko hmanhseh, phan ding mi thil an si lo. Thinphannak nih kan nunnak kan thlarau caah thathnemnak a pek khawh mi a um lo piinah thilrit I khinh sawhmen asi caah, na nunnak ah na tonmi le na ngeihmi tihphannak chung in na luat khawh nakhnga, Kan zohkhenh zungzal hna lai tiah bia a kan kamh tu Bawipa tu hi thlacamnak he fuh chin I zuam kha nunnak sunglawi tein hman asi. Kan tihphan mi thil hi kan nunnak ah an cang taktak bal lo!
Zathawngcin
Lewisville
March 31, 2014
Comment Form is loading comments...
