TUKFORHNAK TON NING
“Lung lakah a tlami thlaici cu bia kha a thei I lunglawm ngaiin a cohlang I sihmanhsehlaw an chung I thuk a pil lomi kha an si. Caan tlawmte chung lawng kha an zumh I tukforhnak a rat tikah an tlu than.” Luke 8:13
Luke 8 chungah Jesuh nih thlaici vorhnak tahchunnak in a kan cawnpiak. Mipa cu a dum ah thlaici vorh ah a kal. A thlaici cu Hmun dagndang ah an tlak caah an hlawhtlin ning aa dang cio.
Hilak ah khuaruahhar ngai asi mi cu, lung cungah a tla mi thlaici cu kha keuh hmasabik I thei tlai dawh ngai a hung lo mi asi. Sinain a fek mi hram tha a ngeih lo caah chun ni lin a ing kho lo I a thi tthan cawlh.
Jesuh nih a zultu pawl sinah fianhnak a tuah tikah, Thlaici cu Pathian bia a si I a tlaknak hmunhma cu Pathian bia a theimi minung kan si tiah ati. Ahakmi Vawlei asimi zumtu hna cu, Pathian bia kha caan tawite chung cu lawm taktak in an cohlan nain tukforhnak le harnak an ton tikah a ziam than cawlh tawn. Phundang in chim ahcun, Nunnak taktak nih a den hna tikah, an tlu than tawn.
Akan cawnpiak duhmi zeidah a si hnga? Jesuh nih ralrinnak a kan pek mi cu, “Zeitindah Pathian bia nan theih kha I ralring u,” ti kha asi ko. (Vs.18, “Nan ngaihning kha I ralring u; zeicahtiah a ngeimi kha chapchin an si lai I a ngei lomi kha ka ngeih tiah an I ruahmi thil tlawmte hmanh kha lakpiak an si lai,’ tiah ati.”) Afekmi kan si khawhnak ding caah Pathian bia siloin a Tlaknak Hmun tu kha thlen a hau mi a si!
Pathian bia hi zeitindah kan cohlan? Kan caah Pathian bia hi Thapeknak tuanbia sawhsawh men le midang caah kan hei ruah men mi hna a si ve sual maw, tihi Jesuh bia nih a ka ruah ter ngaingai. Silole, Thuuk pi in dah kan cohlan, I kan Thlarau nun ah lawmhnak theitlai a liam in liamter in, Nitin kan nunnak lamhruai tu le kan nun biakhiah nak, kan thinlung le kan cawlcanghnak ah nawl ngei tu ah kan ser kho maw tihi ruah lo awk tha lo in a kan cawnpiak.
Jesuh nih a chimmi cu, Pathian bia ah I lawmh hi, Pathian bia chung ah va nun he aa dang. Thawngttha bia aa nunpi mi le, an nunnak ah caansau pi biatak aa tlaih I, thawngtha bia cungah an chanchung zumhtlak a simi hna kha, Pathian bia thukpi in a thei I, lungsau tein aa nunpi mi an si. (Vs.15, “Vawlei tha ah a tlami thlaici cu bia kha lungtho tein a thei I an lung chungah tha tein aa cinken I a thei a tlai tiangin aa zuammi cu an si,’ tiah ati.”)
Tuni ah Pathian biatak chungah thukpi in hram a bunh mi zumhnak he Tukforhnak a tong mi zumtu nunah Bawipa nih lam kan hruai cio hram seh.
Zathawngcin
SMU
November 22, 2013
Luke 8 chungah Jesuh nih thlaici vorhnak tahchunnak in a kan cawnpiak. Mipa cu a dum ah thlaici vorh ah a kal. A thlaici cu Hmun dagndang ah an tlak caah an hlawhtlin ning aa dang cio.
Hilak ah khuaruahhar ngai asi mi cu, lung cungah a tla mi thlaici cu kha keuh hmasabik I thei tlai dawh ngai a hung lo mi asi. Sinain a fek mi hram tha a ngeih lo caah chun ni lin a ing kho lo I a thi tthan cawlh.
Jesuh nih a zultu pawl sinah fianhnak a tuah tikah, Thlaici cu Pathian bia a si I a tlaknak hmunhma cu Pathian bia a theimi minung kan si tiah ati. Ahakmi Vawlei asimi zumtu hna cu, Pathian bia kha caan tawite chung cu lawm taktak in an cohlan nain tukforhnak le harnak an ton tikah a ziam than cawlh tawn. Phundang in chim ahcun, Nunnak taktak nih a den hna tikah, an tlu than tawn.
Akan cawnpiak duhmi zeidah a si hnga? Jesuh nih ralrinnak a kan pek mi cu, “Zeitindah Pathian bia nan theih kha I ralring u,” ti kha asi ko. (Vs.18, “Nan ngaihning kha I ralring u; zeicahtiah a ngeimi kha chapchin an si lai I a ngei lomi kha ka ngeih tiah an I ruahmi thil tlawmte hmanh kha lakpiak an si lai,’ tiah ati.”) Afekmi kan si khawhnak ding caah Pathian bia siloin a Tlaknak Hmun tu kha thlen a hau mi a si!
Pathian bia hi zeitindah kan cohlan? Kan caah Pathian bia hi Thapeknak tuanbia sawhsawh men le midang caah kan hei ruah men mi hna a si ve sual maw, tihi Jesuh bia nih a ka ruah ter ngaingai. Silole, Thuuk pi in dah kan cohlan, I kan Thlarau nun ah lawmhnak theitlai a liam in liamter in, Nitin kan nunnak lamhruai tu le kan nun biakhiah nak, kan thinlung le kan cawlcanghnak ah nawl ngei tu ah kan ser kho maw tihi ruah lo awk tha lo in a kan cawnpiak.
Jesuh nih a chimmi cu, Pathian bia ah I lawmh hi, Pathian bia chung ah va nun he aa dang. Thawngttha bia aa nunpi mi le, an nunnak ah caansau pi biatak aa tlaih I, thawngtha bia cungah an chanchung zumhtlak a simi hna kha, Pathian bia thukpi in a thei I, lungsau tein aa nunpi mi an si. (Vs.15, “Vawlei tha ah a tlami thlaici cu bia kha lungtho tein a thei I an lung chungah tha tein aa cinken I a thei a tlai tiangin aa zuammi cu an si,’ tiah ati.”)
Tuni ah Pathian biatak chungah thukpi in hram a bunh mi zumhnak he Tukforhnak a tong mi zumtu nunah Bawipa nih lam kan hruai cio hram seh.
Zathawngcin
SMU
November 22, 2013
Comment Box is loading comments...
