KALVARY HMUN
“Cun luruh an timi hmun kha an phak tikah Jesuh cu Vailam ah an khenh chih I misual pahnih hna zong kha a orhlei ah pakhat a kehlei ah pakhat an khenh chih ve hna.” Luke 23:33
Jesuh nih kan sualnak cu Vailam ah a kalpi. Cu hmun cu a min ah Kalvary tiah zong auh a si bantuk in Luruh tlang tiah zong auh asi. Hi hmun hi Genesis chung I Abranham nih a fapa, Isaac Pathian sin I raithawi awk ah a rak peknak tlang kha asi. Phundang in kan chim ah cun Moriah tlang le Kalvary tlang cu aa khatmi asi tiah ti khawh asi. Abraham nih a fapa raithawinak caah a peknak hmun cu Jesuh nih kan sualnak ca I Vailam cung I a nunnak rai a thawinak tlang kha a rak si.
Jesuh hrin a si hlan, kum zabu tampi ah, Hebru miphun caah Arfi ceu bantuk asimi Abraham sin ah, Pathian nih bia a chim. “Abraham, na dawt bikmi na fapa ngeihchun te kha kan hmuhsak lai mi hmun ah kal pi, Cu hmun ahcun na fapa cu Riathawinak caah na pek lai” tiah a ti. Hmunhma tampi ah a si lo I na duhnak hmun poah ah tiah a ti fawn lo: Amah Pathian nih a thimmi hmun bak ah khan asi. Zeicahtiah hi hmun hi kum zabu tampi a hung rauh hnu, ni khatkhat ah, kan sualnak kalpi awk ah Jesuh raithawi a si te lainak hmun asi caah asi.
Abraham le Isaac caah cun airawl tu ah Tuu a um. Jesuh caah cun Airawl kho tu an um ti lo. Zeicahtiah amah, Jesuh cu kanmah Airawl tu Tuu a si cang caah asi. Zeinih dah Pathian hi a sian lo bikmi a fapa, Jesuh kha thihfak bik tuar awk in, Kalvary tlangah raithawi nak caah a pek ter ti le Zeinihdah Bawi Jesuh hi kan caah thisen thle tu Tuu fa ah a canter kha ruat tthan in thlacam: Pathian nih kan sual luatnak caah a tuahmi le, Jesuh nih kan caah a tuar mi thihfahnak hna hi na thinlung a thuh biknak hmun ah pil ter law zeitluk misual, aa khamh kho lo mi na si kha naa hmu lai I, na nunnak ah Pathian dawtnak zeitluk in a ngan zia kha thlarau nih an chimh lai. Cu tikah vawlei ah aa lawm bikmi nunah Pathian khamhnak biatak nih lam an hruai lai.
"Misual caah thah asimi, meiceu cu ka thangtthat lai. Maw minung hna, cu Tuufa cu sunparnak pe tuah u: Zeicahtiah a thisen nih a kan temtawn tu sualnak vialte a thianh dih cang," tiah Margaret J. Harris, 1898 nih hla a tial.
Zathawngcin
Chin Bethel Church, DC
April 18, 2014
“Cun luruh an timi hmun kha an phak tikah Jesuh cu Vailam ah an khenh chih I misual pahnih hna zong kha a orhlei ah pakhat a kehlei ah pakhat an khenh chih ve hna.” Luke 23:33
Jesuh nih kan sualnak cu Vailam ah a kalpi. Cu hmun cu a min ah Kalvary tiah zong auh a si bantuk in Luruh tlang tiah zong auh asi. Hi hmun hi Genesis chung I Abranham nih a fapa, Isaac Pathian sin I raithawi awk ah a rak peknak tlang kha asi. Phundang in kan chim ah cun Moriah tlang le Kalvary tlang cu aa khatmi asi tiah ti khawh asi. Abraham nih a fapa raithawinak caah a peknak hmun cu Jesuh nih kan sualnak ca I Vailam cung I a nunnak rai a thawinak tlang kha a rak si.
Jesuh hrin a si hlan, kum zabu tampi ah, Hebru miphun caah Arfi ceu bantuk asimi Abraham sin ah, Pathian nih bia a chim. “Abraham, na dawt bikmi na fapa ngeihchun te kha kan hmuhsak lai mi hmun ah kal pi, Cu hmun ahcun na fapa cu Riathawinak caah na pek lai” tiah a ti. Hmunhma tampi ah a si lo I na duhnak hmun poah ah tiah a ti fawn lo: Amah Pathian nih a thimmi hmun bak ah khan asi. Zeicahtiah hi hmun hi kum zabu tampi a hung rauh hnu, ni khatkhat ah, kan sualnak kalpi awk ah Jesuh raithawi a si te lainak hmun asi caah asi.
Abraham le Isaac caah cun airawl tu ah Tuu a um. Jesuh caah cun Airawl kho tu an um ti lo. Zeicahtiah amah, Jesuh cu kanmah Airawl tu Tuu a si cang caah asi. Zeinih dah Pathian hi a sian lo bikmi a fapa, Jesuh kha thihfak bik tuar awk in, Kalvary tlangah raithawi nak caah a pek ter ti le Zeinihdah Bawi Jesuh hi kan caah thisen thle tu Tuu fa ah a canter kha ruat tthan in thlacam: Pathian nih kan sual luatnak caah a tuahmi le, Jesuh nih kan caah a tuar mi thihfahnak hna hi na thinlung a thuh biknak hmun ah pil ter law zeitluk misual, aa khamh kho lo mi na si kha naa hmu lai I, na nunnak ah Pathian dawtnak zeitluk in a ngan zia kha thlarau nih an chimh lai. Cu tikah vawlei ah aa lawm bikmi nunah Pathian khamhnak biatak nih lam an hruai lai.
"Misual caah thah asimi, meiceu cu ka thangtthat lai. Maw minung hna, cu Tuufa cu sunparnak pe tuah u: Zeicahtiah a thisen nih a kan temtawn tu sualnak vialte a thianh dih cang," tiah Margaret J. Harris, 1898 nih hla a tial.
Zathawngcin
Chin Bethel Church, DC
April 18, 2014
Widget is loading comments...
