JESUH RIANTUANNAK KHAM AA TIM NAIN A SUNGMI PANGA
March 26, 2016
Jesuh Khrih vawlei misual khamhnak rian a tuannak ahhin donkhantu thil tampi a um. Jesuh Nunnak, Thihnak le Thawhthannak lamthluan ahhin a hmuitinh tlin ter lo dingin donkhantu thil an um. A cheu nih Jesuh thi seh ti an duh. Mi cheu nih anmah thatnak caah uktu siseh ti an duh, sinain mi cheu cu Jesuh a dirkamh tu le a zohkhenhtu an si ve caah Jesuh a thihnak ah an ngaih a chia. Sihmanhsehlaw Jesuh kong a cangmi vialte cung i Nawlngeitu cu Pathian asi. Amen! Mi sual vialte khamh awk caah A Fapa Jesuh nih a zulh dingmi lam hi zeidah a si ti kha Pathian nih a hngalh. Hi khamhnak lamtluan ah dontu panga Jesuh nih a ngeih tiah Liz Kanoy nih capar a tial. Cucu ka hun thar chuah lai.
1. Siangpahrang Herod: Titer Thiampa
Siangpahrang pa Herod le a ukmi minung tampi nih cun Siangpahrang thar don kha an duh lo. Herod nih a siangpahrang thutdan kongah a thin a phang I a mipi nih, teirul cham lai kha an tih. Arfi zohthiam hna sinin Messiah konglam a theih tikah, Messiah nan hmuh tikah hi lam hin kir than te u, kei zong ka biak ve lai tiah a nawl hna. Sinain an mangah ralrinnak pek an si caah lam dangin inn lei ah an kir.
Matthai 2:16, “Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.”
Herod cu a thin a hun tuk I Jesuh cu amah kut hrimhrim in thah duh caah, Hebru ngakchia, Messiah thi a si mi pohpoh cu a thah dih hna. Sinain Vanmi hmang in Pathian nih Joseph amang ah ralrinnak a pek I Mary cu a himnak Egypt ram ah a zam pi. Herod nih Jesuh cu a kham khawh lo caah, Pathian nih Jesuh hmang in Misual khamhnak, rian tuan aa timhnak cu aa peh.
2.Satan: Khuachia Hlenhmang
Satan nih Jesuh hmang in Pathian nih tuah a timhmi Khamhnak lam cu hrawh awk ah Jesuh cu Tukforhnak in a lem I a tlinh khawh lo dingmi biakamnak in hlen a timh. Jesuh cu Pathian sinak le Minung sinak tling tein angei mi asi caah, kanmah minung bantuk tein tukforhnak hi a ing ve nain, sualnak a tuah bal lo.
Matthai 4:8-11, “Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i, 9“Na khuk naa bil i na ka biak ahcun hi vialte hi kan pek dih lai,” tiah a ti. 10Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti. * 11Cun Khuachia nih cun a kaltak I vancungmi kha an ra i an rung hramh.
Jesuh nih kan caah thihnak tuar ding kha fek tein aa thim nak a hmuh tikah, Setan hi zeitluk in dah a thin a hun lai hi na ruat bal maw? Bible nih cun a kan chim naloin, Jesuh vailam an tah lio ahhin Satan zong a um ve lai tihi ruah khawh asi. Judas Iscariot chung ah a lut ti kan hngalh.
Luke 22:3, “Khi tikah zultu pahleihnih hna lak i aa tel vemi Judas Iskariot an timi chungah khan Satan cu a lut.”
A lianngan mi Pathian khamnak lam pi cu a hrawh khawh lo tikah, Khamhtu Jesuh nih vawlei ahhin a fah khawh chung fahnak tuar seh ticu Satan nih a duh ngaingai lai! Sinain, Satan cu a sung, dohnak a sung lawng hmanh si lo in RAl a sung. Chimchungbia bantuk tein, Pathian khamhnak hmuitinh cu hrawh khawh asi lo.
3.Tlangbawi Ngan/ Sandhedrin: Mi Depde Pawl
Jesuh chan lio le amah hlan chan ahcun, Tlangbawi ngan pawl hi, Jew minung lakah a sangbikmi bu (Supreme Council) an si.
Matthai 26:59, “Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl, sihmanhsehlaw an hmu kho lo.”
Jesuh Khrih hi an duh hrimhrim lo caah Pathian bia lila in rap chiah in foih an duh. An thinlung chung ah cucu aum cang caah a mah thahnak lam cu an kawl.
Matthai 27:1, “Zingkate ah tlangbawi upa pawl vialte hna le Judah upa hna cu an i pum i Jesuh thahnak ding khua kha an khang”
Culawng hmanh cun an ngol rih lo mipi zong kha an sawm chih hna.
Matthai 27:20, “Tlangbawi upa pawl le upa hna nih khan mizapi cu Pilat kha, Bar-Abbas kan thlahpiak, tiah nan hal lai i Jesuh kha that, tiah nan ti lai, tiah an lem khawh hna.”
Pathian lam hruainak tiah an ruahmi ning in Jesuh hi thi seh ti an duh. Sinain, Jesuh chuahnak le thihnak kong hi an mah kut ah a ummi ah an I ruah sual caah an sung. Jesuh ratnak, thihnak le thawhthannak cung ah thil tuah khawhnak thawnnak an ngei lo. Thawnnak ngeitu le timlamtu cu Pathian lawnglawng asi. Thawhthannak kha an kham kho lo, thawhthannak thawngpang zong kha an kham kho fawn lo. Lung in kharmi thlan a lawng in an hmuh; thihnak nih Jesuh a tlaih khawh lo kha an hmuh. Jesuh cu a tho than hrimhrim.
4.Simon Peter: Dirkamhtu Pa Raltha
Rome ralkap pawl nih Jesuh an lak khawh nakhnga lo Peter cu a cawl len. Jesuh nih a thloh manh hlan ah Tlangbawi hna salpa hnakhaw cu cat ko in a tuk manh sawk.
Johan 18:10-11, “Simon Peter nih khan vainam pakhat aa ken i aa zuh i Tlangbawi Ngan salpa kha a orhlei hnakhaw pet lakin a tuk. Cu sal a min cu Malkhas a si. 11Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.”
Matthai 26:53-54, “Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw? 54Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.”
Khamhtu, Messiah a si bantuk in Jesuh cu a rat hnawhchan, hmuitinh a tlin khawh nakhnga caah a Thih hrimhrim a hau ti cohlan hi zultu pawl caah zeitluk in dah a rak har lai hi na ruat kho maw, cu thihnak cu a can lo nakhnga an tuah khawh mi a um lo i a kham zong an kham kho lo, thih hrimhrim a hau fawn. Jesuh hi zeiruangah thih a herh tihi fiang tein an hngal kho rih lo, cucaah an hmuh than hlan tiang Lunghring taktak in an um. Peter nih Jesuh cu dirkamh I Vailam cung thihnak in chanh aa zuam nain, a ngah lo, a sung. Sinain tlawmpal ah, Jesuh cu Khamh a herh lo mi a si kha, fiang tein a hngalh than. Pathian nih a kan pekmi laksawng hi, zeitluk a ngan mi VEL dah asi!
5. Pilate: Athil a ritmi Biaceih Bawi
A nupi hrimhrim nih Jesuh that lo ding in a lem.
Mathai 27:19, “Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.”
Dr. Pritchard nih a tialmi cu, “Thawngtha cauk an pali, Mathai, Mark, Luke le Johan, ning tein Jesuh cu a suallo mi asi kha Pilate nih a hngalh tiah fiang tein an tial dih,” ati. Thawngtha cauk chimmi vialte hi hmunkhat te ah chiah ahcun, Pilate nih Jesuh hi biaceih lo dingin voi li tiang aa zuam kha na hmuh lai.
Vs.4, “Pilat cu a va chuak ṭhan i Judah mi hna cu, “Zohhmanh u, amah hi! Amah cu a sualnak zeihmanh ka hmu lo ti kha hngalhter kan duh hna caah ka rak chuahpi hih,” tiah a ti hna.”
Matthai 27:22-24, “Cun Pilat nih cun, “Khrih timi Jesuh cu zeitindah ka tuah kun lai?” tiah a hal hna. Annih nih, “Vailam ah khenh chih ko,” tiah an leh. 23Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti. 24Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.”
Pilate nihin Jesuh hi a ho a si kha fiang tein a hngal dih lo nain, Sualnak a ngei lo mi asi kha cu fiang tein a hngalh. Nunnak pek in Jesuh lei ah ral tha tein Dir siloin, Jews lak i dirhmun sang sinak tlaihchan nun a ngei I, mipi tu kha Jesuh luatter dingah thimnak peknak in dehdai a timh hna.
Dr. Pritchard nih, “Pilate sualnak hi, Tlangbawi pawl sualnak nakin a ngan deuh. Tlangbawi pawlnih cun Jesuh hi a sual tiah an ruah caah thi seh ti an duh. Pilate cu a sual lo ti a theih ko buin Jesuh kha a thah. Jesuh luatternak caah lung awtawm in a um I, mipi tu kha a mah ai ah bia a chah ter hna,” tiah ati.
Zumtu kan si bantuk in Pathian sin ah I lawmh tuk ding kan si. Mi sual khamh awk caah a Fapa vailam cung ah thi in, thihnak in tho than ding in a thlahmi hmuitinh cu, zeibantuk minung le thlarau hmanh nih kham khawh lo ding le hrawh khawh lo ding in a tuah caah Bawipa kan lawmh tuk ding asi. Kan khamh nak ca I Pathian Hmuitinh cu hrawh khawh le kham khawh asi lo. Zeicahtiah, sualman a cham kho ding mi nunnak pakhat, a fapa nunnak kha a pek caah asi. A zumtu vialte caah Ruahchannak a um. Kham khawh tiloin, Khamhnak lam a kan serpiak tu Bawipa cu lawm zungzal in Bia zungzal ko usih.
Theihternak: Cross Walk nih an chuahmi capar tharchuahmi asi.
Lawmhnak tampi he
Zathawngcin
Bethel Baptist Church
Lewisville, Texas
March 26, 2106
1. Siangpahrang Herod: Titer Thiampa
Siangpahrang pa Herod le a ukmi minung tampi nih cun Siangpahrang thar don kha an duh lo. Herod nih a siangpahrang thutdan kongah a thin a phang I a mipi nih, teirul cham lai kha an tih. Arfi zohthiam hna sinin Messiah konglam a theih tikah, Messiah nan hmuh tikah hi lam hin kir than te u, kei zong ka biak ve lai tiah a nawl hna. Sinain an mangah ralrinnak pek an si caah lam dangin inn lei ah an kir.
Matthai 2:16, “Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.”
Herod cu a thin a hun tuk I Jesuh cu amah kut hrimhrim in thah duh caah, Hebru ngakchia, Messiah thi a si mi pohpoh cu a thah dih hna. Sinain Vanmi hmang in Pathian nih Joseph amang ah ralrinnak a pek I Mary cu a himnak Egypt ram ah a zam pi. Herod nih Jesuh cu a kham khawh lo caah, Pathian nih Jesuh hmang in Misual khamhnak, rian tuan aa timhnak cu aa peh.
2.Satan: Khuachia Hlenhmang
Satan nih Jesuh hmang in Pathian nih tuah a timhmi Khamhnak lam cu hrawh awk ah Jesuh cu Tukforhnak in a lem I a tlinh khawh lo dingmi biakamnak in hlen a timh. Jesuh cu Pathian sinak le Minung sinak tling tein angei mi asi caah, kanmah minung bantuk tein tukforhnak hi a ing ve nain, sualnak a tuah bal lo.
Matthai 4:8-11, “Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i, 9“Na khuk naa bil i na ka biak ahcun hi vialte hi kan pek dih lai,” tiah a ti. 10Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti. * 11Cun Khuachia nih cun a kaltak I vancungmi kha an ra i an rung hramh.
Jesuh nih kan caah thihnak tuar ding kha fek tein aa thim nak a hmuh tikah, Setan hi zeitluk in dah a thin a hun lai hi na ruat bal maw? Bible nih cun a kan chim naloin, Jesuh vailam an tah lio ahhin Satan zong a um ve lai tihi ruah khawh asi. Judas Iscariot chung ah a lut ti kan hngalh.
Luke 22:3, “Khi tikah zultu pahleihnih hna lak i aa tel vemi Judas Iskariot an timi chungah khan Satan cu a lut.”
A lianngan mi Pathian khamnak lam pi cu a hrawh khawh lo tikah, Khamhtu Jesuh nih vawlei ahhin a fah khawh chung fahnak tuar seh ticu Satan nih a duh ngaingai lai! Sinain, Satan cu a sung, dohnak a sung lawng hmanh si lo in RAl a sung. Chimchungbia bantuk tein, Pathian khamhnak hmuitinh cu hrawh khawh asi lo.
3.Tlangbawi Ngan/ Sandhedrin: Mi Depde Pawl
Jesuh chan lio le amah hlan chan ahcun, Tlangbawi ngan pawl hi, Jew minung lakah a sangbikmi bu (Supreme Council) an si.
Matthai 26:59, “Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl, sihmanhsehlaw an hmu kho lo.”
Jesuh Khrih hi an duh hrimhrim lo caah Pathian bia lila in rap chiah in foih an duh. An thinlung chung ah cucu aum cang caah a mah thahnak lam cu an kawl.
Matthai 27:1, “Zingkate ah tlangbawi upa pawl vialte hna le Judah upa hna cu an i pum i Jesuh thahnak ding khua kha an khang”
Culawng hmanh cun an ngol rih lo mipi zong kha an sawm chih hna.
Matthai 27:20, “Tlangbawi upa pawl le upa hna nih khan mizapi cu Pilat kha, Bar-Abbas kan thlahpiak, tiah nan hal lai i Jesuh kha that, tiah nan ti lai, tiah an lem khawh hna.”
Pathian lam hruainak tiah an ruahmi ning in Jesuh hi thi seh ti an duh. Sinain, Jesuh chuahnak le thihnak kong hi an mah kut ah a ummi ah an I ruah sual caah an sung. Jesuh ratnak, thihnak le thawhthannak cung ah thil tuah khawhnak thawnnak an ngei lo. Thawnnak ngeitu le timlamtu cu Pathian lawnglawng asi. Thawhthannak kha an kham kho lo, thawhthannak thawngpang zong kha an kham kho fawn lo. Lung in kharmi thlan a lawng in an hmuh; thihnak nih Jesuh a tlaih khawh lo kha an hmuh. Jesuh cu a tho than hrimhrim.
4.Simon Peter: Dirkamhtu Pa Raltha
Rome ralkap pawl nih Jesuh an lak khawh nakhnga lo Peter cu a cawl len. Jesuh nih a thloh manh hlan ah Tlangbawi hna salpa hnakhaw cu cat ko in a tuk manh sawk.
Johan 18:10-11, “Simon Peter nih khan vainam pakhat aa ken i aa zuh i Tlangbawi Ngan salpa kha a orhlei hnakhaw pet lakin a tuk. Cu sal a min cu Malkhas a si. 11Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.”
Matthai 26:53-54, “Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw? 54Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.”
Khamhtu, Messiah a si bantuk in Jesuh cu a rat hnawhchan, hmuitinh a tlin khawh nakhnga caah a Thih hrimhrim a hau ti cohlan hi zultu pawl caah zeitluk in dah a rak har lai hi na ruat kho maw, cu thihnak cu a can lo nakhnga an tuah khawh mi a um lo i a kham zong an kham kho lo, thih hrimhrim a hau fawn. Jesuh hi zeiruangah thih a herh tihi fiang tein an hngal kho rih lo, cucaah an hmuh than hlan tiang Lunghring taktak in an um. Peter nih Jesuh cu dirkamh I Vailam cung thihnak in chanh aa zuam nain, a ngah lo, a sung. Sinain tlawmpal ah, Jesuh cu Khamh a herh lo mi a si kha, fiang tein a hngalh than. Pathian nih a kan pekmi laksawng hi, zeitluk a ngan mi VEL dah asi!
5. Pilate: Athil a ritmi Biaceih Bawi
A nupi hrimhrim nih Jesuh that lo ding in a lem.
Mathai 27:19, “Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.”
Dr. Pritchard nih a tialmi cu, “Thawngtha cauk an pali, Mathai, Mark, Luke le Johan, ning tein Jesuh cu a suallo mi asi kha Pilate nih a hngalh tiah fiang tein an tial dih,” ati. Thawngtha cauk chimmi vialte hi hmunkhat te ah chiah ahcun, Pilate nih Jesuh hi biaceih lo dingin voi li tiang aa zuam kha na hmuh lai.
- Jews pawl kha anmah tein Biaceih dingah a fial hna.
- Jesuh kong kha Herod sinah a kuat.
- Jesuh kha That lo in Dantatnak tu in Jews pawl cu a lem hna.
Vs.4, “Pilat cu a va chuak ṭhan i Judah mi hna cu, “Zohhmanh u, amah hi! Amah cu a sualnak zeihmanh ka hmu lo ti kha hngalhter kan duh hna caah ka rak chuahpi hih,” tiah a ti hna.”
- Pilate Nih Thimnak tuahnak in a lem rih hna nain, mipi nih Barabbas an I thim.
Matthai 27:22-24, “Cun Pilat nih cun, “Khrih timi Jesuh cu zeitindah ka tuah kun lai?” tiah a hal hna. Annih nih, “Vailam ah khenh chih ko,” tiah an leh. 23Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti. 24Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.”
Pilate nihin Jesuh hi a ho a si kha fiang tein a hngal dih lo nain, Sualnak a ngei lo mi asi kha cu fiang tein a hngalh. Nunnak pek in Jesuh lei ah ral tha tein Dir siloin, Jews lak i dirhmun sang sinak tlaihchan nun a ngei I, mipi tu kha Jesuh luatter dingah thimnak peknak in dehdai a timh hna.
Dr. Pritchard nih, “Pilate sualnak hi, Tlangbawi pawl sualnak nakin a ngan deuh. Tlangbawi pawlnih cun Jesuh hi a sual tiah an ruah caah thi seh ti an duh. Pilate cu a sual lo ti a theih ko buin Jesuh kha a thah. Jesuh luatternak caah lung awtawm in a um I, mipi tu kha a mah ai ah bia a chah ter hna,” tiah ati.
Zumtu kan si bantuk in Pathian sin ah I lawmh tuk ding kan si. Mi sual khamh awk caah a Fapa vailam cung ah thi in, thihnak in tho than ding in a thlahmi hmuitinh cu, zeibantuk minung le thlarau hmanh nih kham khawh lo ding le hrawh khawh lo ding in a tuah caah Bawipa kan lawmh tuk ding asi. Kan khamh nak ca I Pathian Hmuitinh cu hrawh khawh le kham khawh asi lo. Zeicahtiah, sualman a cham kho ding mi nunnak pakhat, a fapa nunnak kha a pek caah asi. A zumtu vialte caah Ruahchannak a um. Kham khawh tiloin, Khamhnak lam a kan serpiak tu Bawipa cu lawm zungzal in Bia zungzal ko usih.
Theihternak: Cross Walk nih an chuahmi capar tharchuahmi asi.
Lawmhnak tampi he
Zathawngcin
Bethel Baptist Church
Lewisville, Texas
March 26, 2106
Comment Box is loading comments...
