Allergy

Kan pum nih aa ziak lomi thil (allergens) kan pum he atongh silole kan chung ah aluh tikah antibody Immuniglobulin (IgE) nih a van doh ve i allergic reaction timi a chuak. Allergy ngeih tikah din le thuh khawhmi sii; Benedryl, zyrtex, claritin, Allegra, Flonase tibantuk tam pi an um. Cu si pawl din hnu i a dam khawh lo ahcun sibawi sinah kal i sibawi ti ningin i thlop a herh. Allergy a zual tuk i hrom a phin, thaw chuah a har ahcun emergency asi i thihnak tiang a chuah pi khawh.

Allergy Chuahter Kho tu thil (Allergens) 
  • Sii (medicine)
  • Rawl/Juice 
  • Thakza (Insects) timi khuai, Hngerhte, Fikfa, tibantuk  
  • Khahriat (rubber) aa telmi kut hruk (Latex gloves) 
  • Inn a thur ruangah a chuakmi (Mold)
  • Saram  (Pet) 
  • Thli lak i a zuangmi pangpar buang (Pollen)
Hnarchung Phin (Hay fever, Allergic Rhinitis)
  • Hathionak (Sneezing)
  • Hnar, mit , kaa cung lei thak/zat
  • Hnap tawh le hnar pih
  • Mit phin, sen, le mitthli chuah 
Rawl Allergy
  • Kaa chung zaat (Tingling in the mouth)
  • Hmur, lei, hmai le or phin 
  • Tak bo (Hives)
  • Hrom phin i thaw har (Anaphylaxis)
Thakza (Insects) allergy
  • Sehnak zawn ah sen le phin 
  • Pum dihlak in thak i bo 
  • Khuh, ttang i tet, thaw chuah hman lo, ttang rin (Wheezing) 
  • Hrom phin i thaw chuah har (Anaphylaxis)
Sii allergy 
  • Tak Bo/thak 
  • Hmai phin 
  • Ttang rin 
  • Hrom phin i thaw chuah har (Anaphylaxis)
Takvun (Atopic dermatitis such as Eczema) 
  • Tak thak 
  • Tak Sen
  • Cuar caar i kawh (Phawkphaher)
Hrom phin ruangah thaw chuah har (Anaphylaxis) 
Allergy a zual tuk i anaphylaxis asi ahcun thih khawh asi caah 911 auh i emergency ah kal a herh. 
  • Lungfim lo
  • Thi tum (A drop in blood pressure)
  • Thaw chuah i harh  
  • Thak phar le bo
  • Lungmih
  • Lungtur ran 
  • Luak chuah le luakluak
Allergy ngeih i tha tein i thlop lo tikah  a chuak khomi 
  • Hrom phin thaw chuah har (Anaphylaxis) 
  • Khuhrin (Asthma) 
  • Hnar, hnakhaw, le cuap ah rungrul (infection) ngeih khawh asi. 
Dawr ah mah tein cawk khawhmi Sii
  • Benedryl sitlang/thuhmi (Cream)
  • Claritin 
  • Allegra
  • Zyrtec
  • Fexofenadine HCl 
  • Chlorpheniramine
  • Pseudoephedrine
  • Flonase (Hnar chung kahmi) (kaa le hnar chung a tah tikah a tha bik mi asi)
  • Steroids cu allergy a zual tuk tikah Sibawi te nih pekmi asi
Allergy ngeih lo ding zeitindah kan i ralrin lai
  • Na ziak lo mi tha tein theih khawh izuam i hrial khawh izuam ding (chatpiat, ei le din, Sii, thil dangdang) 
  • Inn le umnak thiang tein chiah ding 
  • Air filter thlen caan ah hman tein thlen ding
  • Carpet le ttawng thiang tein hnawh lengmang ding
  • Kut thiang tein i tawl lengmang ding
  • Leng/ramlak chuah tikah angki le bawngbi saumi i hruk ding
  • Thakza (Fikfa, hngerhte, tibantuk) nih tihmi i thuh ding
  • Hramh, thing kung, thing hnah tha tein zoh hmasa hnu lawngah tongh ding
  • Leng in inn phak tikah tak tha tein i kholh i thil hrukmi a dang he cawh lo in suk colh ding
Zeidah kaa ziak lo timi tha tein theih khawh lo ahcun Sibawi sinah check khawh asi.