NA THINLUNG VENG!
Bible Relnak: Phungthlukbia 4:20-27
Na lung kha ṭha tein veng tuah, Zeicahtiah cuka cun nunnak cerhti kha a put. (V.23)
Khrihfa cu Thinlung ah hram aa bunhmi Biaknak asi. Pathian nih kan thinlung hi voikhat te a ngeih i a uk ahcun a tangmi kan nunnak cu a mah luan in a luang cang. Pathian caah cun kan Thinlung hi a lai muru (Center), asi i a duhbikmi a si. Pathian nihhin leng lei kan muisam le sining hi a zoh lo ( I Samuel 16:7). Kan thinlung chung taktak in kan biak dingmi tu hi a duhdeuh mi asi ( Isaiah 29:13). Pathian nih kan thinlung hi a kawl ( Salm 139:23) i ka zum hna seh ti a kan duh (Phungthlukbia 3:5). Pathian nawlbia vialte i a muru cu kan thinlung dihlak in Amah dawt le kan pawngkam minung Dawt kha asi. (Matthai 22:37-39).
Jesuh chan ah Farasi pawl nih cun lai kan nawn lo paoh ahcun a za tiah an ruah i, mi va huat kha a poi an rak ti lo ( Matthai 5:21-30, 43-48). Sinain Jesuh nih cun a duh lo. Jesuh nih a chimmi cu, kan chimmi bia le kan nunning nih hin kan Thinlung chungah a um taktak mi thil kha an langhter tiah ati (Matthai 6:21, 12:34). Cun bia a kan kamh rihmi cu, "A ka zummi paoh cu a lungchung in tiva nung a put lai," ati ( Johan 7:37-38).
Kan Lungthin hi kan nunnak MURU asi. Kan nunnak ah a thuhbiknak hmun asi. Kan chunmang, kan duhmi, kan lungsau thinfualnak, ka lungthawhnak, kan khuaruahnak, kan biakhiahnak le kan cawlcanghnak vialte hna hi Thinlung chung in a hung chuakmi lawngte an si. Cucaah Baibal nih na Thinlung kha tha tein Veng tiah a kan fial mi hi khuaruahhar awk asi lo. Kan Thinlung nih hin kan Nunnak lamthluan pi i a sining a uk i; kan nunnak hi sullam phunphun a ngeihter kho tu le Nun hruaitu asi. Atu kan nunnak caah siseh, hmailei kan nunnak kong ah siseh, Kan nunnak biakhiak tu le nawlngei tu cu kan Thinlung asi.
Cucaah na Thinlung kha ttha tein Veng. Thil thalo vialte chung in veng. Zeicahtiah kan Thinlung cu Pathian kan biaknak hmun asi caah thil tthalo um ter khawh asi lo. Adikmi Pathian nih cun, minung kan nunnak a ukmi vawlei pathian dang, hakkauhnak, chawva duhtuknak le nawlngeihnak duhtuknak le sualnak dang phuhpun lak in "Dawtnak, lawmhnak, daihnak, lungsaunak, nunnemnak, zumhtlak sinak, thinfualnak le mah le mah i uk khawhnak (Self-control) vialte hi na nunnak ah i nunpi ding in an auh (Galati 5:22-23).
A donghnak ah langhter ka duhmi cu, Thinlung ven kan ti tikah a lenglei in vanpang kulh piak sawhsawh kha si lo in, a chungah Jesuh thutter i kan thinlung chungah a ummi thil thalo vialte chuahter dih kha asi.
Relchap Ding:
Matthai 13:1-15; Thlaici tuhtu bianabia a chimmi asi i, hi bianabia ah zeitluk indah Thinlung a biapit nak kong kha ruahchih ding asi lai.
Ruahchih ding Biahalnak:
1. Pathian kha lawmhter nak ding caah Thinlung dihlak in amah va dawt siloin, thil tha tuahpiak nak in a lungtlinh kan i zuam theu tawn. Nangtah zei dirhmun ahdah na dir?
2. Zeitindah na Thinlung na ven lai?
Zathawngcin
Feb.4, 2013
Theihternak: Sheridan Voysey nih a tialmi capar tharchuahmi asi.
Na lung kha ṭha tein veng tuah, Zeicahtiah cuka cun nunnak cerhti kha a put. (V.23)
Khrihfa cu Thinlung ah hram aa bunhmi Biaknak asi. Pathian nih kan thinlung hi voikhat te a ngeih i a uk ahcun a tangmi kan nunnak cu a mah luan in a luang cang. Pathian caah cun kan Thinlung hi a lai muru (Center), asi i a duhbikmi a si. Pathian nihhin leng lei kan muisam le sining hi a zoh lo ( I Samuel 16:7). Kan thinlung chung taktak in kan biak dingmi tu hi a duhdeuh mi asi ( Isaiah 29:13). Pathian nih kan thinlung hi a kawl ( Salm 139:23) i ka zum hna seh ti a kan duh (Phungthlukbia 3:5). Pathian nawlbia vialte i a muru cu kan thinlung dihlak in Amah dawt le kan pawngkam minung Dawt kha asi. (Matthai 22:37-39).
Jesuh chan ah Farasi pawl nih cun lai kan nawn lo paoh ahcun a za tiah an ruah i, mi va huat kha a poi an rak ti lo ( Matthai 5:21-30, 43-48). Sinain Jesuh nih cun a duh lo. Jesuh nih a chimmi cu, kan chimmi bia le kan nunning nih hin kan Thinlung chungah a um taktak mi thil kha an langhter tiah ati (Matthai 6:21, 12:34). Cun bia a kan kamh rihmi cu, "A ka zummi paoh cu a lungchung in tiva nung a put lai," ati ( Johan 7:37-38).
Kan Lungthin hi kan nunnak MURU asi. Kan nunnak ah a thuhbiknak hmun asi. Kan chunmang, kan duhmi, kan lungsau thinfualnak, ka lungthawhnak, kan khuaruahnak, kan biakhiahnak le kan cawlcanghnak vialte hna hi Thinlung chung in a hung chuakmi lawngte an si. Cucaah Baibal nih na Thinlung kha tha tein Veng tiah a kan fial mi hi khuaruahhar awk asi lo. Kan Thinlung nih hin kan Nunnak lamthluan pi i a sining a uk i; kan nunnak hi sullam phunphun a ngeihter kho tu le Nun hruaitu asi. Atu kan nunnak caah siseh, hmailei kan nunnak kong ah siseh, Kan nunnak biakhiak tu le nawlngei tu cu kan Thinlung asi.
Cucaah na Thinlung kha ttha tein Veng. Thil thalo vialte chung in veng. Zeicahtiah kan Thinlung cu Pathian kan biaknak hmun asi caah thil tthalo um ter khawh asi lo. Adikmi Pathian nih cun, minung kan nunnak a ukmi vawlei pathian dang, hakkauhnak, chawva duhtuknak le nawlngeihnak duhtuknak le sualnak dang phuhpun lak in "Dawtnak, lawmhnak, daihnak, lungsaunak, nunnemnak, zumhtlak sinak, thinfualnak le mah le mah i uk khawhnak (Self-control) vialte hi na nunnak ah i nunpi ding in an auh (Galati 5:22-23).
A donghnak ah langhter ka duhmi cu, Thinlung ven kan ti tikah a lenglei in vanpang kulh piak sawhsawh kha si lo in, a chungah Jesuh thutter i kan thinlung chungah a ummi thil thalo vialte chuahter dih kha asi.
Relchap Ding:
Matthai 13:1-15; Thlaici tuhtu bianabia a chimmi asi i, hi bianabia ah zeitluk indah Thinlung a biapit nak kong kha ruahchih ding asi lai.
Ruahchih ding Biahalnak:
1. Pathian kha lawmhter nak ding caah Thinlung dihlak in amah va dawt siloin, thil tha tuahpiak nak in a lungtlinh kan i zuam theu tawn. Nangtah zei dirhmun ahdah na dir?
2. Zeitindah na Thinlung na ven lai?
Zathawngcin
Feb.4, 2013
Theihternak: Sheridan Voysey nih a tialmi capar tharchuahmi asi.
