Pathian Biak Ding
"Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih! Psalm 95:6"
Minung hi Pathian kha lam phunphun le sullam phunphun in biak awkah, Baibal in sawm kan si. Lawmhnak pe ding, thangtthat ding le kan thawnnak vialte Pathian sinah pe dih ding in auh kan si. Sihmanhseh Pathian sinah lawmhnak bia kan chim khawh i, thangtthatnak nun kan ngeih khawh nakhnga ca le kan tthawnnak kan pek khawh nakhnga caah, Bawipa sin Nun peknak in kan thok a hau. Bawipa hmai ah khuk bil in kan kun hmasa a hau.
Nun pek nak tel loin a hmanmi Biaknak a um kho lo. Jesuh hi kan upat khawh, vailam cungah mah zawnruat loin kan caah nunnak raithawinak a ngeih mi ruat in lung tha lo in kan um kho fawn. Jesuh cu khamhtu asi tiah zong kan chim i kan pom khawh ko. Sihmanhsehlaw, amah, Jesuh kha kan nunnak uktu Bawi ah i serh in kan sining dihlak amah kan pek ttung lo ahcun, cu kan biaknak le Jesuh kan tanhnak cu pakpalawng thil men a si.
Pathian biaknak cu amah sin nun peknak in aa thok mi asi, zeicahtiah amah cu a kan sertu asi. Lei le van sermi thil vialte lakah a hmun zungzal mi Pathian he pehtlaihnak a ngei lo mi thil pakhat te zong an um lo. Zeicahtiah amah cu zeizong thil vialte sertu asi i sermi thil vialte hi amah ta kan si dih caah asi.
Pathian kut tel loin a chuakmi lei le van thil lakah an um lo caah, "Ahmai ah kun in, Khuk bil in a mah a biading," menmen kan si. Sermi thil kan si bantuk in sertu ke hram ah chuak in amah biak le thangtthat cu kan rianngan bik asi. Thangtthat kho ding le bia kho ding mi dirhmun ah kan dir khawh ruang hmanh ahhin amah Pathian sinah lunglawmhnak biachim chap ding kan si.
Pathian hi na bia taktak maw, biaknak dah na uar? Pathian bia taktak lo in Biaknak a tanhmi zumtu tampi um asi ve. Jesuh a zum taktak mi na si ahcun, Ahmai ah Kun nak in na thok a hau i, a hmai ah khukbil in, na sining dihlak le na nunnak dihlak cung i nawlngei tu siding ah na nunnak vialte na pek dih ahau. Cucu zumtu, Pathian a bia taktak mi hna nih tuah ding in auh mi kan si hnawhchan nak asi. An sertu Pathian ton awk ah timhlamhnak na ngeih a hau. Bawipa hmaiah khukbil in na sining na pek taktak lo ahcun biaknak chung um men nak in cun Pathian he nan i tong kho lai lo. Biakinn na kal hlan ah khukbil in amah he i chawn ta hmasa tawn. Bawipa sinah nun peknak a ngeimi hna cu mi thluakchuak an si i, Pathian biatu taktak zong anmah cu an si.
Biaknak tanh dingah sermi kan si lo. Pathian hmai ah kun in amah bia dingah sermi tu kan si.
zathawngcin
BBC
April 12, 2013
Minung hi Pathian kha lam phunphun le sullam phunphun in biak awkah, Baibal in sawm kan si. Lawmhnak pe ding, thangtthat ding le kan thawnnak vialte Pathian sinah pe dih ding in auh kan si. Sihmanhseh Pathian sinah lawmhnak bia kan chim khawh i, thangtthatnak nun kan ngeih khawh nakhnga ca le kan tthawnnak kan pek khawh nakhnga caah, Bawipa sin Nun peknak in kan thok a hau. Bawipa hmai ah khuk bil in kan kun hmasa a hau.
Nun pek nak tel loin a hmanmi Biaknak a um kho lo. Jesuh hi kan upat khawh, vailam cungah mah zawnruat loin kan caah nunnak raithawinak a ngeih mi ruat in lung tha lo in kan um kho fawn. Jesuh cu khamhtu asi tiah zong kan chim i kan pom khawh ko. Sihmanhsehlaw, amah, Jesuh kha kan nunnak uktu Bawi ah i serh in kan sining dihlak amah kan pek ttung lo ahcun, cu kan biaknak le Jesuh kan tanhnak cu pakpalawng thil men a si.
Pathian biaknak cu amah sin nun peknak in aa thok mi asi, zeicahtiah amah cu a kan sertu asi. Lei le van sermi thil vialte lakah a hmun zungzal mi Pathian he pehtlaihnak a ngei lo mi thil pakhat te zong an um lo. Zeicahtiah amah cu zeizong thil vialte sertu asi i sermi thil vialte hi amah ta kan si dih caah asi.
Pathian kut tel loin a chuakmi lei le van thil lakah an um lo caah, "Ahmai ah kun in, Khuk bil in a mah a biading," menmen kan si. Sermi thil kan si bantuk in sertu ke hram ah chuak in amah biak le thangtthat cu kan rianngan bik asi. Thangtthat kho ding le bia kho ding mi dirhmun ah kan dir khawh ruang hmanh ahhin amah Pathian sinah lunglawmhnak biachim chap ding kan si.
Pathian hi na bia taktak maw, biaknak dah na uar? Pathian bia taktak lo in Biaknak a tanhmi zumtu tampi um asi ve. Jesuh a zum taktak mi na si ahcun, Ahmai ah Kun nak in na thok a hau i, a hmai ah khukbil in, na sining dihlak le na nunnak dihlak cung i nawlngei tu siding ah na nunnak vialte na pek dih ahau. Cucu zumtu, Pathian a bia taktak mi hna nih tuah ding in auh mi kan si hnawhchan nak asi. An sertu Pathian ton awk ah timhlamhnak na ngeih a hau. Bawipa hmaiah khukbil in na sining na pek taktak lo ahcun biaknak chung um men nak in cun Pathian he nan i tong kho lai lo. Biakinn na kal hlan ah khukbil in amah he i chawn ta hmasa tawn. Bawipa sinah nun peknak a ngeimi hna cu mi thluakchuak an si i, Pathian biatu taktak zong anmah cu an si.
Biaknak tanh dingah sermi kan si lo. Pathian hmai ah kun in amah bia dingah sermi tu kan si.
zathawngcin
BBC
April 12, 2013
