A THO CANG
Kan umnak hmun, buainak nih a khuh I sual ruangah chiatserh in a um I tahaihramnak le fahnak, lungretheihnak le thihlohnak in a khatmi le, Thawngpang chia nih a thuammi kan Vawlei ah a thang balmi Thawngpang vialte lakah THAWNG THA BIK cu A THO CANG timi thawngpang hi asi. Cu Thawng cu Jerusalem khualeng I a ummi Thlahmun in vawlei cung dihlak theih in a au mi Thawngpang asi. Cu Ni ah cun, Nunnak le Thihnak cu a rawk kho mi Thlan ah an I tong. Nunnak nih a Tei. Thihnak cu a Thi. Kan Leiba Thihnak cu Jesuh nih a Thih. Cu Thlan chung cun Jesuh nih Thihnak ral cu a TEI. A Tho Than Cang!
Hi Thawhthannak Biatak-Thilhman nakin a hman deuhmi Lei le van Caan chung ahhin a um bal lo. Khrih cu Thihnak in Thawhter a si than. Cu Khrih Thawhthannak cu, vawlei Fimnak Saing (Science) nih a FIANH khawh lo mi Biatak asi; Tuanbia zongah a kir than kho ti lai lo I a cang than kho ti lai lo mi Biatak asi; Caan sin zongah a liam in a tlau kho ti lo dingmi Biatak le Biatak vialte I biatak asi. Cu Thawhthannak Biatak nih cun Jesuh cu Pathian Fapa, a kan khamhtu, thihnak teitu asi kha a FEHTER.
Pathian Fapa Jesuh Khrih nih Thihnak a tei I A THO THAN CANG.
Rome 6:9-10, “Zeicahtiah Khrih cu thihnak in thawhter a si cang i a thi ti lai lo ti kha kan hngalh — thihnak nih a cungah nawl ngeihnak zeihmanh a ngei ti lo. 10A inmi thihnak cu voi khat ah za lakin sualnak ruang i a thih kha a si; cun atu i a nunmi nunnak cu Pathian ca nunnak a si.”
Pathian Fapa Jesuh Khrih nih Thihnak a tei I A THO THAN CANG. Khrih Thawhthannak Chungah a thothan dingmi Van FA na si.
Rome 6:3ff, “Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra? 4Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.”
Nunnak thar chungah a kan Hruaitu Bawipa cu zungzal in a min hlorh in thangthat tlak Pathian asi.
Zathawngcin
Bethel Baptist Church
March 27, 2016
Easter Sunday
Hi Thawhthannak Biatak-Thilhman nakin a hman deuhmi Lei le van Caan chung ahhin a um bal lo. Khrih cu Thihnak in Thawhter a si than. Cu Khrih Thawhthannak cu, vawlei Fimnak Saing (Science) nih a FIANH khawh lo mi Biatak asi; Tuanbia zongah a kir than kho ti lai lo I a cang than kho ti lai lo mi Biatak asi; Caan sin zongah a liam in a tlau kho ti lo dingmi Biatak le Biatak vialte I biatak asi. Cu Thawhthannak Biatak nih cun Jesuh cu Pathian Fapa, a kan khamhtu, thihnak teitu asi kha a FEHTER.
Pathian Fapa Jesuh Khrih nih Thihnak a tei I A THO THAN CANG.
Rome 6:9-10, “Zeicahtiah Khrih cu thihnak in thawhter a si cang i a thi ti lai lo ti kha kan hngalh — thihnak nih a cungah nawl ngeihnak zeihmanh a ngei ti lo. 10A inmi thihnak cu voi khat ah za lakin sualnak ruang i a thih kha a si; cun atu i a nunmi nunnak cu Pathian ca nunnak a si.”
Pathian Fapa Jesuh Khrih nih Thihnak a tei I A THO THAN CANG. Khrih Thawhthannak Chungah a thothan dingmi Van FA na si.
Rome 6:3ff, “Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra? 4Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.”
Nunnak thar chungah a kan Hruaitu Bawipa cu zungzal in a min hlorh in thangthat tlak Pathian asi.
Zathawngcin
Bethel Baptist Church
March 27, 2016
Easter Sunday
Widget is loading comments...
