NITIN DINTI KAN HERH ZUNGZAL
Salm 1:2-3 An i lawmh nak cu Bawipa Bia tu ah khan asi i, cu Bia cu chun zan in an ruat. Tiva kam i a khomi thingkung a caan hman tein a thei a tlai i, a hnah a uai bal lo mi bantuk an si. An tuahmi kipah khuaawng an tong.
Nihin June 6 zingka, khuaceu dawh akan hmuh tertu hi kan Pathian asi. Nihin chun nitlak kan nunnak zei alawh lai kan hngal lo.
Asinain Bawipa he kan si ahcun kan hna a ngam ko. Cucaah nihin khuaawng kan ton nakhnga, hi Bawipa Bia hi voikhat te tal rel ta law, na chung ah dolh law, nihin chunnitlak Tivakam i, a khomi thingkung bantuk na silai i, na hnah a uai lai lo. Khua awng na pemh lai, ati.
John 6:38 Zisuh nih, 'Ti a halmi poah cu ka sin ah ra ulaw, rak ding uh. Keimah a ka zummi poah cu an lung chungin Tiva nung aluang lai,' ati. Minung hi ahohmanh Ti lo in kan nung kho lo. Kan pum cheu 2/3 cu Ti longte asi an ti. Nikhat ah Ti voikhat tal na din lo ahcun na pum damnak caah tihnung asi an ti. Kan pum nih cutluk in Ti aherh ko nain tihal kan theih lo ahcun pakhatkhat cu aa palh cang. Ka dam lonak a um ti kan i theih awk asi. Cu ve bantuk in nikhat ah voikhat tal Bawipa Bia kan ruah ve lo ahcun na Thlarau nunnak caah tih a nung ngaingai. Zisuh nih, "Ti ahalmi poah cu ka sinah ra uh," ati. Nizan kan dinmi kha nihin caah azaa lo. Nihin kan nunnak caah kan din rih ahau. Bible ca na kau manh lo zong ah acunglei Baibal caang hi re ta; Thla tawite cam; Na nunnak Pathian sin peknak ngei/tuah ta law nihin kan nunnak caah i tim hna usih. Bawipa nih thluachuah pe ko seh.
Rev. Khen Sang
Senior Pastor
Bethel Baptist Church
Lewisville
Texas
Nihin June 6 zingka, khuaceu dawh akan hmuh tertu hi kan Pathian asi. Nihin chun nitlak kan nunnak zei alawh lai kan hngal lo.
Asinain Bawipa he kan si ahcun kan hna a ngam ko. Cucaah nihin khuaawng kan ton nakhnga, hi Bawipa Bia hi voikhat te tal rel ta law, na chung ah dolh law, nihin chunnitlak Tivakam i, a khomi thingkung bantuk na silai i, na hnah a uai lai lo. Khua awng na pemh lai, ati.
John 6:38 Zisuh nih, 'Ti a halmi poah cu ka sin ah ra ulaw, rak ding uh. Keimah a ka zummi poah cu an lung chungin Tiva nung aluang lai,' ati. Minung hi ahohmanh Ti lo in kan nung kho lo. Kan pum cheu 2/3 cu Ti longte asi an ti. Nikhat ah Ti voikhat tal na din lo ahcun na pum damnak caah tihnung asi an ti. Kan pum nih cutluk in Ti aherh ko nain tihal kan theih lo ahcun pakhatkhat cu aa palh cang. Ka dam lonak a um ti kan i theih awk asi. Cu ve bantuk in nikhat ah voikhat tal Bawipa Bia kan ruah ve lo ahcun na Thlarau nunnak caah tih a nung ngaingai. Zisuh nih, "Ti ahalmi poah cu ka sinah ra uh," ati. Nizan kan dinmi kha nihin caah azaa lo. Nihin kan nunnak caah kan din rih ahau. Bible ca na kau manh lo zong ah acunglei Baibal caang hi re ta; Thla tawite cam; Na nunnak Pathian sin peknak ngei/tuah ta law nihin kan nunnak caah i tim hna usih. Bawipa nih thluachuah pe ko seh.
Rev. Khen Sang
Senior Pastor
Bethel Baptist Church
Lewisville
Texas
