BIAALNAK IN MI TEI NAA TIMH TAWNMI KHA NGOL!
I Korin 1:10, “ Ka u le ka nau hna, kan Bawipa Jesuh Khrih min in kan nawl hna; Nan dihlak in pakhat le pakhat lungnge tein um tuah u, I then hlah u, lungthin khat ruahnak khat in um u.”
Tutan Khristmas ah hin Biaalnak in mitei kan timh tawnmi kha ngol caan asi. Biaal in mitei timh siloin Nangmah he ruahnak aa khat lo mi le na caah ruahnak I khah dingah a har ko rua tiah nan ruah mi hna he khan, bia I al siloin DAWT tu va tim hna. Bialanak in Teitimh siloin Dawt tu I tim deuh hna. Jesuh nih Dawtnak cu zungzal in teitu a si tiah a kan cawnpiak.
Midang he bia i al dawh kan si cang ti nan theih ahcun, a tanglei Baibal cacaang pawl hi na nunnak lamhruaitu ah hmang ve ding in kan sawm.
Na tuahsernak kha Zaangfahnak le velngeihnak nih lamhruai seh. (Phungthlukbia 3:3-6)
Bia kan I al tik ah kan chim theu tawn mi cu, Thilhman kan ttanh, thildik chuakseh kan ti, tiah kan ti theu tawn. Siseh Pathian kalning cu Biaalnak in thilhman kawl kha asi bal lo. Velngeihnak le zaangfahnak tu kha hriam ah a hman.
Rome 5:8, "Pathian nih zeitluk indah a kan dawt kha hitihin a langhter. Kan nih cu Misual kan si rih ko lio ahhin kan caah ah Khrih Jesuh cu a thi." Hi velngeihnak le zangfahnak hi Pathian nih Khristmas in kan sin ah a phuan mi thawngttha asi.
Thil hman le Thil hmanlocu Pathian nih Chat ko seh.
II Korin 13:8, “Biatak cu a ttanh indah kan tanh ko tilo ahcun, a doh cun kan doh kho hrimhrim lo asi ko.” Biadik, Biahman timi hi Nangmah hmuhning le fianning kha a si lem tawn lo. I John 4:1 ah “Ka fale hna Thlarau ka ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hma sa u. Zeicahtiah profet deu kha vawlei cung a kenkip ah an kal cang.” Biatak kan timi cu Pathian lawngnih a hngalh I a dikmi le a hmanmi zong hi a mah lawnglawng nih a hngalh. Nangmah le keimah nih biahman tiah kan I al I kan I sik hnawh lenmi khi adik lo mi le a hman lo mi thiamthiam a si kho ko. Pathian lawnglawng hi thil sining cungin a chuak mi kongah Biahman theitu le hngal tu asi. II Korin 10:4-5, “.. Ahman lo in bia I al nak kha kan hrawh. Pathian hngal kho hna hlahseh tinak ca I chonmi vanpang porhlawtnak vialte kha kan boh dih; minung lungthin kha sal ah kan va tlaih hna I Khrih nawl kha kan ngaih ter hna.” Porhlawtnak hi i siknak hram pi a si tawn. Pathian hngal lo mi hna sin ah a ummi lungput asi.
Pathian Umpinak kha KAWL.
Matthai 28:20, “Kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.
Seitan nih hin buaibainak le biaalnak kan ton tik ah kanmah lawng kan si, dirkamhtu kan ngei lo tiah i ruat in zum hna seh ti hi a kan duh. Pathian nih cun Tukhal tlangval, David hi I zohchun hna seh ti a kan duh. David nih Goliath he an I do lio ah a zumhbak mi cu, Pathian zong, hi raldonak ahhin a um ve, zeicahtiah hi raldonak hi Pathian ta asi, ti kha asi.
( I Samuel 17:47, hi aa pummi vialte nih hin, vainam le fei in Bawipa khamhnak hi a si lo ti kha an hngalh nakhnga; zeitintiah hi raltuknak cu Bawipa ta a si i nannih cu kan kut chungah pek nan si lai,” tiah a ti.) Midang he kan I sik I bia kan I al tikah Pathian a um ve ti ruat buin, Pathian mithmai zohbu in bia kan chim le khua kan ruah a hau ngaingai. Bawipa telpi nak hmun ahcun dawtnak aum I ngaihthiam nak a chuak zungzal.
Biaalnak Achuahter tu Hram Taktak kha Kawl.
Efesa 6:12, “Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.”
Baibal chung Pathian bia ning in, kannih kan dohmi cu kan Minung hawidang kha si lo in, kan dohding taktak cu kan ral pa Seitan le kan hmuh khawh lo mi thlarau ttha lo tthawnnak pawl tu hi an si deuh. Minung cu Pathian fa lawngte kan si i aa sii ding le aa rem lo ding kan si lo. A luan cia caan ah Pathian thei loin aa si mi le hawi he bia I al in mi he aa rem lo mi kan si sual ahcun minung ral doh ding kan si lo zia le Setan ral doh ding ah auhmi tu kan sizia kha ruat tthan i Midang kha Biaalnak le siknak in tei timh si tiloin Dawtnak in Teinak hmuh ding tu kha tukum Khristmas thawngttha sinin I zuam cio hna usih.
Pathian nih Ngaihthiam nun le Dawt Nun in pe ko seh.
Zathawngcin
December 11, 2012
Tutan Khristmas ah hin Biaalnak in mitei kan timh tawnmi kha ngol caan asi. Biaal in mitei timh siloin Nangmah he ruahnak aa khat lo mi le na caah ruahnak I khah dingah a har ko rua tiah nan ruah mi hna he khan, bia I al siloin DAWT tu va tim hna. Bialanak in Teitimh siloin Dawt tu I tim deuh hna. Jesuh nih Dawtnak cu zungzal in teitu a si tiah a kan cawnpiak.
Midang he bia i al dawh kan si cang ti nan theih ahcun, a tanglei Baibal cacaang pawl hi na nunnak lamhruaitu ah hmang ve ding in kan sawm.
Na tuahsernak kha Zaangfahnak le velngeihnak nih lamhruai seh. (Phungthlukbia 3:3-6)
Bia kan I al tik ah kan chim theu tawn mi cu, Thilhman kan ttanh, thildik chuakseh kan ti, tiah kan ti theu tawn. Siseh Pathian kalning cu Biaalnak in thilhman kawl kha asi bal lo. Velngeihnak le zaangfahnak tu kha hriam ah a hman.
Rome 5:8, "Pathian nih zeitluk indah a kan dawt kha hitihin a langhter. Kan nih cu Misual kan si rih ko lio ahhin kan caah ah Khrih Jesuh cu a thi." Hi velngeihnak le zangfahnak hi Pathian nih Khristmas in kan sin ah a phuan mi thawngttha asi.
Thil hman le Thil hmanlocu Pathian nih Chat ko seh.
II Korin 13:8, “Biatak cu a ttanh indah kan tanh ko tilo ahcun, a doh cun kan doh kho hrimhrim lo asi ko.” Biadik, Biahman timi hi Nangmah hmuhning le fianning kha a si lem tawn lo. I John 4:1 ah “Ka fale hna Thlarau ka ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hma sa u. Zeicahtiah profet deu kha vawlei cung a kenkip ah an kal cang.” Biatak kan timi cu Pathian lawngnih a hngalh I a dikmi le a hmanmi zong hi a mah lawnglawng nih a hngalh. Nangmah le keimah nih biahman tiah kan I al I kan I sik hnawh lenmi khi adik lo mi le a hman lo mi thiamthiam a si kho ko. Pathian lawnglawng hi thil sining cungin a chuak mi kongah Biahman theitu le hngal tu asi. II Korin 10:4-5, “.. Ahman lo in bia I al nak kha kan hrawh. Pathian hngal kho hna hlahseh tinak ca I chonmi vanpang porhlawtnak vialte kha kan boh dih; minung lungthin kha sal ah kan va tlaih hna I Khrih nawl kha kan ngaih ter hna.” Porhlawtnak hi i siknak hram pi a si tawn. Pathian hngal lo mi hna sin ah a ummi lungput asi.
Pathian Umpinak kha KAWL.
Matthai 28:20, “Kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.
Seitan nih hin buaibainak le biaalnak kan ton tik ah kanmah lawng kan si, dirkamhtu kan ngei lo tiah i ruat in zum hna seh ti hi a kan duh. Pathian nih cun Tukhal tlangval, David hi I zohchun hna seh ti a kan duh. David nih Goliath he an I do lio ah a zumhbak mi cu, Pathian zong, hi raldonak ahhin a um ve, zeicahtiah hi raldonak hi Pathian ta asi, ti kha asi.
( I Samuel 17:47, hi aa pummi vialte nih hin, vainam le fei in Bawipa khamhnak hi a si lo ti kha an hngalh nakhnga; zeitintiah hi raltuknak cu Bawipa ta a si i nannih cu kan kut chungah pek nan si lai,” tiah a ti.) Midang he kan I sik I bia kan I al tikah Pathian a um ve ti ruat buin, Pathian mithmai zohbu in bia kan chim le khua kan ruah a hau ngaingai. Bawipa telpi nak hmun ahcun dawtnak aum I ngaihthiam nak a chuak zungzal.
Biaalnak Achuahter tu Hram Taktak kha Kawl.
Efesa 6:12, “Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.”
Baibal chung Pathian bia ning in, kannih kan dohmi cu kan Minung hawidang kha si lo in, kan dohding taktak cu kan ral pa Seitan le kan hmuh khawh lo mi thlarau ttha lo tthawnnak pawl tu hi an si deuh. Minung cu Pathian fa lawngte kan si i aa sii ding le aa rem lo ding kan si lo. A luan cia caan ah Pathian thei loin aa si mi le hawi he bia I al in mi he aa rem lo mi kan si sual ahcun minung ral doh ding kan si lo zia le Setan ral doh ding ah auhmi tu kan sizia kha ruat tthan i Midang kha Biaalnak le siknak in tei timh si tiloin Dawtnak in Teinak hmuh ding tu kha tukum Khristmas thawngttha sinin I zuam cio hna usih.
Pathian nih Ngaihthiam nun le Dawt Nun in pe ko seh.
Zathawngcin
December 11, 2012
