JESUH CU A THABIK KHA A DONGHNAK CAAH A CHIAH TAWN
"Cucaah laksawng biapi deuh a simi hna tu kha nan i tinh awk a si. Cun cu hna lak hmanh ah a ṭha bik cu atu i ka hun chimdingmi hi a si:" 1 Corinthians 12:31
Seitan nih cun a Thabik kha a hmasabik ah a chuah tawn i a Chiabik kha a donghnak ah a chuah tawn. Phungthlukbia 20:17 nih, "Lihchim in hmuhmi rawl cu a thlum, sihmanhsehlaw luklak ah a kaa ah lungtekem bantuk an si," tiah ati bantuk in Seitan he cun zeizong thil hi a Thlum mi in aa thok tawn nain Tlum tein a dong bal lo.
Seitan cu Thildeu tuahtu le Hlenhmang mi asi lawng siloin, Hlennak hmang in mi a lemsawi cuahmah mi asi. Thil thiang tein an tuammi Zuu in a thideng cangmi hna khi a langhter bal hna lo; Zuu pek lo ahcun a kut a ther cang i, ihkhun cungah thaw zoh in a um komi Zu ding pa khi a langhter bal lo. Sualnak tuah ruangah a chuakmi zawtnak nih a hrawh cuahmah mi nunnak khi a langhter bal lo. Pumsaduhnak ruangah nunman ngei tiloin lamkam ah aa chokvak men i hmuhmi thil paoh a ei cangmi hna nunnak khi a langhter bal lo.
Azungzal i a Thami tu kha a pek hmasa tawn. Zu din cu a nuam, Ritngatnak si hman cu a nuam, sualnak tuah cu a nuam tiah Nun nuamhnak lei thilttha kha a kan pek hmasa tawn i cu thil tuah ruangah a hnulei ah a hung chuakmi harnak thiltha lo vialte tu kha cu a thuhdiam i a hnu tu ah kan nunnak kha a pek tawn.
JESUH CU A THABIK KHA A DONGHNAK AH PE TAWNTU PATHIAN ASI. Achimmi ngai, aduhnak zul! A hramthok ahcun a har lai, a kha lai, na nunnak nih a duh lai lo nain A DONGHNAK A THLUM TE LAI.
Zathawngcin
Lewisville
April 26, 2013
Seitan nih cun a Thabik kha a hmasabik ah a chuah tawn i a Chiabik kha a donghnak ah a chuah tawn. Phungthlukbia 20:17 nih, "Lihchim in hmuhmi rawl cu a thlum, sihmanhsehlaw luklak ah a kaa ah lungtekem bantuk an si," tiah ati bantuk in Seitan he cun zeizong thil hi a Thlum mi in aa thok tawn nain Tlum tein a dong bal lo.
Seitan cu Thildeu tuahtu le Hlenhmang mi asi lawng siloin, Hlennak hmang in mi a lemsawi cuahmah mi asi. Thil thiang tein an tuammi Zuu in a thideng cangmi hna khi a langhter bal hna lo; Zuu pek lo ahcun a kut a ther cang i, ihkhun cungah thaw zoh in a um komi Zu ding pa khi a langhter bal lo. Sualnak tuah ruangah a chuakmi zawtnak nih a hrawh cuahmah mi nunnak khi a langhter bal lo. Pumsaduhnak ruangah nunman ngei tiloin lamkam ah aa chokvak men i hmuhmi thil paoh a ei cangmi hna nunnak khi a langhter bal lo.
Azungzal i a Thami tu kha a pek hmasa tawn. Zu din cu a nuam, Ritngatnak si hman cu a nuam, sualnak tuah cu a nuam tiah Nun nuamhnak lei thilttha kha a kan pek hmasa tawn i cu thil tuah ruangah a hnulei ah a hung chuakmi harnak thiltha lo vialte tu kha cu a thuhdiam i a hnu tu ah kan nunnak kha a pek tawn.
JESUH CU A THABIK KHA A DONGHNAK AH PE TAWNTU PATHIAN ASI. Achimmi ngai, aduhnak zul! A hramthok ahcun a har lai, a kha lai, na nunnak nih a duh lai lo nain A DONGHNAK A THLUM TE LAI.
Zathawngcin
Lewisville
April 26, 2013
