PATHIAN TILAWNG BANTUK IN CAW
“Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.” 1 Samuel 12:24
Nu le pa nih Ngakchia rian kan fial theu hna. Hmunthur hlonh, inn thianh tbk. Rian kan fianmi an tuah tikah, kan fialmi rian an tuanmi nakin a ngan deuhmi thil an rak tuah tawn. Nu le pa cheukhat caah cun, fa le rian va fial nakin, “A Poi lo, keimah nih ka tuah ko lai,” ti zong hi a fawi deuh tawn. Zeiruangah na fa le nih rian an in bawmh? Tuanvo lak a thiammi an si nakhnga na cawnpiak hna asi. Rian lim dingah tuanvo ngeimi an si kha an theih nakhnga, rianlimnak ah tel ter na duh hna caah asi. Anmah na herh hna caah an in bawmhmi asi lo. A ngai te ahcun anmah cu na herh mi an si lo. ANMAH TU NIH AN IN HERH!
Thawngtha karhnak rian kong na ruah tik zongah, mi vialte khamh an si khawh nakhnga zeiruangahdah Pathian nih minung hi a hman hnga tiah khuaruahhar in na um can a um tawn lai. Pathian nih kanmah minung lungput ngei sehlaw, van innka a on lai, a ron kan zoh lai I, “Maw, minung hna, keimah cu Pathian ka si, nanmah cu Pathian nan si lo. A tu ka zum u, nan ka zumh lo ahcun nan THI LAI,” tiah kan ti mei ko hnga. Pathian kan si lo hi vanthat ngai asi!
Cuti kan tuah lo hmanhah, Vacungmi kha thawngtha chim dingah kan auh hna hnga I kan fial hna hnga. Vancung mi a runrun in van in rungtum in khrih biatak thawngtha rung kan chim hna seh law zeitlukindah hmual a va ngeih hnga! Kanmah si usihlaw, thawngtha aupi tu dingah minung hmang lo in Vanmi kan hman hna hnga. Minung cu, “Misual, tlamtling lo, thintawi mi; Palhnak tampi a tuahmi; a tling lo mi, a fek lo mi; a tu te lungtho I a tute aa leet than mi; acan ah an chim ning le an nunning I kalh a hmangmi an si caah Pathian hi kanmah minung lungput ngei sehlaw, minung hi thawngtha karhnak rian a kan pe duh lai lo.
Sinain, Pathian nih a liannganmi a fimnak in minung cu minung hawi sin I thawngtha chim dingin a thim. Bible cathar chungah, minung hawi tel lo in amah tein Pathian a zummi hna kong cu kan hmuh lo tluk asi. Thiangthlarau thawngin mi nun cu aa thleng taktak! Sihmanhsehlaw, Pathian nih zum lo tu pakhat cu, a minung hawi hna hmangin zumtu ah a can ter lengmang. Nihin zongah, Pathian nih HMAN A KAN DUH! A kan herh caah siloin, KANMAH TU NIH KAN HERH CAAH RIAN LIMNAK AH A KAN HMAN VE HI ASI. Pathian Tilawng na si hi philh hlah! Amah ta bantuk tein an fialmi rianah na nun hman hi na nun hnawhchan asi. Zeitindah sunparnak caah na nun na hman tawn?
Vancung khua a ummi kan PA, ka kaa in a chuakmi bia nih in lawmhter sehlaw, ka kut le ka ke nih a zungzal in na rian tuan ko hna seh! Amen
Theihternak: Greg Laurie nih nitin thlarau rawl ah a tialmi capar tharchuahmi asi.
Zathawngcin
October 1, 2017
Nu le pa nih Ngakchia rian kan fial theu hna. Hmunthur hlonh, inn thianh tbk. Rian kan fianmi an tuah tikah, kan fialmi rian an tuanmi nakin a ngan deuhmi thil an rak tuah tawn. Nu le pa cheukhat caah cun, fa le rian va fial nakin, “A Poi lo, keimah nih ka tuah ko lai,” ti zong hi a fawi deuh tawn. Zeiruangah na fa le nih rian an in bawmh? Tuanvo lak a thiammi an si nakhnga na cawnpiak hna asi. Rian lim dingah tuanvo ngeimi an si kha an theih nakhnga, rianlimnak ah tel ter na duh hna caah asi. Anmah na herh hna caah an in bawmhmi asi lo. A ngai te ahcun anmah cu na herh mi an si lo. ANMAH TU NIH AN IN HERH!
Thawngtha karhnak rian kong na ruah tik zongah, mi vialte khamh an si khawh nakhnga zeiruangahdah Pathian nih minung hi a hman hnga tiah khuaruahhar in na um can a um tawn lai. Pathian nih kanmah minung lungput ngei sehlaw, van innka a on lai, a ron kan zoh lai I, “Maw, minung hna, keimah cu Pathian ka si, nanmah cu Pathian nan si lo. A tu ka zum u, nan ka zumh lo ahcun nan THI LAI,” tiah kan ti mei ko hnga. Pathian kan si lo hi vanthat ngai asi!
Cuti kan tuah lo hmanhah, Vacungmi kha thawngtha chim dingah kan auh hna hnga I kan fial hna hnga. Vancung mi a runrun in van in rungtum in khrih biatak thawngtha rung kan chim hna seh law zeitlukindah hmual a va ngeih hnga! Kanmah si usihlaw, thawngtha aupi tu dingah minung hmang lo in Vanmi kan hman hna hnga. Minung cu, “Misual, tlamtling lo, thintawi mi; Palhnak tampi a tuahmi; a tling lo mi, a fek lo mi; a tu te lungtho I a tute aa leet than mi; acan ah an chim ning le an nunning I kalh a hmangmi an si caah Pathian hi kanmah minung lungput ngei sehlaw, minung hi thawngtha karhnak rian a kan pe duh lai lo.
Sinain, Pathian nih a liannganmi a fimnak in minung cu minung hawi sin I thawngtha chim dingin a thim. Bible cathar chungah, minung hawi tel lo in amah tein Pathian a zummi hna kong cu kan hmuh lo tluk asi. Thiangthlarau thawngin mi nun cu aa thleng taktak! Sihmanhsehlaw, Pathian nih zum lo tu pakhat cu, a minung hawi hna hmangin zumtu ah a can ter lengmang. Nihin zongah, Pathian nih HMAN A KAN DUH! A kan herh caah siloin, KANMAH TU NIH KAN HERH CAAH RIAN LIMNAK AH A KAN HMAN VE HI ASI. Pathian Tilawng na si hi philh hlah! Amah ta bantuk tein an fialmi rianah na nun hman hi na nun hnawhchan asi. Zeitindah sunparnak caah na nun na hman tawn?
Vancung khua a ummi kan PA, ka kaa in a chuakmi bia nih in lawmhter sehlaw, ka kut le ka ke nih a zungzal in na rian tuan ko hna seh! Amen
Theihternak: Greg Laurie nih nitin thlarau rawl ah a tialmi capar tharchuahmi asi.
Zathawngcin
October 1, 2017
HTML Comment Box is loading comments...
