LAWMHNAK CINNAK LAM PA 7
"Maw ka nunnak, Bawipa cu thangṭhat tuah! Ka sining vialte, a min thiang cu thangṭhat tuah u!" Salm 103:1
Chuck Swindoll nih Lawmhnak Serning lam phun sarih tiah capar tawite a tial I zaang tein a tial nain I thathnem piding mi capar asi. Minung nunnak hi Nikhat chung I Suimilam pakhat hmanh khi asi lo. Atu kan thaw ka dawp lio second te hi kan Nunnak taktak cu asi ko. Na nunnak caah aa lawm mi si na duh maw? Atu na ngeihmi Second chung tehi Lawmh nun cawng! Lawmh aa tim mi na si ahcun cu ni cu na caah aa dang hrimhrim lai. Aa lawm deuhmi Nun he Bawipa nih na nunnak ah rian a tuan lai. Lawmnak hmuhnak caah Chuck Swindoll nih a tial mi lam pa sarih cu a tanglei bantuk hin an si.
1. Zeiruang ah na zumhkha Pathian sinah Chim:
Pathian kha bia ruah law, a sining vialte lakah na duh biknak zawn kha chim. Thangthatnak Bible cacang pawl kha rel piak. Salm 103:1 in thok law rel piak. Zumtu dang pawl he I tong u law Pathian sinah Lawmhnak biachimnak thlacamnak ngei ti peng u. Pathian sining le ziaza ah aa lawmmi si, cucu lawmhnak hram asi.
2. Lawmhnak Tialnak Cauk I ser
Zeiruangahdah aa lawm dingmi na si nak kha Cauk chung ah tial hna law, Nitin na nunnak ah na ton mi, Pathian zumhtlak a sinak kha na cauk chungah cun tial peng. Na cauk cahmai kar kip ah thinghnah tete tenh hna; silole, na nunnak ah lawmhnak an pe bik mi hna, na hmuh tikpaoh ah naa lawmhmi minung hna an um ahcun an hmanthlak cu na cauk kar ahcun tenh! Thil kau pi in ruat. Naa lawmhnak Cauk cu duhsah in thanter law Lawmhnak kuang ah ser. Ahnu ah na kau than fatin te Lawmhnak tiva a chung in a hung luangmi thlacamnak kuangah can ter. Pathian sinah lawmhnak bia a chimmi thlacam kuangah a cang lai I, na rel than tik poah ah lawmhnak tlamtling an pek lai.
3. Naw pawng ah aa lawm mi minung lawngte umter hna.
Lawmhnak kan timi hi I chawnh khawh mi a si ve. Cucaah Pathian zumhnak ah a fek I lawmhnak in a khat cangmi zumtu tha hawikom ngeih I zuam law anmah he a fekmi pehtlaihnak ser I zuam. Jesuh Khrih chungah nan I lawmhnak kongah pakhat le pakhat thla nan I cam piak tikah nan Lawmhnak a sang chin lai.
4. Na Nunnak ah na tonmi hneksaknak le Harnak paoh kha A Tha lei in hmuh khawh I zuam.
Na nunnak ah a tlungmi Harnak tonnak caah na hmanmi caan vialte khi Pathian nih a lak a si ter lai lo. Alak a siter lo lawng siloin, na nunnak chungah Amah sining tu kha a thanter lai. Rome 5:1, “Atucu Zumhnak thawngin thiam coter kan si caah kan Bawipa Jesuh Khrih thawngin Pathian he kan I rem. (NIV nih cun, Jesuh Khrih thawngin Pathian sinah Daihnak kan ngei, ati.)” Jeim 1:1, “Pathian le Bawipa Jesuh Khrih sal a simi Jeim nih, vawlei cung khuazakip I aa thekmi Pathian mi kha kan biakchawnh hna." Na nunnak ah na tonmi hneksaknak Harbik kha Pathian laksawng bantuk in na ruah khawh ahcun Lawmhnak nih na nun a thuam cawlh ko lai.
5. Thangthat le Lawmh kha na Zia ah ser (Habit)
Pathian nih na herhmi a za in an pe ko lo maw? Thangthat law lawm! Na tonmi hneksaknak nih Pathian kha ngandeuh in na hmuhkhawh nakhnga caah lam an hruai ko lo maw? Pathian lawm! Lawmhnak hi aa lawmmi thinlung le lawmhbia a chimmi thinlung in a luang tawn. Zan na ih hlanah, nikhat chungah na comi thluachuah rel law Pathum silole pa nga in, a cunglei I kan chimmi Thlacamnak Cauk naa sermi chung ahkhan tial. Cucu zulhphung, ziaza bantuk ah I ser law, Lawmh a hmangmi thinlung na nunnak ah a thang cuahmah ko lai.
6. Na Thinlung kha Ringon (Music) in khah ter.
Pathian bia le hla na sak peng, na ngaih peng I, na theihmi ringon le bia le hla hna kha, na thinlung in na ei ahcun cunihcun Bawipa he an naihter deuh lai I a Bia duhnak ah lam an hruai lai. Bawipa biaah naa lawm lai I lawmhnak in na khat lai.
7. Lam Hlat Piin Khuacuan
Tangka fang thap in rian a tuan mi hna (Stockers) pawl kha ruahnak an cheuh tawn mi hna cu, nitin chawleh chawhrawlnak (Stock) a tum a kai mi kong ah nan thin phang hlah u. Abiapi mi cu caan sau kong asi, an ti theu hna. Atulio ah na nunnak harnak nih a den maw? Na hmaika ah lam fawi ma a um chosang nihdah an zelh? Atulio ah na nun ah a cang cuahmah mi nakin hmailei lamhlat pi thihhnu nunnak tiang khi hei cuan. Cun Na nunnak ni le thla vialte nawlngeitu hi Pathian asi le zumhtlak tein na nunnak chungah amah sining a than ter hrimhrim laimi Pathian asi kha philh hlah.
Nitin kan nunnak kan ton mi thil vialte hi zungzal nunnak mit, lamhlat piin cuanh le zoh I hmuh khawh tikah Lawmhnak tiva a luan tawn kha philh hrimhrim hlah. Pathian nih na nunnak cu a dihlak in an uk, nawl a ngeih (Controls) kha philh hlah; Rome 8:28, “Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a tha lei ah a serpiak ko hna ti kha kan hngalh.” Na halmi poah Bawipa nih a theih , Salm 116:1, “Bawipa nih ka thlacamnak kha a ka ngaihpiak I a ka theihpiak caah Bawipa cu ka dawt.” Cun Pathian lawmhnak cu na thawnnak ah an cang lai; Nehemiah 8:10, “Cun annih cu a thawh hna I, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang asi. Bawipa ah nan I lawmhnak cu nan thazang a si caah nan ngaihchia hlah u,” tiah ati.
Nunnak caan tawite chungah vawlei harnak he aa then ti lo dingmi kan nunnak hi kanmah nih Bawipa sawmin lawm tein hmanthiam cu Pathian thluachuah asi. Lawmhnak Bawipa nih in pe ko hna seh.
Lawmhnak tampi he
Zathawngcin Siakhel
Bethel Baptist Church
Lewisville, Texas
February 4, 2015
Theihternak: March 2001, Insights chung capar hun thar chuah mi asi.
"Maw ka nunnak, Bawipa cu thangṭhat tuah! Ka sining vialte, a min thiang cu thangṭhat tuah u!" Salm 103:1
Chuck Swindoll nih Lawmhnak Serning lam phun sarih tiah capar tawite a tial I zaang tein a tial nain I thathnem piding mi capar asi. Minung nunnak hi Nikhat chung I Suimilam pakhat hmanh khi asi lo. Atu kan thaw ka dawp lio second te hi kan Nunnak taktak cu asi ko. Na nunnak caah aa lawm mi si na duh maw? Atu na ngeihmi Second chung tehi Lawmh nun cawng! Lawmh aa tim mi na si ahcun cu ni cu na caah aa dang hrimhrim lai. Aa lawm deuhmi Nun he Bawipa nih na nunnak ah rian a tuan lai. Lawmnak hmuhnak caah Chuck Swindoll nih a tial mi lam pa sarih cu a tanglei bantuk hin an si.
1. Zeiruang ah na zumhkha Pathian sinah Chim:
Pathian kha bia ruah law, a sining vialte lakah na duh biknak zawn kha chim. Thangthatnak Bible cacang pawl kha rel piak. Salm 103:1 in thok law rel piak. Zumtu dang pawl he I tong u law Pathian sinah Lawmhnak biachimnak thlacamnak ngei ti peng u. Pathian sining le ziaza ah aa lawmmi si, cucu lawmhnak hram asi.
2. Lawmhnak Tialnak Cauk I ser
Zeiruangahdah aa lawm dingmi na si nak kha Cauk chung ah tial hna law, Nitin na nunnak ah na ton mi, Pathian zumhtlak a sinak kha na cauk chungah cun tial peng. Na cauk cahmai kar kip ah thinghnah tete tenh hna; silole, na nunnak ah lawmhnak an pe bik mi hna, na hmuh tikpaoh ah naa lawmhmi minung hna an um ahcun an hmanthlak cu na cauk kar ahcun tenh! Thil kau pi in ruat. Naa lawmhnak Cauk cu duhsah in thanter law Lawmhnak kuang ah ser. Ahnu ah na kau than fatin te Lawmhnak tiva a chung in a hung luangmi thlacamnak kuangah can ter. Pathian sinah lawmhnak bia a chimmi thlacam kuangah a cang lai I, na rel than tik poah ah lawmhnak tlamtling an pek lai.
3. Naw pawng ah aa lawm mi minung lawngte umter hna.
Lawmhnak kan timi hi I chawnh khawh mi a si ve. Cucaah Pathian zumhnak ah a fek I lawmhnak in a khat cangmi zumtu tha hawikom ngeih I zuam law anmah he a fekmi pehtlaihnak ser I zuam. Jesuh Khrih chungah nan I lawmhnak kongah pakhat le pakhat thla nan I cam piak tikah nan Lawmhnak a sang chin lai.
4. Na Nunnak ah na tonmi hneksaknak le Harnak paoh kha A Tha lei in hmuh khawh I zuam.
Na nunnak ah a tlungmi Harnak tonnak caah na hmanmi caan vialte khi Pathian nih a lak a si ter lai lo. Alak a siter lo lawng siloin, na nunnak chungah Amah sining tu kha a thanter lai. Rome 5:1, “Atucu Zumhnak thawngin thiam coter kan si caah kan Bawipa Jesuh Khrih thawngin Pathian he kan I rem. (NIV nih cun, Jesuh Khrih thawngin Pathian sinah Daihnak kan ngei, ati.)” Jeim 1:1, “Pathian le Bawipa Jesuh Khrih sal a simi Jeim nih, vawlei cung khuazakip I aa thekmi Pathian mi kha kan biakchawnh hna." Na nunnak ah na tonmi hneksaknak Harbik kha Pathian laksawng bantuk in na ruah khawh ahcun Lawmhnak nih na nun a thuam cawlh ko lai.
5. Thangthat le Lawmh kha na Zia ah ser (Habit)
Pathian nih na herhmi a za in an pe ko lo maw? Thangthat law lawm! Na tonmi hneksaknak nih Pathian kha ngandeuh in na hmuhkhawh nakhnga caah lam an hruai ko lo maw? Pathian lawm! Lawmhnak hi aa lawmmi thinlung le lawmhbia a chimmi thinlung in a luang tawn. Zan na ih hlanah, nikhat chungah na comi thluachuah rel law Pathum silole pa nga in, a cunglei I kan chimmi Thlacamnak Cauk naa sermi chung ahkhan tial. Cucu zulhphung, ziaza bantuk ah I ser law, Lawmh a hmangmi thinlung na nunnak ah a thang cuahmah ko lai.
6. Na Thinlung kha Ringon (Music) in khah ter.
Pathian bia le hla na sak peng, na ngaih peng I, na theihmi ringon le bia le hla hna kha, na thinlung in na ei ahcun cunihcun Bawipa he an naihter deuh lai I a Bia duhnak ah lam an hruai lai. Bawipa biaah naa lawm lai I lawmhnak in na khat lai.
7. Lam Hlat Piin Khuacuan
Tangka fang thap in rian a tuan mi hna (Stockers) pawl kha ruahnak an cheuh tawn mi hna cu, nitin chawleh chawhrawlnak (Stock) a tum a kai mi kong ah nan thin phang hlah u. Abiapi mi cu caan sau kong asi, an ti theu hna. Atulio ah na nunnak harnak nih a den maw? Na hmaika ah lam fawi ma a um chosang nihdah an zelh? Atulio ah na nun ah a cang cuahmah mi nakin hmailei lamhlat pi thihhnu nunnak tiang khi hei cuan. Cun Na nunnak ni le thla vialte nawlngeitu hi Pathian asi le zumhtlak tein na nunnak chungah amah sining a than ter hrimhrim laimi Pathian asi kha philh hlah.
Nitin kan nunnak kan ton mi thil vialte hi zungzal nunnak mit, lamhlat piin cuanh le zoh I hmuh khawh tikah Lawmhnak tiva a luan tawn kha philh hrimhrim hlah. Pathian nih na nunnak cu a dihlak in an uk, nawl a ngeih (Controls) kha philh hlah; Rome 8:28, “Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a tha lei ah a serpiak ko hna ti kha kan hngalh.” Na halmi poah Bawipa nih a theih , Salm 116:1, “Bawipa nih ka thlacamnak kha a ka ngaihpiak I a ka theihpiak caah Bawipa cu ka dawt.” Cun Pathian lawmhnak cu na thawnnak ah an cang lai; Nehemiah 8:10, “Cun annih cu a thawh hna I, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang asi. Bawipa ah nan I lawmhnak cu nan thazang a si caah nan ngaihchia hlah u,” tiah ati.
Nunnak caan tawite chungah vawlei harnak he aa then ti lo dingmi kan nunnak hi kanmah nih Bawipa sawmin lawm tein hmanthiam cu Pathian thluachuah asi. Lawmhnak Bawipa nih in pe ko hna seh.
Lawmhnak tampi he
Zathawngcin Siakhel
Bethel Baptist Church
Lewisville, Texas
February 4, 2015
Theihternak: March 2001, Insights chung capar hun thar chuah mi asi.
