HMUN KING THLACAM
"Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai."
Mathai 6:6
Pathian nih thla nan cam tikah "Inn khan chung ah lut u," ati mi hi zeidah a duhnak asi? Inn khan timi biafang nih a langhter mi cu, vawlei thil hmuh khawhnak le zoh khawhnak innka khar in Van/Pathian zohnak thlalangawng lawnglawng on ding kha a kan cawnpiak mi asi.
Jesuh nunning kan zoh tikah, amah lawng te caan la in Pathian sinah thlacamnak a ngeih tawn kha kan hmuh. Acaan ah tlang cungah a kai, a caan ah nelrawn le a caan ah dum chung hnaah Dai tein Pathian he biaruahnak, thlacamnak a tuah tawn.
Na thlacam nun hi pawngkam mipi nih zeitluk ttha indah thla na cam thiam kha hmu hna seh ti kha siloin, pumpak in Pathian he i chawnhbiak kha a rak si. Dai tein inn khan chungah thlacam naa timh tikah, "Dai tein caan tlawmpal hmang hmasa." Na thinlung ah zeihmanh um ter loin thianter. Thil dangdang ruat pah in thlacam cu a tlam a tling lo. Dai te na um hnu ah, "Nuncan ziaza kong; thlarau thazaang lak nak ca le, tthawnnak hmuhnak caah Pathian aw kha ngaih i zuam. Mah duhmi lawngte hal si loin Pathian aw ngai i a kan duhpiak mi hngah le dai tein amah he tonnak caan ser hi zumtu kan nunnak ah a biapi bik mi thil pakhat asi.
Kan caan sung hi, caan tawite lawng a nung dingmi kan nunnak pawcawmnak ca lawngah kan hman dih i a kan daw i a kan zohkhenhtu Pathian he pehtlaihnak le amah biaknak caah kan caan kan pek khawh lo i kan hman khawh lo ahcun Thlarau lei ah kan nun a zaw tawn. Mi pakhat nih lei le van hi ngei dih hmanhseh, a thlarau a sungh ttung ahcun zeidah a miak!
Zathawngcin
April 4, 2013 (Nili Ni)
SMU
Mathai 6:6
Pathian nih thla nan cam tikah "Inn khan chung ah lut u," ati mi hi zeidah a duhnak asi? Inn khan timi biafang nih a langhter mi cu, vawlei thil hmuh khawhnak le zoh khawhnak innka khar in Van/Pathian zohnak thlalangawng lawnglawng on ding kha a kan cawnpiak mi asi.
Jesuh nunning kan zoh tikah, amah lawng te caan la in Pathian sinah thlacamnak a ngeih tawn kha kan hmuh. Acaan ah tlang cungah a kai, a caan ah nelrawn le a caan ah dum chung hnaah Dai tein Pathian he biaruahnak, thlacamnak a tuah tawn.
Na thlacam nun hi pawngkam mipi nih zeitluk ttha indah thla na cam thiam kha hmu hna seh ti kha siloin, pumpak in Pathian he i chawnhbiak kha a rak si. Dai tein inn khan chungah thlacam naa timh tikah, "Dai tein caan tlawmpal hmang hmasa." Na thinlung ah zeihmanh um ter loin thianter. Thil dangdang ruat pah in thlacam cu a tlam a tling lo. Dai te na um hnu ah, "Nuncan ziaza kong; thlarau thazaang lak nak ca le, tthawnnak hmuhnak caah Pathian aw kha ngaih i zuam. Mah duhmi lawngte hal si loin Pathian aw ngai i a kan duhpiak mi hngah le dai tein amah he tonnak caan ser hi zumtu kan nunnak ah a biapi bik mi thil pakhat asi.
Kan caan sung hi, caan tawite lawng a nung dingmi kan nunnak pawcawmnak ca lawngah kan hman dih i a kan daw i a kan zohkhenhtu Pathian he pehtlaihnak le amah biaknak caah kan caan kan pek khawh lo i kan hman khawh lo ahcun Thlarau lei ah kan nun a zaw tawn. Mi pakhat nih lei le van hi ngei dih hmanhseh, a thlarau a sungh ttung ahcun zeidah a miak!
Zathawngcin
April 4, 2013 (Nili Ni)
SMU
