Mi Hmuhlo Mi Peknak
Matthew 6:1-4 nih Peknak kongah a biapi chunglei sining a kan cawnpiak.
"Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo. 2 "Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu! 3 Sihmanhsehlaw nannih nih cun mi kha an herhmi thil nan ṭhenh hna tikah, nan hawikom ṭha bik hmanh nih thei hlah seh, ti in va tuah u; 4 nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.
"Minih ka tuahmi hi hmu hna seh, zeitluk pehchanh thawng le mi nunsiang ka si hi hngal hna seh," tiah na pekchanh lio ah na thinlung nih bia a chim sual ahcun Pathian sinin upatnak na co lai lo.
Midang bawmhchanhnak ah pekchanh tikah lungput a thianhlim a herh. Pekchanh tikah minih hmuh dingah siloin bawmhchanh duhnak lungthin taktak he thawh kha a biapi. Pathian nih thlua a chuahmi pekchanhnak asi. Na pek bantuk in suingun chawva bak in Pathian nih an pek than lo tiang zongah midang hmuh khawh awk in lam dangdang in thluachuah an zulh ko lai.
Thiltha zeimawzat na tuahmi kha na minung hawi nih an in hmuhpiak, an in theihpiak lo zongah na thinphang hlah; na thin zong hung hlah. Bawipa nih na tuahmi kha a hmuh ko lawng siloin mi hmuh lo i na tuahmi thiltha kha laksawng pek dingah lam tampi a ngeimi Pathian asi. Pathian nih na cungah a samhmi a kutneh tukha mikip mithmuh in a lang te ko lai. Pathian thluachuah kha na nunnak ah a ra lai.
Cucaah thiltha na tuah tikah, midang na bawmh hna tikah na pekchanhmi nakin na lungthin kha a thianghlim maw thianghlim lo tiah tha tein cuan ta. Bawipa nih lungthing thiang he pehchanhmi thiltha tuahnak kha thlua a chuahmi asi.
Tulio cu kan miphun ning piin miphun caah thazang kan chuah lio caan asi. Kan tang dih i a sunglawi tuk. Kan tannak kan thinlung tu hi Pathian nih a upatmi, a thianghlim mi lungput taktak he kan cawlcangh, kan pekchanh ahcun Pathian nih tluachuah a pek lai. Midang hmuh ding nakin Bawipa nih a hmuh ah a za ko timi dawtnak lungthin taktak he miphun le ram, harnak a tong mi hna caah thazang chuah hi Bawipa duhmi pekchanhnak asi.
Zathawngcin
January 5, 2022
"Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo. 2 "Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu! 3 Sihmanhsehlaw nannih nih cun mi kha an herhmi thil nan ṭhenh hna tikah, nan hawikom ṭha bik hmanh nih thei hlah seh, ti in va tuah u; 4 nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.
"Minih ka tuahmi hi hmu hna seh, zeitluk pehchanh thawng le mi nunsiang ka si hi hngal hna seh," tiah na pekchanh lio ah na thinlung nih bia a chim sual ahcun Pathian sinin upatnak na co lai lo.
Midang bawmhchanhnak ah pekchanh tikah lungput a thianhlim a herh. Pekchanh tikah minih hmuh dingah siloin bawmhchanh duhnak lungthin taktak he thawh kha a biapi. Pathian nih thlua a chuahmi pekchanhnak asi. Na pek bantuk in suingun chawva bak in Pathian nih an pek than lo tiang zongah midang hmuh khawh awk in lam dangdang in thluachuah an zulh ko lai.
Thiltha zeimawzat na tuahmi kha na minung hawi nih an in hmuhpiak, an in theihpiak lo zongah na thinphang hlah; na thin zong hung hlah. Bawipa nih na tuahmi kha a hmuh ko lawng siloin mi hmuh lo i na tuahmi thiltha kha laksawng pek dingah lam tampi a ngeimi Pathian asi. Pathian nih na cungah a samhmi a kutneh tukha mikip mithmuh in a lang te ko lai. Pathian thluachuah kha na nunnak ah a ra lai.
Cucaah thiltha na tuah tikah, midang na bawmh hna tikah na pekchanhmi nakin na lungthin kha a thianghlim maw thianghlim lo tiah tha tein cuan ta. Bawipa nih lungthing thiang he pehchanhmi thiltha tuahnak kha thlua a chuahmi asi.
Tulio cu kan miphun ning piin miphun caah thazang kan chuah lio caan asi. Kan tang dih i a sunglawi tuk. Kan tannak kan thinlung tu hi Pathian nih a upatmi, a thianghlim mi lungput taktak he kan cawlcangh, kan pekchanh ahcun Pathian nih tluachuah a pek lai. Midang hmuh ding nakin Bawipa nih a hmuh ah a za ko timi dawtnak lungthin taktak he miphun le ram, harnak a tong mi hna caah thazang chuah hi Bawipa duhmi pekchanhnak asi.
Zathawngcin
January 5, 2022
Widget is loading comments...
