ZUMHTLAK TEIN AA PUMMI KHRIHFA
Hebru 10:25
Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.
Nihin America ram ah Khrihfabu a thattu thil a cangmi pakhat cu “Khrihfa ka si i ti tung I BIAKINN PANH LO” a si. Biakinn panh lo lawng siloin, Khrihfabu cawlcanghnak ah zumhtlak te le felfai tein teltumnak le thazaang chuahnak an ngei lo. Khrihfa ka si ti I, Khrihfabu cawlcanghnak le pumhnak ah I tel lo cu, BILE CHUNG HMUN KHAT HMANHAHAH A KAN CAWNPIAK LO IN KAN HMU LO. Khrihfa na si ahcun, Biaknak cawlcanhnak le Pumhnak, thawngtha karhnak riantuannak le Khrihfabu thazang thawnnak ding caah na nunnak na caan, na ngeihchiah chawva, na thazang vialte na chuah ve hrimhrim ding kha asi. Duhthim a ngahmi a si lo; tuah hrimhrim dingmi asi.
Biakin pumh na ngol, Khrihfabu thazang thawnnak caah thazang chuah in naa teltum ve ti lo ahcun, VA CUNG PADUH (Apostate); Kawl holh in cun “A PHOHPIAN,” mi na si. Mithmuh kuttongh in Khrih Pum kan sinak kan langhter khawhnak Khrihfabu ah zumhtlak tein I Pumh nakin a biapi deuhmi Khrihfami kan caah zeidah a um? Khrih pum nih a herhmi cawlcanghnak caah hmunkhat te I thazang kan chuah tti-nak a langhnak hmun cu biakinn ah zumhtlak tein kan I pumh tti mi le hawikomhnak kan ngeih I dawtnak ah kan than tti mi hi asi. Pumh ttinak in, Pathian kha Upatnak kan pek I amah kan Biaknak a langhnak asi. Hmunkhat te ah pumh tti hi, Khrih ah pumkhat kan sinak le Pathian kan biak kan upatnak kan langhternak hmun asi caah Khrihfa poahpoah nih tuah lo a ngah lomi thil asi.
Jesuh Khrih nih thisen in a cawkmi Khrih pum chung i tengnge kan si bantukin, zarhpi ni ah, Khrihpum ah kan I pehnak hmun, Pumhnak I can hmannak nakin na nunnak ah a biapi deuhmi thil TUZARH na canhmannak (Schedule) ah zeidah a um? Thilsuk maw, lentecelh zoh maw, mah duhmi thil tuah maw, riantuan maw? Kan hliah le kan cang cu kan pum ah aa peh ding a si bantuk in, pum ah aa peh tik lawngah pum cu a dam I an mah kutke le hliah le caang lila zong an dam bantukin Khrihfa zong pum a si mi khrihfabu ah aa peh hrimhrim ding asi. Pum a simi Khrihfabu ah aa peh tik lawnglawng ah, Khrihfabu a dam lawng siloin a mah zumtu pumpak lila zong a dam. Cucu Bawipa nih Khrihfabu a dirh hnawhchannak hmuitinh asi.
Tuzarh zeidah na tuah lai? Na caah zeidah a biapi bik?
Zathawngcin
November 6th, 2017
Shreveport
Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.
Nihin America ram ah Khrihfabu a thattu thil a cangmi pakhat cu “Khrihfa ka si i ti tung I BIAKINN PANH LO” a si. Biakinn panh lo lawng siloin, Khrihfabu cawlcanghnak ah zumhtlak te le felfai tein teltumnak le thazaang chuahnak an ngei lo. Khrihfa ka si ti I, Khrihfabu cawlcanghnak le pumhnak ah I tel lo cu, BILE CHUNG HMUN KHAT HMANHAHAH A KAN CAWNPIAK LO IN KAN HMU LO. Khrihfa na si ahcun, Biaknak cawlcanhnak le Pumhnak, thawngtha karhnak riantuannak le Khrihfabu thazang thawnnak ding caah na nunnak na caan, na ngeihchiah chawva, na thazang vialte na chuah ve hrimhrim ding kha asi. Duhthim a ngahmi a si lo; tuah hrimhrim dingmi asi.
Biakin pumh na ngol, Khrihfabu thazang thawnnak caah thazang chuah in naa teltum ve ti lo ahcun, VA CUNG PADUH (Apostate); Kawl holh in cun “A PHOHPIAN,” mi na si. Mithmuh kuttongh in Khrih Pum kan sinak kan langhter khawhnak Khrihfabu ah zumhtlak tein I Pumh nakin a biapi deuhmi Khrihfami kan caah zeidah a um? Khrih pum nih a herhmi cawlcanghnak caah hmunkhat te I thazang kan chuah tti-nak a langhnak hmun cu biakinn ah zumhtlak tein kan I pumh tti mi le hawikomhnak kan ngeih I dawtnak ah kan than tti mi hi asi. Pumh ttinak in, Pathian kha Upatnak kan pek I amah kan Biaknak a langhnak asi. Hmunkhat te ah pumh tti hi, Khrih ah pumkhat kan sinak le Pathian kan biak kan upatnak kan langhternak hmun asi caah Khrihfa poahpoah nih tuah lo a ngah lomi thil asi.
Jesuh Khrih nih thisen in a cawkmi Khrih pum chung i tengnge kan si bantukin, zarhpi ni ah, Khrihpum ah kan I pehnak hmun, Pumhnak I can hmannak nakin na nunnak ah a biapi deuhmi thil TUZARH na canhmannak (Schedule) ah zeidah a um? Thilsuk maw, lentecelh zoh maw, mah duhmi thil tuah maw, riantuan maw? Kan hliah le kan cang cu kan pum ah aa peh ding a si bantuk in, pum ah aa peh tik lawngah pum cu a dam I an mah kutke le hliah le caang lila zong an dam bantukin Khrihfa zong pum a si mi khrihfabu ah aa peh hrimhrim ding asi. Pum a simi Khrihfabu ah aa peh tik lawnglawng ah, Khrihfabu a dam lawng siloin a mah zumtu pumpak lila zong a dam. Cucu Bawipa nih Khrihfabu a dirh hnawhchannak hmuitinh asi.
Tuzarh zeidah na tuah lai? Na caah zeidah a biapi bik?
Zathawngcin
November 6th, 2017
Shreveport
Widget is loading comments...
