A MAK KO!
Khrihfa hrem le thah ah Vawlei ah pakhatnak a simi ram cu Chaklei Korea asi. Khrihfa cu fak piin thah an ton lawng siloin, an zumhningin Pathian biak ter an si lo. Kham an si. An ramah Bible cauk an I ngeih kho lo. An ngeih ahcun hrem le thah an tong. Kan nunnak cu Pathian vel lawng asi an ti. Pathian bia theih le rel an duh nain rel ding an ngei lo I, theih awk a um lo.
An zumtu hawi a simi, Thlanglei Korea pawl nih chaklei Korea zumtu hna nih Bible an rel I thazang an lak khawh nakhnga caah Sepcial Mission an ti i riantuannak an ngeih. Cu riantuannak cu Dandelion tiah min an sak I, 1991 in ran rak thok. An riantuanning cu, “Plastic Bawlung cungah Bible ca an tial. Chaklei Korea ramri ah an kal pi. Bawlung a zanter tu Thli (Helium) in an chem I van ah an thlah. Nikhua a that ahcun an thlahmi bawlung cu chak lei Korea ram lei ah a zuang I kan tlam a tling tiah an ruah. Cuticun THLI bawmhnak in thawngthabia cu chaklei Korea hna sinah kan thanh tiah, Peter nih a chim. Bible Tialmi Bawlung kuatnak in, chaklei Korea zumtu hna nih, an caah thla kan cam piak hna kha an hngalh I, Bawlung cung a ummi Bible cacang nih thazang a pek hna I an zumhnak ah fek tein an dir khawhnakhnga kan saduhthah asi tiah zumtu pakhat nih a chim. (Christian Headline chung in lakmi asi.)
Jesuh nih Khuazakip ah kal in miphun vialte ka zultu ah ser hna u a ti. (Mtt. 28:18-21) Korea ramah THLI nih thawngtha a aupi cuahmah. Zumtu nang le kei, Bawipa sunparnak caah sermi kan sinak, zeilam indah kan nunpi! Nanmah nan au lo cun, Lungtakep hmanh an au lai tiah Bawipa nih a kan ti. Isaiah nih, Bawipa keimah ka um, Ka thlah, tiah a ti bang, Bawipa keimah ka thlah tihi a caan a za cang ko lo maw? Vawlei ah can sau kan nung lai lo! Nun hi Khrih asi.
Zathawngcin
September 26, 2017
An zumtu hawi a simi, Thlanglei Korea pawl nih chaklei Korea zumtu hna nih Bible an rel I thazang an lak khawh nakhnga caah Sepcial Mission an ti i riantuannak an ngeih. Cu riantuannak cu Dandelion tiah min an sak I, 1991 in ran rak thok. An riantuanning cu, “Plastic Bawlung cungah Bible ca an tial. Chaklei Korea ramri ah an kal pi. Bawlung a zanter tu Thli (Helium) in an chem I van ah an thlah. Nikhua a that ahcun an thlahmi bawlung cu chak lei Korea ram lei ah a zuang I kan tlam a tling tiah an ruah. Cuticun THLI bawmhnak in thawngthabia cu chaklei Korea hna sinah kan thanh tiah, Peter nih a chim. Bible Tialmi Bawlung kuatnak in, chaklei Korea zumtu hna nih, an caah thla kan cam piak hna kha an hngalh I, Bawlung cung a ummi Bible cacang nih thazang a pek hna I an zumhnak ah fek tein an dir khawhnakhnga kan saduhthah asi tiah zumtu pakhat nih a chim. (Christian Headline chung in lakmi asi.)
Jesuh nih Khuazakip ah kal in miphun vialte ka zultu ah ser hna u a ti. (Mtt. 28:18-21) Korea ramah THLI nih thawngtha a aupi cuahmah. Zumtu nang le kei, Bawipa sunparnak caah sermi kan sinak, zeilam indah kan nunpi! Nanmah nan au lo cun, Lungtakep hmanh an au lai tiah Bawipa nih a kan ti. Isaiah nih, Bawipa keimah ka um, Ka thlah, tiah a ti bang, Bawipa keimah ka thlah tihi a caan a za cang ko lo maw? Vawlei ah can sau kan nung lai lo! Nun hi Khrih asi.
Zathawngcin
September 26, 2017
Comment Form is loading comments...