ZOHCHUNTLAK PA, JAIRUS
Baibal Relnak: Luke 8:40-42,49-56
Cg.40-42, “Jesuh cu tili khattelei kam I a va kir tikah khan mibu nih khan an rak lawmh zeicahtiah amah cu an rak hngah ko. Khi tikah mipa pakhat a min Jairu a simi kha a ra; amah cu cuka hrawng pumhnak inn I hruaitu pakhat asi. Jesuh ke hramah cun a bawk I ka inn ah ra ko sawh, tiah a nawl, zeicahtiah a fanu pakhat te lawng a ngeihmi, kum hleihnih a simi kha a cat lengmang.
Cg.49-56, “Cu bia cu Jesuh nih a chim lioah khan pumhnak inn zohkhenhtu inn cun zualko pakhat a ra I, ‘Na fanu cu a thi cang, saya cu hnahnawh ti duh hlah,’ tiah a chimh. Cu bia cu Jesuh nih a theih I Jairu cu a thawh I, ‘Na thinphang hlah, zum ko law a dam ko lai,’ tiah a ti. Inn kha an va phak tikah Peter le Jeim le Johan le ngakchianu a nu le a pa dah ti lo cu amah he inn chung I luh ding kha a dang ahohmanh an onh hna lo. Khika I a ummi vialte nih ngakchia cu an ttah. Jesuh nih a thawh hna I, ‘Ttap hlah u, ngakchia hi a thi lo, aa hngilh I pei a si ko cu,’ tiah a ti hna. A thi ko ti kha an hngalh caah an nih a chuak. Sihmanhsehlawk Jesuh nih a kut khan a vun tlaih I, ‘Tho tuah, ka fanu,’ tiah a vun auh. A nunnak cu a hung kir tthan I hmakhatte ah a tho; cun Jesuh nih ei awk pe u tiah a ti hna. A nu le a pa cu an khuaruah a har ngaingai, sihmanhsehlaw hi kong cu ahohmanh chim hna hlah u, tiah Jesuh nih a thlauh hna.
Biahmaikal
Luke 8 chungah hin a Fanu kong a ruat ngaingai mi pa kong kan hmuh. Amah cu Pathian Biakinn; pumhnak (Synagogue) uktu, Pathian biaknak ah a herhmi vialte tawlrel zohkhenh, tlangtlatu, Pumhnak kong tawlreltu, Biaknak phung zohkhenh tlamtlinhtu, tuchan ah kan hmuhmi hna, Pastor te bantuk in Pathian rian ah a nunnak le a caan a dih termi pa asi. Amah nihhin Pumhnak ah tuanvo ngeidingmi zong a thiah dihhna. Amahcu zapi nih theihmi le upatnak pek ngaimi pa asi. Cun amah nih hin Capernaum khua ah Jesuh nih Biakinn (Synagogus) ah bia a chim tizong hi a thei ve mi pa asi lawng siloin a mah cun Fa angeimi, PA zong a si. Afanu min cu kan thei lo nain Jairus fanu tiah tu amah minin a fanu hi auh le theih asi. Afanu tenih hin a pa cu an Pathian biaknak le cawlcanghnak ah an pawngkam mipi nun ah hiipkhawhnak nun a ngeimi a si le, bochanmi pa a si kha fiang tein a PA nun ah a hmuhkhawh. Kapkhat ah thinphang a si vemi cu chanthar mino bantuk in Pathian rianah vaa pektuk le, biakinn rian ah va buaituk hna hi channih a kaltak cang tiah a hmuh ve sual hngamaw tihi a si! Sihmanhsehlaw a PA nunnak ah Jairus fanu nih zeidah a hmuh ti kha kan van zoh lai.
1. Jesuh Kawl ah a ning a zak lo mi PA in a hmuh.
Luke 8:41 ah, “Khi tikah mipa pakhat a min Jairu a simi kha A RA…” tiah aa tial. Hinih a langhter mi cu Jairus hi Jesuh tonawk ah Nicodemas bantuk in Zaan I va kal zong siloin chunceu zapi hmuh tein Jesuh tonah a kalnak kha asi. A va kalnak hmunah khan mi tampi an rak um. Jesuh sin a kalnak cu a fanu a zawt caah asi. A fanu damlonak kha Jesuh sin ah chim awk ah a ra. Pa le caah fa le an zawt lio hmuh hi a har ngaingai mi asi. Jairus cu Jesuh umnak cunglei khan chungah cun thawngzong thanh hmasa (Appointment) loin a kai cawlh I Jesuh kehram ah a bawk cawlh.
Hi zawnah Jairus hi a mah PUMPAK (Kawlholh cun: Kottaing) bak Jesuh sinah a kal kha kan hmuh. A Nupi zong a thlah lo, a fa le dang zong a thlah hna lo, an sinum zong a thlah lo I AMAH PUMPAK hrimhrim in a Jesuh tonawk ah a kal.
Ruahchihawk:
Nihin kan pa le tah Ningzak lo tein Jesuh a kawl mi an si maw! Innchungkhar ah tah an Tlangbawi sinak ttuanvo kha an tlinh taktak maw! Nihin kan khrihfa nunzia, khrihfa zumhnak, le Khrihfa biakinn, ram le miphun an rawk ngaingai cang. Zeicahtiah nihin PA le tamdeuh cu Jesuh kawl lo in, zarhpi zing hmanh ah pumpululh chuih zohnak, lentelcelh phunphun zohnak le nuamhnak hmun kalnak, zudin saei nak, dawr thil cawknak, thil suk ti kholhnak le vawlei thil dangdang tuahnak ah caan hmangmi si a si cang.
Nupi le lawng kha biakinn ah kalter, kuat an si. Jairus bantuk in thawng hmanh thanh hmasa manh lo in Jesuh a kawlmi Nun cu Pa le lak ah a tlau ngaingai cang. Pawngkam le innchungkhar nih hmuh khawh dingin Jesuh kan kawlnak a um ti lo. Jesuh nak in vawlei nuamhnak kan kawl nak kha fale le chungkhar nih hmuhdeuh a si cang.
PA le vialte nih Jesuh hi nitin nunnak ah KAWL sisehlaw zeibantuk thil dah a cang hnga I zeibantuk thlennak le I dannak dah fale nun, chungkhar nun le vawlei ahhin a cang hnga!
2. Jairus cu an Innchung ah Jesuh ratpi ding kha a Ning a Zak lo.
Luke 8:41 chungah Jairus nih Jesuh kehram ah bawk in Jesuh cu, AN INN RAT DING AH A SAWM, “Kan inn ah ra ko sawh,” tiah ati. Jesuh cu a van sawm i an Inn lei ah cun an kal. Mibu pi nih an zulh hna. (Kan nu mi zapi cu kan inn lei ah an ra cang hih tiah phone zong a auh men lai! A lautuk ah!)
Pathian nih kan nunnak ah, Jesuh kha chungkhar ah ra ding in a sawmmi PA a kan pe ve maw! Pa le nih kan innchungkhar ah RA dingin Jesuh kan sawmmaw! Fa le nih nunnak caah an herhmi ti le rawl kawlpiak le pek menmen lawng siloin Fale nih zungzal nunnak caah an herhmi hmun ah lam hruaitu, Fa lele innchungkhar kha cabuai cung ah tthu in thlacam pi tu PA le kan ngei hna maw! Pa le nih tah hi nun hi kan ngei maw!
PA le hna kan innchungkhar le kan fale hi thlua a chuakmi siter kan duh hna maw? thlacamnak in innchungkhar kha hruai law Pathian nih an bawmh lai. Innchungkhar ah Baibal biathiang relpinak in Jesuh a sawmtu PA si a herh. Chungkhar pumhnak tuahpinak in Jesuh kha innchungkhar ah a sawmmi PA si a herh. Mah nih innchungkhar ah pumhnak tuahpinak ah siseh Biakinn panh in pumhnak hmun kalpinak ah siseh, chungkhar le fa le kha lam hruai siloin, Pumnak ah fale le Nupi le lawng kha hei kuat (Mah tel loin) men a hmangmi PA le siloding hi a biapi ngaingai.
Matthai 9:18 ah “Jeudah milak mi bawi pakhat kha a ra I a hmaiah a khuk aa bil i….” tiah achim. Hi baibal caangnih hin Jairus zong a mah pumpak hrimhrim kha Jesuh sinah kal in a biaknak kha afianter.
PA le hna kan fa le nih kan nunnak ah Pathian a upatmi kan sinak kha hmu hna seh. Anmah kha biakinn a kalpi tu nun, Baibal a relpi tu Nun, Thla a campi tu nun le Jesuh caah a nungmi Nun kha kan fale nih kan Nunnak ah an hmuh a hau. Kan nunnak ah hi Nunzia hi a langh ahau. Jairus nun ah a fanu nih a hmuh khawhmi nunzia asi.
Pathian nih Jesuh kha innah a sawmmi PAA a kan pe ve maw! Kan innchungkhar ah Jesuh ra ding in a sawmmi PAA kan si maw!
3. Jairus cu a Fanu Nundamnak vialte kha Jesuh kut ah chanh dih ding ah a Ning a Zak lo.
Luke 8:49-56; Jairus cu Jesuh sin a um cuahmah lio ah cun a Fanu thihnak zualko a ra I na fanu a thi cang tiah an rak chimh. A Fanu a thi cang ti thawng a theih tiang zong ah Jesuh (Pathian) kha zeirello in a um hlei lo I a kal tak hlei lo. A fanu nunnak cu Jesuh kut chung tu ahkhan a chanh thiamthaim rih. (Minung tampi cu, ka fa a thi cang ko mi cu tiah Jesuh kha zeirel lo in kan kaltak, kan ttin tak men lai.)
A Fa le kha Jesuh sinah a Pe dih tu PA le kan herh ngaingai hna. Fa le kha an nunnak caah Pathian duhnak a kawlmi silak in lam a hruaitu Pa le si kan herh. Kan nunnak ah kan pa le nih an kan hruai I an kan hmuhsak nak hmunlei ah minung hi kal asi. Zeilam lei ahdah kan fa le kan hruai hna I kan panhpi hna. Kan fa le hi kan mah tinhpiak mi lam ah chiah siloin Pathian tinhpiak mi raithawinak lam cung ah ralttha tein kan chiahhna a herh. Abraham zong a fapa ngeihchunh te cu tinhpiak mi a ngeihpiak ve len ko lai nain, Pathian nih a hal tikah Bawipa tinhmi lam cung tu ah Ui lo tein a fapa nunnak cu a pek. Fa le hi Pathian tinhpiakmi lam cung ah a pe tu PA le si kan herh.
Pathian nih kan caah tinhmi a ngeih. Kum 12 a si cangmi Jairus fanu nunnak chung zong in Pathian nih tinhmi a ngeih. Caang 50 nak ah Jesuh nih Jairus cu, “Na thinphang hlah zum ko law a dam ko lai” tiah a ti. Jesuh fialmi hi zoh tikah, Phanghlah, zumh tu zum na fa cu a dam lai ti asi. Cuve bantuk in Jairus zong nih a Fanu sinning dihlak cu ralttha tein Jesuh kut chungah zumhnak he a chanh.
Kan nih tah Pathian nih, a Fa le nunnak kha Jesuh sinah a petu PA a kan pe ve maw!
Biafunnak
- PA le hna kan nunnak le kan nunning chung ah kan fa le nih Zeidah an HMUH?
- Zeibantuk PA indah an kan hmuh?
- Jesuh kawl kha a ning a zak lo mi PA asi tiah an kan hmu maw?
- Jesuh kha innchungkhar ah ratpi ding in sawmding ah a ning zak lo mi PA in an kan hmu maw?
- Anmah caah thla a cam mi le an nunnak kha Pathian sinah a pemi PA in an kan hmu maw?
Rome 1:16, “Thawngttha hi ka zah pi lo, zeicahtiah a zummi vialte hna caah Pathian khamhnak hmual asi, Judah mi hna caah a si hmasa I cun Jentail mi hna ca zongah a hung si.”
Pathian khamhnak thawngtthabia kha inchungkhar le Fa le sinah phuanding le nunpi dingah a zah pilo mi PA nunnak nih chungkhar, fale, ram le miphun a dam ter lawng siloin Vawlei ah Pathian pennak tluntertu asi.
Pathian a tihzahmi PA le vialte Pathian nih thluachuah in pe ko hna seh. Nan kan hmuhsakmi Pathian dawtnak ruangah upat kan in pek hna.
Arlen Payne nih a tialmi Pa le ni chungin van tharchuahmi asi.
Zathawngcin
Bethel Baptist Church
Lewisville, Texas
Cg.40-42, “Jesuh cu tili khattelei kam I a va kir tikah khan mibu nih khan an rak lawmh zeicahtiah amah cu an rak hngah ko. Khi tikah mipa pakhat a min Jairu a simi kha a ra; amah cu cuka hrawng pumhnak inn I hruaitu pakhat asi. Jesuh ke hramah cun a bawk I ka inn ah ra ko sawh, tiah a nawl, zeicahtiah a fanu pakhat te lawng a ngeihmi, kum hleihnih a simi kha a cat lengmang.
Cg.49-56, “Cu bia cu Jesuh nih a chim lioah khan pumhnak inn zohkhenhtu inn cun zualko pakhat a ra I, ‘Na fanu cu a thi cang, saya cu hnahnawh ti duh hlah,’ tiah a chimh. Cu bia cu Jesuh nih a theih I Jairu cu a thawh I, ‘Na thinphang hlah, zum ko law a dam ko lai,’ tiah a ti. Inn kha an va phak tikah Peter le Jeim le Johan le ngakchianu a nu le a pa dah ti lo cu amah he inn chung I luh ding kha a dang ahohmanh an onh hna lo. Khika I a ummi vialte nih ngakchia cu an ttah. Jesuh nih a thawh hna I, ‘Ttap hlah u, ngakchia hi a thi lo, aa hngilh I pei a si ko cu,’ tiah a ti hna. A thi ko ti kha an hngalh caah an nih a chuak. Sihmanhsehlawk Jesuh nih a kut khan a vun tlaih I, ‘Tho tuah, ka fanu,’ tiah a vun auh. A nunnak cu a hung kir tthan I hmakhatte ah a tho; cun Jesuh nih ei awk pe u tiah a ti hna. A nu le a pa cu an khuaruah a har ngaingai, sihmanhsehlaw hi kong cu ahohmanh chim hna hlah u, tiah Jesuh nih a thlauh hna.
Biahmaikal
Luke 8 chungah hin a Fanu kong a ruat ngaingai mi pa kong kan hmuh. Amah cu Pathian Biakinn; pumhnak (Synagogue) uktu, Pathian biaknak ah a herhmi vialte tawlrel zohkhenh, tlangtlatu, Pumhnak kong tawlreltu, Biaknak phung zohkhenh tlamtlinhtu, tuchan ah kan hmuhmi hna, Pastor te bantuk in Pathian rian ah a nunnak le a caan a dih termi pa asi. Amah nihhin Pumhnak ah tuanvo ngeidingmi zong a thiah dihhna. Amahcu zapi nih theihmi le upatnak pek ngaimi pa asi. Cun amah nih hin Capernaum khua ah Jesuh nih Biakinn (Synagogus) ah bia a chim tizong hi a thei ve mi pa asi lawng siloin a mah cun Fa angeimi, PA zong a si. Afanu min cu kan thei lo nain Jairus fanu tiah tu amah minin a fanu hi auh le theih asi. Afanu tenih hin a pa cu an Pathian biaknak le cawlcanghnak ah an pawngkam mipi nun ah hiipkhawhnak nun a ngeimi a si le, bochanmi pa a si kha fiang tein a PA nun ah a hmuhkhawh. Kapkhat ah thinphang a si vemi cu chanthar mino bantuk in Pathian rianah vaa pektuk le, biakinn rian ah va buaituk hna hi channih a kaltak cang tiah a hmuh ve sual hngamaw tihi a si! Sihmanhsehlaw a PA nunnak ah Jairus fanu nih zeidah a hmuh ti kha kan van zoh lai.
1. Jesuh Kawl ah a ning a zak lo mi PA in a hmuh.
Luke 8:41 ah, “Khi tikah mipa pakhat a min Jairu a simi kha A RA…” tiah aa tial. Hinih a langhter mi cu Jairus hi Jesuh tonawk ah Nicodemas bantuk in Zaan I va kal zong siloin chunceu zapi hmuh tein Jesuh tonah a kalnak kha asi. A va kalnak hmunah khan mi tampi an rak um. Jesuh sin a kalnak cu a fanu a zawt caah asi. A fanu damlonak kha Jesuh sin ah chim awk ah a ra. Pa le caah fa le an zawt lio hmuh hi a har ngaingai mi asi. Jairus cu Jesuh umnak cunglei khan chungah cun thawngzong thanh hmasa (Appointment) loin a kai cawlh I Jesuh kehram ah a bawk cawlh.
Hi zawnah Jairus hi a mah PUMPAK (Kawlholh cun: Kottaing) bak Jesuh sinah a kal kha kan hmuh. A Nupi zong a thlah lo, a fa le dang zong a thlah hna lo, an sinum zong a thlah lo I AMAH PUMPAK hrimhrim in a Jesuh tonawk ah a kal.
Ruahchihawk:
Nihin kan pa le tah Ningzak lo tein Jesuh a kawl mi an si maw! Innchungkhar ah tah an Tlangbawi sinak ttuanvo kha an tlinh taktak maw! Nihin kan khrihfa nunzia, khrihfa zumhnak, le Khrihfa biakinn, ram le miphun an rawk ngaingai cang. Zeicahtiah nihin PA le tamdeuh cu Jesuh kawl lo in, zarhpi zing hmanh ah pumpululh chuih zohnak, lentelcelh phunphun zohnak le nuamhnak hmun kalnak, zudin saei nak, dawr thil cawknak, thil suk ti kholhnak le vawlei thil dangdang tuahnak ah caan hmangmi si a si cang.
Nupi le lawng kha biakinn ah kalter, kuat an si. Jairus bantuk in thawng hmanh thanh hmasa manh lo in Jesuh a kawlmi Nun cu Pa le lak ah a tlau ngaingai cang. Pawngkam le innchungkhar nih hmuh khawh dingin Jesuh kan kawlnak a um ti lo. Jesuh nak in vawlei nuamhnak kan kawl nak kha fale le chungkhar nih hmuhdeuh a si cang.
PA le vialte nih Jesuh hi nitin nunnak ah KAWL sisehlaw zeibantuk thil dah a cang hnga I zeibantuk thlennak le I dannak dah fale nun, chungkhar nun le vawlei ahhin a cang hnga!
2. Jairus cu an Innchung ah Jesuh ratpi ding kha a Ning a Zak lo.
Luke 8:41 chungah Jairus nih Jesuh kehram ah bawk in Jesuh cu, AN INN RAT DING AH A SAWM, “Kan inn ah ra ko sawh,” tiah ati. Jesuh cu a van sawm i an Inn lei ah cun an kal. Mibu pi nih an zulh hna. (Kan nu mi zapi cu kan inn lei ah an ra cang hih tiah phone zong a auh men lai! A lautuk ah!)
Pathian nih kan nunnak ah, Jesuh kha chungkhar ah ra ding in a sawmmi PA a kan pe ve maw! Pa le nih kan innchungkhar ah RA dingin Jesuh kan sawmmaw! Fa le nih nunnak caah an herhmi ti le rawl kawlpiak le pek menmen lawng siloin Fale nih zungzal nunnak caah an herhmi hmun ah lam hruaitu, Fa lele innchungkhar kha cabuai cung ah tthu in thlacam pi tu PA le kan ngei hna maw! Pa le nih tah hi nun hi kan ngei maw!
PA le hna kan innchungkhar le kan fale hi thlua a chuakmi siter kan duh hna maw? thlacamnak in innchungkhar kha hruai law Pathian nih an bawmh lai. Innchungkhar ah Baibal biathiang relpinak in Jesuh a sawmtu PA si a herh. Chungkhar pumhnak tuahpinak in Jesuh kha innchungkhar ah a sawmmi PA si a herh. Mah nih innchungkhar ah pumhnak tuahpinak ah siseh Biakinn panh in pumhnak hmun kalpinak ah siseh, chungkhar le fa le kha lam hruai siloin, Pumnak ah fale le Nupi le lawng kha hei kuat (Mah tel loin) men a hmangmi PA le siloding hi a biapi ngaingai.
Matthai 9:18 ah “Jeudah milak mi bawi pakhat kha a ra I a hmaiah a khuk aa bil i….” tiah achim. Hi baibal caangnih hin Jairus zong a mah pumpak hrimhrim kha Jesuh sinah kal in a biaknak kha afianter.
PA le hna kan fa le nih kan nunnak ah Pathian a upatmi kan sinak kha hmu hna seh. Anmah kha biakinn a kalpi tu nun, Baibal a relpi tu Nun, Thla a campi tu nun le Jesuh caah a nungmi Nun kha kan fale nih kan Nunnak ah an hmuh a hau. Kan nunnak ah hi Nunzia hi a langh ahau. Jairus nun ah a fanu nih a hmuh khawhmi nunzia asi.
Pathian nih Jesuh kha innah a sawmmi PAA a kan pe ve maw! Kan innchungkhar ah Jesuh ra ding in a sawmmi PAA kan si maw!
3. Jairus cu a Fanu Nundamnak vialte kha Jesuh kut ah chanh dih ding ah a Ning a Zak lo.
Luke 8:49-56; Jairus cu Jesuh sin a um cuahmah lio ah cun a Fanu thihnak zualko a ra I na fanu a thi cang tiah an rak chimh. A Fanu a thi cang ti thawng a theih tiang zong ah Jesuh (Pathian) kha zeirello in a um hlei lo I a kal tak hlei lo. A fanu nunnak cu Jesuh kut chung tu ahkhan a chanh thiamthaim rih. (Minung tampi cu, ka fa a thi cang ko mi cu tiah Jesuh kha zeirel lo in kan kaltak, kan ttin tak men lai.)
A Fa le kha Jesuh sinah a Pe dih tu PA le kan herh ngaingai hna. Fa le kha an nunnak caah Pathian duhnak a kawlmi silak in lam a hruaitu Pa le si kan herh. Kan nunnak ah kan pa le nih an kan hruai I an kan hmuhsak nak hmunlei ah minung hi kal asi. Zeilam lei ahdah kan fa le kan hruai hna I kan panhpi hna. Kan fa le hi kan mah tinhpiak mi lam ah chiah siloin Pathian tinhpiak mi raithawinak lam cung ah ralttha tein kan chiahhna a herh. Abraham zong a fapa ngeihchunh te cu tinhpiak mi a ngeihpiak ve len ko lai nain, Pathian nih a hal tikah Bawipa tinhmi lam cung tu ah Ui lo tein a fapa nunnak cu a pek. Fa le hi Pathian tinhpiakmi lam cung ah a pe tu PA le si kan herh.
Pathian nih kan caah tinhmi a ngeih. Kum 12 a si cangmi Jairus fanu nunnak chung zong in Pathian nih tinhmi a ngeih. Caang 50 nak ah Jesuh nih Jairus cu, “Na thinphang hlah zum ko law a dam ko lai” tiah a ti. Jesuh fialmi hi zoh tikah, Phanghlah, zumh tu zum na fa cu a dam lai ti asi. Cuve bantuk in Jairus zong nih a Fanu sinning dihlak cu ralttha tein Jesuh kut chungah zumhnak he a chanh.
Kan nih tah Pathian nih, a Fa le nunnak kha Jesuh sinah a petu PA a kan pe ve maw!
Biafunnak
- PA le hna kan nunnak le kan nunning chung ah kan fa le nih Zeidah an HMUH?
- Zeibantuk PA indah an kan hmuh?
- Jesuh kawl kha a ning a zak lo mi PA asi tiah an kan hmu maw?
- Jesuh kha innchungkhar ah ratpi ding in sawmding ah a ning zak lo mi PA in an kan hmu maw?
- Anmah caah thla a cam mi le an nunnak kha Pathian sinah a pemi PA in an kan hmu maw?
Rome 1:16, “Thawngttha hi ka zah pi lo, zeicahtiah a zummi vialte hna caah Pathian khamhnak hmual asi, Judah mi hna caah a si hmasa I cun Jentail mi hna ca zongah a hung si.”
Pathian khamhnak thawngtthabia kha inchungkhar le Fa le sinah phuanding le nunpi dingah a zah pilo mi PA nunnak nih chungkhar, fale, ram le miphun a dam ter lawng siloin Vawlei ah Pathian pennak tluntertu asi.
Pathian a tihzahmi PA le vialte Pathian nih thluachuah in pe ko hna seh. Nan kan hmuhsakmi Pathian dawtnak ruangah upat kan in pek hna.
Arlen Payne nih a tialmi Pa le ni chungin van tharchuahmi asi.
Zathawngcin
Bethel Baptist Church
Lewisville, Texas
