KAN THILRIT KAN I PHAWRH TAWN!
“Na thilrit cu Bawipa sinah thum ta law amah nih an bawmh lai…” Salm 55:22
Lairam kan um lio i hawikom rual nih kan ceih tawnmi capo lakah ka philh khawh lo mi cu, Lai putar pa kong asi. Thilrit taktak sei in aa beimi Tarpa cu, motor lam zulh in khua leiah a kir. Cho a kai cuahmah lioah Motor nih a hun phanh. A zawn an ruah tuk caah an motor ah kai ve ko tiah an sawm. Lawm taktak i a kai ve. Aa lawmhtuk ahhin zeitehmanh a chim kho lo. Lai lei theu kan ti cu mi dawtnak hi kan sunhlawih tuk tawn i, mi nih an kan bawmh tikah siarem lo a hmangmi (Kawl nih, ANA TAT DAE! An timi) kan si caah, Tarpa nih a ruahmi cu, keimah hmanh an motor cungah an ka kai ter cang caah ka thil hi cu keimah tein i bei ko ning ti asi. Cucaah Motor aa cit bu cun, a sei thilrit cu chia duh lo in motor cung ah cun aa bei peng ko. Motor ngei pawl cu an sia a rem lo tuk i, Ka Pu na sei cu thum law Motor chungah khan chia ko tiah an ti. Tarpa nih ka fa le keimah hmanh nan va ka phawrh hi a za cang ko, ka thilrit hi cu keimah tein i bei ko ning tiah hmaikhap lo taktak in a leh hna, ti asi. Hi kong hi kan rak ceih theu tawnmi capo asi nain ka ruah than tikah Khrihfa nun ah a cang taktak mi thil a si rua ka ti.
Pathian sinah kan tuah tawnmi thil asi. Na tuah bal ve maw? Kan nunnak ah kan i theih lo karah kan chim theu mi cu, “Bawipa, khamhnak nawl cu kan pek ko. Sihmanhsehlaw thilrit cu keimah tein kaa phawrh ko lai,” kan ti tawn. Van cungah Arfi le thlapa dihlak a thlai khotu Pathian, a kan sertu Bawi, Nunnak pek in a kan khamhtu kha, Bawipa ka khamh ko, sinain keimah tein ka thilrit cu kaa phawrh ko lai a ti mi Zumtu hi zeitluk zangfak dah kan si! Na ruat bal maw! Adrian nih, “Hell chung in Bawipa nih a ka khamh khawh tiah na zumh khawh asi ahcun, ka thilrit vialte zong hi a mah cungah a tu ka khinh khawh ko tiah na ruat lo maw?” ati. Hell chung in an chuah khotu Pathian sinah na thilrit vialte khinh i zuam. Biatak nih an luatter cang, nangmah tein na thilrit i phawrh ti hlah. Bawipa nih an luatter lai.
Ruahchih Awk:
1. Vawlei thilrit na phawrh tikah zeitindah tei khawh naa zuam tawn?
2. Vawlei thilrit hi Pathian thawnnak nak in a ngan deuhmi a um ko lai tiah na zum maw?
3. Teinak hriam tha bik hi zeidah asi tiah na zumh?
“Na thilrit cu Bawipa sinah thum ta law amah nih an bawmh lai…” Salm 55:22
Lairam kan um lio i hawikom rual nih kan ceih tawnmi capo lakah ka philh khawh lo mi cu, Lai putar pa kong asi. Thilrit taktak sei in aa beimi Tarpa cu, motor lam zulh in khua leiah a kir. Cho a kai cuahmah lioah Motor nih a hun phanh. A zawn an ruah tuk caah an motor ah kai ve ko tiah an sawm. Lawm taktak i a kai ve. Aa lawmhtuk ahhin zeitehmanh a chim kho lo. Lai lei theu kan ti cu mi dawtnak hi kan sunhlawih tuk tawn i, mi nih an kan bawmh tikah siarem lo a hmangmi (Kawl nih, ANA TAT DAE! An timi) kan si caah, Tarpa nih a ruahmi cu, keimah hmanh an motor cungah an ka kai ter cang caah ka thil hi cu keimah tein i bei ko ning ti asi. Cucaah Motor aa cit bu cun, a sei thilrit cu chia duh lo in motor cung ah cun aa bei peng ko. Motor ngei pawl cu an sia a rem lo tuk i, Ka Pu na sei cu thum law Motor chungah khan chia ko tiah an ti. Tarpa nih ka fa le keimah hmanh nan va ka phawrh hi a za cang ko, ka thilrit hi cu keimah tein i bei ko ning tiah hmaikhap lo taktak in a leh hna, ti asi. Hi kong hi kan rak ceih theu tawnmi capo asi nain ka ruah than tikah Khrihfa nun ah a cang taktak mi thil a si rua ka ti.
Pathian sinah kan tuah tawnmi thil asi. Na tuah bal ve maw? Kan nunnak ah kan i theih lo karah kan chim theu mi cu, “Bawipa, khamhnak nawl cu kan pek ko. Sihmanhsehlaw thilrit cu keimah tein kaa phawrh ko lai,” kan ti tawn. Van cungah Arfi le thlapa dihlak a thlai khotu Pathian, a kan sertu Bawi, Nunnak pek in a kan khamhtu kha, Bawipa ka khamh ko, sinain keimah tein ka thilrit cu kaa phawrh ko lai a ti mi Zumtu hi zeitluk zangfak dah kan si! Na ruat bal maw! Adrian nih, “Hell chung in Bawipa nih a ka khamh khawh tiah na zumh khawh asi ahcun, ka thilrit vialte zong hi a mah cungah a tu ka khinh khawh ko tiah na ruat lo maw?” ati. Hell chung in an chuah khotu Pathian sinah na thilrit vialte khinh i zuam. Biatak nih an luatter cang, nangmah tein na thilrit i phawrh ti hlah. Bawipa nih an luatter lai.
Ruahchih Awk:
1. Vawlei thilrit na phawrh tikah zeitindah tei khawh naa zuam tawn?
2. Vawlei thilrit hi Pathian thawnnak nak in a ngan deuhmi a um ko lai tiah na zum maw?
3. Teinak hriam tha bik hi zeidah asi tiah na zumh?
Comment Box is loading comments...
