KHRIHFABU ON THAN TIKAH
THITHRUAI NING TIMH CIA
A HERHMI MIPHU PALI
“The Pursuit of Purpose” (2019) timi cauk tial tu Clarence L. Haynes Jr. nih Biakinn on than tikah lamhruai thiam a herh lai mi miphu pali kong a tial i Khrihfabu riantu caah timhlamhnak bawmtu tha asi hmanh maw tiah a rel rihlo mi hna caah a rem zawng in hun sersiam asi.
Covid-19 a dih tikah kan Khrihfabu hi hlan tawn ning kel in a kal than khawh nakhnga a tanglei mibu phunli kong hi felfai tein kan tawlrel le kan i timhcia a hau.
1. Covid-19 Ruangah Chungkhar Nih Thihtakmi Phu (The Grievers)
Matthai 5:4A ṭap a hrammi cu lunglawmmi nan va si dah! Pathian nih an hnemh hna lai. Khrihfabu innka on than asi tikah ton khawh asi mi thil nganpi pakhat cu Covid ruangah dawtbik mi Chungkhar, Rualchan cingla le Hawikom tha hna nih thih takmi; Ngaihchiat tuar rih mi hna an um te lai.
Dawtmi nih thihtak mi caah lungsi tein ngaihchiat can hmanh ngeih khawh asi lo cu kan hngalh cio bantuk in hi ngaihchia mi hna Hnemh, Thazang pek le Lamhruai nak ding caah i timhlamh cia a hau. Dawtmi ruak thlah lio ah minung 10 nak tlawm lawng telnak nawl pek asi lawng siloin thlah tik zongah minung i hlat in dir a hauh lio can asi bantukin tam deuh ruak thlah ah cun minung pakhathnih taktak te lawng kal a si can zong a um. Ngaihchiat an tonmi nakah pawngkam sinin dirkamh, tuarpi, thapek le hawikom dawtnak kha tlamtling in an tinco, an hmuh khawh lo caah anmah tein Teikhawh dingah a har mi dirhmun i an dir lio can asi. Thihfah zun hmafak tuar in an um lio caan ah len khawh an si lo caah an mah te lawng Inn chungah thi dengin an rak tuar. Dawtmi thihnak in a chuak mi harnak, thinlung kuainak vialte bawmtu ngei lo in can saupi chung anmah te lawng an rak in cang ti kha fiang tein theihfian khawh asi.
Mi cheukhat cu ruak thlahnak kha Video (Virtual) in dawtu vialte nih telpi nak lam kawl le telpi mi zong um asi. Pumsa le mibu in telpi khawh si hlah hmanhseh Thihnak a tongmi kan dawt mi hna thazang pek le dirkamh thapek ai ah ruahmi le tuahmi asi.
Dawtmi nih kaltak mi hna hi Virus an ngeih lo tiang zongah a ngeimi tluk tein an tuar ve. Virus ngeimi bantuk in pehtlaih le ruah le zoh an si caah a zawmi tlukin thinlung thilrit a phor mi an si kha Khrihfabu hruaitu hna nih philh lo le ruahcia ding hi a biapi ngaingai.
Rome 12:15 nih a kan fialmi cu, “Aa lawmmi sinah vaa lawm ve u, a ṭapmi sinah va ṭap ve u,” ti asi. Hi Bible cang ah biafang Muru cu “SINAH” asi. Virus tlun chung vialte “SINAH” timi biafang a tling kho lo. Ho-he-hmanh hmunkhat ah um ti khawh lo lio caan asi. Cucaah “SINAH” biafang a tlin khawh nakhnga timh ciammam tein caan sersiam zong a herh ahcun tuah ding asi. Caan zeimawzat a liam cangmi asi ko lai nain pawngkam mi hna nih an cungah kan Dawt hna nak a co kho lo mi le hnemhnak a hmu kho lo mi, Thihlohnak a tongmi hna caah kha thil kan tuahmi nih khan kan Pathian Biaknak rang tein Hlantawnning (Normal) asi than nakhnga tampi a BAWMH lai.
2. Biakinn Panh Dingah Thinlungnunnak Timhcia Asi Rih Lo Mi Phu (The Wait-and-Seers)
Efesa 4:2Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.
Covid-19 nih a chuahpi mi thildik kan ton laimi pakhat cu; Biakinn innka on khawh asi cang caah biakinn pumh nan thok i minung zeimawzat nan hung chuah mi kha mi vialte kan i pum, kan chuak dih cang tinak asi lai lo. Biakinn inka on men ruangah Biakinn panh dingah a ruat rihlomi, aa hnawhnam lomi minung nan Khrihfabu chungtel lakah an um len rih te lai. Cucu Khrihfabu an dawtlo le an minung hawi an dawt hna lo kha si loin, anmah pumpak himnak le an dawtmi chungkhar himnak caah a tha tiah an ruah caah asi.
Hibantuk zumtu hna hi nan Khrihfabu chungah an um tikah tuah khawhmi lam tha pakhat lawnglawng a um; an cungah – VELNGEIHNAK – ngeih asi. An zumhnak a thawng lo, zumhnak an ngei lo, Pathian an i bochan lo tiin Sual phuhrun nak ngei lakin Biakinn an phak nakhnga namchih le hnek kha tuah lo ding asi. An tonmi thil chungin an mah tein thil sining kha an dawi than khawh i, pawngkam kal ning kel ah an i fonh khawh tuan ve nakhnga timhlamh can pek le velngeihnak he hngah le lamhruai thiam kha a biapi (Give them the space and the grace).
1918 i a donghnak vawlei pi PULH tlun lio ah a nungmi na si dah lo ahcun a tu kan tonmi Pulh bantuk hi vawlei ah a hmu balmi le a tong balmi kan um lo. Vawlei cung pumpuluk a hninh dih. Cucaah na hruaimi zumtu hna cungah vel na ngeih hna a herh khun. Khrihfabu sining hlan tawn ningte a phak than khawh nakhnga caah ralrin tein kan mipi Dawt thiam; an thangchiat le an kong ceih lo te um thiam a herh ngaingai.
Pul ral nih kan pawngkam a thianh dih kan hmuh. Damhnak si taktak a um rih lo ruangah Biakinn on thawngin kan pawngkam a thiang cang ti awk a that hlei lai lo caah minung tampi cu zapi zaraan nak in ralring tein hi zawtnak kongah an um rih lai ti kha a fiang. Cucaah an dirhmun cungah DAWT khawh i zuam tu hi Hruaitu caah a biapi.
Atu bantuk caan hi Galati 5 chungah a ummi Thlarau theitlai, a hlei in Dawtnak, Lungsaunak, Zangfahnak hna langhter nakding caah can thabik can asi. Hihi kan tuah ahcun kan dawtmi zumtu hna nun ah a cam lan cang lai i an philh ti lai lo.
3. Covid Zawtnak In A Dam Thanmi Phu (The Overcomers)
Salm 23:4
A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.
“Thihnak thla (Shadow of Death) nih a khuhmi nelrawl chungah kal hmanhning law kan sinah na um caah ka tih lai lo…(NKJV)
Zawtnak in a dam thanmi hna nih sizung an um lio lawng hmanhah siloin an chuah hnu ah fak chinchin in an ruahmi le mangchia bantuk in an nunnak a thih pengmi pahnih a um. Cu hna cu;
A. Zeiruang ah Keimah Theng? (Why me?)
Sizung an um lio ah cat loin an nun ah biahalnak an ngeih pengmi cu, “Zeiruangah hi Zawtnak hi ka ngah?” tihi asi. Ka dam tikah hi biahalnak hi aa thleng te lai tiah zumhnak an ngei nain an hung chuah taktak tikah, “Zeiruangah Keimah?”timi biahalnak nih cun a dawi thiamthiam rih hna. Aa thlengmi tu cu, “Midang an thih lio ah Zeiruangah Keimah hi ka NUN?” ti asi; Biahalnak cu an ngeih peng!
Adam mi micheu hna caah cun ruahtlak lomi biahalnak bantuk a lo men lai nain Thihnak ral chungin a luatmi hna nun ahcun a cam pengmi biahalnak asi. Hruaitu tha kan si ahcun hi biahalnak hi felfai tein kan fianh khawh hna nakhnga timhlamhnak kan ngeih cia a herh.
Virus in a dam than mi hna nihhin hi biahalnak hi an KAA in thang piin an chim lo kho nain an nunnak thinlung chungah cat loin a ummi, zingchunzan an chunglei nunah a cam peng mi biahalnak asi kha philh lo ding asi.
B. Zawtnak Hmape Ka Nun Ah A Cam Thaimi A Um Lai Maw?
The Scarlet Letter tuanbia cauk chungah Hester Prynne cu Arthur Dimmesdale he an i duh tikah an sualnak langhter nak caah le mi zapi nih mi sual an si an hngalh hna nakhnga caah cahang sen in tialmi “A” cafang putter a si nak kong an tial. Cu cafang aa putmi hna cu pawngkam nih mi sual zoh in zoh le nehsawh deuh an si.
Covid zawtnak ngeih hi sual asi hrimhrim lo nain hi damlonak nih a tlunhmi hna i an chunglei nun ahcun pawngkam minung nih an ka tih hnga maw, an ka nek hnga maw, an ka zohchuk deuh hnga maw tiin cahang sen in tialmi “A” cafang aa putmi bantuk in phuhrunnak le tihphannak nih an nun a zual hna.
Zawtnak ka ngeih hi hngal hna sehlaw ka pawngkam ah a tlongleng mi hna hi an sia a rem hnga maw timi kong an ruat peng. Catial tupa nih Covid in a dam than mi a hawipa kong a tial tikah a hawipa nih a phanmi le a ruahmi pawl a chimh hlan ah cun a ruah awk hmanh ah a hngalh hna lo nak a chim. Pawngkam minung hna zohchuk lai tih le phan ah zawtnak nih a tlunh ko nain a chim ngam lo mi tampi an rak um lai ti zong ka lung ah a chuak tiah ati. Kanmah pawngkam zongah hihi a um kho mi asi.
Virus nih a tlunh i damnak a hmu than mi hna nun ah a um mi, hi biahalnak pahnih hi Khrihfabu hruaitu vialte nih ruah le timhlamhnak ngeihcia a phu mi an si. Virus in a dam than mi hna caah nan Khrihfabu kha hnangam tein an tlon len khawhnak le lunglawm tein an thutdir ngamnak ding caah a himmi hmunhma asi le si lo kha Hruaitu nih tha tein timhlamh zohfianh le Virus in a dam thanmi vialte lunglawm tein a dongmi Khrihfabu kan si nakhnga i timhlamh cia hi a biapi ngaingai.
Hi caan hi Hruaitu caah Zohchun Ding Nun (Example) in mi hruainak ding caah can tha asi. Hruaitu hrimhrim nih Virus in a dam mi hna kha kan hruaimi vialte nih zohchun dingin kan don hna le lawm tein kan chiah hna ding kha hruaitu kan si hnawhchan le kan dirhmun muru taktak kan si ding ning zong asi.
4. Biakinn A Panh Kho Rih Lo Mi Phu (Those Who Can’t Return Yet)
Matthai 25:40
Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.
Khrihfabu chungtel lakah Biakinn phak a duh tuk ko nain asi ning nih a tlinh rih lomi an um ve lai. Zawtnak dangdang ruangah maw, cansau damlonak an ngeihmi ruangah maw mi zaraan nak in a der deuh i biakinn on sin in hawi sinah a chuak kho lo hrimhrimmi an um lai. Hawi hleiin bawmh a herhmi an si kho. Khrihfabu on hnu ah a donghnak ah biakinn a panh kho dingmi phu an si. Hi hna konghi PHILH SUAL LO DING A BIAPI TUK.
Inchung Erh (Quarantined) lio ah cun chungtel vialte pehtlaih hi a fawi deuh ngai kho nain Khrihfabu ong in riantuan van thok tikah hi hna phu hi lanhtak sual le philh sual an fawi te.
Cucaah Khrihfabu innka kan on than tik i riantuan kan thok cang lai tiin tuah dingmi rian kan timh (Ministry Planning) tikah hi phu hi philh lo ding an si. Annih hi hawi dang vialte tluk tein Pathian caah an sunglawi i an Biapi ve. Rian cu tam deuh in nan buai deuh ko lai nain hawi hlei in bawmh a herhmi vialte hna hi philhmi an si sual nakhnga lo ralrin nak ngeih a herh ngaingai lai.
Jesuh nih Tuu tlau pakhat kawl dingah a dang 99 a kal tak hna kha philh lo a hau. Hawi sinah a chuak kho cawlh lomi phu hi Jesuh nih a va kawlmi Tuu pakhat kha an si. Hi hna hi na philh hna lo tikah na riantuannak in Jesuh na upat asi.
Nun Tawnning Kel Taktak (The Real New Normal)
Covid-19 a tlun hlan kan sining kel kha zeitik ahdah kan phak than lai ti cu hohmanh nih kan hngal kho lo. Kan nunnak hmun tampi ah cun hlanlio sining phak than khawh ti lo dingmi zong an um hrimhrim ko lai.
Hruaitu hna rian cu Bawipa nih zohkhenh dingah an pekmi Tuurun kha Hngalh, Rianh le Thilthar chungah luhpi kha asi. A Fawi mi thil cu a si hrimhrim lai lo nain Hruaitu SI (Being a leader) hi zeitikhmanhah a fawimi a si bal lo. Atu bantuk in kan caah zungzal timhcia a si mi Pathian khuaruahhar thawnnak le Vel bochan in zumhnak he hmainor a herh can hi tampi a um ko.
Pathian Vel kha bochan. Amah sinah Fimnak Hal. A dawtnak le a zangfahnak in khat. Minung i bochan loin Pathian tu kha na lungchung dihlak in i bochan (Salm 118:8). Nangmah fimnak kha i rinh hlah (Phungthlukbia 3:5). A rummi Pathian nih na herhmi vialte cu an pek zungzal ko lai (Filipi 4:19). Hngalh khawh lomi Khrihfabu hmailei kongah lungdai tein um law na ral cu Bawipa nih an teipiak ko lai (Exodus 14:14). Pathian Au zungzal law na hngalh khawh lo mi, thuhmi thil lianngan an chimh lai (Jeremiah 33:3). Phang hlah, kan bawmh lai (Isaiah 41:13) an ti tu a thawngmi Pathian bochan in Bawipa fialmi rian kha felfai tein tuan i zuam law a cunglei langhter mi Miphu pali hna zong hlan tawnning tein Bawipa sinah tluang tein an kir than khawh nakhnga bawmtu ah Bawipa nih an hman ko lai.
Theihternak:
“The Bible Study Club” thoktu pa capar tharchuah mi le sersiammi asi.
Lawmhnak tampi he
Zathawngcin Siakhel
May 8, 2020
Covid-19 a dih tikah kan Khrihfabu hi hlan tawn ning kel in a kal than khawh nakhnga a tanglei mibu phunli kong hi felfai tein kan tawlrel le kan i timhcia a hau.
1. Covid-19 Ruangah Chungkhar Nih Thihtakmi Phu (The Grievers)
Matthai 5:4A ṭap a hrammi cu lunglawmmi nan va si dah! Pathian nih an hnemh hna lai. Khrihfabu innka on than asi tikah ton khawh asi mi thil nganpi pakhat cu Covid ruangah dawtbik mi Chungkhar, Rualchan cingla le Hawikom tha hna nih thih takmi; Ngaihchiat tuar rih mi hna an um te lai.
Dawtmi nih thihtak mi caah lungsi tein ngaihchiat can hmanh ngeih khawh asi lo cu kan hngalh cio bantuk in hi ngaihchia mi hna Hnemh, Thazang pek le Lamhruai nak ding caah i timhlamh cia a hau. Dawtmi ruak thlah lio ah minung 10 nak tlawm lawng telnak nawl pek asi lawng siloin thlah tik zongah minung i hlat in dir a hauh lio can asi bantukin tam deuh ruak thlah ah cun minung pakhathnih taktak te lawng kal a si can zong a um. Ngaihchiat an tonmi nakah pawngkam sinin dirkamh, tuarpi, thapek le hawikom dawtnak kha tlamtling in an tinco, an hmuh khawh lo caah anmah tein Teikhawh dingah a har mi dirhmun i an dir lio can asi. Thihfah zun hmafak tuar in an um lio caan ah len khawh an si lo caah an mah te lawng Inn chungah thi dengin an rak tuar. Dawtmi thihnak in a chuak mi harnak, thinlung kuainak vialte bawmtu ngei lo in can saupi chung anmah te lawng an rak in cang ti kha fiang tein theihfian khawh asi.
Mi cheukhat cu ruak thlahnak kha Video (Virtual) in dawtu vialte nih telpi nak lam kawl le telpi mi zong um asi. Pumsa le mibu in telpi khawh si hlah hmanhseh Thihnak a tongmi kan dawt mi hna thazang pek le dirkamh thapek ai ah ruahmi le tuahmi asi.
Dawtmi nih kaltak mi hna hi Virus an ngeih lo tiang zongah a ngeimi tluk tein an tuar ve. Virus ngeimi bantuk in pehtlaih le ruah le zoh an si caah a zawmi tlukin thinlung thilrit a phor mi an si kha Khrihfabu hruaitu hna nih philh lo le ruahcia ding hi a biapi ngaingai.
Rome 12:15 nih a kan fialmi cu, “Aa lawmmi sinah vaa lawm ve u, a ṭapmi sinah va ṭap ve u,” ti asi. Hi Bible cang ah biafang Muru cu “SINAH” asi. Virus tlun chung vialte “SINAH” timi biafang a tling kho lo. Ho-he-hmanh hmunkhat ah um ti khawh lo lio caan asi. Cucaah “SINAH” biafang a tlin khawh nakhnga timh ciammam tein caan sersiam zong a herh ahcun tuah ding asi. Caan zeimawzat a liam cangmi asi ko lai nain pawngkam mi hna nih an cungah kan Dawt hna nak a co kho lo mi le hnemhnak a hmu kho lo mi, Thihlohnak a tongmi hna caah kha thil kan tuahmi nih khan kan Pathian Biaknak rang tein Hlantawnning (Normal) asi than nakhnga tampi a BAWMH lai.
2. Biakinn Panh Dingah Thinlungnunnak Timhcia Asi Rih Lo Mi Phu (The Wait-and-Seers)
Efesa 4:2Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.
Covid-19 nih a chuahpi mi thildik kan ton laimi pakhat cu; Biakinn innka on khawh asi cang caah biakinn pumh nan thok i minung zeimawzat nan hung chuah mi kha mi vialte kan i pum, kan chuak dih cang tinak asi lai lo. Biakinn inka on men ruangah Biakinn panh dingah a ruat rihlomi, aa hnawhnam lomi minung nan Khrihfabu chungtel lakah an um len rih te lai. Cucu Khrihfabu an dawtlo le an minung hawi an dawt hna lo kha si loin, anmah pumpak himnak le an dawtmi chungkhar himnak caah a tha tiah an ruah caah asi.
Hibantuk zumtu hna hi nan Khrihfabu chungah an um tikah tuah khawhmi lam tha pakhat lawnglawng a um; an cungah – VELNGEIHNAK – ngeih asi. An zumhnak a thawng lo, zumhnak an ngei lo, Pathian an i bochan lo tiin Sual phuhrun nak ngei lakin Biakinn an phak nakhnga namchih le hnek kha tuah lo ding asi. An tonmi thil chungin an mah tein thil sining kha an dawi than khawh i, pawngkam kal ning kel ah an i fonh khawh tuan ve nakhnga timhlamh can pek le velngeihnak he hngah le lamhruai thiam kha a biapi (Give them the space and the grace).
1918 i a donghnak vawlei pi PULH tlun lio ah a nungmi na si dah lo ahcun a tu kan tonmi Pulh bantuk hi vawlei ah a hmu balmi le a tong balmi kan um lo. Vawlei cung pumpuluk a hninh dih. Cucaah na hruaimi zumtu hna cungah vel na ngeih hna a herh khun. Khrihfabu sining hlan tawn ningte a phak than khawh nakhnga caah ralrin tein kan mipi Dawt thiam; an thangchiat le an kong ceih lo te um thiam a herh ngaingai.
Pul ral nih kan pawngkam a thianh dih kan hmuh. Damhnak si taktak a um rih lo ruangah Biakinn on thawngin kan pawngkam a thiang cang ti awk a that hlei lai lo caah minung tampi cu zapi zaraan nak in ralring tein hi zawtnak kongah an um rih lai ti kha a fiang. Cucaah an dirhmun cungah DAWT khawh i zuam tu hi Hruaitu caah a biapi.
Atu bantuk caan hi Galati 5 chungah a ummi Thlarau theitlai, a hlei in Dawtnak, Lungsaunak, Zangfahnak hna langhter nakding caah can thabik can asi. Hihi kan tuah ahcun kan dawtmi zumtu hna nun ah a cam lan cang lai i an philh ti lai lo.
3. Covid Zawtnak In A Dam Thanmi Phu (The Overcomers)
Salm 23:4
A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.
“Thihnak thla (Shadow of Death) nih a khuhmi nelrawl chungah kal hmanhning law kan sinah na um caah ka tih lai lo…(NKJV)
Zawtnak in a dam thanmi hna nih sizung an um lio lawng hmanhah siloin an chuah hnu ah fak chinchin in an ruahmi le mangchia bantuk in an nunnak a thih pengmi pahnih a um. Cu hna cu;
A. Zeiruang ah Keimah Theng? (Why me?)
Sizung an um lio ah cat loin an nun ah biahalnak an ngeih pengmi cu, “Zeiruangah hi Zawtnak hi ka ngah?” tihi asi. Ka dam tikah hi biahalnak hi aa thleng te lai tiah zumhnak an ngei nain an hung chuah taktak tikah, “Zeiruangah Keimah?”timi biahalnak nih cun a dawi thiamthiam rih hna. Aa thlengmi tu cu, “Midang an thih lio ah Zeiruangah Keimah hi ka NUN?” ti asi; Biahalnak cu an ngeih peng!
Adam mi micheu hna caah cun ruahtlak lomi biahalnak bantuk a lo men lai nain Thihnak ral chungin a luatmi hna nun ahcun a cam pengmi biahalnak asi. Hruaitu tha kan si ahcun hi biahalnak hi felfai tein kan fianh khawh hna nakhnga timhlamhnak kan ngeih cia a herh.
Virus in a dam than mi hna nihhin hi biahalnak hi an KAA in thang piin an chim lo kho nain an nunnak thinlung chungah cat loin a ummi, zingchunzan an chunglei nunah a cam peng mi biahalnak asi kha philh lo ding asi.
B. Zawtnak Hmape Ka Nun Ah A Cam Thaimi A Um Lai Maw?
The Scarlet Letter tuanbia cauk chungah Hester Prynne cu Arthur Dimmesdale he an i duh tikah an sualnak langhter nak caah le mi zapi nih mi sual an si an hngalh hna nakhnga caah cahang sen in tialmi “A” cafang putter a si nak kong an tial. Cu cafang aa putmi hna cu pawngkam nih mi sual zoh in zoh le nehsawh deuh an si.
Covid zawtnak ngeih hi sual asi hrimhrim lo nain hi damlonak nih a tlunhmi hna i an chunglei nun ahcun pawngkam minung nih an ka tih hnga maw, an ka nek hnga maw, an ka zohchuk deuh hnga maw tiin cahang sen in tialmi “A” cafang aa putmi bantuk in phuhrunnak le tihphannak nih an nun a zual hna.
Zawtnak ka ngeih hi hngal hna sehlaw ka pawngkam ah a tlongleng mi hna hi an sia a rem hnga maw timi kong an ruat peng. Catial tupa nih Covid in a dam than mi a hawipa kong a tial tikah a hawipa nih a phanmi le a ruahmi pawl a chimh hlan ah cun a ruah awk hmanh ah a hngalh hna lo nak a chim. Pawngkam minung hna zohchuk lai tih le phan ah zawtnak nih a tlunh ko nain a chim ngam lo mi tampi an rak um lai ti zong ka lung ah a chuak tiah ati. Kanmah pawngkam zongah hihi a um kho mi asi.
Virus nih a tlunh i damnak a hmu than mi hna nun ah a um mi, hi biahalnak pahnih hi Khrihfabu hruaitu vialte nih ruah le timhlamhnak ngeihcia a phu mi an si. Virus in a dam than mi hna caah nan Khrihfabu kha hnangam tein an tlon len khawhnak le lunglawm tein an thutdir ngamnak ding caah a himmi hmunhma asi le si lo kha Hruaitu nih tha tein timhlamh zohfianh le Virus in a dam thanmi vialte lunglawm tein a dongmi Khrihfabu kan si nakhnga i timhlamh cia hi a biapi ngaingai.
Hi caan hi Hruaitu caah Zohchun Ding Nun (Example) in mi hruainak ding caah can tha asi. Hruaitu hrimhrim nih Virus in a dam mi hna kha kan hruaimi vialte nih zohchun dingin kan don hna le lawm tein kan chiah hna ding kha hruaitu kan si hnawhchan le kan dirhmun muru taktak kan si ding ning zong asi.
4. Biakinn A Panh Kho Rih Lo Mi Phu (Those Who Can’t Return Yet)
Matthai 25:40
Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.
Khrihfabu chungtel lakah Biakinn phak a duh tuk ko nain asi ning nih a tlinh rih lomi an um ve lai. Zawtnak dangdang ruangah maw, cansau damlonak an ngeihmi ruangah maw mi zaraan nak in a der deuh i biakinn on sin in hawi sinah a chuak kho lo hrimhrimmi an um lai. Hawi hleiin bawmh a herhmi an si kho. Khrihfabu on hnu ah a donghnak ah biakinn a panh kho dingmi phu an si. Hi hna konghi PHILH SUAL LO DING A BIAPI TUK.
Inchung Erh (Quarantined) lio ah cun chungtel vialte pehtlaih hi a fawi deuh ngai kho nain Khrihfabu ong in riantuan van thok tikah hi hna phu hi lanhtak sual le philh sual an fawi te.
Cucaah Khrihfabu innka kan on than tik i riantuan kan thok cang lai tiin tuah dingmi rian kan timh (Ministry Planning) tikah hi phu hi philh lo ding an si. Annih hi hawi dang vialte tluk tein Pathian caah an sunglawi i an Biapi ve. Rian cu tam deuh in nan buai deuh ko lai nain hawi hlei in bawmh a herhmi vialte hna hi philhmi an si sual nakhnga lo ralrin nak ngeih a herh ngaingai lai.
Jesuh nih Tuu tlau pakhat kawl dingah a dang 99 a kal tak hna kha philh lo a hau. Hawi sinah a chuak kho cawlh lomi phu hi Jesuh nih a va kawlmi Tuu pakhat kha an si. Hi hna hi na philh hna lo tikah na riantuannak in Jesuh na upat asi.
Nun Tawnning Kel Taktak (The Real New Normal)
Covid-19 a tlun hlan kan sining kel kha zeitik ahdah kan phak than lai ti cu hohmanh nih kan hngal kho lo. Kan nunnak hmun tampi ah cun hlanlio sining phak than khawh ti lo dingmi zong an um hrimhrim ko lai.
Hruaitu hna rian cu Bawipa nih zohkhenh dingah an pekmi Tuurun kha Hngalh, Rianh le Thilthar chungah luhpi kha asi. A Fawi mi thil cu a si hrimhrim lai lo nain Hruaitu SI (Being a leader) hi zeitikhmanhah a fawimi a si bal lo. Atu bantuk in kan caah zungzal timhcia a si mi Pathian khuaruahhar thawnnak le Vel bochan in zumhnak he hmainor a herh can hi tampi a um ko.
Pathian Vel kha bochan. Amah sinah Fimnak Hal. A dawtnak le a zangfahnak in khat. Minung i bochan loin Pathian tu kha na lungchung dihlak in i bochan (Salm 118:8). Nangmah fimnak kha i rinh hlah (Phungthlukbia 3:5). A rummi Pathian nih na herhmi vialte cu an pek zungzal ko lai (Filipi 4:19). Hngalh khawh lomi Khrihfabu hmailei kongah lungdai tein um law na ral cu Bawipa nih an teipiak ko lai (Exodus 14:14). Pathian Au zungzal law na hngalh khawh lo mi, thuhmi thil lianngan an chimh lai (Jeremiah 33:3). Phang hlah, kan bawmh lai (Isaiah 41:13) an ti tu a thawngmi Pathian bochan in Bawipa fialmi rian kha felfai tein tuan i zuam law a cunglei langhter mi Miphu pali hna zong hlan tawnning tein Bawipa sinah tluang tein an kir than khawh nakhnga bawmtu ah Bawipa nih an hman ko lai.
Theihternak:
“The Bible Study Club” thoktu pa capar tharchuah mi le sersiammi asi.
Lawmhnak tampi he
Zathawngcin Siakhel
May 8, 2020
Comment Form is loading comments...
