PATHIAN DUHNAK HNGALHNAK LAM
January 12, 2017
“Ka chung I nan um I, ka bia kha nan chungah a hmunh ahcun, nan duhmi poh kha nan ka hal lai I nan hmuh lai.” Johan 15:7
Na nunnak ah Bawipa duhnak zeidah asi ti na hngal maw? Van I hnek nak cu, “Bible relnak caah na can zeizatdah na pek I na hman,” tihi asi. Pathian nih na caah a duhnak a phuannak, a duhnak a tialnak, a duhnak nangmah/kanmah chimhnak le cawnpiaknak ding caah hmuitinh he a hlei tein tialmi, a duhnak kha thup lo tein a langhternak vialte khumhnak; Cauk vialte nak in a sangdeuh mi Cauk pakhat, Bible Cauk kha REL nak ding caah nikhat ah minute 15 hmanh CAAN pek a siang lo mi le a rel zuam lomi zumtu nunnak hi, Pathian nih ka duhnak theih a duhmi a si ko tiah a zumh lai tiah na ruat maw?
Pathian duhnak hngalh nak caah kar khatnak cu, Sungkhannak, Nun hlawtnak (Surrender) hi asi. Kanmah duhnak kha hlaw in amah duhnak ah I thial kha asi. Kar hnihnak cu, Cathiang asi. Abia rel, nun in dawp, a bia chim chin, tuaktan hlathlai I nun lam hruaitu ah ser le hman kha asi. A duhnak hmai ah na kun I, a duhnak kha na rel peng ahcun, a duhnak kha na hngalh ko lai.
Pathian bia hi a tlawmbik nikhat ah minit 15 in ni 30 chung rel dingin na pum I pe. Thlakhat a tlin tikah, cathiang in na cawn khawhmi vialte kha tuak than ruat than law Bawipa sinah nifatin te pehzul in Bible, Pathian bia, Pathian nih kan sin ah a duhnak a phuannak cauk kha re kho mi na si khawh nakhnga, Pathian sinah bawmh hal. Na caah Bawipa duhnak zeidah asi cu a roah hlan ah na theih ko lai. Pathian bia cu a nung, kaphnih har vainam nak in a thawng deuh. Minung nunnak kha a hlanh khawh dih tu asi. Pathian bia rel hi, Pathian duhnak hngalh khawh nak lam hmasa bik asi.
Zathawngcin
Bethel Baptist Church
Lewisville, Texas, USA
Na nunnak ah Bawipa duhnak zeidah asi ti na hngal maw? Van I hnek nak cu, “Bible relnak caah na can zeizatdah na pek I na hman,” tihi asi. Pathian nih na caah a duhnak a phuannak, a duhnak a tialnak, a duhnak nangmah/kanmah chimhnak le cawnpiaknak ding caah hmuitinh he a hlei tein tialmi, a duhnak kha thup lo tein a langhternak vialte khumhnak; Cauk vialte nak in a sangdeuh mi Cauk pakhat, Bible Cauk kha REL nak ding caah nikhat ah minute 15 hmanh CAAN pek a siang lo mi le a rel zuam lomi zumtu nunnak hi, Pathian nih ka duhnak theih a duhmi a si ko tiah a zumh lai tiah na ruat maw?
Pathian duhnak hngalh nak caah kar khatnak cu, Sungkhannak, Nun hlawtnak (Surrender) hi asi. Kanmah duhnak kha hlaw in amah duhnak ah I thial kha asi. Kar hnihnak cu, Cathiang asi. Abia rel, nun in dawp, a bia chim chin, tuaktan hlathlai I nun lam hruaitu ah ser le hman kha asi. A duhnak hmai ah na kun I, a duhnak kha na rel peng ahcun, a duhnak kha na hngalh ko lai.
Pathian bia hi a tlawmbik nikhat ah minit 15 in ni 30 chung rel dingin na pum I pe. Thlakhat a tlin tikah, cathiang in na cawn khawhmi vialte kha tuak than ruat than law Bawipa sinah nifatin te pehzul in Bible, Pathian bia, Pathian nih kan sin ah a duhnak a phuannak cauk kha re kho mi na si khawh nakhnga, Pathian sinah bawmh hal. Na caah Bawipa duhnak zeidah asi cu a roah hlan ah na theih ko lai. Pathian bia cu a nung, kaphnih har vainam nak in a thawng deuh. Minung nunnak kha a hlanh khawh dih tu asi. Pathian bia rel hi, Pathian duhnak hngalh khawh nak lam hmasa bik asi.
Zathawngcin
Bethel Baptist Church
Lewisville, Texas, USA
Comment Box is loading comments...
