LUNGSAUNAK LE RUAHCHANNAK
“Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, kawm chung Satil run kha um loin Satil inn ah Satil kha um hmanh hna hlah seh law, Bawipa ah cun kaa lawm thiamthiam ko lai I, a ka khamhtu Pathian cu ka lawmh thiamthiam ko lai.” Habakkuk 3:17-18
Amui I khuaruah har dir hmun va phaknak chung in zeitluk thapeknak biatha dah asi! Nawl a ngai lo mi Israel hna cungah Pathian nih tih a nung taktak mi dantatnak a tlun ter lai nak kong ah lungrethei in a um lio ah kap khat ah hi thil vialte nawl ngeitu cu Pathian asi ti kha a hngalh I azumh fawn caah Habakkuk cu zeituah awk hngal lo in a um. Sihmanhseh, Pathian thil tuah mi hi kan cungah lawmhnak petu si lo in, thei tha tlai hlah hmanhseh, Pathian cu a dik zungzal I a tha pengtu asi, ti kha a hngalh than.
Habakkuk nih a nunnak I a buaipi ngaimi thil kha a sunglawi mi bia in a donghter; Temhtuarnak ra in, lawmhnak le Pathian bawmhnak vialte cu ro caar in ziam dih ko hna hmanhseh, Bawipa ah kaa lawm ko lai, tiah ati. Pathian cu kan nunnak a kilhkamh tu menmen siloin kan khamhtu asi ti kha Habakkuk nih fiang tein a hngalh caah ka nunnak ah zeibantuk thil hmanh tlun ter ai kun Pathian cu a ka khamhtu a si caah a cungah kaa lawm zungzal ko lai ti kha a dirhmun asi.
Habakkuk nih a miphun he an ton dingmi thil tihnung teinak ah a hmanmi hriamttha cu, Pathian Zumhnak asi. Hi Zumhnak hi Pawngkam thil nih a sersiam khawh mi, nunnak ah a cangmi thil nih a thanter I a zor ter khawh mi si lo in chunglei lawmhnak hrampi, Zumhnak khi asi. Caan tampi ah kan I lawmhnak le kan zumhnak hi kan tonmi thil nih a remh khawh I a hrawh khawh tawn. Kan hlawh a tlin tikah Bawipa ah kan I lawm I, kan chanbau tikah kan vuivai I lawm lo in kan um theu. Habakkuk zumhnak cu pawngkam thil nih a chuahpimi siloin chunglei lawmhnak asi. Hi zumhnak nih cun, kan I lawmh khawh nak ding caah, Rumnak a herh lo, thinlung taksa lawmhnak a herh lo. Thinlung taksa nih harnak a tuar I harsatnak chung I a um cuahmah lio zongah aa lawm kho mi Zumhnak a si. Nunnak ah a hraang bikmi thlichia chung zong in, “Pa duhnak tuah si ko seh,” tiah a chim kho mi zumhnak khi asi.
Habakkuk ni harnak an ton caan ah, Pathian aa dawhnak kha fiang tein a hngalh i a hmuh khawh. Pathian nih kan caah a chiahmi cu a tha bik asi zungzal ti kha fiang tein a zumh. Adik mi zumhnak lawng nih kan cungah a tlungmi thil vialte hi Pathian thawngin a tha mi an si ti kha a hmuh khawh tawn. Zumhnak dik lawng nih, harnak kan ton lio caan le, Pathian nih kaltak mi kan lawh lio caan ah, Pathian cu kan khamhtu asi tiah a ti khawh. Cu ZUMHNAK cu tuni na ta si ve hram seh.
Zathawngcin
November 20, 2013
Amui I khuaruah har dir hmun va phaknak chung in zeitluk thapeknak biatha dah asi! Nawl a ngai lo mi Israel hna cungah Pathian nih tih a nung taktak mi dantatnak a tlun ter lai nak kong ah lungrethei in a um lio ah kap khat ah hi thil vialte nawl ngeitu cu Pathian asi ti kha a hngalh I azumh fawn caah Habakkuk cu zeituah awk hngal lo in a um. Sihmanhseh, Pathian thil tuah mi hi kan cungah lawmhnak petu si lo in, thei tha tlai hlah hmanhseh, Pathian cu a dik zungzal I a tha pengtu asi, ti kha a hngalh than.
Habakkuk nih a nunnak I a buaipi ngaimi thil kha a sunglawi mi bia in a donghter; Temhtuarnak ra in, lawmhnak le Pathian bawmhnak vialte cu ro caar in ziam dih ko hna hmanhseh, Bawipa ah kaa lawm ko lai, tiah ati. Pathian cu kan nunnak a kilhkamh tu menmen siloin kan khamhtu asi ti kha Habakkuk nih fiang tein a hngalh caah ka nunnak ah zeibantuk thil hmanh tlun ter ai kun Pathian cu a ka khamhtu a si caah a cungah kaa lawm zungzal ko lai ti kha a dirhmun asi.
Habakkuk nih a miphun he an ton dingmi thil tihnung teinak ah a hmanmi hriamttha cu, Pathian Zumhnak asi. Hi Zumhnak hi Pawngkam thil nih a sersiam khawh mi, nunnak ah a cangmi thil nih a thanter I a zor ter khawh mi si lo in chunglei lawmhnak hrampi, Zumhnak khi asi. Caan tampi ah kan I lawmhnak le kan zumhnak hi kan tonmi thil nih a remh khawh I a hrawh khawh tawn. Kan hlawh a tlin tikah Bawipa ah kan I lawm I, kan chanbau tikah kan vuivai I lawm lo in kan um theu. Habakkuk zumhnak cu pawngkam thil nih a chuahpimi siloin chunglei lawmhnak asi. Hi zumhnak nih cun, kan I lawmh khawh nak ding caah, Rumnak a herh lo, thinlung taksa lawmhnak a herh lo. Thinlung taksa nih harnak a tuar I harsatnak chung I a um cuahmah lio zongah aa lawm kho mi Zumhnak a si. Nunnak ah a hraang bikmi thlichia chung zong in, “Pa duhnak tuah si ko seh,” tiah a chim kho mi zumhnak khi asi.
Habakkuk ni harnak an ton caan ah, Pathian aa dawhnak kha fiang tein a hngalh i a hmuh khawh. Pathian nih kan caah a chiahmi cu a tha bik asi zungzal ti kha fiang tein a zumh. Adik mi zumhnak lawng nih kan cungah a tlungmi thil vialte hi Pathian thawngin a tha mi an si ti kha a hmuh khawh tawn. Zumhnak dik lawng nih, harnak kan ton lio caan le, Pathian nih kaltak mi kan lawh lio caan ah, Pathian cu kan khamhtu asi tiah a ti khawh. Cu ZUMHNAK cu tuni na ta si ve hram seh.
Zathawngcin
November 20, 2013
Comment Box is loading comments...