NA TLAIHCHAN TUK NAIN AN DAW THAN VE LO MI SIASAL
Justin Buzzard timi pa cu Fuller Theological Seminary in M.Div a awngmi asi; khrihfabu tampi zong a dirhtu le “Dare You Wife” timi cauk minthang zong a tial tu asi. A catial mi tampi lakah, Na Dawttuk tung nain an daw than ve lo mi siasal tiah a tialmi hi ka nunnak ah khua a ka ruahter ngaingai caah lai holh in ka hunthar chuah ve.
Mi vialte hi thil pakhatkhat kan i nunpi dih. Cu kan I nunpi mi cu, zungzal a nung I a dikmi Pathian asi lo poah ahcun, pathian deu asi caah, SIASAL asi. Siasal cu kan nunnak ah Pathian nakin a biapi deuhmi thil poh kha asi. Cucaah thil tha hmanh hi a can ah cun Siasal ah kan can ter tawn. Chungkhar, Hlawtlinnak, Tangka, si kan duhmi kan I tinhmi tbk.. hmanh hi kan nunnak caah thil tha an si nain, kan caah pathian deu, Siasal, Pathian nak in kan duhdeuh i, nitin kan nunnak ah kan biakmi ah an cang kho.
Cucu SUAL asi. Sual timi cu, na nunnak kha Pathian nakin, thildang cungah na dirter khi asi. Nihin ah a hmai ah na kun I na biakmi Siasal zeidah asi na hngal maw? Zeitindah na Siasal na hngalh khawh lai! Na Nunnak ah na dawt na tlaihchan tuk nain an daw than ve lo mi poah cu Siasal an si. pathian deu nih cun an daw bal lo. Siasal nih cun a biakam a zul bal lo. Pathian nakin biapi deuh ah na chiah i naa nunpi, na tlaihchanmi thil poahpoah nih, na Nunnak cu an Dawp lai I, an Hrawh lai.
Jesuh he pehtlaihnak cu, na siasal zeidah a si kha na hngalh i, na kal tak bak khan aa thok tawn. Jesuh nih rian a tuan lio ah mipi sin ah zeidah a tuah tawn tiahcun, a cawnpiak mi hna I an siasal zeidah asi kha fiang tein a hngalh i, a mah an zulh I an biak khawh nakhnga caah, an siasal kha zeidah asi ti kha a chimh hna lawng siloin, siasal kal tak ding kha a fial tawn hna.
Nihin khrihfa tampi tulio vawlei nunphung nih a kan dolhnak cu kan nunnak chungah a ummi Siasal kha Jesuh in kan thlen tawn lo caah asi. A cheu nih Jesuh cu kan nunnak ah kan hun chap sawk nain, kan nunnak laicer taktak cu Siasal cungah a dir rih tawn I kan siasal kha fektuk in kan I tlaih peng thiamthiam caah vawlei nunphung ah kan khrihfa sinak cu a ziam tawn.
Americans pawl nih zalonnak timi cu, zeihmanh nih temtawn lo in mah duhmi poah tuah khawh khi asi tiah an ruah. Kan theih khawh lo mi cu, mikip nih bawi kan ngeih hi asi. Thil pakhatkhat poah a biami minung kan si. Kan biakmi thil poah kha kan Bawi asi. Siasal nih bawi tha lo aser. Sal ah a kan zuat. Na nunnak ah a ummi siasal zeidah a si ti kha na hngalh hlan lo poah cu, sal ah an zuat peng lai, na ba lai, lawmh lo nak in na khat lai nain, zeiruangah a si kha na hngal lai lo. An luatter khotu taktak Jesuh asi ti kha na hngalh I na fuh hlan lo poah cu siasal pennak tangah na um lai I, nun thilrit in na um peng ko lai. Jesuh lawnglawng hi, na hlawt hmanh ah an DAW zungzal dingmi Bawi asi. Na siasal nih cun zeitik hmanh ah an daw lai lo. Na nunnak chimpit vansang a phanh I na sualtuk can zongah, an daw zungzal dingmi Bawi taktak cu Jesuh lawnglawng asi. Fimnak tling , thawnnak le thatnak tlamtling he na nunnak a uk khotu zong amah lawnglawng asi. Na zumh khawh mi le zumh awk a tlakmi zong a mah lawnglawng asi. Jesuh lawnglawng hi LUATNAK tlamtling an pe khotu dingmi BAWI asi.
“Ka fale hna, pathian deu (Siasal) kha va hrial hna u.” I Johan 5:21
Bawipa nih sunparnak co ko seh.
Zathawngcin
September 6, 2016
Mi vialte hi thil pakhatkhat kan i nunpi dih. Cu kan I nunpi mi cu, zungzal a nung I a dikmi Pathian asi lo poah ahcun, pathian deu asi caah, SIASAL asi. Siasal cu kan nunnak ah Pathian nakin a biapi deuhmi thil poh kha asi. Cucaah thil tha hmanh hi a can ah cun Siasal ah kan can ter tawn. Chungkhar, Hlawtlinnak, Tangka, si kan duhmi kan I tinhmi tbk.. hmanh hi kan nunnak caah thil tha an si nain, kan caah pathian deu, Siasal, Pathian nak in kan duhdeuh i, nitin kan nunnak ah kan biakmi ah an cang kho.
Cucu SUAL asi. Sual timi cu, na nunnak kha Pathian nakin, thildang cungah na dirter khi asi. Nihin ah a hmai ah na kun I na biakmi Siasal zeidah asi na hngal maw? Zeitindah na Siasal na hngalh khawh lai! Na Nunnak ah na dawt na tlaihchan tuk nain an daw than ve lo mi poah cu Siasal an si. pathian deu nih cun an daw bal lo. Siasal nih cun a biakam a zul bal lo. Pathian nakin biapi deuh ah na chiah i naa nunpi, na tlaihchanmi thil poahpoah nih, na Nunnak cu an Dawp lai I, an Hrawh lai.
Jesuh he pehtlaihnak cu, na siasal zeidah a si kha na hngalh i, na kal tak bak khan aa thok tawn. Jesuh nih rian a tuan lio ah mipi sin ah zeidah a tuah tawn tiahcun, a cawnpiak mi hna I an siasal zeidah asi kha fiang tein a hngalh i, a mah an zulh I an biak khawh nakhnga caah, an siasal kha zeidah asi ti kha a chimh hna lawng siloin, siasal kal tak ding kha a fial tawn hna.
Nihin khrihfa tampi tulio vawlei nunphung nih a kan dolhnak cu kan nunnak chungah a ummi Siasal kha Jesuh in kan thlen tawn lo caah asi. A cheu nih Jesuh cu kan nunnak ah kan hun chap sawk nain, kan nunnak laicer taktak cu Siasal cungah a dir rih tawn I kan siasal kha fektuk in kan I tlaih peng thiamthiam caah vawlei nunphung ah kan khrihfa sinak cu a ziam tawn.
Americans pawl nih zalonnak timi cu, zeihmanh nih temtawn lo in mah duhmi poah tuah khawh khi asi tiah an ruah. Kan theih khawh lo mi cu, mikip nih bawi kan ngeih hi asi. Thil pakhatkhat poah a biami minung kan si. Kan biakmi thil poah kha kan Bawi asi. Siasal nih bawi tha lo aser. Sal ah a kan zuat. Na nunnak ah a ummi siasal zeidah a si ti kha na hngalh hlan lo poah cu, sal ah an zuat peng lai, na ba lai, lawmh lo nak in na khat lai nain, zeiruangah a si kha na hngal lai lo. An luatter khotu taktak Jesuh asi ti kha na hngalh I na fuh hlan lo poah cu siasal pennak tangah na um lai I, nun thilrit in na um peng ko lai. Jesuh lawnglawng hi, na hlawt hmanh ah an DAW zungzal dingmi Bawi asi. Na siasal nih cun zeitik hmanh ah an daw lai lo. Na nunnak chimpit vansang a phanh I na sualtuk can zongah, an daw zungzal dingmi Bawi taktak cu Jesuh lawnglawng asi. Fimnak tling , thawnnak le thatnak tlamtling he na nunnak a uk khotu zong amah lawnglawng asi. Na zumh khawh mi le zumh awk a tlakmi zong a mah lawnglawng asi. Jesuh lawnglawng hi LUATNAK tlamtling an pe khotu dingmi BAWI asi.
“Ka fale hna, pathian deu (Siasal) kha va hrial hna u.” I Johan 5:21
Bawipa nih sunparnak co ko seh.
Zathawngcin
September 6, 2016
HTML Comment Box is loading comments...
